الجزء السابع
دخلت غرفة ابتهال قبل متتزوج وتمشت فيها بهدوء ووجهها تطلع للحياة ويدها الممدودة
لتحت تهتز ورسمة وجهها مظلومة ووصلت للطاولة الي عليها لعبة عروسين ماسكين
بعض باليد ويدورو .
لمست اصابعها بشرة المجسم اللعبة ومشت بالبشرة لنهاية اللعبة وانرفعت عيونها للدريشة
المفتوحة واتجهت لها وفيها ستارة ترقص وبرى البلكونة مافيه الا نور سماوي خفيف
وكان مخفي عن الي جوى الغرفة والطقس في الغرفة امريكي .
ظهر جسمها ووصلت للسور وتنهدت فيه وهي تطالع بشرة السماء الكحلية والي غزيرة بالنجوم
وتحت السماء عمارات طويلة وقمة في الاناقه والقمر الي بعيد عنها وكأنه كرة فضية معلقة
بالسماء .
يدها بذقنها وتمايل راسها وكانت لابسة بنطلون جينز وبلوزة شفافه فضفاضه ( الاخت كل شوي
تغير لبس ) وكان ساقها جذاب وكأنه ساق سندريلا والجزمة ( الله يعزكم ) كعب اسود .
جلست نفسيا يمكن 3 ساعات وهي تتمشى وتتأمل وترسل نظراتها الي فيها سر نفسي ل6
سنين الي بتجي وكانت واقفه على بلكونة دائرية وسورها ضخم ومرتفع عن مستوى الارض
جبال ,, الطقس يخلي شعرها قماش يتمايل وبشرتها مع نور القمر تحول لسماوي لون الماء
وشفايفها البيج وعيونها النظيفه .
( كانت تفكر في شخصية يوسف )
التفتت لانها سمعت صوت بنت : سارة .
التفت راس سارة وشافت ابتهال واقفه بعيد عنها ,, ابتهال : اشوف القمر داخل غرفتي ,, ولا وتحولت
الغرفة لأبيض !!!!
سارة التفت كل جسمها : ابد افكر بمستقبلي الجاي .
ابتهال : انتي بنهايتك بتتزوجين شاب وانا بنهايتي ازوج جنى .
سارة : هههههههههه جنى ,, خليها تخلص من الابتدائية وبعدين فكري بمستقبلها .
ابتهال : على قولتك ,, بس تعالي ,, شالاشياء الي جوى المستقبل ؟؟؟
سارة : ابد ,,, افكر بحياتي بعدين ,,, شلون بتكون ؟؟
ابتهال : قولي من نهايتها ,, تفكري بخطيب ؟
سارة : لا ,,,, انتي عارفه ان هالشباب كلهم عنترة هالايام .
ابتهال : حرام عليك مو كلهم عنترة بعضهم قيس .
سارة : ومن بهالزمن الي زي شخصية قيس ؟
ابتهال : في كثير بس حنا منعطيهم فرصه يثبتوا حبهم .
سارة : لاياعمري ,, خلينا على الواقع ,, الي يحبون ماتوا .
ابتهال : الا تعالي ,,, منى قبل شوي اشوفها فرحانه شسالفتها !!!!؟
سارة خافت انها عرفت بموضوع يوسف : انتي تعرفين لقافة منى ,,, تجيب اخبار زي
وجهها .
ابتهال : وممكن اعرف شالاخبار الي مثل متقولين زي وجهها ؟؟
سارة : مثلا ,, يوم الاثنين استهبلت على استاذه ,, يوم الثلاثاء تخانقت مع بنت وطلعت جبروتي با .
ابتهال : مشالله !!!!!! هذه اخبار مراهقه مو مفرحة .
سارة : المهم ,,, البنات خلصوا من المسبح ؟
ابتهال : ايه وقاعدين يشوفون فلم هندي .
سارة : خليني اشوف الفلم .
ابتهال : شوفي ,, يمكن تتعلمين تسوين بزوجك كذا .
سارة : سكتي بس !!!!
ابتهال : هههههههههههههه
سارة : الاتعالي ,,,,, شلون عرفتوا اني بالمستشفى ؟
ابتهال : سهله ,,, اتصلت علينا خلود وقالتلنا الي صارلك .
سارة : ايه ,,,, وخلود جت مع من للمستشفى ؟
ابتهال : مدري ,,,,, هي اتصلت علينا وقالتلنا انك بالمستشفى .
سارة تنفست بهدوء : اشوه !!!!
ابتهال اقتربت لها : اقول ,, البنات ينتظرونك في الصالة .
سارة : طيب جايه .
00000000000000
ظهرت وهي طفشانه في الصالة المظلمة وقبالها شاشه جدار وكانت ألوان الشاشه
دزني زاهي والضوء طالع برى الشاشه ومسوي المكان لونه اسود ممزوج بأبيض
وسارة وججها اسود مظلل بأبيض والبنات كل وحده جالسه بشكل معين ,, الي جالسه
على الكرسي وكأن الكرسي يشيلها والي نايمه على حظن خويتها والي قاعده بالارض
والي متربعه على الكنبه .
سارة رسمة وجهها حزن وكانت تشوف البلكونة الي جوى الشاشه وتشوف البطلة الي
جوى البلكونة شلون تمد يدها شوق لحبيبها الي بالحديقه .
عيون سارة دائرة شوق وكانت تهز راسها نفي وهربت وبنظرة شك من بعيد ( ابتهال )
وكانت تطالع بدقة شر لزول سارة لما طلعت بركض .
انفتحت الغرفة ورمت سارة نفسها بسرير ابتهال المرتفع وبكت تفرعت دموعها شجريا
عالفرشة البيضه .
( كانت تفكر ببداية الغرام الي بينخلق بمشاعرها )
000000000000000
فيصل : في كلام يا سعود ودي اقوله ,, وبما انك لك خبرة في النت ودي افتح لأختي
مناهل موقع .
سعود : حاظر ,,,, بس شطاريها تفتح موقع ؟
فيصل : تقول بحط فيه اشياء تخص الدراسه وتخص النشاطات ,,, تعرف هي طالبه وتحتاج
لهالاشياء ,, فياريت تسوي الموقع .
يوسف : وانت ليش متسويه ؟؟؟
( كانوا بكوفي شباب مفتوح وراقي )
فيصل : مقدر ,,,, عندي اشغال كثر شعر راسي .
سعود : طيب شلون خالتي ؟؟ عساها بخير ؟
كل زوجة وحده من عمامه يسمونها خاله احتراما لها .
يوسف : تسلم عليك ,,,, تعال شصار على الشغل ؟
سعود : ابد كل شي جاهز مباقي الا يدق علي مدير المهرجان ونشتغل .
يوسف : هو وش مهرجانه ؟
سعود : مهرجان سنوي نسويه لطلاب جامعة دبي .
يوسف : وعاد في حريم ؟
سعود : طبعا ,, دكتورات .
فيصل : وكم كلفكم المهرجان ؟
سعود : والله على حساب الحكومة ,, 15 مليون دينار .
فيصل : مرة غالي .
سعود : اكيد لانه فيه اجانب .
يوسف : ومنهم الاجانب ؟
سعود : في الصيني وفي الاندنوسي وفي المغربي والامريكي .
يوسف : وفي مترجمين ؟
سعود : ايه ,,,, جاي من وزارة العدل .
فيصل : بصراحة ,,,, انتي مستانس بهالشغلة ؟
سعود : اكيد ,,, كفاية في طرطعانات واستعراضات بهلوانيه .
فيصل : وش نوع الاستعراض هالمرة ؟
سعود : صيني .
يوسف يشرب قهوة : طيب ,,, ومتى ناوي السفر انشالله ؟
سعود : انشالله بكره ,,, بس ابي واحد منكم يروح معي .
فيصل : وليش عاد ؟؟
سعود : تدري ,,, لازم اكمل فرحتي بوجود واحد من اهلي .
يوسف : الا تعال ,,, شلون الدمام ؟
فيصل : فاتك الاخ سعود ابتلش مع حرمة !!!!!!؟
يوسف مستغرب : حرمة ؟؟؟
سعود : ياشينك لقمت تعاير .
يوسف : شحرمته ؟؟؟
فيصل : تخيل عبد الله سوى نفسه حرمه وتغطى بعباة وسوى نفسه شحاذ عند سعود
وقلد صوت حرمة كبيرة يوم مد يده بالله يامحسنين سعود الله يعطيتس وهو معلق عليه
لين طلع قلب سعود ويوم عطاه 500 ريال فسخ العباة .
يوسف : هههههههههههه .
سعود : عاد خلاص ,, مو تمسكونها علي معاير .
يوسف : ياحليلك اثاريك لعبة ياسعود .
سعود : خلاص عاد انتم ,,, وبعدين لاتضحكون يمكن الله يسلط عليكم وتنحطون بمقلب مثلي .
فيصل : المهم ,,, رحنا للسوق وشفنا المحلات الجديده واشترينا لخواتنا هدايا .
سعود : الا شلون خواتنا ؟؟؟ صاروا بالحماية النفسية ولا مطنشهن ؟؟؟
يوسف : لاصرت حارس لهن بس بالدكة مو عند الباب .
الكل : ههههههههههههههههه
00000000000000
متنهده على دريشة واسعه وخلفها سطل سمك يتمايل في الماء
وكان لونه غريب .
خلود : ايوه !!!!!!!!!!!!!!!!
منى : وهذا الي صار .
خلود : وانتي شلون تتجرأين وتسوين هالحركة ؟؟
منى : طبعا بمهاراتي في تكوين الغرام ,,, اصنع العشاق .
كانوا بالصالة وكل وحده على كنبه .
خلود : تصنعين عشاق !!!! وملقيتي الا يوسف البارد ؟؟
منى : انتي اصلا معرفتي زين شيدور حولتس .
خلود : وش يدور يالمحلله الاجتماعيه ؟؟؟
منى : نظرات سارة غريبه ,,, حركاتها مع الشخصية المختلفه عنها ملفت للنظر
هدؤئها بعدها عنا ,,, تحسين في شي .
خلود : عادي ,, من طبع سارة الهدوء شالغريب في الموضوع ؟
منى : حبيبتي ,,,, تتذكرين حالة سارة لما كنا بالسيارة يوم قررنا نروح لمحل ولد عمتس ؟
خلود : ايه .
منى : بوقتا صار وجها يلف حول حاله ,,, وصار يدور مطحنه ,,, انتي مشفتي شكلا ؟
خلود : بصراحة لا .
منى : ايه ,,, طول عمرتس بايهه .
خلود : المهم ,,,, يعني ليش لزقتي يوسف بسارة ؟؟؟؟ يوسف ابرد من الجليد وسارة
هادية .
منى : هذا انتي قلتيا ,,, كلهم فيهم برود ,,, انا كنت شاكه بعيونها السرحانه لما تكلمنا عنه .
خلود : عشان سويتي كذبة صدقوها الاثنين .
منى : وفي احلى من كذا !!!!؟؟
0000000000000