الجزء الثالث...........
كانت مكلمات احمد تكرر لسحر ال ملت منه وحاولت اطنشه بس هو عنيد ويطرش مسجات غرامية كان يتحسب ان سحر متاثرة من مسجاته وما درى ان قلب سحر ملك لفهد وبس.........وخطة شمس الثانية تكمن في شذى وحدة خايسة قامت اتقربها من فهد عساس تنسيه سحر بس فهد ما همته شذى كثر ما تهمه حبيبة قلبه سحرمرة وفهد قاعد في المطعم بروحه يتري فيصل ال قال بيله الحين يخططون حق حفلة التخرج
سمع صوت ناعم مخملي:هاي
فهد:هاي شو تبين يا بنت الناس انا خاطب وعرسي بعد ما اخلص الجامعةواشتغل
شذى: انزين ادري................وقامت اتسويله حركات وهو يحاول يبعدها عن دربه في هاي اللحظة دخلت سحر مع اربيعتها شمس وشافوا فهد وشذى ال اتحاول اتقرب منه وبحركات فيها الكثير من قلة الادب والمصاخة سحر فولت وسارت جداه اما شمس فكتمت الضحكة ال بتنفجر
سحر: هاي اخرت حبي لك فهد اتخوني
فهد: سحر حبيبتي انت فاهمة الموضوع غلط خليني اشرحلج
سحر بصوت مبحوح: شوتشرحلي يا خاين
فهد يطالع شذى : شذى خبريها ان ما بينا شيء
شذى بدموع التماسيح: سحر فهد قص علي وقالي انه يحبني وانج ما تعنيله شيء
فهد: يا حقيرة .........وقام بيضربها بس شمس يودت ايده
شمس: الريال ما يمد ايده على الحرمة يا فهد
سحروهي تصيح: اكرهك
وركضت برع بغى يلحقها بس شمس وقفته وهي اتقول : خلها تهدا ال استوى مب اشوي على بنت ناعمة مثل سحر
فهد يلس يصيح وهو حاس بخسارة سحر وشمس اطالعه بنتصار قربت تنجح خطتها في تفريق الحبيبين في هاي اللحظة يا فيصل وقعد ايواسي فهد ال كان يصيح شرات الطفل وشمس ما تحملت دموعه فروحت ولحقتها شذى
شمس:ههههههههههههههههههههههههههههههههه برافووووووووو تستاهلين الفلوس ال بعطيج اياها
شذى: نحن حاضرين للغالين
شمس: مهمتج انت خلصت بقت الخطوة الاخيرة ال بيسويها احمد
ابتسمت شذى
اما المسكينة سحر فردت بيتها تصيح في حضن ابوها ال قعد يخفف عنها حزنها
وصل خبر انفصال سحر وفهد عن بعض كل الطلاب حزنوا لاءن سحر وفهد مثال للحب والهيام وفي احدى الايام كانت سحر قاعدة في احد مطاعم دبي مع احمد ال يقولها انه يحبها ويبيها بس الصدق انه يبى البيزات وبس وفي نفس المطعم كان فهد قاعد يا شمس ال خططت لكل شيء وانصدم يوم شافها سار جداها ونضرات الاحتقار تنذر انها بتذبحها
فهد وهو رافع حايب ويبتسم: هذا ال هديتيني عشانه وتقولين اني خاين ياخاينة
سحر بحتقار: جب ولا كلمة علاقتنا انتهت وانا حرة في تصرفاتي تفهم يا ........بستهزاء فهد وابشرك عرسي على ولد عمي جريب وانت مدعو يافهد
فهد بهدوء: صدق عيل اقولج مبروك مقدما ومثل ما دخلتج قلبي وانت ما تستاهلينه بطلعج وبتدخله غيرج تستاهل حب واخلاص فهد
طالعها بنضرة وروح اما شمس فيلست اتعض شفايفها بفرحت الانتصار بعد ثلاث شهور كانت خلال هاي الشهور شمس تحاول اتقرب من فهد واتصادقه عشان تنسيه حب سحر بس فشلت اما سحر فتزوجت ولد عمها ال يكبرها15 سنة وزاد حزن فهد وقرر قرار ماله رجعة فيه
يا ترىشوقرار فهد؟
في كفتريت الجامعة شمس قاعدة مع فهد ال قال بيكلمها في موضوع مهم
فهد: شمس يمكن انت مستغربة انا شو ابي منج ونحن ال علاقتنا مب لين اهناك
شمس: ممكن كل شيء يتغير فهد
فهد: اعرف انج ما تحبين اللف والدوران عشان جذي بدخل في صلب الموضوع
شمس: تفضل فهد
فهد ونضراته لشمس: تزوجيني شمس
شمس بصدمة: اشوازوجك
فهد: افهم انج مب موافقة علي
شمس: لا مو قصدي فهد بس انت فاجاتني عطني فرصة افكر ها زواج مب لعبة
فهد: خذي راحتج في التفكير ومهماكان ردج انا راضي فيه ........وقام واقف عن اذنج
شمس: اذنك معاك
مجرد روح اتسعت ابتسامت شمس ال حست بفرحة الانتصار قالت بتثقل عليه اشوي ما بتعطيه ردها على طول
سحر تطلقت ووصلها خبر خطبة فهد لشمس وموافقة شمس عليه معقولة حب سحر وفهد يموت ومن يموته غير الحقودة شمس
الفليل فهد كان واقف عدال البحر يفكر في خاينته سحروفجاة يشوف شمس بعبايتها المفتوحة وهي لابسةفستان فوشي ناعم وشعرها الذهبي يطاير بنعومة يزيدها جاذبية
شمس: مساء الخير
فهد: مساء النور
وقفت شمس عداله : شو بلاك
فهد: اقص عليج اذا قلتلج نسيتها
شمس ببتسامة حلوة: لاتعور قلبك مافي شيء يسوى تم مستانس دوم لتونس الناس
فهد: بس انا يا شمس احبها
شمس وهي تيلس على رمل البحرفتبين مثل عروسة المساء:انت انسان تقدر تنسى وتحب ثانية تعطيك الحب الصادق اذا ما كنت انا فغيري تقدر تعلم من تجارب الاخرين شوفني انا اكبر مثال تقدر تقرى ال داخلي فهد
فهد: ليتني مثلج شمس
شمس: تقدر وانا متاكدة انك بتنساها
ابتسم فهد وهاي المرة الاولى ال يبتسم فيها لشمس وبعد الحديث الليلي ال صار بينهم رد فهد فلة ابوه وردت شمس شقتها وهي تفكر في ال سوته وفي حياتها مع فهد يا ترى بيجمعهم الحب ولا لاء
اليوم الثاني الصبح في فلة فهد كان قاعد يفكر في خطوبته لشمس ويحس انه استعيل دقت عليه البشكارة الباب
فهد: اتفضلي
البشكارة: بابا فهد في وهدة هرمة واجد هلو يريد شوف انت يقول في كلام واجد تبين قول هق انت
فهد بستغراب: حرمة اوكي ماري دخليها الميلس وبيلها اللحين
ماري: جين بابا
كانت الحرمة معطتنه ضهرهاوهي واقفة
فهد: قالتلي البشكارة ان في حرمة تبي اتكلمني اتفضلي اختي
صدت الحرمة صوبه وعقت الغشاوة استغرب فهد
فهد:سحر
سحر:هي سحر يا فهد سحر ال لعبت بمشاعرها وخليت ثانية تاخذ ما هو من حقي انت حقي فهد مب حق الحقيرة الخاينة شمس
فهد:انا مب ملكج يا حرمة وعمري ما كنت ملك حد ما يت وال استوت ال تملك فهد بن خليفة ال
سحر: فهد انا اسفة انا اطلقت وين حبك لي تكفى حبيبي لتخليني اضحوكة جدام طلاب الجامعة
فهد بستغراب : ما عدت الحنونة ال عرفها وال حبها فهد تغيرتي وايد.....سكت اشوي بعدين قال سحر مابا اجرح مشاعرج بس طول حياتي ما حب غير الشيء اليديد وانا ريال حالي حال باقي الريايل ابي بكر والسموحة على التجريح
سحر: بس انا كنت امعرسة
فهد: ادري بس ما عدت اريدج السموحة عندي شغل وايد البيت بيتج خذي راحتج
طلعت سحر اتلم الباقي من كرامتها ال اهدرتها شمس
صارت ضرابة بين شمس وسحر في الجامعة بسببها طلبت شمس من فهد ان يزوجون ابسرعة رفض فهد عساس ايسويلها عرس بس شمس قالتله ان الزواج مب اسراف المال الزواج عشرة ,حب, عيال لين ما اقتنع فهد واستوى الزواج وكان فيصل وخالد هم من شهدوو على زواج شمس من فهد
نهاية الجزء الثالث...........
|