كم ضعت في عُمر الغبن !
-
سقت الجفا
لـ عيون صاحت بك : أفااا !
ليه التفاتك للغياب
تعدّى حدين : الوفاء !
وليه ألمحك " لمحة سراب " ؟
هذا هو قنديلك : طفى !
فيني إلتمس : شوقي عُمر
فيني أحس : ضيم أكتفى !
هذي غياهيب السنين
وهذا قراحي بك : صفى !
هذا أنا ميّت عليك !
لاتملي أشعاري بـ " أفـاا "
جدد غيابك : للجفا
وضمّهاا ضلوعِ تبيك !
من عانق أسراب الضياع
وضاع في عُمر : الغبن !
من يكرهه يوم / الوداع
من يسرق أنفاسك : وطن !
هذا أنا !
أيوه : أنا !
أغفى على كف الصباح
وأسري الليالي في : حزن !
يحرّق رموشي / الصياح
ويعانق الرمش : الجفن !
أرجع عليّ ..
ماعاد بي حيل : البكاء !
إرجع عليّ ..
نقطف عناقيد : السنين
ونمحي من المبسم : أفـاا
إرجع عليّ !!
|