في الكويت.....................
قلعة بن ال...................
نزل خالد يلحق على دوامه ويفطر مع ابوه مثل كل يوم
خالد وهو يبوس راس ابوه: صبحك الله بالخير يبه
بو خالد: النور والسرور يبه اقعد افطر معاي
خالد وهو يقعد:يبه بغيتك في موضوع ضروري
بو خالد: قول يبه
خالد برتباك:يبه انا نويت اكمل نص ديني
بو خالد بفرحة: صدق فرحتني الله يفرحك هاي الساعة المباركة ومنو البنية عسى تكون من جماعتنا
خالد: بنت ارفيجك (نورة بنت حميد بن ضاحي)
بو خالد: وخير ما خترت انا باجر بخطبها حقك
خالد: يبه صار لازم اخواني يردون من الامارات العرس ما بيستوي وهم مب موجودين
بو خالد: لا اكيد بيردون اول ما يسمعون الخبر
خالد: عيل بحاجي محمد اقوله عن الخطبة
بو خالد: اوكي
خالد وهو يضرب رقم فون محمد, محمد كان نايم
محمد بصوت كله نوم: الو
خالد: زعلان لتكلمني
محمد: خالد
خالد: هي خالد يامحمد اخوك ال نسيته بس ماقول غير الله يسامح من كان السبب
محمد: محد ينسيني اخوي ومنو كان السبب
خالد: منو غيرها الامارات
محمد:هههههههههههههههههههه والله ان لك وحشة خلود
خالد: لالا مبا اسمي خالد مب خلود وعطني اختك الحمارة احاجيها
محمد: اوكي فايف منت
خالد بعصبية: شنو فايف منت بعد الحين سير ابي احاجيها انت ما تفهم
محمد: خلاص قطعت قلبي ثانية وحدة
خالد: اوكي
محمد: العنود العنود
العنود وهي لابسة مريول المدرسة وخالصة وشالة عباة وشيلة في ايدها استغرب محمد بس ما علق من داخله ميت من الفرحة
محمد:خالد يبي يكلمج
العنود بفرحة وهي تشل فون محمد: الو خلود حبيبي وحشتني موت
خالد بحزن : باين اربع وعشرين ساعة حارقة مبايلي
العنود: اسمحلي حبيبي الدراسة خذت كل وقتي
خالد: على طاري الدراسة مال داعي دراستكم في الامارات تعلو كملوها في الكويت وبعدين عندي خبر يسوى ملايين
العنود بحماس: وشنو هو الخبر
خالد: احم احم اخوج الوسيم قرر يكمل نص دينه ويتزوج
العنود بفرح: واو ما بغيت الحين بخبر محمد
العنود: حمود حمود خالد خلاص بيتزوج
محمد: صدق
العنود: هي ويقول خلنا انرد الكويت
محمد: اوكي
المدرسة الثانوية.......................
محمد: يالله انزلي
العنود: محمد ما لحضت شيء متغير فيني
محمد ابتسم: قصدج العباة ال لحضت وانا حيل مستانس عشانج وكنت متاكد انها بتي منج
العنود وهي تنزل: يالله بايو
محمد: مع السلامة
نهيان كان واقف يترياها واستانس يوم شافها بالعباة والشيلة نزل وسار جداها
نهيان: فديت ال يسمعون الكلام
العنود: انت
نهيان: هي انا نهيان ال شاغل قلبج وفكرج
العنود: الثقة لازادت عن حدها يسمونها غرور
نهيان: اغتر على الكل ال غلاي
العنود: مغازلجي فاشل
نهيان: ما يخالف نتعلم
العنود:انت ناوي تسويلي فضيحة ها
نهيان: افضح نفسي ولا افضحج العنود انا
العنود بهدوء: نهيان انا رادة ديرتي ويمكن ما تشوفني مرة ثانية
نهيان حس ان الارض انشقت وبلعته وبصراخ وهو ماسك زنودها: وانا تتركيني
العنود: نهيان هدني شوف كيف الناس يطالعونا
نهيان سحبها بعيد عن الكل ولصقها على اليدار بعصبية
نهيان: محد يهمني كثر ما تهميني انت
العنود بخوف من قرب نهيان: الله يخليك هدني
نهيان طالعها من فوق لتحت: مابا انت مكانج الامارات مب الكويت
العنود: نهيان الكويت ديرتي
نهيان بصراخ : انا بلادج وانا حياتج فاهمة.................وتم يطالعها بحب كبيروهو حاس بالضعف جدا جمالها وانوثتها مسك ويها وقرب شفايفه وهي تحاول تبعد بس ما تقدر على نهيان ال كانت ايده الثانية على خصرها باسها
العنود: حقير واطي اكرهك
نهيان وهو حاضنها من خصرها: سمعيني زين انت حقي طال الزمن ولا قصر .......وبخبث وقتها محد بيمنعني المسج ........وبهمس احبج
العنود دزته بصعوبة وركضت المدرسة وهي تمسح شفايفها بتقزز من بوسة نهيان لها, اما نهيان بعده يحس بانفاسها الخايفة في احضانه ويتلمس شفايفه وهو يحس بحلاوة شفايفها ال تلمست شفايفه.
عند نهيان واربيعه عبيد.........
عبيد: ال ماخذ قلبك يتهنابه
نهيان: فديتها
عبيد: الله على الحب
نهيان: عبيد اموت فيهاوهي ناوية تهدني
عبيد: كيف تهدك
نهيان: تبي ترجع بلادها عبود ما روم اعيش بلياها احبها
عبيد: ما صدق نهيان يحب
نهيان: نهيان مثل كل الناس انسان له قلب ومشاعر واحساس
عبيد: الله يجعلها من نصيبك
نهيان: امين
عبيد ابتسم , ونهيان سرح في العنود
في الصف.............
فطوم: العنود شو بلاج فديتج
العنود: نهيان
فطوم: منو نهيان
العنود: ال اتضارب يا جابر في المارينا مول لانه عاكسني
فطوم:هي عرفته بلاه
العنود: باسني
فطوم بصدمة:اشو الحين تخبريني السالفة كاملة
وقالت العنود لفطوم السالفة كلها
فطوم: صدق انه مضيع المذهب
العنود: ما يباني اسافر يقول انه يحبني
فطوم: وانت
العنود: انا مستحيل اخذ واحد مب ولد ديرتي لا واهان اخوي
فطوم: بس شكلج تريدينه
العنود: تعلمت اني اوزن الامور بعقلي بعيد عن مشاعر سخيفة
فطوم:الحب بالنسبالج سخافة
العنود: السخافة انج تحلمين بشيء مستحيل تحققينه
فطوم: وما تعلمتي ان في هاي الدنيا مافي شيء اسمه مستحيل
العنود: المستحيل موجود لو انكرناه ولكن هاما يمنع ان نحلم..........وهي تبتسم يمكن يستوي حقيقة.
ابتسمت فطوم
وهو في الجامعة قاعد مع اربيعه خليفة وتفكيره في حياته يزوي
خليفة: لو اقولك كيف تواجعت معاها وهي ال تباغم بس عليها صوت
محمد: خليفة
خليفة: لا الاخ اليوم مش طبيعي
محمد: ما اروم ابعد عنها
خليفة:حبيبتك
محمد: فديتها والله تصدق من يوم الخطبة وانا ما احاجيها
خليفة: حرام عليك هي مالها ذنب
محمد وهو يصيح: احبها والله احبها وما اتخيل حياتي دونها
خليف وهو يهديه: حمود الله يهديك يا ريال كل ها عشان حرمة افا عليك
محمد: اخوي عرسه قريب ولازم ارد الكويت تيني تهيؤات ان ولد عمها بياخذهامني ساعتها بموت والله بموت المشكلة ان محد حاسس فيني
خليفة بحنان: والله اني حاس فيك اذا الله كتبها لك صدقني بتاخذها ولو كل العالم كان ضد حبكم
محمد بامل: امين انا ما بي من هاي الدنيا غير يزوتي
خليفة وهو يبتسم:الله يعطيك على قد نيتك
محمد: ان شاء الله
خليفة:هههههههههههه تصدق شكلك يضحك ونت تدعي
محمد: لا والله
خليفة : هي والله
محمد:ههههههههههههههههه شكلك يفطس من الضحك وانت تقلدني
خليفة:هههههههههههههههههههه
محمد:هههههههههههههههههههه
ما اجمل ان تلقى صديق يشعر بك ويبادلك الاحساس , ويقف بجانبك وانت بحاجته .
(حبيب العمر) يتصل
خليفة: رد على تلفونك
محمد: هاي يزوي
خليفة: يا الغبي شو تتريا رد عليها
محمد:ارد
خليفة:رد
محمد: اوكي
محمد: الو
يزوي: حبيبي
محمد ذاب محتاج هاي الكلمة ومشتاقلها
محمد: قلب حبيبج
يزوي: احبك
محمد: اموت فيج
يزوي: ما وحشتك
محمد: موت
يزوي: باين اشوفك حارق تلفوني
محمد بحنان: حياتي زعلانة
يزوي: لا ليش ازعل محمد اذا ماعدت تبيني قول عادي ولا تقطع مرة وحدة
محمد: انا ما ابيج انا يوم عن يوم يزيد حبي لج اكثر
يزوي وهي تصيح: عيل ليش ما عدت تنشد عني
محمد وده يموت ولا دموع اليازية: حبيبتي تكفين لتبجين انا حقير واطي بس لتبجين
يزوي: محمد انا احبك
محمد: وانا اعشقج يا قلب محمد
يزوي: عيل رد اخطبني
محمد: اكيد حياتي بس بعد ما ارد من الكويت
يزوي: بترجع الكويت
محمد: حبيبي ما بطول بحضر عرس اخوي وبرد الامارات اخطبج
يزوي: اخاف تنساني
محمد بحب: خذاني الموت لو نسيتج
يزوي : بعيد الشر عنك
محمد: يزوي
يزوي: قلبها
محمد: احبج
يزوي دمعت عينها: انا بعد
محمد بخبث: انت بعد شنو
يزوي بجرئة وهي مغمضة عيونها: احبك احبك احبك
محمد: اه محلاها من كلمة متى بي اليوم ال انكون فيه في بيت واحد
يزوي: ان شاء الله قريب ساعتها ما بيقدر اي مخلوق يفرقنا بس انت قول امين
محمد بامل: امين
محمد والعنود رجعوا الكويت عشان عرس اخوهم خالد وكان هذا اتعس يوم بالنسبة ليازية ونهيان. بعد شهر من ردة محمد والعنود للكويت صارت وايد احداث منها زواج ولد عم اليازية بمغربية . وفصوخة اليازية لخطبتها من ولد عمها , وخطبة العنود من ولد خالها ال ما درا عنها نهيان
في مطار دبي الدولي...............
العنود: واو اخيرا ردينا دار الحي
محمد: عنودتي ماني مصدق بشوف يزوي
العنود ابتسمت:هههه لاصدق
محمد خطب اليازية وكان مع ابوه واخوه خالد في الخطبة وبونهيان وافق لان اليازية موافقة وهي ال تبا نهيان , حتى نهيان كان مستانس وطول الوقت عيونه على العنود ال ناوي يكلم ابوه يخطبها حقه
بو خالد:بهاي المناسبة ابي ابشركم ان ملجة بنتي العنود على ولد خالها بعد اسبوعين وانتوا مدعوين
نهيان حس انه مات
بونهيان: الف مبروك والله يتمم على خير
بو خالد: امين
نهيان كان يطالع العنود بنضرات كلها حزن, والعنود قلبها معورها على نهيان بس شو تسوي هذا قدرها ونهيان الله يرزقه بوحدة غيرها.
برع في الحوي العنود كانت واقفة برع بعبايتها وشيلتها ...................وفجاة.....
حست بلي ماسكنها ولفنها صوبه
العنود: نهيان
نهيان بصراخ: هي نهيان ال ناوية تتركينه, ويضويج غيره
العنود وهي منزلة راسها: اسفة مب بايدي نهيان
نهيان بصراخ اعلى: ال بايدج ارفضيه وانا باخذج
العنود: انت صاحي ولامينون
نهيان:مينون هو انت خليتي فيني عقل من عرفتج وانا حياتي متلخبطة الله يلعن الساعة ال حبيتج فيها
العنود: خلاص انساني
نهيان بحزن: انساج تتحسبين ان كلمة انساج سهلة انا شهر ما شفتج عشت في عذاب شو بالج ان غيري ياخذج
العنود: الحين شنو المطلوب مني
نهيان: نتزوج
العنود بصدمة: شنو انت صدق مينون
نهيان بحدة: سبق قتلج انج مانج لغيري وهذاني اقولج الحين باخذج نتزوج
العنود: ما عاش ولا يابته امه ال يجبرني على شيء ما باه
نهيان:اوكي السالفة تحدي اوكي براويج كيف ال يابته امه يسوي
نهيان سحب العنود يركبها سيارته وهي تباغم ما تبي تركب معاه وداها المحكمة وصار الزواج وطبعا بالتزوير في العمر وغيره من كثر ما نهيان عنده معارف
طول الوقت وهي تصيح في سيارته وهو ضغطه مرتفع منها
نهيان وهو يسوق ويدخن سجارة:بلاج تراني تزوجتج بالحلال عشان تعرفين انج مب رخيصة عندي
العنود: انت حقير وبخبر عليك اخوي
نهيان ببرود: خبري محد بيتضرر غير اخوج يا حلوة نسيتي انه يبا اختي
العنود: اكرهك
نهيان بحزن: عادي المهم اني انا احبج
العنود: كيف ترضى على نفسك تاخذ وحدة ما تباك ولا تواطنك
نهيان:مصيرج بتحبيني........وهو يبتسم
العنود سكتت لان الكلام معاه ضايع وصلوا شقة نهيان(لا الحبيب مجهز حق كل شيء )
نهيان: حبيبتي ادخلي بريلج اليمين
العنود دخلت بدون اي نقاش وهي تعطيه اخيس نضرة
كانت الشقة وايد كبيرة وحيل فخمة
نهيان ببتسامة: عيبتج
العنود ببرود: ابي ابدل ثيابي بس ما عندي ملابس
نهيان ابتسم وهو يراويها كبت غرفتهم ال كان ممزور ملابس نسائية اشكال والوان
العنود: شكرا
نهيان: العفو هذا اقل شيء اسويه
العنود ماردت عليه دخلت الحمام(تكرمون) خذت شاور سريع وطلعت بالفودة ال كانت لنص فخذها وجسمها المغري امبين انوثته نهيان ذاب من لبسها ومن شعرها الخرسان ال طايح على خدودها ويبهتها وكتوفها بنعومة ابتسمت بخبث وهي تشوفه كيف امبطل حلجه هي تعرف عمرها كلمة مغرية اشوية عليها قربت منه وهي حاسة بدقات قلبه طبول
العنود: ماتبا حقك الشرعي
نهيان استغرب من جرئتها
نهيان: مابا اجبرج على شيء انت ماتبينه
العنود:هههههههههههههههههههههههههههه لاحبيبي خذ راحتك
نهيان ذاب: فديت الضحكة وراعيتها
العنود ابتسمت ونهيان نسى كل شيء جدا انوثتها ,وضاع في سحر جسدها.
اليوم الثاني..............
نش نهيان وهو يشوف حياته في حضنه قعد يبوسها وهو ما مصدق انها صارت ملكه بروحه
نشت وبتسمت وهي تشوفه يلعب في شعرها
العنود: صباح الخير
نهيان باسها بالقو على خدها: صباح النور والسرور والفل والياسمين احبج
العنود: نهيان
نهيان وهو يحضنها بالقو: عيونه
العنود والدموع تنزل: انت خذت ال تبيه مني صح خلاص طلقني
نهيان حس انه مات من كلامها
نهيان وهو يبعد عن حضنها: انا خذتج لاني احبج مب نزوة او متعة وطلاق وهذاني اقولج ما اطلق فاهمة
العنود وهي تصيح :فاهمة
نش من شبريته ودخل الحمام(تكرمون) خل الماي يغسل جسمه لكن قلبه شو يغسله تذكر ال صار بينهم امس يعني هي اعتبرت نفسها لعبة له ياخذ ال يباه ويطلقها ما توقع ان هذا تفكيرها لكنه يحبها ومستعد يصبر عليها, طلع وشافها لابسة وخالصة بعد ما سبحت في الحمام الثاني لبست جلال الصلاة وكبرت تصلي, ونهيان سوى نفس الشيء
نهيان: تقبل الله
العنود: منا ومنك صالح الاعمال
نهيان قرب صوبها وحضنها بالقو وهو يصيح مثل اليهال وهي مستغربة
نهيان: احبج احبج والله احبج ومستعد اصبر عليج بس اهم شيء ما تهديني
العنود سكتت وكتفت انها تمسح على شعره بنعومة باس صبوعها صبع صبع
نهيان: احبج
محمد عرف بزواج اخته العنود بنهيان في البداية عصب من ال سواه نهيان ,لكن في الاخير فرح وباركلهم, وتزوج اليازية وسافر معاها شهر العسل استراليا وكانت بنسبالهم رحلة العمر , اما العنود فتغيرت من ناحية نهيان وبدت تحس انها فعلا حبته اليازية حملت ويابت (خليفة) ال كان بكبره محمد , وبعده يابت( سلطان) ,والعنود ال كانت تاخذ موانع بس نهيان من كثر ما كان يحبها ما قال شيء تركت الموانع ويابت( احمد) ال كان يشبه نهيان في كل شيء لكن احمد تعرض للاختطاف ونهيان تعب يدور عليه لكن للاسف ماحصله واعتبر عند القضاء ميت تجاوزو حزنهم بولدة العنود بفجر . ونفس الشيء اليازية ال حملت للمرة الثالثة ويابت بنت سماها محمد( ميثاء)وبعده بسنة واشوي حملت اليازية
اليازية وهي في احضان محمد: محمد
محمد وهو يبوسها: قلبه
اليازية: ابيها ابنية
محمد: ابنية
اليازية: بنية بكبرها انت وابي اسميها( شمس)
محمد: شمس
اليازية: هي شمس وبتكون بالفعل شمس بنت محمد بن سبع
محمد ابتسم وباسها على راسها
ربت اليازية ويابت بنت ولكن اليازية ماتت صاح عليها محمد وايد تم فترة طويلة معزول عن الكل ,حتى عياله اهملهم لين ما يتله اخته العنودوهي شالة بنته شمس ال كانت بالفعل بكبرها محمد مثل ما تمنت اليازية.
العنود: محمد
محمد: خير انا قلت مابي حد ايلي انتوا ليش ما تفهمون.......وتم يصيح
العنود: تحب اليازية لدرجة انك تبجي على موتها
محمد: لانج مب حاسة بشيء يزوي دنيتي كيف بعيش بدونها
العنود يلست حذاله وهي تبتسم: محمد تذكر يوم كنا صغار يوم كنت تفشل في دراستك ,او تتعرض لمصيبة شنو كنت تقولي
محمد ابتسم بحزن
العنود تكمل: كنت تقول .....مهما استوى(الحياة حلوة)
محمد نزلت دموعه
العنود: محمد ابيك ترد محمد القوي ال لصوته تهز يبال عندك اربع عيال الله يخليهم لك اما انا ما عندي غير فجر
محمد بتردد: واحمد
العنود: احمد خلاص راح وانا ما سويت مثلك يا محمد مع اني خسرت قطعة مني
محمد ساكت
العنود وهي تصيح: طالع شمس ال بغتها المرحومة تريدها تنحرم من حضن ابوها مثل ما نحرمت من حضن امها
في هاي اللحضة دخلوا خليفة وسلطان وميثاء
العنود: عيالك محتاجينك اكثر من قبل
محمد ابتسم وهو يمسح دموعه خذ شمس من العنود وحضنها بالقو وهو يشم فيها ريحة المرحومة , وبعدين حضن عياله وهو حالف ليعوضهم الحرمان.
بعد سنة............
استوت حريجة في قلعة بن ال ومحمد حاول يحمي عياله كل واحد مصيره مجهول طلع وفي حضنه شمس , اما العنود ونهيان ال كانو مسافرين ولا يدرون عن شيء ردوا البلاد وتفاجؤ بخبر وفاة عايلة بن سبع وخسارتهم الاملاك صاحت وهي تتخيل محمد يقولها
مهما استوى(الحياة حلوة)
|