يا طير بل الريق مـن نبـع قطـره
يا طير بل الريق
مـن نبـع
قطـره
واعلم ترى الماء لذته بضع قطرات
;;;;
اروي غليلك من عنى الوقـت مـرّه
دام الزمن يمشي على هون و سكات
;;;;
و أطلق جناحك والهوى بصوت جرّه
غرد ورفرف واحمل الشوق لـذّات
;;;;
وقدام شبّاك ( الغلا ) عدهـا كـرّه
وانقش من حروف الوفاء فيه كلمات
;;;;
خل الزهر يجنـي رحيقـه مسـرّه
والشوك يفقد قيمتـه فـي معانـاة
;;;;
وخل الجمر يبكي على نـار حـرّه
ويبرد فـؤادي ينتعـش بالمسـرات
;;;;
وعلى حدود النجـم فـوق المجـرّه
اجعل لنا من لهفـة الـود رايـات
;;;;
واكتـب عليهـا خــط ( لله درّه )
اللي خذا كلي من النـاس بالـذات
;;;;
اسمه (حبيبي) و (الغلا) طال عمره
أعطيه من عمري ولا أقول له هات
;;;;
واسمي (حبيبه) و الرجى شف نظره
لحظه تعانق نظرتي منـه نظـرات
;;;;
وبعد النظر يهمس عتـاب وتشـرّه
ليه البعاد وموطنك رعشة الـذات!
;;;;
( كلمة أحبه ) ما تجـي حجـم ذرّه
للي بقلبي والبشـر هـم مقامـات
;;;;
الله رفع قـدره عسـى مـا تضـرّه
عين الحسود وهرج أهل الملامـات
;;;;
يا طير تكفى اقتـل الصمـت مـرّه
يا طير يكفينا من الوقت مـا فـات
___
رااقت،لي
|