لو نسيت الشوق .. ما نساگ الگلام
لو نسيت الشوق
ما نساك الكلام ..
لك في عيوني : ظل !
وأسراب وحمام ..
:
ياللي غايب
ما تجي للي هـام؟
ترويه من طول الصيام ..
أنا أحس بجوع ..
موجوع ..
ما بقلبي سلام !
مخنوق! من قل الافراح ..
يا أكثرك صاير عدم !
يا قلّتك تكفي / مساكين !
وأنا هنا مسكين : ما يوجعك كوني حزين ؟
:
موجوع ..
ما هو ضيق، ولا هو حزن ..
شيء مثل الـ آه يتعدى الكلام ،
احتياجي مو لقاء
ورغمها ما اقول : لا
عمر اللقاء، ما يجبر قلوب
عمر اللقاء
ما يسعد المغلوب!
" .. ياللي صعب القاك ، أموت ولا أنساك .. "
أنا فيني ملام ..
وجهي ملاه أحزان ..
ما / لوم قلبك فيك ..
أتجردك : سؤال؟
يا رغبة تسأل حكاويك!
وشلون؟
صار الغياب .. عادي !
ومعقول؟ أن الفرح بيعود!
بعد الـ " وحشتيني " تضحك بدقة عود!
يا نغمتك .. موعود!
يا نبرتك " تأجيل "
يا غرسك الأحزان ..
ويا وعدك الأحلام!
صارت تنهـد !
كود اللقاء كلمة ..
لو عانقت كلمة.. راحت رسايلنا غزل!
صابت : قلوبنا بـ / وجل !
وأيدينا برعشة " خجل "
فرح ..
لقاء.
وعناق .. ورضاء !
وأثرك هنا .. توك هنا .
.. نايم على صدري " حنين " ..
ويا قلبي المسكين ..
|