منتديات قصايد ليل - عرض مشاركة واحدة

#1 08-03-2009

إمسحي دموعك بيدينك
محد يكف دموع احد
وازرعي البسمة بعينك
واضحكي من اجل الوعد

يا منورة ظلمتي
يا ساكنة مهجتي
حبك على قلبي قوى
هذا علي شرع الهوى

احفظي زايد حنينك
ياخذ بقلبي اللي ارتعد
وجدان بيني وبينك
ونعيش دنيا بلا نكد

أبغى أعيش قسمتي
وانتي معي بصحبتي
ونعيش دنيانا سوى
ونقضي الحياة بلا نوى

اذكري فايت سنينك
حزن والم عنك ابتعد
وأنا لسلوانك أعينك
ما ابخل على عمري ابد

راحتك اهي غايتي
وانتي شعاري ورايتي
للجرح لمساتك دوى
الوصل شوقي ما ارتوى