نوره تذكرت عمها
وحاولت توقف بس ما قدرت وجلست على طرف الكنب وفيصل ع الطرف الثاني
كانت خايفه من فيصل لا يكون عرف بس كله عاارف ملامح وجه تقول
فيصل وقف وقرب منه وجلس عند رجولها
ومسك يدها اللي كانت على ركبها
فيصل:ليه ما قلتي لي ان فواز يبغى يزوجك ليه
نوره تحاول تكون عصبيه وجديه:فيصل خلاص اللي صار صار وعمي كلمته ما حد يقدر يرده{قالتها ونار بقلبها شعلانه}
فيصل:وانا وين رحت ..انا اقدر ارده ارد اللي جابوه بعد ...بس انا ابغاااك لي
لي انا وبس ابغااك حلالي ابغى اكون بجنبك كل لحظه بحياتي
نوره نزلت دمعه حسره لانها تعرف عمها زين:آآآآآه لو تدري يا فيصل فرحتي لقبلت علينا
لو تدري فرحتي اذا امي سولفت عنك لوتدري عن فرحتي يوم اشوفك جالس بينا
بس
خلاص يا فيصل كل شيء راح يتغير
فيصل وقف:صح عليك كل شي راح يتغير وللاحسن وراح يكون لصالحي
راح عند الباب
فيصل:نوره اكلي زين عشاني
نوره ابتسمت بين دموعها:انتبه على نفسك يالغالي
فيصل وقف مكانه يالله يازينها من حلقك يا دنيتي
راح فيصل وهو حاس انه راح يخسر نورة
بيت ابو فهد
وبالتحديد غرفه ابو الشباب فهد
كان الظلام حالك واتحداكم اذا فيه نقطه ضوء في الغرفه
وكانت بارده قطعة ثلج
عبدالله دق الباب:فهد قوووم يلا تعبت وانا اقوم فيك
فهد:.....
عبدالله :ابغى افهم ليش تقفلون الغرفه ....فهود افتح
فهد:.....
عبدالله عصب:ياتبن افتح يابقره حشى ما تجي بالاسلوب
فهد:.....
عبدالله :ماشي يا فهد انا عرف شلون تقوم
عبدالله راح المطبخ واخذ دورق مويه باااااااااارده مع مكعبات ثلج
عبدالله:سينا{الخدامه}وين السبير حق غرفة فهد ..روحي جيبيه
سينا:اوكي مستر عبدالله
جابت سينا المفتاح
وراح عبدالله وفتح الغرفه
عبدالله:وين عايش فيه اخونا والله لو القطب الجنوبي المتجمد مدري الشمالي المتجمد
عبدالله مسك طرف اللحاف وعد لثلاثه:1 2 3
وسحب اللحاف وبالماي على ظهره واخذ قطع الثلج وحطها بصدره وبطنه
فهد:هـــــــــــــــــــــــــــــــــــــــــــئ باااااااااااااارده
عبدالله:هههههههههههههههههههههههههههههههههههههههههه ههههههههههههههههههههههههههههههههه
ههههههههههههههههههههههههههههههههههههههههههه
فهد عصب ونط من السرير على عبدالله
{صحيح فهد الكبير وجسمه حلو بس عبدالله كان اطول وجسمه رياضي اكثر }
عبدالله وفهد صاروا يتصارعون فهد بجد وعبدالله بمزح
عبدالله:هههههههههههههههههههههه فهيدان ابعد لاوالله ان تشوف شيء ما شفته في حياتك
فهد:ورني اللي ماشفته بحياتي ان كنت صادق
عبدالله شال فهد ورمااه ع الكنب لانه بدا يتنرفز
فهد:اااخ ظهري وظل يتقلب بالارض
عبدالله بسرعه راح لفهد وهو خااايف ومبين الخوف بوجه:فهود سلامتك من وين يعورك ظهرك
فهد:هههههههههههههههههههههههههههههههههههههههههه لعبة عليك يالمخفه
عبدالله عصب ورمى المخده اللي كانت طايحه بجنبه على فهد
فهد:هههههههههههههه وين رايح
عبدالله:ابد طالع اغير جو
فهد وهو معصب:طيب ليش مقومني دام انك طالع
عبدالله :ايه ذكرتني الله يذكرك بالشهاده
فهد:امين بس اخلص علينا اختصر
عبدالله:اشتقت لك ..هههههههههههه هذا هو السبب
فهد:تصدق انك سامج يلا قول وشو
عبدالله كان بيقول له بس عشان يقهره ويرد على مقلبه اللي قبل شوي قرر ما يقول
عبدالله طنش فهد وطلع
راح يركب سيارته تفاجاء بوجود سيارة فيصل وفيصل اصلا مو داخل البيت قرب يشوف احد بسيارة
وانصدم ان فيصل من جد موجود فيها وكان حاط راسه على الدركسون
عبدالله فتح الباب حق فيصل ونزل لمستوى راسه
عبدالله بحنان الاخو الكبير على اخوه الصغير وغير كذا فيصل اخر العنقود:فصول حبيبي وش فيك قاعد بسياره مادخلت ..وش صاير لك
فيصل رفع راسه وانصدم عبدالله باللي يشوفه
فيصل يبكي...معقوله !!
عبدالله:فيصل وش فيك يا اخوي قولي ريحني
فيصل:انا قاعد اخسرها..اخسرها ...ليش ليش
عبدالله وهو يستفسر:نوره!؟؟
فيصل:ايه نوره
عبدالله حزن على اخوه لانه هو يحس نفس الشعور اتجاه ريما يحس انه يخسرها لكن يحاول يشيل الفكره من راسه
عبدالله :طيب وشلون قاعد تخسرها
فيصل تذكر عمها وزادت دمعاته اكثر
لو بيخطبها كان من ابوها لكن مات طيب اخوها اخوها مات ما بقى الا عمها وهو يحلم عمها فواز يزوجه نورة
عبدالله:فيصل انا اخوك الكبير قولي فضفض لي عادي انا راح اسمعك و100 ب 100 راح اساعدك ماراح اخليك بالحالك بالوضع هذا..قولي وشلون انت قاعد تخسرها فهمني
فيصل علم عبدالله بعمها وعلمه من تكون امها{ام نوره هي اللي ربت فيصل يوم كان صغير لان ام فهد لما جابت فيصل تعبت وحتى انها ما كانت تقدر ترضعه في البدايه}
عبدالله:ام نوره ما اذكرها ......ايه تذكرتها .عرفتها
يالله معقووله شف وشلون الصدف جمعت ...بعدين تعال ليش دايم تروح لهم وتزورهم وانا مدري قول لي على الاقل مو لازم تقول لاحد ثاني
فيصل:انا ما تجريت ورحت لهم الا لاني ابغى اكون قريب منها
عبدالله:فيصل جاوبني بصراحه..تحبها؟؟؟!
فيصل:آآآآه ياقلبي انا مو بس احبها الا ميت بحبها
عبدالله:والله وطلعت مو هين ياا خوي...بس انتبه من فواز هذا ..واحنا ان شاء الله راح نلقى حل
واذا انت تحبها يا فيصل تزوجها بس لازم تكون مقدر للحياة الزوجيه تراها مسؤولية
فيصل:ابغى اتزوجها اليوم قبل بكرة بس مدري وشلون افاتح امي وابوي بالموضووع ولا وشلون اقول لنورة
عبدالله:اممم والله مدري وشلون تقول لها لكن اذا على امي وابوي ابشر بعزك ياخوي
فيصل:لقيتها اقول لطلال وهو بدوره يقول لريما وريما اكيد راح تضبط لي الوضع
عبدالله اول ماسمع اسم ريما حس بنغزات بقلبه حس بالحزن ما يدري ليش
عبدالله:يصير خير يا خوي ...تامر بشيء انا رايح
فيصل:سلامتك
عبدالله:طيب ادخل داخل
ركب عبدالله السياره وراح وفيصل دخل جواء وارتاح لما سمع كلام عبدالله وصار يضحك ويستهبل مع فهد اللي حاول ينام لكن ماقدر بعد الثلج
بيت ابو طلال
ناصر:ريما وش رايك بعد الفلم نروح بيت ماما العنود
ريما اللي كانت متمدده على الكنبه جلست والمخده بحضنها:ايه والله فكره..اقول انا من الحين بتجهز وانت اخلص علي ترى اذا ماخلصت بروح لحالي
ناصر:بيخلص الفلم واللبس وانتي بعد ماخلصتي وقولي ناصر ماقاله
ريما:ناصر ماقاله
ريما راحت تبدل وتتجهز{لبست برموده سترتش ابيض فوقه شورت جينز بنفسجي وبلوزه بيضاء
كلها رسومات بالبنفسجي الكم نص بس هي مرفعه الاكمام وصارت مثل بسام اللي بكابتن ماجد
حطت بنسه بنفسجيه تلمع مررة حلوة على شعرها لانه يطيح على وجها من قدام ومن وراء لنص رقبتها ..لبست شوز سبوورت بنفسجي الخيوط كانت ملونه بس هي فكتها وحطت ابيض}
نزلت وكانت العاشله كلها مجتمعه ام وابو طلال وناصر وطلال
ريما باست امها وابوها وطلال اخوها لانها من زمان عنهم على انهم ساكنين ببيت واحد
طلال:على وين يابسام
ريما:وش دخلك يا كابتن ماجد
طلال:لاجد ليش معربجه ووين رايحين
ريما:بنروح لخوالي
ابو طلال:ريما جهزتي اغراضك ترى الملكه قريب
ريما:وشلون قريب
ابو طلال:اليوم انا وابو مازن تكلمنا وقربنا موعدها
ريما:يصير خير {قالتها وهي جواء قلبها تتألم وتنادي عبدالله }
راحت هي وناصر وام طلال بتجي متأخر
وصلوا وتفاجئت ريما باللي تشوفه واقف عند باب خوالها معقوله كل مارحت لاوم اشوفك واتعذب
ناصر:عبدالله
عبدالله لف على ناصر:هلا والله نصوور هلا يابطل
{عبدالله كان لابس ثوب وكاب جينز ونظارات شمسيه وكان مرة شكله مررة خقاق وثوبه كان مخصر ومطلع جسمه خيال}
ناصر:يا حليلك ياولد عمي وش جابك هنا
عبداللله:ابد ازور فارس...ريما شخبارك
ريما:بخير
ناصر:عبدالله مادريت
عبدالله:وشو
ناصر:اليوم بابا قال لنا انه اتفق مع ابو مازن يقدمون موعد الملكه
عبدالله كأن احدمعطيه كف على وجهه
ريما اللي استسلمت للامر الواقع دخلت جواء البيت
عبدالله ماحب يبين لناصر صدمه:الف مبروك
ناصر:الله يبارك بيامك عقبال ما نشوفك تزور خالي فارس ومعك عيالك..باخي تزوج
عبدالله:يصير خير
دخل عبدالله وناصر بعد ما استقبلهم فارس
فارس:ناصر تعال شوي
ناصر:طيب
فارس طلع براء المجلس ومعه ناصر
فارس:ريما وش فيها دخلت وهي زعلانه
ناصر:مدري{ناصر ماكن قصده يزعل ريما او بالاصح هو ما يعرف ان ريما رااافضه الزواج من مازن وانا ماتحبه وماكان يدري انه يوم علم عبدالله انها زعلت}
فارس:اها ماتدري طيب خلاص ..سلمت على امي
ناصر:لا والله ما سلمت
فارس:روح سلم ترها مشتاااقه لك مووت
ناصر:والله انا اكثر ..بروح لها
راح يركض يسلم عليها وفارس رجع لعبدالله
ريما بعد ما دخلت البيت ركضت على طول لخالتها مرام فتحت الباب عليها وهي كانت تقرا المجله
مرام اول ما دخلت ريما خافت لان ريما فتحت الباب على طول وبقوه ومن دون لاتدق الباب
مرام:ريما ..يمه منك روعتيني ..على الاقل دقي الباب
ريما وهي تبكي:خاله
ريما على طول ارتمت بحضن خالتها
مرام:بسم الله عليك ريومي .احد فيه شيء امك ابوك طلول نصور..تكلمي
ريما:آآآه ياخاله ...مافيهم شيء انا اللي فيني آآآآآه
مرام:بسم الله على قلبك من الآه ياروح خاله ....انت وش فيك علميني بالضبط
العنود:هلا يمه نصور اجل وين ريما ما شفتها
ناصر:اكيد عند خالتي مرام لانها ماشافتها من زمااااان
{للمعلوميه جدة ريما صغيره مو عجوزه ولاهي شابه حرمه كبيره }
العنود دخلت غرفه مرام ومعها ناصر
مرام:هلا نصوووور
ناصر سلم على خالته
ناصر:هلا خالتي شخبارك
مرام:بخير حبيبي انت شخبارك
ناصر:انا بخير اذا انتي بخير
مرام ضمت ناصر:يالبى قلبك
العنود:ريما حياتي ليش ماسلمتي علي يوم دخلتي{العنود انتبهت ان ريما تمزح دموعها وشكت ان فيها شيء
ريما وهي تبوس راس جدتها:اسفه جده ما شفتك انتي ما كنتي بالصاله
العنود:هاه وشخبارك وشخبارك امك وابوك وطلوول
ريما:كلهم بخير يسلمون عليك
ناصر:زين خالتي البندري وينها
دخلت البندري غرفه مرام:انا هنا
ريما وناصر كلهم نطو على خالتهم البندري لانها تحبهم وهي حنونه وتحبهم وتحب الاطفال وقلبها كبير
مرام:الله كل هذا حب للبندري..ليش..طيب وانا
البندري:ياشين اللي يغاروون
العنود:يلا انزلوا نتقهوا
ناصر:انا بروح عند خالي فارس وعبدالله
العنود:عبدالله لود عمك موجود
ناصر:ايه موجود...حلو انتم مشتمعين عندي لكم خبر
فارس دخل:وانا مو لازم اكون موجود
ريما اول ما شافت خالها فارس لا إرادي بكت
فارس ضحك عليها لان مشاعرها بسرعه تتحرك
وقرب لها وضمهالصدره لين هدت
مرام:اوريك ياريموه ياشينه اول ما شفتي فارس بكيتي وضميتيه وانا لا على طول نطيتي على سريري ورميتي مجلتي على الارض
{مرام قالت كذا عشان تقطع شك امها}
ريما:هههههههه خالي فارس غير
ناصر عصب:اوووف منكم تبغون الخبر ولا لا
الكل بستثناء ريما:وشو قول يلا
ناصر:ريما ملكتها قريب
مرام عرفت الحين ليش ريما تبكي
والبندري كانت عارفه عيون ريما انها تبكي وعلى طول عرفت ليش
فارس كان مقتنع والعنود بعد:الف مبرووووك الف الف مبروك
ريما:الله يبارك بايامك
مرام:الف مبروك حياتي
البندري:اووخص بتصيرين عروس قبلنا
{مرام والبندري كانوا يقولون كذا عشان محد يشك}
وش بيصير بعدين والبندري وش راح يصير لها
|