مهما استوى (الحياة حلوة)
الجزء الثالث عشر........................
كلام ابوه لين الحين ينعاد في راسه معقولة حرمته اتكون نفسها بنت اربيع ابوه لامستحيل ,بس هو ما يعرف شيء عن زوجته غير انها يتيمة دخل الجناح وهو يسمع صوت صياحها ال يقطع القلب بدون ما يحس ركض عندها وهو يحس باحاسيس غريبة.
فهد بحنان:شمس حبيبتي شو فيج ليش تصيحين
شمس وعيونها على فهد: ولا شيء لتستهم
فهد: كيف ما استهم وانا اشوفج مقطعة روحج من الصياح
شمس ابتسمت وهي تمسح دموعها:ولا شيء اربيعتي ماتت وانا حزنانة عليها
فهد حضنها وهو يبوسها على خدها بحنان: الله يرحمها هذي سنة الحياة
شمس: فعلا سنة الحياة فهد
فهد: قلبه
شمس: ابي اتعالج من الادمان مابي اتم مدمنة وغبية والناس يحتقروني ابي احقق حلم كل ال يحبوني
فهد دمعت عيونه: انت مب غبية ياحبيبتي وان شاء الله من باجر اي من باجر من اليوم بوديج تتعالجين وانا اوعدج انج تردين مثل اول
شمس: اول ليش انت تعرف كيف كنت اول
فهد حضنها باقوى ما عنده وهو حاس باحجتها لحضنه مثل حاجته لها: لاء بس متاكد انج كنت غير
شمس: ليتنا لونقدر انرجع سنين عمرنا ورى ولا نعيش الذل
فهد حس انها تتكلم بلسان حالها
شمس: فهد اعرف انك ما تحبني وعمرك ما حبيتني, واعرف ان قلبك ملكته وحدة وبس وهي سحر بس انا حبيتك واريدك حقي بروحي
فهد استغرب شمس اتحب, شمس اتحبه قال بكل حنان: وانا احبج وحقج بروحج
شمس حضنته: احبك حبيبي
فهد ذاب وهي في احضانه: وانا اموت فيج................وبخبث ترى لتمتحنيني عادي اتهور
شمس:ههههههههههه حلالك تهور على كيفك
فهد: هههههههههههههههفديتج وفديت ضحكتج
شمس نزلت راسها بمستحى الله خذ منها اغلى انسان على قلبها ابوها محمد , واخوان يكنون عزوة وسند لها , بس عوضها بزوج مافي مثله اثنين قالت في قلبها اموت فيك فهد احبك وحست انه حاس فيها ويقول احبج ااااااااه شكثر هاي الكلمة حلوة لايت من شخص تحبه.
في احد الاحياء القذرة..............
كالعادة مافي مثله في العب مستعد يبيع نفسه عشان الفلوس
عبير(بنت عز):احمد انا احبك ليش ما تحس فيني
احمد: حاس فيج حبيبتي بس مثل ما تعرفين مو قد المقام (جذاب)
عبير: حياتي انت انا اباك بكل حالاتك
احمد(غبي اخذ وحدة شرواج): بس ابوج له راي ثاني
عبير: لاثاني ولا ثالث انت تعال اخطبني ويصير خير
احمد بخبث: لهاي الدرجة مستعيلة
عبير: مرة يا قلبي احمد ما تصور اشكثر احبك
احمد: وانا بعد احبج
عبير بمستحى: فديتك
احمد ابتسم وهو يرسم احلى ابتسامة
الجامعة الامريكية................
سحر: ما صدقت من الله ان الدكتور يعتذر عن المحاضرة
فيصل: انت وبعدين معاج ما ترتاحين ال يوم تواجعينها وتغتابينها
سحر: اكرها
فيصل: تغيرتي وايد يا سحر ما عدت الحنونة ال همها سعادة غيرها وال حبت شمس مع عيوبها
سحر: حرمتني من فهد
فيصل: فهد لو كان فعلا يباج جان ما فرط فيج
سحر سكتت لان كلام فيصل كله صح.
مكان اخر..................................
.............هاي فجورة وصلت
.............الناس يقولون السلام عليكم مب.........وهو يقلدها هاي
فجر: مامي شوفيه
............نهيان خل البنت في حالها
نهيان: والله محد يخرب البنت غيرج
فجر بدلع زايد: مامي
العنود: قلب مامي
نهيان: اسير الدوام ابركلي
العنود: وانا اشوف جي بعد
نهيان طالعها بنضرة حرقتها وابتسم:بعدج زعلانة
العنود اتكابر:لاء
نهيان بنضرات حب: اكيد
العنود اشوي وبتصيح:اي
نهيان بدون مقدمات يا جذاها وحضنها بالقو ولا مهتم لوجود فجر همس:احبج بينون
العنود بمستحى: انا بعد
نهيان بخبث: انتي بعد شو
العنود بمستحى: نهيانو يوز عني
نهيان:ههههههههههه فديت نهيانو من ثمج
العنود: هههههههههالبنت اطالع
فجر: اي انتم لتخربوني بعدني ما دخلت القفص الفضي مادري الذهبي المهم
نهيان يقاطعها: الله يعين ال بياخذج
فجر بدلع ومياعة: وفديته ريلي امه داعيتله
نهيان: اخاف يشرد
فجر: بابي
نهيان: شو بابي بعد انتي قولي ابوي
فجر: لالا ما حلو احسه عنكاش مش اتكيت
نهيان: شو يخص الاسم في الاتكيت
فجر: بعد ربك
العنود: نهيان يوز عن بنتي
(مفاجاة..........اكيد عرفتوهم هي هذيلا جزء من الماضي (نهيان والعنود)كان عندهم ولد اسمه احمد بس طبعا تعرفون قصة اختطافه وبعده يابو فجر)
(احم احم خلونا نرمس اشوي عن فجر..........فجر بنت حلوة وايد رقيقة وناعمة دلوعة درجة اولى انيقة جمالها ملفت تشبه نهيان وايد وتاخذ من العنود شعرها الكستنائي الطويل ال صبغته احمر مع بني 20 سنة اخر سنة في الجامعة)
نهيان: اقول اقول فمان الله انا رايح الدوام تامرون على شيء
العنود وفجر: سلامتك
روح نهيان دوامه في شركته الخاصة , اما فجر فطلعت مع ربعها
نهاية الجزء الثالث عشر
|