منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

خديجه وهي خايفه على بنتها :ريما يمه قومي
عامر :الظاهر تذكرت حاله اخوها ونوره
خديجه وهي تحسر :الله يرحمهم بس ياخوي ......
رانيا دخلت بخوف :ريما اشفيها يمه الشغاله قالتلي انها اغمى عليها
خديجه وهي تحكي اللي صار لرانيا
رانيا حطت يدها على قلبها انا الكلام اللي قالته ريما طلع في محله :وكيف صار هذا الكلام
ريما وهي تسمع كل شيء مثل الحلم خديجه :يابنتي يقولون حادث مدبر
رانيا خافت اكثر :لا تقولين الله ينجيه ويخليه لاهله
ريما رجعت نامت وخرجوا من عندها بعد ماتطمنوا عليها ...
وهم متوقعين انها تاثرت علشان تذكرت اخوها بس مايدرون انها تبكي على فهد واللي صار له ...
ناصرطلع من الغرفه وشاف اللي صار
رانيا شافته دخلت بسرعه لانها كانت لابسه بيجامه مبينه جسمها الفاتن ناصر انتبه لها بس سوى نفسه ماشافها
سال عمته وابوه على اللي صار وقالو له واستغرب شنو ذكر ريما بفهد وصاريشبك الاحداث ببعض لانه حس بشيء مو طبيعي ...
رانيا دخلت الغرفه وهي تحس ان ناصر شك بشيء وخافت اكثر لان
(ريما مستحيل انه اغمى عليها علشان القضيه اكيد انها تحبه ياربي استر ومايصير شيء وهذ المجنونه مادري شنو بتسوي لما تصحى )
مدت نفسها على الفراش ونامت
ريما الساعه 3 فجر صحت وهي تحس بدوخه ناظرت بساعه جوالها وتذكرت اللي صار
مسكت الجوال وصارت تدق على فهد ماتبي تصدق اللي صار وصارت تكتب مسجات كانها مثل المجنونه و تدور في الغرفه
ريما وهي فاتحه البلكونه وهي تتصل وتقفل :ياربي يافهد وينك مستحيل كله بسببي اكيد هذا مازن الحقير
بس هذا حادث شلون انا متاكده اني سمعت انه مدبر اكيد ياربي انا لازم بكره اروح له لازم كله بسببي
ياربي لايكون امي شكت بشيء فكرت تروح لرانيا وتعرف شنو امها وخالها قالوا لها بس خافت يقوم احد ويشوفها
ورانيا نومها ثقيل مستحيل تصحى اذا كانت نايمه ورجعت لفراشها وهي تندم انها دخلت فهد حياتها وتبكي حتى نشفت عيونها ونامت
الصباح ريما صحت الساعه 7 الصباح ونزلت مالقت احد وجلست بالصاله اذا امها نازله ووراها خالها كانهم يدورون عليها
خديجه بخوف :انتي هنا وانا ادورعليك
عامر :سلامتك هذا من قل الاكل
ريما :ارتاحوا مافيني شيء
خديجه :خرعتيني عليك
ريما :بتروح للشغل خالي اليوم
عامر :ايه بغيتي شيء ؟
ريما :لا
خديجه :انا بروح اخليهم يحطون الاكل
صحى ناصر وقعدوا وافطروا مع بعض رانيا انضمت لهم لما صحت علشان تتطمن على اختها
ونزلت وشافتهم متجمعين وريما عيونها حمراء عرفت انها كانت تبكي واستغربت ان احد ماعلق عليها اكيد انهم متوقعين من التعب ...
رانيا كانت تتحاشى نظرات ناصر لها وهو يحاول يستفزها فجاءه سمعوا صوت سياره ودق الناطور الباب
ودخل الضيف بعده بالغصب وهم ياكلون تفاجاو لما شافوا اللي قدامهم زهره
زهره وهي تميل بخصرها :صباح الخير ياحلوين
ناصر تفاجا لما شافها واقفه قدامهم بهالجراءه والجبروت :انت شتبين جايه هنا ؟؟
زهره :جايه اتطمن على بنات عمي صح ياريمي
ريما دق قلبها وخافت اكثر :مانبي نشوفك
زهره وهي تافف :ياربي ناس مايعرفون الذوق
عامر عصب من اسلوبها وقرف منها لماشاف عبايتها المزخرفه كانها فستان والمفتوحه ولبسها مبين
التنوره القصيره اللي لبستها والبلوزه اللي مبينه منها بطنها وحاطه خرزه بسرها استغرب على وقاحتها
ومكياجها وشعرها اللي باين لانها منزله الشيله وفي يدها ظرف
عامر بعصبيه :احترمي نفسك انت في بيتي
زهره بستهزاء :مشكور يالشايب
ناصربعصبيه :زهره احترمي نفسك لاكسر راسك
زهره :لا تكسر راسي ولا راسك كسر راس بنات عمتك اوكيه ...
صح ياريما والله كبرتي وتعرفين توكلين محامين وتدافعين عن حقوقك صح
الكل ناظر في ريما ريما خافت ومابغت تسكت :ايه وبدافع لاخر نفس
رانيا مسكت ريما اللي تحركت علشان تهجم على زهره :لا ياريما وانا اقول ليش ريم تشكي من زوجها
اجل انت مشيكه ومسويتلي غراميات مع فهد صح .. ارتاحي الحين هو بين الحياه والموت والاغلب يموت
وقضيتك اسحبيها وشوفي مين يرفعها لك (وباسلوب استفزازي ) ايه ياعمه نسيت ديري بالك على بناتك المحافظات اوكيه
وعلى فكره ريما هذي شوفيها لاتكون حامل ولاشيء تفضحنا وتسويلنا مصيبه للاسف ان حن حاملين نفس الاسم
ناصر ماتحمل الكلام اللي تقوله زهره :زهره اطلعي برى لاكسر راسك انت وحده حقيره ونذله برى
رانيا وهي تناظر ناصر عمرها ماشافته معصب كذا :انا اعرفك واعرف الاعيبك
زهره رمت الاوراق بوجه ريما :اقروا الادله على كلامي وشوفوا توقيعها وبصمتها بعد هذا وانتوا حاطين عيونكم عليها
خديجه حست الارض تدور فيها وعامر ماسكها ناصر طرد زهره من البيت وطلعت لما طلعت رجع لريما وناظر فيها
ناصر :ياخساره وانا اقول التعب ماهو من موت تركي اثره حبيب القلب
رانيا مدت يدها على وجه ناصر تبي تعطيه كف بس ناصر مسك يدها وقال :انت كيف تتجراين تمدين ايدك على
رانيا ماصدقت ان كل هالقوه والصوت يطلعها ناصر بوجهها :لاتتهم اختي بشيء ماسوته
ناصر يصفق :اوه وانت عندك علم بعد
رانيا: ناصر اسكت
عامر وخديجه وقربوا من ريما
عامر :ليش ياريما تنزلين روسنا ؟؟؟
ريما كانت بتتكلم بس سكتها كف من ايد امها خديجه :ياخساره تربيتي فيكم قضيت عمري اربي وماتوقعت اني اخرب
ريما ماتحملت رانيا كانت ماسكه ريما
ريما عصبت وصارت تصارخ والدموع تنزل من عينها : وقفوا لما تسمعون من زهره اسمعوا مني بعد
انا كلمت فهد لما شفت مافيه احد يدافع عن حقوقنا (وتاشر بيدها عليهم )
لا خال ولد خال ولا عم ولا عيال عم خليتينا يمه مثل البهايم من جاء يأكل حقنا ويمشيء صح
ولما نجي ندافع عنه اوحتى نحاول نسترجعه شنو تقولين الله بياخذه لنا ونستغني عنه بس البيت لا
هو اللي بقى من ابوي لنا يلمنا وانت تخلينا نلجا للناس يسكوننا بيوتهم وهم ماندري من اللي يبينا ومن اللي يتمنى نطلع من حياتهم
كافي اذيتي الناس بمشاكلك على حسابنا انا خلاص تعبت اناظر الناس ياكلون فيني وفي حقي وخليت فهد يرفع القضيه