بروزت طيفك في خيالي أماني
يامرتسم مابين جفني وعيني
ماشفت مثلك فالبشر حد ثاني
أنت الوحيد الي تحلي سنيني

أشتاق لك وأكتب شعوري معاني
وأرسل لك احساسي ولهفة حنيني
وأدورك والقاك بين المحــاني
في وسط قلبي منزلك ياضنيني

عايش في كل نبضة غلا في كياني
وأشعر بحبك في عروقي وفيني
أحسد كلامي لو نطق لك لساني
وأحسد على مصافتحك حتى يميني

خذني غرام ولاتفكر تعــاني
وأشربني حب ولابعدك أرتويني
عيش بعيوني يا غلا القلب هاني
ليلك سما جفني وشمسك جبيني

ودي أناظر في عيونك ثوانـــي
والصمت شاهد بين شوقك وبيني
ودي أوقف في حظورك زمــاني
ووأقف الساعة ساعة التجيني

أبحرت أدور في غرامك مواني
وأتعددت في موجك وبرحك سفيني
لاجابتك صدفة ولا جيت عــاني
متى تشوفك يااريش العين عيني