وراحت للشنطتها علشان تمسح المكياج وتنام شافت علبه صغيره حمراء علبه خاتم فتحتها ولما شافتها كان خاتم امها الذهب
كان بسيط وبان عليه انه قديم عرفت انه هديه من امها لانها ماقدرت تجمع حق هديه بكت وهي تحط الخاتم بيدها وتبوسه
وناظرت لقت ورقه معه فتحتها كانت مستطيله وكانت شيك وشهقت لما شافت المبلغ كان 60الف ريال كان من خالها
ريما انبسطت بالمبلغ لانها ماراح ترفضه لانه بيساعده توفي حق اللي صرفته من المهر وترجعه لفهد
بعد ماكنت ناويه تقترض من احد تعرفه وتعطيه فهد علشان لا يذلها والباقي بتعطيه امها ...
ريما لبست بيجامه وتاكدت ان الباب مقفول ومدت نفسها على السرير المزدوج وهي حيارانه شبيكون فهد يسوي؟؟
مدت نفسها على السرير وهي تلعن فاطمه هي السبب ونامت وهي تفكر بفهد وموقفه لما تركته برى
فهد لما سمع الباب انقفل بالمفتاح ابتسم وتوعدها :والله لاخذها ياريما مااكون فهد تحسبيني متقطع عليك بس باخذ اللي ابي
ومد نفسه على الكنبه ونام بسرعه لانه تعبان وهو يسال نفسه الريم لاحد الحين مادقت عليه ولا فكرت
ناصر وهو يتذكر شكلها بالعرس امس اكانت قمه الروعه بس قهرته لما رفضت تسمع كلامه وعاندت
وبعد لما رفضت مساعده مها لما كانت بتصورهم مع بعض حس انها متكبره ويرجع يكسر خشمها لان الكلام اللي قاله لها باين انه مااثر فيها
التفت ناصر على السرير وناظر مالقى مها مكانها تمطط على فراشه وراح للحمام فتح الباب لقى مها تنفس بصعوبه قاعده بالارض
ناصر بخوف وهو يرفع شعره عن وجهه حملها بصعوبه :مها شفيك ؟
مها بتعب :مادري
ناصر خاف انها اجهضت من كثر الشغل امس :مها ردي علي بايش حاسه
مها اغمى عليها ماقدرت تكمل كلامها :....
حمللها وطار فيها للمستشفى وهو خايف عليها ودخلها على الطوارىء ولما انتظر بعد ساعه طلعت الدكتوره ولحقها للمكتب
ناصر بخوف :دكتوره فيه شيء خطير ؟؟
الدكتوره باسف :انت تعرف ان زوجتك مريضه بالقلب
ناصر استغرب لان مها ماذكرت له شيء مثل كذا :ايه ادري
الدكتوره :وهي حامل فياستاذ ناصر اقولك من الحين ان الولاده ممكن تاثر على حياتها خاصه بعد مازاد وزنها
ناصر ماصدق اللي يسمعه :ماينفع تنزل الجنين
الدكتوره :لا ماينفع صارلها اربع شهور بالعكس بيضرها اكثر
ناصر حس ان الدنيا تدور فيه :طيب راح ياثر على الجنين ؟
الدكتوره :ماضمن لك أي شيء الواحد يوقف عاجز امام هذا الحاله اقولك نسبه نجاته 57./
ناصر وهو يحتسب الله :لا حول ولاقوه الا بالله العلي العظيم
ناصر قام من عند الدكتوره وهو مسلم امره لرب العالمين يالام يالولد ياثنينهم .....
اخذ مها من الغرفه ورجع لبيت بعد ماعطوها اكسجين ومقويات سائله علشان متاثر على الجنين
ناصر بالسياره :ليش ماقلتي لي انك مريضه بالقلب
مها بخوف :ماكنت ابي اقولك لانك لوتعرف مستحيل تخليني احمل
ناصر بعصبيه :تدرين ان لها اثرعلى حياتك شلون تفكرين كذا ؟
مها بحزن ودموعها من تحت الغطا على خدودها :امر رب العالمين مانقدر نعترض عليه حرام احرمك من الضنا
ناصر سكت حس انه ثقل على مها وهو يلومها وو في الاخير حكم وقضاء وقدر من االله ...
ريما وهي تفتح عيونها بصعوبه على صوت الباب يدق وتسمع فهد يصارخ
فهد :ريما اصحي بسرعه رحلتنا بتروح
ريما قامت بكسل لفت العبايه عليها وفتحت له وهي تعدل شكلها :نعم
فهد وهو يشوف عيونها الي طفسوا من النوم :الله ينعم علي صح النوم اخلصي اجهزي طيارتنا بعد ساعتين يمدي نروح لاهلي
ريما وهي تناظر فهد وتشوف لبسه :ترى واهلي بروح لهم والله مستعجل كاشخ وبتروح
فهد يضحك :كاشخ حتى وجهي ماخلتيني اغسله بالله عليك فيه حرمه تنام وزوجها نايم برى ومنكسر ظهره من الكنبه انا باقي يامدام بملابسي امس
ريم رفعت حواجبها :طيب ادخل وغسل وسو الي تبي
فهد وهو يمسح على شعره ويناظر الغرفه والسرير اللي كانت نايمه عليه وكانه حاسدها على النومه المريحه
ريما كانت تناظره وهو يدخل الحمام (وانتوا بكرامه ) وتناظر جسمه ومشيته المتناسقه وهو يسرق النظر للغرفه
ريما :لاتطول لاني بدخل بعدك
فهد لف عليها :خلاص ادخلي انت وانا بعدك لاني بتحمم
ريما بموافقه :خلاص
راحت ريما تأخذ لها ملابس وهي تسحب عبايتها وراها وفهد يراقبها بعيونه اخذت اغراضها وهي ماره جنبه داس على العبايه وكانت بتطيح
فهد بضحكه :استغفر الله ماله داعي العبايه
ريما وهي تلم العبايه من تحت :عن اللقافه
دخلت وفهد يضحك على حركاتها مثل البزراين ...
ناصر وهو يعسر راسه يبي ينسى الل صاير مع مها خرج من الغرفه وهو تارك مها فيها ترتاح نزل والدنيا تدور فيه ويحس انها ضده
راح للصاله لقى رانيا قاعده لحالها على التلفزيون لما شافته فز قلبها وهي تشوف التعب اللي تجهل سببه بعيونه
وقفت ومرت من جنبه علشان تتطلع .. ناصر لما شافها حس هي الوحيده اللي بتشيل همه معه وقفها بايده علشان ماتطلع
ناصر يناظرها بترجي :ممكن اتكلم معك شوي
رانيا وهي خافت لما شافت متدهور :ايه
ترك يدها وقعدت مقابله وهي تنتظره يفتح الموضوع اللي شاغله وارتاحت اكثر انه اختارها من بد الموجودين يقول لها اللي مضايقه
ناصر بهدوء :رانيا اللي اعرفه انك صديقه مها من زمان
رانيا وهي تامل شكله اللي صار لها ماتأمل فيه من قريب :ايه
ناصر :ماذكرتلك مره شيء صحي عندها
رانيا بخوف على مها :مثل ايش ؟
ناصر :اليوم تعبت ولما وديتها للمستشفى الدكتوره بلغتني ان عندها القلب
رانيا حطت يدها على فمها :متاكد
ناصر وهو يناظر رده فعل رانيا الغير متوقعه على كثر ماسوت مها برانيا لما تشك فيها :من جدك مستحيل مااذكر انها قالتلي مره عن المرض
ناصر :تعبت اكثر بعد الحمل ولما زاد وزنها وكبر بطنها وقالت الدكتوره ماراح تحمل ولاده ويمكن ياثر على حياتها هي والجنين
رانيا شهقت :لا مستحيل كيف صار
ناصر وهو متشوق يسمع كلمه عتاب منها ولو تضربه راح يسلم نفسه لها :اه يارانيا تعبان مادري ايش اسوي؟
رانيا بجديه :خلهم يسون لها عمليه
ناصر :مانقدر نسوي لها قصطره لانها حامل وخايفين يصير لها نزيف او يتضرر الجنين
رانيا باسف :الصبر ياناصر خلك قوي ولا تنكر رحمه رب العالمين
ناصر :رانيا لو تمو
رانيا قاطعته :لا ياناصر لا تقول كذا انت اقوى من كذا الكل معك لاتخاف
ناصر وهو يحس بضيقه :اه يارنيا نفسي اسمع منك كلام غير كذا
رانيا حست انهم بيدخلون بموضوع غير وقفت مستاذنه وبعدت عنه في وقت هو محتاجها فيه ....
مصدر حيـاتي -[ عزتي ]- واعذرينـي ..
مقدر اواصل بالهوى
-[ حـــاني الراس ]- ..
صحيح حبك نقـــطة -[ الضعف ]- فــــيني ..
ماانكرت
لـكن
-[ عـــزتي ]- مالــها -[ قـــياس ]-..