عشقي وتضحيتي وصبري وجاهي
ما حركت ساكن ولا يمكن اتوب

تغيب والاشواق تبقى كماهي
لو الفراق يضر والبعد مكتوب

دام الوصل مابين ميد وناهي
يبقى الامل موجود والعمر محسوب

يابو العيون الناعسات السواهي
ارفق بحال اللي من الحال مسلوب

فيك انشغل وانته مقفي ولاهي
لولا التبلد قلت مافيك عذروب

ازريت احدد في هواك اتجاهي
اجيك طالب حق واروح مطلوب

سحرك على حله يشد انتباهي
واقول فنجال المحبين مشروب

احيان احط اني مسرح ولاهي
اشيلها منكوس في لحن مسحوب

يعني ويعني بس ياهي وياهي
سوالفن مابين غالب ومغلوب

وانته على تجريح قلبي تباهي
وتصب سم الهجر في قاعة الكوب

مدري مقامك صدق ولا تضاهي
بس الوكاد انك معقد ومنكوب

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●