الجرح في في قلبي وعيني تداريه=
صارت حياتي كل ابوها نكاده=
مرات انا ابدي الجرح ومرات اخفيه=
والدرب اشوفه مضلمن لي سواده=
اللي عشقته كثر عشقه لهاليه=
اقفى وخذ وياه طعم السعاده=
زرعت فيه الود واسنين اساقيه=
واليوم صار الغير يجني حصاده=
قلبي قنع لاكن ناره تشاقيه=
مثل الجمر لامات يبقى رماده=
اهديت له قلبي وبالحيل مغليه=
ماهمني قلبي ويطلب زياده=
الشاهد الله كل ماحل طاريه=
افز واقف وانحني عالوساده=
يمكن جنون الحب هذي مواريه=
يمكن غرامه صار بالدم عاده=
والجرح عادتن من تجافيه=
ماعاد ينفعني طبيب العياده=
ياليت لو صدفه عيوني تلاقيه=
وافرح بشوفه عقب ذيك النكاده=
وانا ادري ان الغير اصبح يسليه=
ياليت غيري يسعده بجتهاده=
ان كان هو مرتاح والله مابيه=
لعل فرحه صار له دوم عاده=
صحيح انا بالحيل بالحيل هاويه=
لاكن هوا غيري وهذا مراده=