منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

ريما وهي تمسك رانيا وتهديها :رانيا وطي صوتك
رانيا وهي تبعد عنها :وخري عني لازم اوقفه عند حده
ريما مسكتها وخلتها تثبت :رانيا شتبينه يقول عنك اذا طلع احساسك خطأ بالله عليك كيف بيكون وجهك وبعدين توقعين لو يحبك راح يعترف قدام الكل صحصحي ياجوليت انتي وين هو مبسوط برى ان مها حامل وانتي تقطعين بنفسك بذمتك ناظري المرايه وشوفي وجهك كله علشان ناصر خلاص فكري بمحمد هو اللي بسعدك وهو اللي بيعوضك عن ناصر
رانيا وهي تمسح دموعها :ليش يعاملني كذا صدقيني ريما يدري اني احبه ويستغل قلبي
ريما عصبت :رانيا اعقلي ناصر متزوج انسيه انتي بتتزوجين واذا هو يحبك اكيد انقهر وكل تبن بعد انتي على ايش حارقه اعصابك
رانيا وهي تحس انها ثقلت بالكلام مع ريما وهي مو ناقصه :يله نطلع اكيد امي تسال عنا
ريما مسحي وجهك والله كان احد مكفخك
رانيا وهي تضحك وقاعد تفرك خدودها علشان مايبان شيء :ضحكيني تكفين
ريما :لا والله مستر بين انا
رانيا وهي طالعه وماسكه ايد ريما وشافوا مها تحضر الاكل على الطاوله رانيا ساعدتها وريما بعد لين ماخلصوا ونادوهم على الاكل
ناصر بسرعه قعد يدور رانيا بعيونه ولما شافها انصدم باحمرار خدودها وعرف انها بكت تقطع قلبه وصار يلعن حظه لما سمع كلام جدته
وسوى نفسه مايشوفها وقعد ياكلون ويضحكون مها قامت ترقع بالكلام
مها :ناصر اذا كان ولد شراح نسميه ؟
ناصر ماحب يحرجها :نسميه تركي واذا بنت بسميها نوره
رانيا مادري شنو صار لها هاجت وصارت تصارخ والكل مستغربين :تخسى تسمي عيال مها باسماء خواني فاهم
ناصر ماتوقع رده فعل رانيا وصار بطنه يمغصه وماعرف شنو يرد
خديجه وهي تصارخ على بنتها :رانيا ايش هذاالكلام
رانيا وهي تكمل اللي كاتمته بقلبها :ليش ماتسمون باسم خالي ولا اسم ابوها ولا اسم امك ولا جدتك
ناصر عصب :رانيا انكتمي
رانيا رمت الشوكه من ايدها بقرف :تهنون
وعطتهم ظهرها ناصر قام وراها بس وقفها صوت ابوه
عامر :ناصر وين ؟
ناصر وهو يمسح على شعره بعصبيه :والله لاكسر راسها
عامر بعصبيه :اجلس ياناصر رانيا معصبه هاليومين ماتقصد
مها وهي تحس ان رانيا غارت منها :والله يبيلها تكسير
ريما قاطعتها وهي توقف :مها اطعمينا سكوتك
ناصر عصب اكثر :لا البنات انهبلوا خير اشفيكم انتوا
ريما :اسفين ياولد الخال اذا خربنا عليكم الجو والله مالنا داعي انحن جينا
ناصر : ريما
ريما طلعت وراحت لرانيا تشوفها .................
خديجه باسف ومستغربه من بناتها :اعذروني مادري اشفي البنات
ناصر :معليه ياعمتي هذولا خواتي عادي
عامر :لا تقولين كذا احن مقدرين
مها وهي تصب لناصر اكل بصحنه :كل حبيبي ..مراهقات
ناصر عطاه نظره تسكت :مابي اكل انسدت نفسي
رانيا وهي تمشيء على البحر مع ريما
رانيا وهي تمسح دموعها :ياهي حقيره مها
ريما :خلاص رانيا ليش معصبه ؟
رانيا وهي تمسك ياقه البلوزه اللي لابستها :خلاص ريما معاد اتحمل اسكن معها بنفس البيت
ريما :حرام الكلام اللي قلناه لناصر والله يزعل رانيا
رانيا بعصبيه :ليش ماتقولين حرام اللي يسويه فيني يبلعها ماهي زوجته السبب
ريما :يالله يارانيا مانبي نسوي مشاكل خلاص بنتزوج قريب خلينا نترك طابع حلو عند خالي وامي
رانيا والعبره واقفه بحلقها :اه ياريما مابي اتخيل ناصر وولده او بنته تدرين كنت شايله فكره الحمل من بالي ماتوقعت
ريما تقاطعها :ماتوقعت ايش اسكتي يارانيا انت بتتزوجين وتجبين عيال وتنسين ناصر وطوايفه وتضحكين على نفسك لما تذكرين نفسك الحين
رانيا :ريما ممكن تخليني لحالي ابي اعيد حسابتي
ريما حبت تخليها على راحتها وقبل ماتروح :رانيا ابي جوالك
رانيا بملل :ليش ؟
ريما لان جوالي مافيه شحن :لا بس بتصل بفاطمه
رانيا :بشنطتي
ريما راحت لانها في الحقيقه تبي تتصل بفهد وتساله عن المهر ...........رانيا وهي تناظر الامواج وتشوف الناس من بعيد يلعبون ومبسوطين وتفكر في نفسها ليش سوت اللي سوته وبينت غيرتها من مها انها بتجيب الضنا لناصر وينسيه رانيا ظلت رانيا تتأمل وافكارها توديها وتجيبيها .............
ريما وهي تدق رقم فهد ومتردده تتصل او لا وشافت من الاحسن انها تكلمه وتناقشه بلي سواه
ريما بنعومه :سلام عليكم
فهد كان من حسن حظه انه عند امه اللي من وقت ماخطب ريما وهي طايره بها :عليكم السلام كيف الحال ؟
ريما :الحمد لله
فهد :وين انتوا ؟
ريما وهي مستغربه انه مايعرف :ليش خالي ماقلك ؟
فهد :لا ماحبيت اطلع حشري واسئله
ريما :وش معنى تطلع حشري وتسألني ؟
فهد ضحك :هههههه زوجتي وابي اعرف وين تروح وين تجي ؟
ريما خقت على كلمة زوجتي وتمنت انها من قلب :ايه زوجتك المزيفه بالشاليه بالشرقيه
فهد :كيف الاجواء ؟
ريما وهي تذكر سالفه ناصر ورانيا :زفت
فهد :افا ليش زفت
ريما وتبي تغير السالفه :تعال انت ايش مسوي ؟
فهد وهو حس بلي تقوله :اشفيه
ريما :ليش مرسل هالمبلغ كله ليه بابني بيت
فهد :هذا حقك ياريما
ريما ومستغربه :أي حق انت اتفقنا ان زواجنا .......
فهد قاطعها :ريما انتي تبين الكل يشك زواجنا لازم يتم زي أي زواج وانتي لاتقصرين بنفسك
ريما مستغربه من فهد :لا يافهد حن ماتفقنا على كذا زواج عادي ايش بحتاج يعني
فهد ومستغرب من رفض ريما :ريما خلاص اعطي خالك وامك
ريما هي حاطه ببالها انها ماتصرف من الفلوس أي شيء حتى تلتقي فيه لانها تشوف مو من حقها انها تاخذه :فهد لقيت اوراق .........
قاطعها فهد بفرحه :اوراق ايش ؟
ريما بملل :بسم الله اصبر ممكن تفيدك وممكن لا بس هذا اللي لقيته
فهد بلهفه :ايه تكلمي عاجبك تخليني اقعد على اعصابي
ريما :لقيت اوراق وسندات امانه قديمه شكلها ماتسددت وعقود وصفقات مافهمت فيها ولقيت (وقطعت كلامها حست انه ماله داعي تقوله عن الشهادات )
فهد ومستغرب من سكوتها :ايه وايش بعد ؟
ريما :لا بس هذا اللي لقيته
فهد :ايه ممكن تفيدنا خلاص خليها معك .............
ريما :انشالله
فهد :الله الله بالزواج ابيه حلو انتي خليك طبيعيه اوكيه
ريما :طيب يله تبي شيء انا تعبانه من السفر
فهد :سلامتك يله مع السلامه
ريما قفلت الجوال ورمته تحت المخده وهي تفكر بفهد وتحس انه اناني ولايدور غير مصلحته ....
زهره وماازن قاعدين مع ابوهم يتكلمون بالشغل
زهره :انا برجع بكره لندن عندي شغل
سيف :ايه يابوك ابي ارفع راسي فيكم ... الاقولي لي زهره ايش صار مع بنات يوسف
زهره بملل :والله كسرنا روسهم واخر شيء لما كانت الفصعونه رافعه دعوه
سيف يضحك بصوته الخشن القوي :هههههههههه والله كبروا
مازن وهو معصب من رانيا اللي رفضته :تصدق انها الحقيره رانيا رفضتني الما كنت ابي اخطبها
سيف مستغرب :وليه تخطبها هي بذات
مازن :ابيها وبس
سيف بضحكه :بكره اسحبها مع شعرها وتتزوجك غصبن عنها
مازن :خلاص خطبها محمد ولد جيرانهم
سيف بجبروت وقوه :ومن هذا محمد انت مازن ولد سيف تأشر وتاخذ وهذي بنت عمك واولى من الغريب
مازن يضحك :ايش يعني ؟
سيف :هي لك
مازن كان فرحان برده فعل ابوه وانه بيكسر خشم رانيا اللي كسرت كلمته قدام ناصر وطلعته مثل الحشره
الساعه 2نصف الليل
ناصر داخل الغرفه كان سهران لحاله يتابع فلم ودخل ينام وهو يناظر مها اللي نايمه من زمان ويتمنى ان ولدهم لما يجي ماتعقد الحياه اكثر
طلع البلكونه وهو يمدد ايدينه بالهواء ويستنشق الجو النظيف ويتذكر رانيا وليش سوت كذا قعد يدور بعيونه وهو يسمع الهدوء ماغير صوت الامواج اللي ارتفعت وصار شكلها يخوف وفجأه لمح جسم ابيض يمشي صوب البحر من غير اهتمام وركز عيونه وشاف الشعر يطير على وجهه وكان لابس لبس ابيض بس كان قصير وعرف انها بنت كان بيرجع لما ركز وشاف لون الشعر والجسم عرف انها رانيا
ناصر وبخوف :هذي المجنونه ايش تسوي ؟
طلع من المكان وهو يركض للمكان اللي رانيا تمشي فيه ولما قرب اكثر تأكد انها رانيا ماقدر يتكلم وهو يشوف صارت من خصرها وتحت تحت الماء عرف انها قربت من المكان العميق وخاف انها اذا شافته تعند وتبعد بزياده