الحب رحلة خوف ~ و العمر مره ..
....... و الجرح غيمه في سماء رحلة الخوف ..


عمر الندم مآرد جور المضره ..
....... أصبر على ما جاك و تعيش و تشوف ..


أشوف في عينك من الغدر حره ..
....... أنشهد أن الجرح وأضح و مكشوف


ودك تشره بس : خايف تشره ..
....... من كلمةٍ يفرح بهآ كل ملقوف ..


أول دروب الحب ( ضحك و مسره ) ..
....... و أخر دروب الحب( ضايق و ملهوف ) ..


وش دخلك بيت ( الغرام ) و مقره ..
....... منت على مآ صار مجبر و مكلوف ..


دامك بخير و حالتك مستقره ..
....... لآ تذبح إحساسك و لآ تجرح الجوف ..


لـ ( الحب ) درب و لـ ( المحبين ) جره ..
....... و اللي حصل لـ كليب بين و معروف ..


لليل الشتاء لـ هب خيره و شره ..
....... سآريه ما يرغب سوى قطعة الصوف ..


ولا انت ياطير السماء والمجره
....... لاتفتل ذراعك ولاتشهر سيوف

ماخذت من سلم المحبين ذره !!
....... تلعب على (ساره ) وتلعب على ( نوف )


كـــذآب تجمع في الكـــــــــــلام و تذره ..
....... و لآ أنت بـ حرامي و لكن تموج و تحوف ..


بـ أعطيك من حكمة أهل العرف دره ..
....... درة بحر تسوا لها جملة أحـــــــــروف ..


جنب طريق الحب و أحذر تمره ..
....... [ منت بـ على جرح المحبين مكلوف ]..