الجزء الخامس......
اليوم الثاني في الجامعة الامريكية
سحر: طالع طالع الاخت امصدقا عمرها هي وين والاحترام وين
فيصل وهو يتلذذ بالكبشينو: الحين ابي افهم انت ليش محترة ها
سحر: لاما صدق انت فيصل ال كان يموت بتراب شمس
فيصل: قلتيها كان ........وكان فعل ماضي وانا الحين ريال مالج وشمس ما عادت تعنيلي شيء
سحر: من قلبك فيصل
فيصل: هي نعم من قلبي وال انت شو رايج حد يحصل وحدة مثل سارة وما يكون سعيد معاها سارة دانة ثمينة واوعدج احافظ عليها طول العمر عن اذنج
سحر: اشوف زواجج من فهود نضر عيني ياب نتيجة
شمس ما عطتها سالفة سوتلها اكبر طاف وسحر ماتت من القهر شمس كان حدها تعبانة تترية متى يخلص دوام الجامعة وترد الفلة
بعد ساعات خلص الدوام وركبت شمس موترها تسرع مجرد وصلت الفلة نزلت من موترها وركضت داخل رقت فوق جناحها وما اهتمت لفهد ال كان يالس في الصالة ولاحظ التعب ال في ويها لحقها فوق شافها جالبة الدنيا وجنا ال قاعدة ادور شيء خذت فونها وهي ماسكة راسها بتعب وضربت ارقام حافضتنها
............: هلو
شمس بتعب: الودالين خلصت الكمية ال عطيتني ياها محتاجة كمية ثانية
دالين:لك تابريني بس معك المصاري
شمس: هي انا يايتلج الحين باي
دالين: اوكي استناك
خذت شنطتها ويت بتطلع بس فهد في ويها: منو دالين ووين سايرة
شمس: انا انا انا
فهد بهدوء : انت شو
بوفهد: فهد يا فهد
فهد: هال المرة ابوي خلصج مني لكن وين بتروحين مني راجعلج
نزل فهد يشوف ابوه اما شمس فركبت موترها مرة ثانية سايرة عند دالين ال عطتها كمية كبيرة من المسحوق الابيض وشمس عطت دالين كل ال في شنطتها بدون ماتهتم كم كان المبلغ..................(عرفتو شو هو المسحوق الابيض ال تستخدمه شمس...............هي نعم مخدرات)
حست انها ملكة وقعدت تهلوس وهي مب حاسة بالدنيا ابد ما ردت الفلة سارت شقت اربيعتها وقعدت تشرب حتى الثمالة وهي مجاهلة اتصلات فهد ال كان صدق خايف عليها
ردت الساعة 3 الفير وهي مب قادرة تصلب طولها من كثر ما شربت سارت جناحها فوق وشافت فهد في ويها يتريها
فهد بستهزاء: توى الناس يا مدام
شمس: فهود حياتي بعدك ما نمت
فهد: وين ايني النوم وانت برع البيت لوقت متاخر لاورادة سكرانة بعد الحين تشرحيلي كل شيء انت تشربين
شمس بغباء: اشرب شنو
فهد فول من استهبالها وبصراخ: قتلج الحين تشرحيلي كل شيء
شمس قربت جداه حطت ايدينها الثنتين على رقبة فهد وبدلع ممزوج بتعب: حبيبي انا تعبانة ابي انام باجر اخبرك كل ال تبا تعرفه اوكي حياتي
فهد ذاب من نبرة التعب خلاها تنام وقال باجر بيكلمها في الموضوع
اليوم الثاني نشت شمس من الرقاد وهي حاسة بصداع فضيع مب قادرة تتحمله شافت فهد ال كان راقد حذالها اول مرة تيلس تتامل ملامحه حسته صدق وسيم وملامحه الرجولية تزيده جاذبية فهد حقها حقها هي وبس وما بتخلي حد ياخذه منها حتى لو كانت سحردخلت وانتوا بكرامة الحمام خذت شاور سريع خلاها اتحس بالراحة اشوي لبست ثيابها على السريع وهي تشوف الساعة 11 الصبح تاخرت على الجامعة لبست عبايتها وشيلتها على وشك انها اتروح بس حست بفهد ال يودها من ايدها
فهد: على وين
شمس برتباك: الجامعة
فهد: اليوم ماشي جامعة ابي تفسير للي استوى امس
شمس: فهد انا متاخرة وايد على الجامعة لارديت بخبرك كل شيء
فهد بهدوء: وعد شمس
شمس ببنسامة: وعد ياقلب شمس
باسته على خده وسارت تركب موترها تلحق على الجامعة عندها محاضرة بعد نص ساعة
اما فهد تلبس وسار دوامه بس قلبه وتفكيره معاها مع شمس
بعد انقضاء ساعات دوام شمس في الجامعة ردت الفلة ورقت فوق جناحها ماشافت فهد في الجناح خذت شاور سريع ولبست ثيابها وبعدين كبرت حق صلاة العصر في هاي اللحظة دخل فهد ال كان توه راد من دوامه شافها تصلي دخل وانتو بكرامة الحمام يتسبح وطلع وهو بروب
فهد: تقبل الله
شمس: منا ومنك صالح الاعمال فهد احطلك الغدى
فهد: شمس ابي اتكلم معاج عن ال استوى البارح
شمس: انت ما تنسى شيء
فهد: مو فهد ال ينسى
شمس: اشم ريحة الغرور في نبرة صوتك
فهد: انا مايهمني غير اعرف كل شيء
شمس: واذا مابغيت اتكلم بتجبرني
فهد: هي نعم بجبرج
شمس: بصفتك شنو تجبرني
فهد: ريلج يا مدام
شمس: بس ها ما يعطيك الحق انك تتحكم بحياتي
فهد: لي كل الحق
شمس: اوكي اسمعني فهد انا مدمنة
فهد: مدمنة شو خمر
شمس: مدمنة مخدرات وكحول شفت اشكثر انا حقيرة هي نعم انا ال كل طلاب الجامعة كرهوها وفي نفس الوقت فتنهم جمالها
فهد: ومن متى انت تتعاطين
شمس وهي تمسح دموعها:خمس سنين
فهد بصدمة: اشو خمس سنين يا الظالمة
شمس وهي ترفع صبعها في ويه فهد:شوف انا اتعاطى على كيفي انت مالك حكم علي حقوقك بتوصلك كاملة غير ها مالك حق علي
فهد بستهزاء: اذكرج اني ريلج يامدام
شمس: زوجي بالاسم وبس اصلا انت عمرك ما حبيتني انا بنسبالك زوجة وبس ولا الحب لسحر
فهد: سحر مالها علاقة بحياتنا وانا رافض تعاطيج المخدرات بوديج تتعالجين
شمس: وانا مابا اتعالج تفهم وحياتي مالك شغل فيها
يومها حس فهد بانه يكره شمس وان صعب انه يتعامل معاها قال طز فيها خلا اتسوي ال تباه
بعد ايام....
شمس: فهد تاخرت بقوم اسبح والحق على الجامعة
فهد وهو يبوسها على خدها: اوكي حياتي
سارت شمس جامعتها اما فهد فسار يشوف ابوه ال كان قاعد في مكتبه كال العادة دخل فهد المكتب وشاف ابوه يخش صورة وراه ودموع في عيونه
فهد: سلام عليكم
بوفهد: وعليكم السلام هلا ابوي حياك
نهاية الجزء الخامس.....
|