الجزء السادس.....
في الجامعة شمس استغربت ان الدكتور الغى المحاضرة فطرت اترد الفلة وقررت اتفاجا حبيبها فهد
في الفلة ...........المكتب
فهد: ابوي شو الشيء ال خاشنه وراك
بو فهد: تقصد محمد
فهد بستغراب: محمد
بو فهد : محمد كان اخوي ال ما يابته امي (محمد بن ال)
فهد: ابوي مافي جبيلة اماراتية بن ال
بو فهد: محمد كان اربيعي الكويتي
في هاي اللحظة وصلت شمس وركبت جناحها تفاجا فهد بس ما حصلته تمت ادور عليه عبر الغرف
فجاة تسمع صوت فهد وبو فهد وقفت عند الباب تسمع بدون ما يلاحضها اي حد
فهد: ابوي قولي قصة محمد
بو فهد ابتسم: استوى ها قبل سنين طويلة
ذكريات..........في احد اكبر قلاع دولة الكويت كانت تسكن في هاي القلعة عايلة بن ال......
بو خالد ينادي الخادمة: سنتيا سنتيا
سنتيا: شو يبي بابا.......(لسانها طويل)
بوخالد:قومي صحي خالد ومحمد
سنتيا: والخنود مافي صحي بابا
بو خالد: اسمها العنود مب الخنود وبعدين عنودتي تصحى بروحها مب مثل خالد ومحمد ال يتصرفو مثل الجهال
سنتا: كل كلام قول انت بابا صح
بوخالد: اقول صحيهم قبل لااردك لديرتك
سنتيا بخوف: لاخلاص بابا انا سوي كل انت تريد لتسوي جنجال واجد
وسارت سنتيا اتواعي خالد ومحمد
في غرفة الشاب العود خالد
سنتيا: بابا كالد بابا كالد قوم بابا كبير يريد انت
خالد بقهر: خلاص خلاص قمت اخت سنتيا
سنتيا: كلاس انا سير ساهي بابا مهمد
خالد: اتسوين خير
سنتيا: بابا انت شنو قول
خالد قام بعصبية: طلعي برع ولا والله اردج ديرتج حق الفقر والفياضانات
سنتيا بخوف : لاكلاس انا روح
في غرفة محمد الشاب الاوسط
سنتيا: يالله مهمد قوم عشان سير سكول
محمد ببتسامة: حاضر سنتيا
في الصالة كان بو خالد قاعد مع اولده خالد يفطرون في هاي اللحظة نزلت العنود البنت الصغييرة ودلوعة عايلة بن سبع
العنود: هاي العنود وصلت
بوخالد ببتسامة: تعالي يبى افطري قبل لاتسيرين المدرسة
العنود بطاعة: اوكي يبه
نزل محمد وهو حالته حالة شكله بعده فيه النومة يلس حذالهم يفطر
محمد: صباح الخير يبه
بو خالد: توى الناس لو ماصحيت احسن
محمد: يبه انا جوعان ممكن افطر وبعدين حاجني
(خالد ولد بو خالد العود وسيم مخلص الجامعة ويشتغل مع ابوه في الشركة 24 سنة)
(محمد ولد بو خالد الاوسط هذا شو اقول عنه كلمة طررررررررراشوية عليه عيونه خضر ووساع وخشمه سلة سيف شعره ذهبي يا كاكاوي لحد الرقبة وبشرته برونزية 18 ثانوية عامة رسب سنتين بسبب اهماله طيب حنون رومنسي حيل له دور كبير في الرواية)
(واخيرا العنود بنت بو خالد الصغيرة هاي دلوعة البابا للانها البنت ال يت بعد ولدين اية من الحسن والجمال عيونها خضر ووساع رموشها كثيفة شفايفها ريانة وخشمها سيف شعرها كستنائي طويل وحيل كثيف 15 سنة ثاني ثانوي علمي وايد تحب اخوها محمد وهي افري بس اتحافظ على نفسها يعني تعرف الصح من الغلط بس طبعا ما تلبس شيلة ولاعباة)
خالد: الحمد الله
بو خالد: ما كلت شيء يبه فطورك مثل ماهو
خالد: لا شبعت يبه يالله محمد العنود بقطكم المدرسة عادربي
محمد: يالله
العنود: بس انا بعدني ما شبعت
خالد: بسج يا الدبة
العنود بدلع: بابي شوفه
بو خالد: خالد خل اختك تفطر على راحتها
خالد: اففف
محمد تم ماسك ضحكته عن تنفجر في ويه اخوه خالد
العنود وهي توقف: يالله
خالد: اخيرا
محمد بحنان: كلي حبيبتي ما عليج من خالد
العنود: لاوالله شبعت مو عشان حجي خالد
محمد ابتسم
خالد: اترياكم في السيارة
محمد والعنود حبوا ابوهم على راسه وساروا يلحقون خالد عشان يوصلهم المدرسة
في احد مدارس الكويت الخاصة
مشاري: ها محمد شنو قررت عن الرحلة
محمد: ما اقدر اسير وياكم اي رحلة اواطلع برع الديرة
مشاري:ليه
محمد: سالتني ليش الله يسلمك وعدت الوالد انجح هاي السنة وارفع راسه
مشاري: اذا على كذا فانا معاك اللة يوفقك
محمد ببتسامة: امين ومشكور وايد
مشاري: ولو
(مشاري اربيع محمد معاه في نفس المدرسة سعودي الجنسية بس انتقل مع اهله للكويت جذاب 17 سنة)
نهاية الجزء السادس ...
|