في السعودية
ام فهد : هلا هلا صح نووم
فه دحب راس امه: هلا يمه صباح الخير
ام فهد: ياهلا بمعرسنا ولله وش خبارك وش خبار زوجتك
فهد: الحمد لله تمام ..
امفهد: هاه ماتفقتون متى الزواج ؟؟
فهد ابتسم : ان شاء الله قريب يمه
نوف: صبااح الخييير
امفه:ياهلا بالقمر ولله صباح النور يما
نوف: يما المدرسه طاليبن منا اغراض رسم وعفسه وحوسه و نسيت ماقول لك واليوم علينا فنيه
ام فهد : ولسى تقولي اقول تأخرتي ع المدرسه ساعه6 ونص قومي بس لا تدق الصافره عليك
نوف: يما تكفين يما مابي اروح اليوم .. رح تنقصني الابله اذا رحت ترضينها علي!!
ام فهد : البسي عباتك و تنورتك وقميصك وعباتك ويلا عن هل عياره من الصبح والاغراض اقول لسواق يجبيهم لك اكتبيهم في ورقه ويجيهم
نوف : افف طيب طيب .. باي
ام فهد : هذا الي ناقص بعد تبي تغيب .. ايه يمه فهد .. لاتطول بالخطوبه مو حلوه خلاص انت شفتها وعجبتك وليه تطول بعد خلاص أقرب وقت سوي العرس
فهد : ان شاء الله يمه تأمرين عشي ثاني !! علشان انا دوامي بعد شوي بيبدا( يشتغل بشركة ابوه المتوفي يعني يدير شركه ابوه)
ام فهد: الله يوفقك ياوليدي .. يلا بأمان الحافظ ان شاء الله
في كندا
... بعد الخوف ع الجميع اسكتهم الدكتور ..
الدكتور: لقد نجحت العمليه .. بس اتمنى ان لايكون هناك اضرار ناتجه عن العمليه
تركي : اضرار مثل ماذا
الدكتور: انا لاعلم ولاكن لاقول لكم احتمال ان يصيب بشلل او ماشابهه ذالك او فقدان جزئي للذاكره ..
تركي :وهل يوجد احتمال انه سيبقى كما هو
الدكتور: نعم هناك احتمال .. وهناك احتمال ايضا انه يموت فأي وقت لان العمليه كانت في مكان خطيرولكننا استطعنا ان نتدارك الامر ..ولاكن نحن لانعلم ماسيحدث الان
شجون كانت حاطه يدينها بأذنها ماتبي تسمع
ونوره من الخوف مسكت يد تركي بقوه
تركي: يانوره هدي هدي شوي لاتخافين قال الدكتور في احتمال يكون مافي شي ادعي ربك
نوره وهي تناظرلتركي: مادري مادري ياتركي حط نفسك بموقفي مراح تقدر تهدأ
شجون قربت من نوره بخوف : ننوره خالد فيه شي!!
نوره : مادري ياشجون ولله مثلي مثلك
شجون لتركي: طيب تركياي شقال الدكتورنجحت العمليه !!
تركي :ايه نجحت
شجون ابتسمت : ورفعت يدها :شكرا يارب شكرا..وناظرت في نوره ..:طيبل يه نوره تبكي دحين
تركي: شجون أسألتك كلها ماقدراجاوب عليها.. خلاص انا بعد تعبت وجلس ع الكرس وحط يدينه براسه
شجون نزلت عليها علامات الخوف مره ثانيه : طي بقولولي ايش قال الدكتور !! قولولي بليزلاتتركوني كذابيليييييز وهي تبكي
شجون تركتهم وراحت بسرعه تلحق الدكتور
شجون :يادكتور لو سمحت هل لي بدقيقه
الدكتور: تفضلي
شجون : اريد ان اعرف عن المريض الذي خرجت من اجراء عمليته
الدكتور: من انتي لقد اخبرت اهله من قبل انا اسف لاستطيع اخبارك ..ومشى
مسكته شجون بترجي: من فضلك اخبرني ..انا انا زوجته ..
الدكتور بأستغراب!!: زوجته !!
شجون: نعم انازوجته
الدكتور : جسنا بهدة الحاله تسطيعين ان تأتي معي الى العياده لاخبرك ..
...
طلعت من العياده .. وحست بصداع بعد ماسمعت الكلام الي قاله الدكتور لها ..
شجون ... جلست تفكر.. وراحت عند نوره وتركي وجلست وهي مصدومه
تركي ناظرفيهم: شجون نوره يلا قوموتعبتو واجد اليوم وبكرا عليكم اختبار يلا لازم ترجعون البيت ترتاحون شوي وتذاكرون يلا
نوره : لا روحوا نتو انا بظل هنا مع اخوي
شجون : وانا بعد بضل مابي اروح ..
تركي :كيف واختباراتكم بكرا
نوره : بالطقاق ولله اخوي اهم من كل شي انااسفه تركيا ذا كنت مشغول تقدر تروح
تركي ناظر بساعته وناظر فيها : لا لا انا مو مشغول(( شكلي بنفصل فصل نهائي))
نوره ناظرت في تركي وابتسمت ع خفيف كأنها تشكره ع موقفه
تركي فهم عليها ورد لهاالابتسامه
وشجون رايحه جايه عند باب غرفة العمليات علشان قالو بيطلعو وبودونه غرفة العناية المركزه
وفجأة انفتح باب غرفة العمليات وطلعو خالد فوق سريره وعليه اجهزه وشكلة كان من جد يبكي شجون اول ماشفته طلع مسكت يده وهي تبكي من قلبها
شجون : خالد انت تسمعني صح !! خالد انا اسفه ولله من جد ماكنت ادري ان بيصير فيك كذا
نوره مسكته من يده الثانيه وهي تبكي : خالد تكفى لاتخليني وتروح خالد قوم علشاني لاتتركني
ومشو وركبو خالد غرفة العناية المشدده
جاهم انهيار بعد ماشافو خالد بهاذي الحاله ..(( خالد الي كله يمزح ويضحك ومبتسم والحنون .. شافوه بشكل واحد وجهه مايبين من كثر الفات والاجهزه الي ع وجهه ولونه الي متغير .. خافو يكون هذا مو خالد ))
جلسو ع الكراسي
ونوره بحضن شجون .. وشجون منصدمه بس جالسه تطبطب ه نوره ..
تركي اجا لهم ..
تركي مو عارف ايش يسويلهم : نووره .. خلاص انتي مراح تقدرين تسوين شي ربك هو الي كاتب هذا الشي .. يلا قومي اغسلي وجههك واوصلكم للفندق
نوره : لا لا ماااااابي روحوا نتو قلت لكم بضل هنا انا ..
شجون بتعب : نوره خبرتي امك وابوك؟
نوره :لا لا مابي اخبرهم .. لا بليييز شجون لاتخبريهم .. امي اذا عرفت بتصير حالتها اشد من حالة خالد ..
شجون : كيف يعني مابتخبريهم !!
نوره :خلاص ياشجون ولللاهي موب ناقصتك انا ..
شجون سكتت وتنهدت وقامت
نوره مسكتها من يدها :شجون ولله موبقصدي ازعلك لاتزعلين مني انتي عارفه الي انا فيه
شجون ابتسمت ابتسامة تعب : طيب كلنا تعبانبن خلينا نقوم الببيت
نوره : صح شجون ياقلبي انا اسفه وشخبارك الحين!! انتي زينه .؟؟ لما اغمى عليك بالبيت انا ماحسيت فيك ياقلبي
شجون : اها الحمد لله انا بخير ... يلا قومي معي ..خالد بنجي له بكرا واليوم حتى لو ضليتي مراح يدخلونك عليه
نوره تنهدت ...وبعد تفكير طيب يلا نرجع
راحو لتركي الي غفى من التعب ع الكرسي
شجون :اسمة تركي صح !!
نوره : ايه تركي .. موقفه كان معانا مراح انساه .. ولله بدونه ماكنا ندري ايشصار
شجون: طيب صحيه خليه يرجعنا البيت
نوره : اانا !! ..احمم ..تركي
تركي اختلع ووقف : yes yes
نوره خافت ورجعت ع ورا :انا اسفه اذا خرعتك .. بس احنا وتأشر على شجون : نبي نرجع البيت بس شفناك نايم وقلنا نصحيك اسفه
تركي غمض عينه بنعس : لا لاحصل خير يلا مشينا
وراحو عند الباركينق وركبو السياره
كان الكل ساكت ولكل خانقتة العبره
شجون ونوره كانو يفكرون بخالد وكل شوي يمسحون دموعهم
تركي كل شوي يناظر بساعته ..يتمنى ان يلحق ع الاجتماع الي طافه من نص ساعه
وصلو الفندق
نزلت شجون ونوره من السياره نوره افترت وراها علشان تشكر تركي
شافته مشى ع طووول
نوره(( وش فيه مامداني حتى اشكره ))
شجون : يانوره تنتظرين احد !!! يلا امشي
نوره : هاه ايه يلا
وركبو فوق وكان الجووو مره كئييب نوره موب عارفه تذاكر ابد وشجون تذاكر بكل قوتها علشان المذاكره يشغل تفكريها عنخالد وماتبكي عليه ..
نوره : اووووف شجون انا موب متحمله مش عارفه اقرأ كلمة وحده ع بعضها وش اسوي
شجون : سمي بالله وحاولي .. ماعليه يانوره حاولي تركزي بالاختبار وتنهدت شجون
نوره : لا لا انا مراح اقدر بروح الصباح اكلم الدكتور وقوله بلي صار بخليه يأجل الاختبار ..
شجون فتحت عينها: واذا ماوفق وش بتسوين ..!!
نوره: وش بسوي بعد بختبر بس اكيد بحمل الماده بس وولله ياشجون مو متحمله اذاكر .. مافيني نفس
شجون :طيب طيب حبيبتي قومي ارتاحي وانا بكرا بروح معك اكلم الدكتور علشانك
نوره :حبيبتي... طيب انا بروح انام شوي باي
شجون باي
ظلت شجون بشقة خالد ونوره لوحدها وجتها الغمتة ع خالد .. مرت نص ساعه وهي تذاكر .. بس جاها فضول انا تشوف غرفة خالد
سكرت الكتاب وقامت شافت قفل باب غرفتة مكسور وتذكرت الموقف ..
دخلت غرفته شغلت النور
وقامت تمشي بهدوء وهي تلمس الكوبيدينه وتناظر للسقف وراحت عند دولابه فتحته شافت التيشيرت الي دايم يلبسه ..اخذته عندها وشمت ريحته فيه ورجعته وهي تبتسم وراحت عند سريره شافت بالارض جواله اخذته
وجلست ع السرير
جاها فضول انها تفتحه بس خافت وحطته على اكوبدينه الي جنب السرير وهي لسه تناظر في والفضول بيقتلها
اخذته مره ثانيه وهي متردده ..فتحت جواله شافت الخلفيه ونزلت دموعها سكرته وطلع براالغرفه وجلست ع الكرسي
جلست شوي تبتسم وشوي تبكي ..
........
في السعودية
ساعه 12 الظهر
محمد: ها فهووود شخبارك يا خاااطب وييييييو
فهد : الحمد لله ..
محمد: متى بتتزوج تراك عجزت وانت خاطب
فهد : لا قريب قريب ان شاء الله .. حمووود وش رايك اليوم نطلع نتغذى برا ..
محمد: طييب بس ارجع البيت وابدل
فهد :طيب ع ساعه 1 و1ونص اكون عندك
محمد:اوووك تم بس الغذا ع حسابك انا مفلللللس
فهد : مالت عليك اصلاانت في يوم عزمتني ع حسابك اسكت اسكت بس يلا باي هههههه
محمد : ههه باي
...
رجعو من دواماتهم للبيت
فهد : سلام يما وراح لها وباس راسها
اجت نوف من المدرسه وتركت شنطتها عند الباب ورااحت بسرعه اخذت البي بي من غرفتها ونزلت
ام فهد : الله يصقع هل جوال .. روحي بدلي هدومك ياياما وصلي وبعدين اجلسي ع هذا عساه الكسر
نوف ضمت جوالها : يما لاتقولين كذا عن حبيبي مارضا عليه
فهد : صليتي انتي وخشتك
نوف : ايه بقوم اصلي الحين
فهد : يلا قومي وش تستنين يجيك من البلاك صلاه تايم مثلا؟
نوف : اف انت ومزحك انا بقوم اصلي .. وقوم انت بعد صلي شكلك نسيت عمرك
فهد : لا حبيبتي انا صليت بالجامعه مفكرتني مثلك ..
نوف المهم يلا باي..
فهد دق جواله وابتسم..
فهد: ياهلا بهل صوت الي يرد الروح
فرح : ههههه ياهلا فيك
فهد : مابقيتي تتصلين من متى استناك
فرح : الامس ماسكرت مني الا ساعه 3 الفجر !!
فهد : وانتي تفكرينها هينه هل 10 ساعات بدون ماسمع صوتك
فرح : عساني مانحرم منك ..
فهد : امين .. حبيبتي ..!!
فرح : يالباه
فهد : فديتك...ترى الاهل ضجوني من كثر السؤال
فرح سؤال ؟؟ أي سؤال
فهد : الزواج
فرح: !!!!! بس احنا لسا مخطوبين .. قول لهم لسسه بدري
فهد :وليه بدري .. وش فيها لو تزوجنا كل شي جاهز
فرح: لا مو ع كذا ياخالد .. ياعني انا لسسه ماستعديت !!
فهد : شلون يعني فهميني
فرح : اممم خالد لسه بدري وخلاص
فهد : لا مو خلاص قوليها من الاول وفكي نفسك .. قولي انك ماتبين تتزوجيني .. وسكر بوجهها
فرح : لا يا فهد ..الوو الووو
فهد طلع من من البيت معصب .. وركب السياره رايح لعند محمد
....
محمد: هلا يما شلونك ابو مارجع
ام محمد : لاولله مارجع بيرجع ع 4 العصر اليوم
محمد اها.. بعد شوي انا طلع بتغدا برا يما
ام محمد : اه وينك ياشجون الوحيده الي كانت توانسيني ع الغذا
ابتسم محمد : ان شاء الله بكرا اتغدى معك بس اليوم صاحبي عازمني وكذا تعرفين
ام محمد .. طيب ياوليدي بس لا تتأخرعليي
انشاءالله يما واخذ جواله يدق ع فهد
فهد كان يسرع بالطريق ومعصب مره ويدق جواله يبي ياخذه من الرف يطيح .. وكأنها حركة جوهره تنعاد
يفتح عينه الاقدامه شاحنه بس لف بسرعه وصدم بشجره ع جنب الشارع
وكانت الصدمة مره قويه واغمى عليه
طبعا واحد شافه ووقف ع جنب وطلعه من السياره ..فاقد الوعي والرجال بسرعه طلب الاسعاف
وسمع صوت جوال يرن بسيارته اخذ جواله ورفعه
محمد: يارجال وينك تأخرأت صارت ساعه 2
الرجال : السلام عليكم .. انت تعرف هاذاالرجال !!
محمد: .. مين معي !!
الرجال:انا فاعل خير بس شفت هاذاالرجال عامل حادث بشارع ال ...
محمد :ايش طيب هوالحين زين!
الرجال ايه فيه نب ضبس شكله فاقد الوعي وفي شوية ة كسور لاتخاف انا طلبت الاسعاف والحين جايه
محمد: طيب أي مشفى؟
الرجال :مشفى ال....
محمد طيب انا خمس دقايق وجاي وجزاك الله خير وماقصرت وسكر بسرعه
وركب فوق غرفته واخذ مفاتيح سيارته و طلع يسرع ووصل للمشفى بنفس الوقت الي وصل فيه فهد
فهد كان موتعي بس كان يتألم بقوه
محمد: فهد وش صار ..
فهد مكان عارف يتكلم .. فدخلو بسرعه غرفةالعمليات وكان في كسر برجلة الييسرى وايده اليمنى ..
وجرح خفيف براسه
بعد نص ساعه طلعوه ودخلوة غرفه التنويم
راح اله محمد ..: وش فيك ؟؟ كيف صاقع بشجره ههههههه مادورت الا الشجره عاد
فهد : الله يصقع خشتك .. ناقصك انا بعد ههههه
محمد: ايش يعني الغذا راح علي خلاص ؟؟
فهد :لا ولله كانت ناوي اموت واشوي لحمي الك واتاكلني .. بس انت عارف حظك نحس
محمد ضحك : الحمد لله ع سلامتك يارجال .. ماتشوف شر
فهد : تو الناس ؟؟
محمد : اخبر اهلك والا انت تخبرهم
فهد: انت وين عقلك ..كيف اتصل عليهم وجوالي موب عندي انت تسعبط ؟
محمد: طيب طيب اششش بكلمهم ..الو
نوف : الو منو
محمد : انا محمد صاحب فهد
نوف : اها فهد موب هنا طلع معك من شوي
محمد : لا انا داق استهبل يعني هههههههه
مسك التلفون بيده وكلم محمد .. عايلتك كلها مجنونه مثلك ..ورجع يكلم:الو ايه .. فهد بيتنوم اليوم بالمشفى سوى حادث بسيط
نوف :ايييييش ؟؟
محمد خاف من ردة فعلها : امسكي كلميه .. هاك اختك بتموت عليي
فهد : هات .. الوو هلا لا لا ايه .. طيب ..عملت احدث ونكسرت رجي ويدي ..ههههههه ولله مافيني شي عادي كاني اكلمك .. طيب حاولي تخبري امي بدون ماتنصدم طيب باي ...\\
.....
في كندا باقي ساعتين ع الاختبار ..
شجون: نوره يلا قومي نكلم دكتورك
..راحو للدكتور
:طبعا بعد محاولات وغفصات رضي يأجل ليها الاختبار ...
.................
خالد بيوتعي ولا لا .. ولابيفقد الذاكره وبينسى شجون ولامراح يصير فيه شي
...
وفهد وفرح ...بيتزوجون ولا بيفكون؟؟
انتظروني بالبارت الجاي
|