12-15-2014
|
#89
|
قفلت ريما وطلبت من فهد يوقف .. فهد يوقف وهو متردد يسمحلها تنزل ...
فهد :خلاص قررتي
ريما فتحت الباب ونزلت من دون ماترد عليه هنا فهد حس انه بموت وهو يشوفها تنزل بكل سهوله ولا همها
نزل علشان شنطتها فتح الصندوق ونزل شنطتها كانت بتاخذها منه بس رفض
فهد بعصبيه :انا بحملها
مشت ريما وفهد يمشي معها فتحت المصعد وضغطت رقم اربعه وهي ماتبي تناظر بفهد علشان ماتحس بالذنب انها بتتركه
وهي ماخذه انها بعمرها ماراح تشوفه .. وقفت عند باب الشقه وتناظر الترتيب والنظافه
فهد وقف ويحس ان قطعه من قلبه انقطعت فتح المحفظه وطلع فلوس ومده لريما :اذا احتجتي شيء ؟
ريما ناظرت فهد وصارت قلبها يدق حست انها لحظه الوداع قربت :لا مشكور معي اللي يكفيني
فهد عصب عليها وصار صوته عالي ومسموع :ريما خذي لاسحبك مع شعرك ورجعك السعوديه فهمتي تراك تعبتيني غلطه وسوينها شصار
ريما خافت بلعت ريقها :بس انا معي اللي يكفيني
فهد :من وين لك ؟
ريما خافت انه يغصبها ويفضحها قدام اهل البنايه :من المهر
فهد :اسمعي انتبهي على نفسك علاقات مثل ماقلت قبل مافيه ...
ريما لما سمعت تعليماته كلها حست انه ماراح يتركها وراح يسال عليها :ايه سمعت
لينا لما سمعت اصواتهم فتحت الباب وصارت تبسم لهم
لينا :هلا وغلا
ريما سلمت عليها .هلا فيك
لينا ناظرت فهد واستغربت من عصبيته اللي باينه فيه وكان معجبها ابتسمت له ومدت يدها :هلا
فهد سلم عليها :هلا فيك ...
لينا :تفضلوا
فهد خاف وعرف من حركه لينا انها عادي تدخل رجال للبيت :لا انا استاذن وماابي اوصيك على ريما
ريما عطته نظره وبصوت واطي مايسمعه غيره :ماني بزر
فهد قرب منها ويهمس لها :والله لو اسمع انك مسويه شيء لاكسر راسك
ريما بعصبيه :خلاص درست الاجواء الحين شرايك ترجع وتتصل على الريم تعطيها اخر الاخبار
فهد بعد عنها :مع السلامه
ريما لما راح فهد حست انها حقيره ماقدرت تسامحه على غلطه بسيطه وهو ماقصر معها قعدت تتامل حسناته قطعت عليها لينا ..
لينا :ريما ليش ماتدخلين تعالي اعرفكم على البنات
دخلت ريما وهي متفائله ومو مصدقه للي وصلته وكل هذا بفضل الله ثم فهد
دخلت شافت الاثاث المتناسق والالوان الحلوه وكانت كلها اصفر واحمر وبنفسجي الوان بناتيه وحلوه تناسب اعمارهم
وشافت بنتين حلوين قاعدين يلعبون بلاستيشن دخلت عليهم لينا وهي تنطط وكانها مسويتها مفاجاه
لينا :وهذ ريما
البنتين انبسطوا وراحو يسلمون عليها لينا تمد يدها تعرفهم على بعض
لينا :هذي ساره وهذي نهى
ريما ابتسمت ارتاحت لهم حستهم مثلها تذكرت فاطمه كان فيها شبه من ساره كثير
ريما :تشرفنا
ساره :والله بوجودك
نهى :تعالي افرجك على الغرفه
لينا تصارخ عليها :نهى انا شقلت ريما معي بتنام بالغرفه
ريما تضحك :ياجماعه هدوا ترى على فكره انا اشخر واروح ملح لما انام
البنات ضحكوا على ارتياح ريما لهم وصاروا يمزحون معها وهم جالسين مع بعض وكانت لينا مجهزه اكل حلو ..
دخلت وحده عليهم كان شكلها صاحيه من النوم دخلت عليهم معصبه
...:ليش تصارخون .؟؟
ريما ساكته تناظرها والبنات صاروا يتاففون وهم يشوفونها
لينا :سلمي على ضيفتنا ريما
ريما ابتسمت :هلا
لينا :هذي جيهان .
جيهان ابتسمت بجفاء بحركه استهزاء :اهلين بعدين اسمي جيجي كم مره اقولكم
لينا :عن اللقافه رحبي في البنت وعن الحركات
جيهان :لينا ماني رايقتلك
ريما :هدوا ياجماعه ماله داعي الخناقه على ايش ؟
نهى تاشر للينا تسكت لينا سكت وظلت جيجي تصارخ لحد ماطلعت من الصاله والبنات ماسكين روسهم من صوتها ...
ريما :بنات اشفيها هذي ؟
ساره :خبله معليك منها مو طبيعيه
نهى برقه :عيب سوسو مايصير معليك ريما هي عصبيه دايما بس حاولي تجنبيها
ريما :اوكيه
وصاروا ياكلون وكل وحده تعرف عن نفسها بارتياح وبدون حواجز ..
ساره :عمرها 24 سنه سمراء شوي طويله ونحيفه مره وشعرها قصير مره (بوي ) قلبها طيب وراعيه وناسه
وبايعه الدنيا امها اسبانيه وابوها سعودي وهي غنيه وقلبها طيب ومستعده تساعد أي احد وتدرس حقوق سنه رابع ...
نهى :21سنه تدرس اداره اعمال دبوبه وبيضاء قصيره شوي وشعرها اشقر عفويه واللي بقلبها على لسانها
هي بالاصل ساكنه بصلاله وهو سعودين بس ابوها متوفي وهي جايه تدرس مع اخوها ...
لينا 24سنه بنت حلوه وطيبه واكانت نوال تمدحها لريما بجمالها متوسطه الطول وبيضاء وشعرها طويل حناوي وعيونها كبار وسوداء
تمتلك الجمال البدوي وجسمها راوي وحلو وتميز بالجاذبيه عايلتها من الطبقه الوسطى يعني اللي يمشي حالها تدرس التصميم وعالم الازياء اخر سنه
جيهان :30 سنه غريبه اطوار وعصبيه دايما ويبان في شكلها طويله وبشرتها حنطيه على برونز ونحيفه مره لدرجه ان ريما شكت ان عندها انيميا
كانت ملامح وجهها قاسيه وتخوف حتى ريما لما شافتها مارتاحت لها كانت تشتغل بشركه تصميم ازياء هي عايشه طول عمرها مع جدتها
بعد ماتركتها امها مع ابوها وابوها رماها عند جدتها البريطانيه وهي قررت تشوف حياتها وطبعا جدتها تركتها قالوا لريما قصتها لما تركها خطيبها علشان شغلها ..
رانيا وهي تجهز نفسها بعد تحذير من مازن لها انهم بيطلعون من البيت وماتدري وين بيرحون ومافكرت تساله دخل مازن وشافها لابسه وجاهزه
مازن :يله نمشي
رانيا :ابي اكلم اهلي
مازن بطفش :كلميهم بعدين
رانيا بعصبيه :لا مابي الحين اكلمهم
مازن مسكها من ايدها وسحبها :يله قدامي
نزلت رانيا وهي ماسكه دموعها وتفكر شسوت بحياتها علشان تلقى هالعذاب كله وخلها تركب السياره بالغصب وصار وا يمشون بالسياره
وهي تناظر مازن ووجهه اللي ماليه المكر وهي ماتدري ايش يبي منها وليش يعذبها ..
فهد توه يدخل البيت ويحس بالضيقه بصدره وهو يفكر بريما وصورتها ماتروح من باله كان بيدخل غرفته وشاف باب مكتبه مفتوح
دخل فهد وشاف درج المكتب مفتوح وصوره مع الريم مرميه مبعثره بدرج وعرف انها ريما سوت كذا بعد ماكانت مرتبه
قفله بقوه وانتبه لظرف كبير ماهو بغريب عليه فتحه وشاف فلوس فيه وعرف انه المهر ان ريما رجعته له
رماه بعيد عنه على درج كبير لدرجه من قوه الضربه طاحت الكتب اللي فيه وصار يصارخ ويلعن ريما
فهد :هين ياكذابه والله لاوريك معليه اوريك يابنت يوسف من وين تعيش هذي ...
ناصر دخل غرفته علشان ينام ويحس بالتعب شاف مها قاعده ترتب ملابسها لما شافته طلعت من الغرفه بس ناصر نادها
ناصر :مها شفيك ؟
مها بقرف :ابد مافيني شيء
ناصر :ياريت نكون واضحين مع بعض
مها :ناصر اللي شفته واضح وكثير بعد وحتى الاعمى بيشوف خلاص يوم انك ماتبيني ليش تزوجتني
ناصر يسكتها ويحاول يوصل معها لحل :يابنت الناس انا ماخذك بارادتي واللي صار شيء عادي
لقيت الغرفه مفتوحه ونمت وراحت على نومه مااقصد غرفتها بذات
مها :ياريتها جات على الغرفه بس
ناصر عقد حواجبه وخاف انها تكون عارفه شيء :شقصدك ؟
مها وهي طالعه :ولاشيء
ناصر تركها تتطلع حس انه مستحيل يوصل معها لحل لمشكلته وفي الاول والاخير هذي مشاعره مستحيل يقدر يتحكم فيها ...
|
|
|
|
|