أمس، نشرت مواقع كثيرة خبر طلاق إيناس عز الدين عن زوجها أحمد قمر بسبب ابتعادها عنه واستقرارها في بيروت بعد وصولها إلى المرحلة النهائية من “أراب آيدول”.
لكن المشتركة المصرية صحّحت الموقف على الفور عبر صفحتها الشخصية على الفايسبوك، مؤكدة أن الخبر كاذب جملة وتفصيلاً.
وكتبت أمس “زوجي هو اﻹنسان الوحيد اللي بجد وقف جنبي لحد ما وصلت للي أنا فيه وحطيت رجلي على أول السلم، وهو اللي دايماً بييجي على نفسه علشاني وبيشوف نجاحه فيا أنا، وهو اللي حاول يتحمل غيابي عنه وعن بيتي علشان أحقق حلمي ﻷنه شخص مش أناني وبيفضلني على نفسه، وهو الراجل اللي من يوم ما عرفته وهو شايلني على راسه وبيحاول يعوضني عن أي ألم أو تعب أو حمل تقيل شوفتهم في حياتي”.
وأضافت “بعد كل ده ما أقدرش غير إني أقول إن السبب في أي شيء ممكن أوصله بعد ربنا سبحانه وتعالى هو جوزي، ﻷن لوﻻ وجوده في حياتي اللي إداني دافع كبير عمركم ما كنتم عرفتوتي وﻻ شوفتوتي وﻻ سمعتوني، ادعولي ربنا يرجعني ليه مرفوعة الرأس ويكرمنا في حياتنا الأسرية والعملية وأشوفه على خير ﻷن فراقي عنه مش بالسهل”.
يشار إلى إيناس عز الدين تنافس على لقب “أراب آيدول” مع ثمانية مشتركين آخرين.