اشتاقلك شــوقٍ يفـــوق التواصيف
اكبر مـن اللي ناوين لك اقوله
اشتاقلـــك والحــب يكتب سواليف
ياغاية المشــتاق عرضــه وطوله
لك في حنايا الذات من دون تزييف
اعـظم مــكان فيــه حاكم ودوله
ماشفــت مثلــك بين كل المـواليف
ولااحدٍ وصـل حبك ولااحدٍ يطـوله
فيني غلا انسان من دون تحــريف
شــي مــن الله والمشــاعر وفــوله
تلعب بقـلبي دون دفــه وتجديف
وتاخــذ حنيــنه والغـلا والبطوله
فيك الوفى خصله ولاهي تصانيف
تــوفي بحـــبك والغـــلا فـي اصوله
اشتاقلك والشوق سوا سواليف
ياغــاية المشـــتاق عــرضـه وطوله