منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

فهد بسياره ومتوجه للمقبره اللي اندفن فيها تركي ونوره نزل فهد وهو يقول في بصوت شوي مسموع (سلام عليكم انتو السابقون ونحن اللاحقون )
وقرا الفاتحه وقعد جنب تربه تركي وهو يرفع التراب ويسويه ويرتبه
فهد يمسح دموعه :الله يرحمك والله ويغفر لك والله مادري شقول لابوك ياربي ساعدني
طلع فهد من المقبره وهو متحسر على شباب تركي اللي ضاع هدر وندم على كل لحظه ماستغله ويركض وراء تركي علشان يسامحه
بدى فهد يلوم نفسه وهو يتحمل مسئوليه موته بعدين استغفر ربه وادرك انه قضاء وقدر ...ركب سيارته وراح وهو يداري دمعه رفيق دربه
دق جواله وكانت ريم رد بدون نفس
فهد بملل :الو
ريم:الو فهودي وينك ؟؟
فهد :لاتقولين فهودي وبعدين انا بطريق جاي البيت وشنو تبين
ريم بدلع :حبيبي بس بغيت تجي صديقاتي يبون يسلمون عليك
فهد وهو متملل من اسلوبها :اكيد جاي وبعدين هذولا صديقات ماعندهم اهل ؟؟
ريم :حبيبي انا هذولا صديقاتي مو هيلق ومتخلفين مال بنات اول
فهد :ريم انا جاي الحين
ريم :باي حبي
قفل فهد وضرب ايده على الدركسون وهو يلعن حظه وتذكر ريما حلاها شعرها جسمها شكلها وهي تعصب
كان دايما يشوف الفروق بينها وبين ريم مايدري ليش وقرر يكلمها رفع الجوال ويدور اسمها وتذكر ان اسمها خديجه ودور الرقم ودق عليه
ريما لحسن الحظ انها قاعده تقراء روايه من روايات عبير (صحراء الثلج ) ولوحدها في الغرفه وحاطه الايبود وتسمع اغاني رومنسيه
وشافت فجاءه نور الجوال التفت لقته فهد ارتجفت وتذكرت شنو اللي صار معه وصارت ترتجف من الخوف
وخرت السماعات ومدت يدها على الجوال وحطته على الصامت ...
فهد عرف انها ماراح ترد عليه ارسل لها رساله
( ريما ردي ولا راح يتضاعف الحساب بعد ماعرفت من انت وين البيت والله انا عند كلمتي واوعدك ... ردي الحين )
ريما شافت الجوال يعطي اشاره وكان من بعد المكالمه عينها عليه بس سوت نفسها تقراء علشان ماتبين اهتمامها يعني تكذب على نفسها

قرات الرساله كلها وتمعنت فيها ودق وصارت ترتجف اكثر
ريما :ياويلي شنو يفكني منه هذا .... قررت ترد عليه
ريما ترد :خير
فهد مبتسم على انتصاره :خير بوجهك
ريما بصبر :نعم تبي شيء ؟؟
فهد حب يختبرها :ابيك انت
ريما فتحت عيونها على جراءته :نعم تبي من؟؟؟ دقيت الرقم غلط مو انا......
فهد يقاطعها :لو ماتجين للمكان اللي احدده والله لافضحك
ريما تضحك :وين اصرفه هذا التهديد .. هي ركز انت منو تكلم واحترم نفسك
فهد وهو عاجبه اسلوبها هو مايبي يسوي شيء بس حب يختبرها :طيب كل اللي بينا عند امك
ريما خافت بس تمالكت نفسها علشان ماتحسس فهد انه يقدر يستغلها :لا قول وكثر انا سويت كذا علشان اعرف وين ابوي وسو اللي في راسك
فهد يضحك عليها :حلو الاسلوب انا بغيتك نتكلم في موضوع مو اللي في بالك
واذا تبي في مكان عام قدام الناس شنو التفكير المنحرف صدق مراهقه
ريما :وليش تضحك ياحظي وتفكيري احسن من تفكيرك تكلم زي العالم والناس... تصدق راهقت على شوفتك
فهد بحده :ياالله على الوقاحه كيف تتكلمين عقليتك صعبه الله يعين اللي يتزوجك ماتنسين تردين على أي كلمه عيني عليك بارده
ريما وهي بركان من اسلوبه وفهمت منه ان ماعنده سالفه بس يدق عليها يلعب فيها :فهد انت فاضي ورجاء لاتدق مره ثانيه
وبعدين انت متزوج كيف تسمح لنفسك تكلم حرمه غير زوجتك ومن وراها بعد !!
فهد وهو يستفزها :ومنو قالك من وراها هذاي هي قدامي وعندي وتسالني عنك وتسلم عليك بعدين انت مو حرمه انت بزر يعني نونو صغير
ريما وهي كانت بتبكي على اسلوبه :فهد وجع ان شالله
فهد :طيب الحساب تضاعف تدرين ليش علشان كلمه وجع
ريما وتبي تستفزه اكثر :فهد
فهد :نعم خير ياطير
وسكرت الجوال في وجهه وهي تنفس بصعوبه وهي تقاوم دموعها وبكت (صدق بزر )....
فهد لما قفلت في وجهه ضحك على اسلوبها واعجبته شخصيتها كيف ان الواحد مايقدر عليها ولاتسمحله انه يتعدى حدوده معها
تذكر شكلها الصباح وهي تطرده وتدافع عن نفسها انحفظت صورتها في مخيلته (وهل ياترى بتنحفظ في قلبه ؟؟؟؟؟؟؟؟)
فهد :الله يجمعني فيك ياريما

ريما نزلت تحت تبي تلاقي احد تتكلم معاه بس فضلت السكوت لانهم لويعرفون ليقطعون راسها ريما دخلت الصاله شافت رانيا قاعده لوحدها
ريما وهي تلعب بشعرها :رانيا وين امي ؟؟
رانيا بدون اهتمام لانها تناظر االتلفزيون :مممممممممم
ريما تصارخ :رانيا وجع !!
رانيا اخترعت من صوت ريما اللي على فجأه :ايشرايك فيني اخيرا خرعتك
رانيا بضحكه خفيفه :الله يأخذ ابليسك اجل انا معذبتك كذا
ريما ببراءه تشرح معناتها من حركات رانيا اللي تخرعها
رانيا بصبر :ريموه عطيتك وجه صح يله ياماما روحي نامي
ريما :رانيا وين امي ؟؟
رانيا :الساعه 2 كيف امي يعني تقعد لهالحزه
ريما :طيب خلاص ........... رانيا
رانيا بدون اهتمام :ممممممممممممممم
ريما بخوف من ردة فعل رانيا :رانيا انت تحبين ناصر ؟؟
رانيا التفت عليها وهي مطلعه عيونها على هالسوال :اكيد احبه......
ريما تسوي نفسها خفيفه ظل :لا يالغبيه حب حب هذا اللي في الافلام
رانيا بصبر :ريما ناصر مثل اخوي واذا حبيته فانا خلاص نسيته ليش لانه تزوج الله يوفقه فهمتي الحين
ريما :رانيا ............... انا اح
رانيا :نعم
ريما :انا اسفه
رانيا :اشوى خرعتيني
ريما وهي تقوم علشان تنام :مع السلامه
رانيا :تو الناس تبين تنامين الحين
ريما مااهتمت لكلامها وطلعت الدرج وهي تفكر في رده فعل رانيا اذا قالت لها عن فهد ولامت حظهم اللي حبوا ناس تزوجوا ولاهم دارين عنهم
مدت نفسها على الفراش وصوت فهد يرن في اذانها
فهد دخل البيت وهو يسمع رقص وازعاج واغاني دق على جوال ريم وطلب منها تلقاه
جاته ريم وهي كانت مشيتها مو طبيعه ومو متوازنه وكانت تتكلم ولسانها ثقيل فهد مسكها مع ذراعها وشم ريحه فمها
فهد معصب :انت سكرانه ؟؟؟
ريم وهي ترنح يمين وشمال :لا شنو سكرانه بس شاربه (وتأشر بيدها )بس شوي
فهد دفها بعيد عنه بقرف :لمي هالشله من البيت لاوريك فاهمه
ريم تسحبه: تعال سلم عليهم
فهد وهو يسحب يده منها وصار يصارخ عليها :وخري عني يالفاجره
طلعت زهره من الصاله اللي كانوا قاعدين فيها وهي كانت عكس حاله ريم كانت صاحيه تماما طلبت من ريم تروح للصاله عند البنات
واستغرب من ريم انها نفذت اوامرها بس درى انها مو بوعيها رفع حواجبه من جراءة زهره وعرف انها هي من وصف تركي
هذا غير لجراءه والشجاعه في انها تطلع قدام رجل غريب بهذا اللبس كانت لابسه بنطلون لعند الفخذ واقصر بعد
وقميص طويل مطلع نصه ونصه الثاني مدخلته بلبنطلون
فهد طنشها وطلع فوق وهو يطلع على الدرج وقفته يد زهره :وين رايح ليش ماتسهر معنا ؟؟
فهد سحب ايده :ابعد عني وعن زوجتي
زهره تقرب منه اكثر وشالت الشماغ من على شعره : ماله داعي كذا احلى
فهد سحب يدها :بعدي عني يالنجسه انتي شنو من البشر ليش مأذيه الناس ليش مو مثل بنات عمك ؟؟
زهره كانت تطنش كلامه ووتطالع سحره وجماله مسكته من عند رقبته وهي تلعب في شعره الطويل وتقرب منه :خلصت كلام
فهد ماتحمل قرفها وحركاتها رفع يده وعطها كف :الحين خلصت
حمل شماغه على كتفه ورتب شعره وطلع وقفل الباب بعده بقوه ........... زهره كانت حاطه يده على خدها من الالم
زهره وهي تلوي فكها من الالم :انا ماحد تجرى يرفضني هين يافهد انت وناصر والله لاتندمون ماحد تجراء غيركم
حملت كاسها وراحت للصاله وهي ترقص وتتمايل بخصرها
فهد طلع من البيت وهو معصب وماصدق عيونه ان فيه وحده بالقذاره هذي كلها وكيف تركي حبها اوحتى فكر فيها
بعدين شنو جنسها من البشر وتذكر ريم وتوعدها انه يوريها لما يجي الصبح راح لبيت امه ودخل من غير مااحد يعرف انه موجود ونام بالصاله
((صار على وفااة تركي ونوره شهرين))
الصباح رانيا نايمه ماسمعت الا صوت الباب يدق والجرس يدق مع بعض واحتارت وين امها نزلت ولبست عبايتها
رانيا بخوف :منو عند الباب ؟؟
الشخص :انا رجال من المحكمه
رانيا خافت اكثر :وشنو تبي ؟
الشخص: معي طلب اخلاءالبيت
رانيا بخوف :بس هذا ملك كيف نخلي البيت ؟؟
الشخص : وهو يرمي الورق عند الباب :هذا امر وصاحب البيت ذاكر التاريخ اللي تطلعون فيه
رانيا وهي تفتح الباب بعد ماحست انه مشى مدت يدها وخذت الاوراق وقرات صاحب البيت
وحطت يدها على فمها لما شافت ان صاحب البيت كان مازن رانيا مصدومه وطالب اخلاء بعد يومين