الجزء الثاني عشر............
يسالوني ليه احبه حب ما حبه بشر
وليه انت في حياتي شمسها وانت القمر
وليه صوتك لاوصل صحاري
علميهم يا الحبيبة اه يا اغلى حبيبة
محمد: فديتها الحبيبة
خليفة: اقول حمود
محمد: قول خلوف
خليفة:اتصدق انك كاسر خاطري
محمد: ليش ان شاء الله شايفني اشحت الناس ولا اشحت
خليفة: محشوم اخوي انت اكبر من جي بس
محمد: بس شنو
خليفة: حبيبتك
محمد: بلاها حبيبتي
خليفة: مب ناوي تخطبها
محمد: وش دعوى خلوف بس خايف اهلها يرفضوني بحكم اني كويتي
خليفة: انت ريال ما عليك كلام واذا رفضوك فهم خسرانين مب انت
محمد: بس انا احبها وما ودي اخسرها
خليفة: ان شاء الله ما بتخسرها
محمد وهو يتنهد: ان شاء الله
في فلة بونهيان........
نهيان: اقول يزوي
يزوي: هلا نهيان
نهيان: ولد عمج مستعيل ويبي العرس بعد شهرين
يزوي: اشو شهرين اشوية ما يمدي
نهيان: والله مب مشكلتي اهم شيء عندي تخلصين كل امورج قبل الشهرين
يزوي: واذا قلت اني ما ابى ولد عمي
نهيان: شو تقولين انت صاحية ولا مينونة وبعدين انتم محيرين حق بعض من يوم كنتم صغار
يزوي: بس انا ما باه
نهيان: هي كلمة مافي غيرها زوجج من ولد العم بعد شهرين وافضل انج تجهزين من الحين
يزوي بنكسار: ان شاء الله
طلع نهيان من حجرة اخته بدون اي كلمة ولا حتى كلف على عمره يندم, اما يزوي فخذت فونها واتصلت على طول في محمد
محمد: الو هلا حياتي
يزوي وهي تصيح: محمد محمد الحق علي
محمد بخوف: بسم الله عليج شو فيج
يزوي: تعبانة تعبانة محمد
محمد بحب: يعل التعب فيني ولا فيج
يزوي: بسم الله عليك اصلا وجودك معطيني دافع اعيش
محمد: بعد عمري والله وجودج انتي ال مخلني اسعد رجل في العالم كله
يزوي بمرح:ههههههههههههه العالم مرة وحدة
محمد: هههههههههههالعالم
يزوي: حمودي
محمد: اه قلب وروح حمودي انتي امري فديتج
يزوي: احبك
محمد: وانا اموت في تراب ريلج
يزوي استحت: هههههههههههههههه اتصدق افكر في المستقبل
محمد: ههههههههمعاي اكيد بيكون احلى مستقبل
يزوي: العن ابو الثقة
محمد: يحقلي.........وهو يقهرها بخبث حلم كل بنت تبي اوسم رجال العالم
يزوي بغيرة: لا والله
محمد بنفس اسلوبها: هي والله
يزوي بقهر وغيرة واضحة: بذبحك بعدين بذبحها وياك
محمد برومنسية: ذبحج لي عسل على قلبي
يزوي: وهي
محمد:ههههههههههههههههههههههه يا قلبي انتي بعدج تفكرين فيها
يزوي: لتلومني محمد اخاف تاخذك مني
محمد: ما عاش ال ياخذني منج ومن الاساس مالها وجود
يزوي بعصبية: يعني كنت تقص علي
محمد:ههههههههه واحلى قص
يزوي(فديت الضحكة): اكرهك
محمد:احبج
يزوي: اي هيتيو
محمد: اي لفيو
يزوي: اقولك اكرهك وتقولي احبج
محمد: لاني احبج
يزوي بمستحى: صدق
محمد بحب: اي صدق يا عمري انتي وبالباجر ان شاء الله انا بعزم عمري عندكم اخطبج من ابوج
يزوي: بس
محمد: خايفة
يزوي: خايفة يردونك وهاي بتكون اكبر طعنة لي
محمد: يزوي حياتي انت تعرفين اني مب راعي سوالف وطول حياتي ما فكرت العب على اي بنت لانها مب من اخلاقي وانا ما تربيت على نمط منحرف عشان جي ال يبا الحلال يدخل البيت من بابه وان شاء الله خير
يزوي: ان شاء الله
محمد: حبيبي اخليج الحين وباجر ان شاء الله انا عندكم
يزوي: احبك
محمد: انا اكثر
يزوي: لا انا اكثر
اختلفنا مين يحب الثاني اكثر مين يحب الثاني اكثر
واتفقنا انك اكثر وانا اكثر
محمد: احبج
يزوي: احبك
وبعد مكلمة محمد واليازية ال كانت تعبر عن اصدق مشاعر الحب الصادق سكروا عن بعض , وقلوبهم تحكي قصة حب لذيذة , والاحلام تتجسد في صورة واقع متاملين يعيشونه .
يا ترى هل فعلا بيصير واقع؟
اليوم الثاني..................
محمد: العنود ياالله تاخرنا على الجماعة
العنود: كاني خلصت
محمد: بتطلعين جذي
العنود: اي بلاه لبسي
العنود كانت لابسة بنطلون جنز واسع مع بدي يا قميص طويل فيه شغل حلو ومسوية شعرها ذيل حصان(يا عيني على البساطة)
محمد: العنود حبيبتي نحن في الامارات وعيب ندخل بيوت العرب جذي
العنود: شنو قصدك
محمد: البسي شيلة بس اليوم ومب لازم تتحجبين
العنود: مع اني ما حب البس الشيلة بس لجل عين تكرم مدينة
محمد:فديت ختيه
العنود بمستحى: احم احم اخجلت تواضعي
محمد ابتسم: يالله
العنود وهي تلبس شيلة بعشوائية : يالله
في فلة بو نهيان.............
كان عندهم خبر عن العرب ال بيولهم اليوم من اتصال محمد ببو نهيان وحدد معاه الوقت وصل محمد مع اخته العنود فلة بو نهيان ودخلوا محمد الميلس , اما العنود فسارت ويا البنات وتعرفت على اليازية واختها وديمة وحبت يزوي وايد وتمنت ان يوفقون انها تاخذ محمد لان محمد صدق يحبها ومستعد يفديها بروحه.
في ميلس الريايل...........
بو نهيان: حيا الله محمد
محمد: يحيك ويبجيك يا عمي
في هاي اللحضة وصل نهيان ودخل الميلس هو واخوه راشد
نهيان بنفس خايسة: السلام عليكم
راشد ببتسامة: السلام عليكم
محمد وهو يبتسم: وعليكم السلام ورحمة الله وبركاته
نهيان جنه حاس بلي ياي عشانه محمد يلس هو وراشد ونهيان عيونه على محمد وكلها نضرات كبر وغرور.
نهيان: ال ما عرفنا سبب الزيارة
محمد بخجل: والله يا اخ نهيان انا ما عرف شو اقولكم
بو نهيان بحنان: قول يا ولدي ولا تستحي
محمد: اتري ارفيجي اي واتكلم والسموحة منك يا عمي
بو نهيان: بالحل
في هاي اللحضة وصل خليفة دخل الميلس وسلم على كل الموجودين بدون استثناء محمد حس بتوتر الوضع كيف يخطب بنتهم في اول لقاء له باهلها وهو حاس ان نهيان فاهم هو ليش ياي.
نهيان بستهزاء ويقلد محمد: هذا ارفيجك وصل ما بتتكلم
محمد استحى وسكت وتكلم خليفة وعيونه على بونهيان
خليفة: والله يا عمي بونهيان نحن ياين وطالبين القرب منك
بو نهيان استانس على باله ياين يخطبون ودوم
بونهيان : هاي الساعة المباركة يا ولدي بس منو بغيتو
خليفة: بغينا بنتك اليازية حق اربيعي محمد وانا اشهد انه راعي واجب وصلاة وخايف ربه وصدقني بيحط بنتك في عيونه
بو نهيان سكت ما عرف شو يرد على الجماعة ونهيان هو ال رمس وبكل حقارة
نهيان: طلعوا برع ما عدنا بنات حق الزواج
بو نهيان بعصبية: نهيان اسكت
محمد بهدوء: اعتقد ان هذا مب اسلوب تعامل فيه ضيوفك يا ولد الاصول
نهيان بغرور: ما بغى غير كويتي ياي يخطب ختيه اطلع برع يا الخام
خليفة عصب وكان بيقوم يضرب نهيان بس محمد مسك ايده وعيونه على نهيان
محمد: نضرتك لي ما تهمني وانا ولد عرب وافتخر كوني كويتي وحبيت اقولك مشكور يا اخوي على الكلمة ال قلتها ............وهو يمسك ايد خليفة عشان يروحون.........
فمان الله
لحقهم نهيان برع وهو ناوي على محمد في هاي اللحضة طلعت العنود واستغرب نهيان من وجودها في بيته وحس بدقات قلبه طبول وده يركضلها ويقطعا بوس من الخاطر
نهيان بهمس: انت
العنود طالعته ببرود وطلعت مع اخوها محمد وهي حاسة بالنتيجة من ملامح الحزن في ويه اخوها وربيعه خليفة ال ماتكلم طول طريجهم لشقة
في غرفة اليازية...........
نهيان بصدمة: اشو
يزوي: هاي اخت العرب ال يولكم من الكويت واسمها العنود 15
نهيان تذكر نضرة البرود من العنود ومعاملته القاسية للاخوها خاف ليخسر العنود وها ال ما بيقدر نهيان يتحمله رد حجرته وتم يصيح من الخاطر وهو يذكر نضرة العنود.
نهاية الجزء الحادي عشر...................(العيون الوساع) قرائة ممتعة
|