جبتلكم رواية واقعية السوالف رومانسيه العيون عدم تصديق الاحداث
وانشالله تعجبكم .



ابطال قصتي :


تمشي ساقها المعدنيه المحموله بكعب اصفر شبكه ويدها تتكتف وعيونها
المرفوع حاجب بانتصار ( مرام )
اخلاقها بتعرفونه بالاحداث


0000000000000000


الجزء الاول



الصورة دائرية على صالة متسعة المساحة متعددة المرتفعات وكل ركن اثاثه
يختلف عن الباقي وظهرت خدامه راقية بمشيتها وكأنها ست البيت واتجهت لخارج
البيت للحديقة ووقفت بكل احترام : ايوه مدام .
ام مرام : جولييت ,,, بنتي مرام وينها ؟
جولييت : الانسة بغرفتها بتذاكر .
ام مرام : طيب ,,, ناديها .
جوليت : حاظر .
عطتها ظهرها واتجهت لأقرب صنصيل ودخلته .

0000000000000000

الصورة تقترب لمرام الي على السرير تسولف بالتلفون : يابنت الحلال انتي رحتي
للاستاذه ؟
ندى : ايه رحتلها ,,, تقول ايش ؟؟؟ انا مقبل اي بحث .
مرام : متقبل اي بحث !!!!!! غريبه ,, كم بنت مثلي بالفصل قبلت بحثهم شمعنى انتي
ندى : مشالله حظهم ,,, حظهم ,,, ولا انا ,,, مالت على وجهي .
مرام : المهم ,,,, شتبين اعشيكي الليلة ؟
ندى : لايابنت الحلال امي متبيني اطلع من البيت .
مرام : ها !!!! ليش ؟؟؟؟
ندى : تقول الاختبارات الشهرية قربت ,,, ولازم تذاكرين زين .
مرام : والي عنده اختبارات ,,, لازم ينحبس بالبيت ؟
ندى : قولي لأمي ,,, انا خلاص ,, طفح الكيل .
مرام : طيب ,,,, الا اقول ,,, شخبار خطبتك ؟
الباب : طقطق .
مرام انتبهت : لحظة ندى ( ووجهت كلامها للمجهول ) نعم ؟؟؟
همس جولييت : الانسة امك عاوزتك ضروري .
مرام ساده التلفون : طيب جايه .
مرام : اقول ندى ,, امي تبيني ,,, الليلة اكلمك .
ندى : اوك ,,, بس اخبار الخطبة ,,, ياويييييييييييييلي بس .
مرام احمرت خدودها ونفسها تعرف بس طلب امها يضرب دماغها : طيب ,, اكلمك
الليلة .
وسكرت التلفون .
بنت تمشي على الشارع وصعدت للدكة وجلست على الدكه : هلا يمه .
ام مرام : جالسه تذاكرين ولاتهذرين بالتلفون ؟
مرام : تبين الصراحة ؟؟؟ اكلم .
ام مرام : ومن تكلمين ؟
مرام : خويتي ندى .
ام مرام : شلونها ؟
مرام : بخير ,,, تسلم عليتس .
ام مرام : بنتي ,, انتي عارفه ان الاختبارات الشهريه قربت ,, يعني لازم تخلين تلفونتس يرتاح
مدة الاختبارات ,,, والشي الثاني ابيتس تقومين بدري عشان المذاكرة .
مرام : يمه ,,, احسك تذكريني بأيام الابتدائي .
ام مرام : مو يازين ايام الابتدائي ,,, على الاقل عندكن طموح مو هالوقت ,,, ماهمكن الا البلايز
والسوق .
مرام : يمه ,,, طبيعي هالشي ,,, احسن من اني اصير بويه .
ام مرام : بنتي ,,, قلتلتس تعدلين نظامتس يعني تعدلين نظامتس ,,, تفهمين ؟
مرام : طيب ,,,, يمه ,,, صبيلي قهوة .
الام صبت لبنتها .
مرام : تسلمين ,, الا شصار على خطبة سالم ولد عمي ؟
ام مرام : حددوا الملكة بعد بكره .
مرام : والبنت تهبل ؟
ام مرام : مدري ,, مشفتها ,, تقول مرت عمتس انها تطير العقل ومدري ايش وجالسه تمدح
لين نهاية العزيمة .
مرام : عزيمة وش ؟
ام مرام : امس جن حريم عند مرت عمتس ,,, بس انتي الله يسلمتس بالسوق ,, ومرجعتي
الا الساعة 11 بالليل ,, وانا بهالوقت جالسه اتعشى .
مرام : الا وش عشاكم ؟
ام مرام : ذبيحة .
مرام : طيب وجو بنات ؟
ام مرام : لابس عزيمة حريم .
مرام : ايوه ,,, وام نواف وش لابسه ؟
ام مرام : لابسة جلابيه ,,,, بس شكهالجلابيه !!!!!! تلمع تخلي كل عين تشوفها تنعمي .
مرام : طيب ,,, ممكن اروح لملكة سالم ؟
ام مرام : اكيد بتروحين ,, اجل بتجلسين لحالتس بالبيت ؟
مرام : اجل لازم اروح للسوق .
ام مرام : يوووووه الظاهر ربع الي بالشركة راحن للسوق .
مرام : يمه ,,, وليش مروح للسوق ؟؟؟؟ بالعكس الوحده تظهر جمالها ,, بس مو بس بالعزايم وبس ,,
البنت لازم تكون فري باللبس ,,, يعني فري نفسيا ,, متحطت الكشخة بس للعزايم ,, لازم تكون منطلقة
عشان تحب الحياة .
ام مرام : يحليلتس ,,, وهالنظرية من وين جايبتها ؟
مرام : يمه ,,,, هذه مجرد خليه انثويه في كل بنت ,,, لازم متحط بوجهها ميك اب يخفي خلقتها ,,, بالعكس
لازم يكون وجهها منطلق بدون مكياج .
ام مرام : الله يقطع ابليستس .
مرام : المهم ,,,, يعني بروح للسوق .
ام مرام : روحي ,,, اطلقي وجهتس مثل مقلتي .
مرام قامت بمرح : اشوفك على خير .

0000000000000000


ندى تشتغل بتنظيف شنطة الميك اب وكانت دقيقة بالتنظيف حتى غطى كحل القلم
تنظفه وكانت معصبة من الحماس ولما بدت تشتغل بالمحدد سمعت طقت باب خفيفة :
نعم .
انفتح الباب وظهر وجه هادئ الملامح : ممكن ادخل ؟
ندى : تفضل .
زياد وقف عند سريرها : شقاعده تسوين ؟
ندى : انظف شنطة المكياج حقتي .
زياد جلس جنب ندى : ندى ,,,, تتطلعين معي ؟
ندى : وين ؟
زياد : للبحر ,,, بخاطري اروح للبحر وبمشاركتك خصوصا .
ندى : واخوياك وينهم ؟
زياد : جية معي تروح عن نفسي .
ندى : يعيني ,,,, لهدرجة انا غاليه عليك ؟
زياد : افااااااا ,,, رحت لأمريكا وجبتلك بلايز متحصلينها بالسعوديه ولا ,,, وعشيتك الاسبوع
الي راح كله بالمطعم ,,, ولا وغير كذا نظفت غرفتك ,,, وكل هذا وتحسبيني قاسي عليك ؟
ندى : لا ,,, مو قصدي قساوة ,,,, بس احسكم نتقلبين المزاج ,,, الصبح نلقاكم نفوسكم على
راس خشومكم والليل يسلام بخور من الدلال .
زياد : افاااااا ,, هذه نظريتك فيني ؟
ندى : لا بس ,,, بديت اخاف .
زياد قرب لها واحولت عيونه : يعني انا عنترة بن شداد ؟
ندى : لا ,,,, بس ,,, انت تتذكر امس بالليل ,,, لما جيتك كنت متطيق تشوف وجهي لان وش ؟؟
الهلال انهزموا .
زياد : شوفي ,, انتي اعذريني في المباراة ,, ممكن اكون متعصب فيهم ,,, وسامحيني .
ندى : يعني المباراة هي الي تخليك متشوف وجهي صح ؟؟؟؟
زياد : لا ,,, بس والله من زود الحماس .
رن جوال ندى : لحظة .
ندى : الو ,,,, هلا مرام ,,,, تعشيتي ؟؟؟؟ اوك .
وجهت كلامها لأخوها : اقول زياد ,,, اجل البحر لبعدين .
زياد : ليكون صديقة السوق الي معك ؟؟؟
ندى : من صديقة السوق ؟
زياد : من بعد ,,,,, مرام .
ندى : انت بس لو تشوف اناقتها كان تنهبل .
زياد : والله محد بينهبل بندى كأخت اكثر مني .
ندى : المهم ,,, نأجل كلامنا بالسهره .
زياد : اوك ,,, انا استأذن .
وقام
انتظرته يطلع من غرفتها ولما طلع : مرام ,, شفتي اخوي شيقول عنك ؟
مرام : شيقول ؟
ندى : صديقة السوق .
مرام : مو بس هو ,,, حتى ابوي وامي واتوقع كل اهل شركة ابوي .
ندى : اجل انتي مشهورة !!!!!
مرام : يالله ,,,, بس تعالي ,,, البحث خلصتيه ؟
ندى : اكبر همي البحث ,,, اهم شي بحياتي اني بيدي يد بريئة ,,, متعرف الا النيه
الصافيه .
مرام مستغربه : وش فيك ؟؟؟
ندى : ولاشي ,,,, تدرين ,,, بقولك شي ,,, بس مو تعصبين !!!!!
مرام : قولي .
ندى : اممم ,, اخوي زياد شكله ,, شكله ,, معجب فيك .
مرام : معجب فيني !!!!! وش الي خلاك تشكين ؟
ندى : لاني من اول متصلتي علي ولما قلت اسمك شفتي الي تلون وجهه وصار مثل
لمبة الزواجات ,, بس تبين الصراحة ,,, احس اخوي مو ثابت في الحب .
مرام : وليش مو ثابت ؟
ندى : هو للحين يدور على الي تدخل قلبه ,,, والظاهر ولا وحده من خوياتي دخلت قلبه .
مرام : شكله من النوع الي ميشوف غير حبيبته .
ندى : ايه بس انا اخاف من حبه .
مرام : وليش ؟؟
ندى : اخاف ينساني ,, ميصير يدخل كل مرة ويسمعني احلى معاني الاخوة .
مرام : يابنت الحلال ,, خليه يشوف نصيبه .
ندى : مقدر ,,, جاني اخ يعوضني عن كل شي ,, تبيني اتركه ؟؟؟
مرام : انا لو اخذت اخوك كان متشوفينه الا السنة الجايه .
ندى : لاانشااااااااااااااالله .
مرام : ههههههههههههه الا مقلتيلي عن خطبتك .
ندى : حنا لما رحنا انا وامي لعزيمة واحد من اقارب ابوي على الاساس صلتنا بهم مو مرة
,, المهم رحنا وكانت عزيمتهم شقولك عليها ,, تهبل ,, بصراحة اول مرة اشوف ناس يعرفون
تعريف العزيمة .
مرام : ليش شحاطين ؟؟؟
ندى : تخيلي ,, حاطين استقبال يجنن فقاقيع الصابون متعلقه بالجدار وترش علينا وحنا بندخل
وانا ماني عارفه من وين جابو هالجهاز الي يسوي فقاقيع ولما دخلت بيتهم شقولك عن البيت !!!
قليلة عليه كلمة روعة .
مرام : مسرمكينه ؟؟؟
ندى : ايه ,, بس سيراميك ناعم وكأنك على سطح كيكه .
مرام : اللللله ,,, طيب ضيافتهم زينه ؟
ندى : الظيافه حليلة لان الصبابات يبخلون علينا ,, بس البنات الي بالعزيمة يهبلن ,,, وانا متوقعت انهم يختارون
كعروس من نتيجة العزيمة .
مرام : ياااااااااااي ,,, بس تعالي البنات شلابسات ؟
ندى : اكثرهم بناطيل جينز بس وحده تنورة سكني ,,, وشعورهم ملتويه يمين ويسار بس روعة .
مرام : طيب والعشى ؟
ندى : العشى حليل بوفيه بس اغلبه اسماك بحريه .
مرام : طيب ومن الي شافك بالعزيمة ؟
ندى : وحده من خويات زوجة خوي ابوي ,,, بس شهالمرة !!!!!! عمرها 50 تشوفينها بالعشرين .
مرام : مشالله ,,, طيب هي زينه ؟
ندى : ايه تهبل ,,, شعرها اشقر ومشالله بيضه ,, متحط كريم اساس .
مرام : ايوه !!!!
ندى : المهم جونا قبل امس ,, وطلبوا مني اني اشوفه وشفته .
مرام : مزيون ّ!!!!!!!!!!!!!!!!!؟
ندى : بصراحة ,,, من الحيا يالله قدرت اشوف وجهه ,, بس مدققت هو مزيون ولا لا بس عرفته مجرد
معرفة وجه ولا مدققت .
مرام : هو وش اسمه ؟
ندى : اسمها جاسم .
مرام : يمه !!!!!!! احسه سياسي .
ندى : لااااااااااااا الاهل كلهم امدحوه لي على قولة جدتي وش كهالرجااااااااااااااال يطير عروق العقل .
مرام : ايوه ,,, وهو كم عمره ؟
ندى : 22 ,,, بس حلو اننا قريبين من بعض بالعمر .
مرام : طيب ,,, هو وين يشتغل ؟
ندى : يقول بإدارة الاموال .
مرام : عاد اكيد بتفتحين لك راتب !!!!!!!؟
ندى : مدري ,,, اشوف .
مرام : ومشالله سوق الذهب قبالك .
ندى : مصدق !!!!!!!!
مرام : الله الله الله عليك بس ,,,, يبختك .
ندى : وعقبالك !!!!!
مرام : لاياعمري ,,, لما ارتبط او اتعرف او بالمعنى الانثوي لما يدخل بحياتي شاب لازم يكون
فيه شروط تتناسب مع طبيعتي النفسيه .
ندى : تخيلي لو جاك واحد يدخن !!!!!!!!!!!!!!!!!!!!!!!!!!؟
مرام : لاانشااااااااااااااااااااااااااااااااااااااااااااا ااااااااااااااااااااااااااااااااااااااااااااالله .


00000000000000000


يتمشى بين المحلات ودخل محل ويتأمل الاستعراض بنظرة تأمليه وكانت ملامحه في التأمل
هادئة ,, لمعة من حافة الساعة وقفت عيون زياد ,,, اخذها وتأمل لونها ,, رجعها لان مدخلت
ذوقه رغم انها انيقه .
اتجه لركن ثاني وكان خلفه ووقف وهو يتأمل الي جوى استعراض الطاولة وشاف ساعة حديد
مبرقة ,, زياد بقرار : لو سمحت ,,,, عطني هالساعة .
لف عليه وفتح الدولاب وحطها عالطاولة .
اخذها زياد وتأملها ثواني : لو سمحت ,,, بكم ؟
البايع : ب1000 ريال .
اخذها واتجه لمحل البلايز ( البنات ) وتأمل الالوان الجريئة ,, توقفت عيونه على بلوزة فضفاضة
برتقاليه متداخل معها فوشي غامق ,, اخذها واخذ مجموعة وحاسب وطلع .
ندى تنتظر زياد بالصاله عشان السهره ,, تهز رجولها وتطالع التلفزيون وسمعت تسكيرة باب ,,
التفتت : ايوه ,,,, اشوف معك اكياس .
زياد قعد بجنبها : شرايك ؟؟؟؟( وطلع البلوزة الاولى )
ندى بإعجاب : الللللللللللللللللللللللللللللللللللللللله ,,, هذه لي .
زياد : طبعا .
ندى : مشكور مشكور ياخوي .
زياد : لاتشكريني المهم ,, هذولا مجموعة بلايز اكشخيهم عند شلتك عشان ينقهرون .
ندى : وااااااااااااااااااااااااااااااي الله يخليك لي ياخوي ولا يحرمني منك ابد .
زياد : اقول ,,, شرايك نتفنن بالمطبخ !!!!!!!؟
ندى بحماس قامت : يالله .
الصورة مستقيمة على الطاولة وكانت ندى تراقب الي جوى القدر وزياد يقطع البصل وكل واحد يتدخل بشغل
الثاني زياد يرمي البهارات بالقدر وندى ترمي عليه خضار يقطعها .
اقتربت صورة صينيه المكرونه بالبشاميل لمك يالمتخيل

0000000000000000