الجزء الثامن.............
العنود: بابي ودي اسير بيت ارفيجتي منوي
خالد بنذالة: مافي روحة
العنود بزعل: انزين انا ابي اروح بليز خلود
محمد: خالد حرام عليك خلها تروح
خالد: لاوالله ما عدنا بنات ايسيرون بيوت الغرب
محمد: والله قالتلك بتسير عند ارفيجتها يعني مب غرب
العنود: اصلا انا اعرفها من ايام الابتدائية والمتوسطة وهي ثقة
خالد طالعها بنضرة اما محمد فكان يبي يضحك على خفة دم اخته والعنود حدها خايفة ومستحية
خالد: خلاص روحي بس تحملي اطولين
العنود وهي اتاشر على عيونها: من عيوني
محمد: تسلملي عيونج
خالد بغضب: جب انتوا الاثنين
العنود ومحمد يلسوا يضحكون وخالد كان امفول
بو خالد: بس شنو مالي حشيمة في ها البيت والله انكم جهال بلحي مسوين عمركم رجاجيل
خالد ومحمد: السموحة يبه
العنود: محد يعرف يادبكم غير ابوي الله يطولي بعمره
خالد ومحمد طالعوها بنضرة سكتها وخلتها تكره تقولها مرة ثانية
بدت امتحانات الثانوية العامة ومحمد كان حيل شاد حيله يبي ينجح ها السنة ويرفع راس ابوه حتى انه هاي الفترة ما دخل المسن كان مشتاقلها حيل ليش ما يدري بس يحس انها وحشته وحياته ظلام بدون ما يعرف اخبارها مرت فترة الامتحانات على خير ومحمد والعنود شالين هم النتيجة
العنود: اذا ما يبت نسبة بموت
محمد: عاد انت يا الدحيحة ما ينخاف عليج
العنود: ليش شنو قالولك عني ولا شنو قاللوك
محمد:هههههههههههههههههه والله انج نكتة عنودي
العنود:ههههههه بنشوفك انت وال بتاخذك هذا اذا حد رض ياخذك
محمد يت على باله اليازية اشكثر اشتاقلها ابتسم وهو مستغرب من اهتمامه حق هاي البنت ال ما يعرف عنها غير انها اماراتية واسمها اليازيةوعمرها 17
الفليل في دار محمد(ههههههه احاول ارمس كويتي)
دخل المسن وما شاف اليازية قعد يترياها وبعد خمس ساعات دخلت اليازية ال استغربت ان محمد اون لاين لها فترة ما تكلمه بسبب الامتحانات
(عاشق ترابج بلادي): يزوي حياتي وينج خمس ساعات انطرج
اليازية استغربت حياتي
(دلوعة اهلها): هلا محمد السموحة منك كنت طالعة وي امايه عرس اربيعتها
(عاشق ترابج بلادي): مسموحة بس فديتج قوليلي قبل ما تطلعين اي مكان اقعد على اعصابي احاتيج
(دلوعة اهلها): محمد بلاك شو استوابك انت ترمسني بطريقة غريبة
(عاشق ترابج بلادي): كل شيء بتعرفينه يوم بي الامارات
( داوعة اهلها) بتي الامارات
(عاشق ترابج بلادي): اي بدرس عندكم ولا ماتبوني
(دلوعة اهلها): الله صدق بتي والله مب مصدقة ان شاء الله تنجح واشوفك قريب
(عاشق ترابج بلادي):هههههههههههههههههههههههههههههههههه بتريا ها اليوم بفارغ الصبر
وتمت يزوي اترمس محمد لساعات بعدين استاذنت عشان ترقد لان وراها جامعة
ضهرت نتايج الثانوية العامة محمد نجح هاي المرة ونسبته 95 بالمئة والعنود بعد نجحت ويابت 96 بالئة فرح بو خالد بنجاح عياله وايد العنود بتسير ثالث ثانوي اما محمد فبسير اول سنة في الجامعة محمد قرر يكلم ابوه عن رغبته انه يسافر يدرس في الجامعة الامريكية في الامارات وكان خايف ان ابوه يرفض
محمد: يبى بغيتك في موضوع
بو خالد: قول يبى شنو الموضوع ال بغيتني فيه وانا ابوك
محمد: يبى بغيت اسافر اكمل دراستي برع الديرة
بو خالد: ما عندي مانع يبى بس وين تبا اتسير
محمد وعيونه في عيون ابوه: الامارات
بو خالد بغضب : شنو شنو ما سمعتك حبيبي الامارات قلت جامعات برع عشان تدرس في الامارات
محمد: يبى خلاص انا الحين رجال احترم قراري
العنود: وانا ابي اسافر مع اخوي
محمد: والثانوية العامة
العنود: اكملها في الامارات بس اسافر معاك
بو خالد: اكملت ثنين من اعيالي بيتركوني
محمد: يبى نحن ما منتركك منيك في كل اجازة
بو خالد فكر بعدين شاف ان رفضه مامنه فايدة فقال لهم يسافروا والله ايوفقهم وعطاهم احلى ابتسامة
يوم السفر
بوخالد: يبى هاالله هاالله في عمرك واختك ما وصيك عليها
محمد وهو يحضن ابوه ويبوس راسه: اختي في اعيوني لاتخاف عليها
خالد حضن محمد: ما وصيك
محمد: ان شاء الله اخوي وما اوصيك على بوي
خالد: لتوصي حريص اهم شيء دير بالك على نفسك وعلى حبيبة قلب اخوها عنودي
محمد ابتسم: ان شاء الله
العنود حضنت خالد وباسته هو وابوها على راسه
في المطار كان محمد يسوي الاجراءت والعنود يالسة فوق كراسي الانتضار تتري متى يعلنون عن الرحلة على طيارة الكويت
محمد: خلصت كل الاجراءت باقي ساعة على الاقلاع تحبين نقعد في الكوفي نشربلنا شيء
العنود: اوكي
محمد ابتسم مسك ايد اخته وسار معاها الكوفي وبعد نص ساعة اعلن عن رحلتهم المتوجهة للامارات مسك محمد ايد اخته العنود وسار معاها يركبون الطيارة
نهاية الجزء الثامن
|