الجزء الحادي والثلاثون
انقهرت شمس من ال قاعد يستوي وهي تعرف ال قاعد يلحقها نزلت ونزل مانع
شمس:انت وبعدين معاك
مانع وهو يطالعها بنضرات غريبة بس عرفت سر نضراته هو نفس العشق ال كانت تشوفه في نضرات حبيبها فهد:انتي ليش متعدلة هال الكثر حق الدوام ها منو عطاج الحق
شمس:انت باي حق ترمسني جي ها
مانع وهو يقرب وبنبرة ترجي:تكفين تغشي ما بي حد يشوفج غيري
شمس:لا والله
مانع بعذاب:انتي ليش اسلوبج جاف معاي
شمس:لاني انا جي
مانع:شمس
شمس استغربت كيف يعرف اسمها:خير وبعدين انت كيف عرفت اسمي
مانع ابتسم:انا عرفت عنج كل شيء
شمس:عادي ما يهمني
مانع :شمسي
شمس بصراخ:لتقول شمسي محد يقولها غير فهد
مانع عصب:لتطرين اسم الحقير جدامي
شمس:محد حقير غيرك وبعدين خوز سيارتك الناس عندهم دوامات
مانع:مب قبل ما تتغشين
شمس:مب على كيفك
مانع بعناد:عيل ما بتحرك
شمس انقهرت من تحكمه تغشت عشان تفتك منه وهو ابتسم بنتصار وروح يركب موتره ويخوز من جدامها
قال وهو يبطل جامة سيارته:لو بيدي جان منعتج اداومين
شمس انقهرت منه قهر بس ما عطته سالفة وشخطت بسرعة على الدوام.
في بيت احمد................
ميثا:يعني هاي النهاية احمد
احمد:ما كان ودي اطلقج عشان ما اضلمج بس مشاعري موبيدي
ميثا:تبي تفهمني انك اتحب عبير
احمد ابتسم:احب عبير لدرجة اني اصيح من اشتياقي لها ولحنانها
ميثا:خلاص مدام طلقتني مالي مكان هني انا برجع امريكا
احمد:اسف ميثا
ميثا ابتسمت:لا عادي افا عليك مشاعرنا هي ال تحكمنا احمد ومب بيدنا شيء يالله فمان الله
احمد:الله يحفضج
شيخة:ماما بتثيرين
ميثا:هي يا قلب ماما وانتي بتمين مع ابوج واخوانج
شيخة:مابا ابيث انتي ماما
ميثا طالعت احمد:احمد ابي اشل بنتي معاي
احمد ابتسم:اكيد اتشلينها هاي بنتج مثل ما هي بنتي ومحد بيحرمج منها
ميثا:يزك الله خير
احمد:درب السلامة ان شاء الله
ميثا:باي
احمد:باي
ضبية كاشخة ومتعدلة اخر عدول حاطة مكياج خليجي ومسوية شعرها فير ولابسة فستان ناعم طويل ولون الفستان باذنجي يا كعب عالي وايد حلو ولابسة اكسسوارات ناعمة .
ضبية وهي تاخذ عبايتها و ترمس اخوها في الفون:الو منوع حبيبي قتلك بيه انت ما تفهم لاء زيود طالع بقوله قبل لااي عشان الحفلة خلاص عاد خلني البس عباتي باي
صكرت الفون وشافت زايد وراها وتم يطالعها من فوق لتحت
زايد بستهزاء:كل هال الكشخة حق اخوج
ضبية:كنت بكلمك بس قلت اجهز اول اخوي امسوي حفلة ولازم اسير ولا بيزعل مني
زايد:بس انا مب راضي اتسيرين
ضبية:ليش ان شاء الله
زايد وهو يقرب صوبها ويتلمس ويها:مابي حد يشوف حرمتي غيري
ضبية:تراك اتبالغ انا سايرة بيت اخوي وعادي اخوي اشوفني جي
زايد بغيرة:اشوف من يا اخوج وانتي تهمليني يا حلوة
ضبية طالعته بصدمة:انا انا اهملك يا زايد الله يهديك كلها ساعات في الحفلة وانا رادة عندك
زايد مسك خصرها:ضبوي حياتي تمي معاي
ضبية بعصبية:انت وبعدين معاك
زايد مسك زنودها:انتي زوجتي ضبوي وعمرج مانفرتي مني ال من يومين من يا اخوج انا ما اروم اعيش بدون حنانج
ضبية حست انها امقصرة معاه حطت ايدينها على رقبته بدلع:حبيبي والله سوري كنت تعبانة بس وعد بعد الحفلة سو ال تبيه
زايد بخبث:اسوي ال اباه
ضبية بمستحى وهي موطية راسها:زيود عاد استحي
زايد رفع ويها:هههههههههههههههههههه فديت ال يستحون ............واغرته شفايفها باسها بحب :اشوفج الفليل اوصلج حياتي ضبية:ماله داعي يا عمري حارب بيمرني
زايد حاس بالغيرة تحرقه بس مسك نفسه وابتسم:بس عشان خاطري حياتي تغشي
ضبية وهي تاشر على عيونها:من اعيوني
زايد باسها على عيوناته:تسلملي عيونج
مانع طرش دعوة حق شمس واخوانها (اونه عاد)خاطره يشوفها عشان جي تعرف على اخوانها.
في بيت سلطان..............
سلطان:يعني ما بتروحين
شمس:ريلي ما كمل سبع اشهور من توفى وتباني اسير عزايم وعروس
سلطان:شمس حبيبتي اذا بتمين على ذكرى فهد عمرج ما بتعيشين مرتاحة
شمس:اذا فهد مات بجسمه فهو حي في قلبي ومستحيل يدخل هال القلب حد سواه
سلطان:والله حرام تدفنين شبابج في ذكرى انسان ميت
شمس:الميت ال ترمس عنه يا سلطان يستوي ريل اختك وهو الوحيد ال علمني معنى الحب والتضحية,وهو الوحيد ال خلني اتخطى ادماني للمخدرات وخلاني اشوف الحياة بالوان السعادة
سلطان:وهو ال قالج يا شمس عيشي حياتج من بعدي ,ياشمس اذكري كلام الوالد انه مهما استوى(الحياة حلوة)
شمس:وعمري مانسيت كلام ابوي الله يرحمه كان بالفعل انسان عضيم ليته لو كان حي جان ما صار حالنا جذي نتعذب ونسكت نضلم ونعيش يتامى نفقد غالي ونقول ارادة الله ,لكن وين الحياة
سلطان:الحياة يا شمس هي الامل ,لولا الامل ما استمرت الحياة
شمس ابتسمت:عندك شيء تبي تضيفه
سلطان:هي تذكرت شيء عطاني اياه فيصل وهو رسالة من المرحوم ريلج
شمس بلهفة:وين الرسالة عطني ياها
سلطان عطى الرسالة حق شمس ,وشمس دخلت حجرتها تقرى رسالة الغالي رسالة فهد بطلت الرسالة.................
بسم الله الحمن الرحيم
الى زوجتي الغالية شمس..................
شمس حبيبتي اكتب رسالتي وانا اعرف ان ماباقي غير ساعات او ثواني واكون تحت التراب احس اني اتعس انسان في العالم لاني بموت في بلاد مب بلادي بس طلبتج يا بعد طوايف هلي لتصيحين لانها ارادة الله ,لتصيحين وكوني سعيدة حتى يوم ما بكون معاج ,ابيج تبقين مشرقة يا شمس ,شوفي حياتج من بعدي فديتج رب العالمين ما يبتلي غير عبده ال يحبه وانا راضي عن ال سويته في حياتي عشت معاج اجمل اربع سنوات في حياتي اهتمي بنفسج وبعيالنا واذا ياج ريال زين تزوجيه مب عشانج انتي وبس عشان عيالنا يا شمس شمسي فرقنا القدر بس في الاخرة بنجتمع ان شاء الله وتاكدي اني بغار عليج حتى وانا تحت التراب طلبتج يا شمس لتصيحين وتذكري انه مهما استوى(الحياة حلوة).
ريلج ال يموت فيج:فهد
شمس نزلت دموعها انهار على كل كلمة كتبها فهد
شمس:سامحني يا فهد انا ما اقدر انساك ,او اني امنع عيوني من انها اتصيح عشانك الله يرحمك يا الغالي ولقاءنا في الجنة.
روح انا راضي غيابك يا حياتي
هذي قسماتي وهذا لي نصيب
كل شمعة تطفي وتشرق حياتي
انطفيت ورحت في وقت المغيب
سلطان:قريتي الرسالة
شمس وهي تمسح دموعها:فهد مات يا سلطان بجسمه لكن روحه بعدها حية في قلبي بعدني احس فيه يحضني ويبوسني ويمنحني اجمل سعادة في الحياة اوعدك اني عمري ما بنساك.
في بيت سيف وفجر.................
سيف:فجورة حياتي ليش اتصيحين
فجر:انا انا
سيف بحنان :انتي شو
فجر وهي بعدها اتصيح:انا حامل
سيف طالعها بحنان وفجاة:هههههههههههههههههههههههههههههههههههههههههههه
فجر:ليش تضحك
سيف:ههههههههههههههههههه انا خايف عليج اخر شيء كل ها الصياح والتغلي عشانج حامل عادي تراني ابي عيال
فجر:ما ابي اتعب واستوي دبو مثل يوم حملت بمنوع وغنوم
سيف بحب:انتي حلوة في عيوني دوم
فجر استحت:فديتك والله احبك
سيف:وانا ما احبج انا اموت فيج
في قلعة مانع.......................
مانع كان مقهور ان شمس ما يت حفلته هو خاطره يشوفها وهي تتهرب منه بس متوعدلها بعقاب عسير يوم بيشوفها.
ياترى شو العقاب ال متوعدنه مانع لشمس؟
نهاية الجزء الحادي والثلاثون
|