انا طرقي بهالدنيا كسبت من السهر..موال

انا طرقي بهالدنيا كسبت من السهر..موال.!
............................اجره لاسرى حلم الحياة وعقّب الذكرى

اسافر وابتعد وارجع اليا مني كرهت الحال
.............................ولكن مابقا بالقلب حلم ٍ يعشق المسرى

الا ليت الزمن يرجع واداري قصة الترحال
.........................مدام ان النصيحه توها في داخلي تشرى

اناقض خاطري واشره على اللي فاتني بالحال
.....................صحيح ان الطواري بالحشا له عادتن قشرى

شربت من الدهر علقم ولكن الرجا مازال
........................عسا يحيي الاماني والاماني سرها بكرى

أسلي خافق ٍ دامي ولو كان الوعد خيّال
.....................عسف له من بنات الريح شقراً تسري الغدرى

إليا جيت أوصفه بالشعر قام البيت به يختال
.............................جفول ٍ كنها ظبي ٍ تذيّر والخفوق أزرى

عطاها الله وصوفٍ فارقه مازيّنه سلسال
........................صحيح انه بتزهى للحلا هي للحلا تشرى

غدت مع حظي العاثر ولا خلت ياكود ظلال
.........................مصيبه مادرت ب أنا نحب وقلوبنا خضرا

على الله مامضى يستر ولو كان البقا موال
.......................يسلي خاطر اللي عاش بين الحظ والذكرى