الجزء السابع عشر.........................
سيف حس ان حلجه يحرقه اشرلها انه يبا ماي ركضت الممرضة تصبله الماي
سيف:مشكورة
الممرضة نرمين:ولو
سيف:من متى انا هني
نرمين:من شهر
سيف:وطول الشهر وانا في غيبوبة
نرمين:اي
(سيف شاب كل شيء فيه يصرخ رجولة جميل بشكل ان البنات هم ال يرقمونه طويل معضل متفاءل بالحياة وايد ما يعترف بشيء اسمه حب من عايلة اقل ان ينقالها فقيرة عمره 23 سنة مخلص دراسته الجامعية ويشتغل موضف في وحدة من الدوائر الحكومية)
سيف:ابوي وثنوي اخوي ما يزورني
نرمين:ما بعرف انا لسى جديد هون
في هاي اللحضة دخل بوسيف ودموعه في عيونه ومعاه ثنوي
بو سيف وهو يحضن سيف ويبوسه(مب مصدق الريال):الحمدالله على سلامتك ابوي
سيف:الله يسلمك يبه
ثاني:خوفتنا عليك يا ريال كل ها غيبوبة
سيف:اسف لاني خوفتكم بس صدق انا ما اذكر شيء
ثاني:وحدة بنت فلوس يمكن توى معطينها الليسن دعمتك
سيف وبدى يذكر:هي تذكرت يحليلها كانت خايفة وحاولت تسعفني
ثاني:البنت في السجن
سيف:شو ليش ما كانت قاصدة
بو سيف:كان لازم تتعلم درس
سيف:ابوي هاي ال ياهل
بو سيف:اي ياهل هاي عمرها 20سنة
سيف:ابوي كيف ترضى انك تسجن ابنية
بوسيف:يعني شو كنت تباني اسوي وانا اشوف ولدي بين الحياة والموت
سكت سيف اشوية وبعدين رمس وعيونه على ابوه
سيف:ابوي خلى يطلعونها من السجن
بو سيف:اشو
ثاني:وانا مع سيف مهما يكون هاي بنت ومب حلوة لسمعتها ان اتم في مكان خايس مثل السجن
بوسيف:انت تقول جي يا ثاني ,وانت كنت اكثر واحد يبيها تدخل السجن
ثاني:لاني كنت خايف على اخوي بس مدام قام وما عليه باس فلازم يطلعون البنت
سيف:الله يخليك يبه طلعها
بو سيف بتفكير:اوكي بس على شرط
ثاني:وشو شرطك
بو سيف:ان سيف ياخذ البنت
ثاني وسيف:اشو
سيف:يبه انت تتكلم من صجك ولا تمزح
بو سيف:هاي الامور ما فيها مزح
سيف:بس يبه انت تعرف اني ما حب البنات وبعدين ابوها ما بيوافق ان واحد حافي منتف مثلي ياخذ بنته
بو سيف:غصبا عنه بيوفق
سيف سكت وما قال شيء,ونفس الشيء ثاني ال حس ان البنت بتنظلم يا سيف ال يكره شيء اسمه بنية ليش ما يدري
بوسيف كلم نهيان عن موضوع الخطبة وان بنته ما بتطلع من السجن ال اذا تزوجت سيف نهيان عصب ها منو عشان يخطب بنته حبيبته وباي حق رفض الخطبة بس بو سيف اكدله ان عدم موفقته لخطبة فجر وسيف مب من صالحه ابدا واطر نهيان على الموافقة عشان بنته تطلع وزوجها بتوكيل على ساس ان البكر وصايتها على ابوها وفجر يحليها ماتدري عن شيء طلعت فجر من السجن وهي طايرة من الفرحة اخيرا افتكت من السجن ال قعدت فيه شهر كامل وما كانت تدري ان لطلوعها من هذا المكان ثمن والثمن طبعا هي ,وما درت ال يوم خبرها نهيان وهو يبي يصيح يحس انه باع بنته
فجر وهي تصيح:يبه انا فجر بنتك اتبيعني هنت عليك اتبيعني
نهيان بحزن:انا ما بعتج يبه ال صار غصبا عني واوعدج قريب تطلقون
فجر بقهر:ليش الزواج والطلاق شيء بسيط بنسبالك
نهيان:انا ما قلت جي
فجر:قلت ولا ما قلت خلاص مدام بعتني بسير عند ال اشتروني
فجر جهزت اغراضها كلها ولبست عباتها وشيلتها
نهيان بحزن:يعني خلاص بتروحين
فجر:هي خلاص مب انت تقول ان البنت مالها غير بيتها وريلها
نهيان:فجورة حياتي والله غصبا عني
فجر:خلاص مب مهم وين امايه بسلم عليها قبل لااروح..........وبستهزاء بيت ريلي
نهيان:في جناحها
فجر:خلاص بسيرلها
سارت فجر اتسلم على العنود امها وتودعها والعنود وصتها على ريلها(يحليلها العنود ما تدري عن شيء)
باست راس ابوها وامها:فمان الله
نهيان والعنود:فمان الكريم
طلعت فجرمن بيت ابوها وركبت موتر سيف الكامري الجديمة وهي متقززة ما طالعته ولا طالعها بس كل واحد منهم خايف من ال ينتضرهم يوم بيجمعهم مكان واحد .................ياترى شو بيصير؟
مكان ثاني...................
فهد حالته ما تسر لا عدو ولا صديق كل الوقت قاعد في ريحاته يفكر في حبيبته ال هدته بعد ما حبها وتعلق فيها,نفس الشيء شمس ال تتعذب في اليوم مليون مرة لان فهد مب معاها تذكرت ابوها شوكان يقول قبل ليموت او بالاحرى يختفي.
شمس 4 سنوات:بابا ليولي عولتني ليث جي مثينا وايد
محمد(الراحل):خلاص يبه مندور مكان نرقد فيه
شمس:انزين بابا
كانت في احضانه وهو يلعب في شعرها الطويل بحنان:شمس يابوي تمي سعيدة حتى يوم ما اكون معاج
شمس بطفولة:ليث انت وين بتلوح بابا
محمد بحب لبنته:ما بسير مكان يا شمس ابتسمي واسعدي ال حولج عشان تكونين سعيدة ,درسي وتعلمي لان الانسان يرتقي بالعلم وانا ابوج .........وابتسم وباجر يوم بتستوين حرمة وبتعرسين حبي ريلج ولتقصرين معاه بشيء وتحملي تهدينه على اي خلاف يستوي بينكم...............محمد وهو يمسح دموعه:امج عمرها ما هدتني حتى لو كانت زعلانة مني تسامحني وابيج تكونين مثلها توعديني
شمس وهي تمسح دموع ابوها:اوعدك بستوي مثلك ومثل ماما
محمد:ههههههههههههههههه مثلي انا بعد
شمس:هههههههههههه هي مثلك
شمس:بابا ثو هي الحياة
محمد ببتسامة:الحياة تجارب ,الحياة تكبرج قبل اوانج ,الحياة مدرسة وكلنا باذن الله ناجحين
شمس:حتى انا
محمد:هي حتى انتي شمس تذكري....................... وبصوت واحد مهما استوى(الحياة حلوة)
نزلت دموع شمس على هاي الذكرى كلام ابوها صح فهد حبيبها كيف تتركه بتردله وبتكون مثل امها,مثل ما وعدت ابوها لبست عباتها وشيلتها وخذت جناطها ودعت اختها ميثا وركبت موترها وهي بس تفكر في فهد ,بس فهد
في قصر بو فهد............
بو فهد: انت وبعدين معاك ما يسوى حرمة هدتك
فهد:ابوي الله يخليك ال فيني كافيني
بو فهد:هي يا فهد يا اولدي صدق ان الحب عذاب وانت ابتليت بحب بنت محمد
فهد:ابوي انا احبها والله ما خنتها فكيف تتركني كل ها تغلي ولا شو
في هاي اللحضة تبطل الباب ودخلت شمس وبانت اوسع ابتسامة على ويه فهد وابوه
اجيك يسلم راسك
واشلون ما جيك
وياك انا بالذات
صعبة تغلى
شمس وهي في حضن فهد:حبيبتي اخر مرة تكفين لتهديني انا ما
شمس وهي تقاطعه وتحط صبعها على شفايفه:انسى حبيبي وخلنا نبدى من اول ويديد...........باس ايدها وصبوعها صبع صبع وهو هيمان فيها.......فهد:احبج بينون
شمس بحب:انا بعد
فهد بهيام وشوق:انتي بعد شو
شمس بمستحى:احبك
فهد حضنها باقوى ما عنده وحاس انه ملك العالم لان حياته في حضنه
وصل بيته وقف سيارته في الباركن الصغير فجر طالعت البيت الشعبي الصغير وحست بالتقزز هي فجر تعيش في ها المكان القذر
سيف بقسوة:الشيخة تترياني ابطللها الباب
فجر:لو سمحت
سيف:اقول انتي مب عند ابوج انزلي احسلج قبل لااغسل ويهج ها بالمرحاض
فجر:ايخسي وانا بنت نهيان
سيف: شيخة عند ابوج لكن عندي انا لاء انتي ولا شيء انتي والزبالة واحد وهي بعد انضف منج ما تصبغ ويها ال غادي جنه الوان مائية
فجر:احترم نفسك انت تعرف انت قاعد تكلم منو
سيف:اقول جب جب دشي قبل لا اهفج طراق يعدل ويهج المصبوغ اخاف اذا مسحت المكياج بيبين قبحج
فجر بدلع:انا حلوة
سيف يقهرها:منو قاص عليج
فجر بدلع رباني:كلهم يقولولي انا حلوة حتى بابي ومامي
سيف يقلدها وبستهزاء:حتى بابي ومامي
فجر:اكرهك
سيف :شعور متبادل اقول اي يا الياهل بلا هذرة زايدة دشي وانتي ساكتة
فجر بدلع طفولي:مابا اول اعتذر مني واعترف اني مب ياهل ترى عمري عشرين سنة والله العضيم براس بو عبود...................سيف:منو بو عبود ليكون القلب وانا ما ادري ها قولي يا العنز
فجر:العنز شيفتك يا العنز
سيف وصل حده فرها داخل بقسوة لين ما وصل حجرته ال كانت صغيرة وايد وفرها على الارض.
سيف:سمعي
فجر:انت ال اسمعني
سيف بصراخ:جب انا ما ابي شيء منج ,ولا انتي تبين شيء مني نحن مزوجين على الورق وبس ,وحقوق مالج عندي غير اكلج وشربج فاهمة
فجر بجرئة:امبلى لي حقوق فاهم مثلك مثلي فاهم
سيف بخبث: ما طلبتي .............بستهزاء حياتي بس حقوق السرير تبين حقوق ثانية
فجر خافت وهي تحس انفاسه قريبة منها وايد
فجر بخوف ودلع بدون قصد:مابا شيء خلاص انا اسفة
سيف ابتسم بستهزاء:عشان مرة ثانية تثمنين كلامج قبل لتقولينه
فجر:ان شاء الله
سيف خاف ليتهور وهو يشوف كل هاي البرائة والدلع فطلع وصكر الباب بالقو جنه ال يطلع حرته بالباب (هههههههه مسكين الباب كاسر خاطري)
نهاية الجزء السادس عشر
|