بسم الله الرحمن الرحيم

مدخل ..

الليل وأنته والألم والقصايد
اشياء ! تاخذني من الناس ل بعيد

بْكل بساطه يا حبيبي تعايد !؟
وشلون قلي؟ وانت بي جايب العيد

م ت ن ا ث ر هـ (1)

هنا ياقف على جال الكلام عتاب
هنا بنزع من احساسي ثياب الخوف

هنا ما لـ الكذب داعي , ولا أسباب
هنا ما في مجال أروف , ولّا آطوف

هنا بجمع سواليف الزعل بـ كتاب
هنا بحرق لْك كتاب الزعل , وتشوف

أنا مدري أحبك ليش ؟ ليش أهاب ؟
وليش تْغيب بعض أحيان ؟ ليش تعوف؟

تعرف إني صعِب أحيا بدون أحباب
تعرف إني قدم ضيمك . . تعبت وقوف

أنا يا سيّد الحضّار , والغيّاب
م آشوف الناس هذي شئ ! عشان آشوف

ترى ماني ضعيف وفي يديني شهاب
رجم كل الكلام اللي م غير حْروف

أبيك ترد . . جاوبني! . . بدون إسهاب
وريّحني , ولا تحلف . . بلاش حْلوف

وش آسّوي ليا صار الغياب / غْياب
عن الخافق , عن الطاري , عن المألوف

ومضة /

أنا ماني من أهل البل ولا حتى من أهل الضين
أنا رجلٍ ليا اصطكت على الغالين يلقونه