منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

:
ناصر الساعه 8ونص وهو بالمطار مع مها ويجهزون اخر الاجراءات لسفرتهم على اليونان
ناصر :خلصنا حبيبتي
مها ومبتسمه :ناصر اليونان حلوه
ناصر يفرك لحيته بأيدينه :مواحلى منك
مها استحت ونزلت راسها :ناصر
ناصر وتذكر حالة رانيا بس طرد الافكار من باله ووعد نفسه انه ينسى رانيا اللي متوقع انها ماتحطه في اعتبارها
نادى على طائره ناصر ومها
ناصر :على اليونان
مها:على اليونان
وسحبو شناطهم وركبوا الطائره فز قلبه لما شاف ناصر وحده تشبه رانيا من وراء وصار يضحك على نفسه انه ساذج وتتفكيره سطحي
مها :شفيك تضحك ؟
ناصر :ابد مافيه شيء بس ماكلمت ابوي
مها:كلمه الحين
ناصر :ممنوع الحين احنا بطايره لما نوصل اكلمه
مها :انشاالله
وقعدوا في مقاعدهم وطارت الطياره وناصر واعد مها بحياه ماعشتها وماندري مايخبيه القدر ؟؟؟؟؟؟؟

فهد وهو داخل على الحريم وهو يدعي قلبه يعدي هذا اليوم على خير وهو يناظر يمينه وشاف الشيخ علي داخل وهو نافش ريشه مثل الطاووس
وشاف خادمه جوهر وهو يمشي والدله مافارقت ايدينه كان كبير في السن واسمراني مره
كف ايدينه صارت محروقه من كثر ماهو يشيل القهوه وهي حاره وعرف انه في زمن مايرحم كان فهد يتمنى ان تركي معه في هذا اليوم ..
مشى فهد لعند الكوشه للي كانت قاعده الريم فيها وهي شامخه وماتشوف الناس مثل خدم عندها وعند ابوها
حتى امها طردتها بعذر انها مو من مستواها وتخاف تفشلها استحقر فهد فكرتها وهو يتذكر هذي الاشياء
شاف نور تمشي قدامه وترقص وتلعب بشعرها يمين ويسار فرح فهد باقي اشخاص يحبونه وهو يحبهم يفرحون معه مع انه مو فرحان
وهو يضيع شبابه مع وحد متكبره وماتحترم الناس ولاتقدرهم طبعا تربيه ابوها ..
فهد وصل للكوشه باس الريم على جبينها طبعا الريم ماتفقت معه على كذا عصبت وزورته بعينها فهد ماهتم لانه بطريقته الخاصه بيعرف يرضيها
فهد وهو يناظر المكياج الراقي اللي حاطته :الف مبروك ياعمري طالعه تجنين
الريم وكأنها بدت ترضى على فهد:الله يبارك فيك
فهد :ريما (بعدين سكت تذكر من يحمل هذا الاسم )
الريم:عيونها
فهد :طالعه قمر
ريم استحت او تسوي نفسها استحت :ليش ماسويت اللي اتفقنا عليه
فهد :تبيني اذبحك قدام الناس طيب الحين ابوسك
ريم : شلون تذبحني ؟؟؟؟
فهد يغمز لها :تعرفين شلون اذبحك
ريم وحست انه بيخبص :لالا خلاص مابي
فهد عرف انها خافت من الفشله مومنه لانها جريئه وهو متوعد يخليها تنسى كل شيء
تقدمت نور واعطت فهد طقم الماس علشان يلبسه الريم وقام فهد من مكانه ولبس ريم الطقم بكل رسميه ..
فهد جلس وهو يناظر الصاله الفخمه اللي توه انتبه لان الاضاء كانت خفيفه لما دخل وطالع السقف اللي نازله منه ثريا كبيره مره
وشاف الانوار الصغيره اللي على اطراف القاعه وناظر في تعتيقه الجدار كان باين ان خامته اصليه
ولتفت على الطاولات وطريقه تنسيقهم وشاف الخدم اللي يلتفون على الناس بالمشروبات كأنهم نحل وضحك لما حس انه يستاهل هذا العز كله
طلعوا من القاعه اللي كانت صاخبه من الموسيقى والناس اللي يرقصون ..
ركب فهد مع الريم في سياره طويله مرسيدس سوداء ودخل و شاف الكراسي كأنه داخل صاله مو سياره
شاف الكاسات المتراصه بطريقه مرتبه وراقيه وراحو للقصر ودخلوهم الجناح المخصص لهم
فهد وهو يسكر الباب :الف مبروك ياعمري
ريم:الله يبارك فيك
فهد :تصدقين ابي انام
ريم وهي منصدمه :ايه نام فيه احد ماسكك
فهد وهوكان صادق بلي يقوله :امزح معك احد ينام وانت جنبه
ريم وهي تتدلع :ومن يقول
فهد :انا بروح اسلم على عمي وانادي الشغالات يساعدونك في الفستان والله كبير عليك ياحياتي
ريم وبعصبيه :وين بتروح ابوي اكيد بيسهر مع ربعه وانت اللي ساعدني
فهد فتح فمه كان يبي طريقه يهرب منها :حبيبتي مابي احرجك
ريم وهي تلوي فمها : ومن قال فيها احراج عن العادات الغبيه
فهد :يعني انا غبي
ريم :ماقصد بس ..
فهد :ريم خلاص لاتتاسفين
ريم بدلع :وين اللي بيذبحني
فهد (الله يأخذك شالجرأه ):الحين والله لاذبحك
ريم:فهد خلاص امزح
فهد قرب منها بحركه سريعه سحبها ومسك خصرها العريض وبيده الثانيه وخر الشماغ ولعب في شعره ..
ريم تطالع جماله ومنبهره فيه مسكت وجهه ومررت اصابعها على شعر فهد قرب منها وباسها بنعومه على خدودها
عضت شفايفها وصارت تبتسم رفع فهد حواجبه وفك الرباطات من وراء الفستان فهد كان يسوي كل هذا من غير أي شعور اتجاه الريم وقرب اكثر ...

ريما في البيت وبالتحديد في الغرفه وهي تكلم فاطمه وتعطيها اخر الاخبار
ريما وهي تلعب بشعرها :والله هذا اللي صار يافطوم
فاطمه :اناقلتلك من وقت ماشفته وانا مارتحتله حسيت انه صعب تمر عليه شيء مثل هذا
ريما وبخوف :تتوقعين يدرولي ؟؟؟
فاطمه بضحكه :والله لايطلعك من تحت الارض ياخدوج
ريما عصبت :اقول طسي عني خليني اكلم رانيا
فاطمه :امزح .......... سلامات على رانيا ماتستاهل ليتها فيك ولافيها
ريما :وجع انشالله
فاطمه :ماقلتلك نوال انخطبت ياحظي
ريما :وانا اقول البنت وين طاسه لاتقوللي فصولي (وتقلد صوت نوال )
فاطمه :ههههههههههههه الله ياخذ ابليسك ايه هو الله يهنيها
ريما :على قوله الجسمي مالحب الا الحبيب الاولي
فاطمه :هلا يمه كيف زواج الهوامير؟؟
ريما :فطوم من تكلمين
فاطمه :شنو اقولك هذي بنت الشيخ علي يقولون طايحه على معرس انما ايه بنت اللذين
ريما :لاتقولين ؟؟
فاطمه :والله وابشرك عمرها 34
ريما :شهقت :شلون وهو كم عمره ؟؟؟؟
فاطمه :يقلون 25او 27 المهم في العشرينات بس يقلون مزيون
ريما :لله يعينه مسكينه تتهنى فيه اصلا باين اكيد طمعان
فاطمه :شنو طمعان هذا محامي يشتغل برى
ريما :يعني طايحه على واحد من طينتها
فاطمه :على العموم الله يوفقهم واذلفي لان رصيدي خلص
ريما :سلملم