اجا ابو محمد وطق الباب ..
شجون وهي تاكل الشبس : البسي حجابك ابوي اجا هههه البسيه عدل تكفين
نوره : انتي وملاقتك طيب .. ولبسته عدل هاذي المره
شجون قامت وفتحت الباب اله : هلا يبا تفضل
ابو محمد : السلام عليكم
نوره وشجون : وعليكم السلام .. نوره ناظرت بساعتها وعرفت ان الوقت تأخر ولازم تروح ..
دخل ابو محمد وجلس ع الكنبه وجلس يفصخ بجزمته .
شجون: يبا وش فيك .. احسك تعبان ..
نوره : طيب اجل انا اخليكم .. انا بروح.. يلا مع السلامه شوشي .. وطلعت
..
وهي طالعه عند شقتها
صوت من وراها : السلام عليكم ...
اخترعت وناظرت وراها بشويش وراحت تركض لشقتها .. وفرت راسها شافت الولد الي كله تشوفه وللحين ماعرفت اسمه ..
نوره زفرت : اوووف هادا انت خرعتني علبالي جني او شي ياكافي الشر
تركي ابتسم لها : انا الحين جني كل هل وسامه والجمال وتفكريني جني افاا بس
نوره : ماقدر ع الثقه ياشيخ من عدالة شكلك عااد وقامت تناظر بالبدله الي لابسها ( بدله رسميه وفيه بطاه صغيره مكتوب فيها اسمه ) .. ولا بعد اسمك تركي
تركي ابتسم من ردها ..وناظر فيها ليه موعاجبك اسمي ؟
نوره :تأخر الوقت لازم اروح الشقه اوك يلا باي ومشت ووقفت عند شقتها بتحط الكرت والرقم السري
تركي لسه واقف ومتردد: نوووره
نوره فرت راسها : هلا..ايه صح شخبار خشمك ..
تركي (وش فيني وب عارف اطلب رقمها .. مع ان انا شغلتي دايما اطلب الارقام ..)) الحمد لله عايش مع المسكنات
نوره وهي تتشمت : ههههههه وربي مكنت اقصد اسفه ..
تركي ابتسم : لا حصل خير
نوره : طيب يلا مع السلامه .. ودخلت شقتها وسكرت الباب..
تركي .. افف.. راح عند باب شقتها وكان متردد نزل ودخل كرته من تحت الباب ومشى .. وماحط في باله ان في احد غيرها بالبيت
بعد ساعه .. اجت ساعه 10 تقريبا ..
رجع خالد من فرته بالشوارع ... ودخل الشقه وكان ماله خلق ومعصب ..
طاحت نظراته بالكرت المرمي ع الارض شاله .. وشاف اسم واحد عربي ..trky al--------
خالد فتح عواينه وع طول اجا في باله نوره وراح لغرفتها وهو معصب يفتح الباب بقوه
وراح لها وبدون اي انذار او حتى تفاهم معاها مسكها من شعرها وبصوت قوي : مين هذا هاه مين
نوره بالم : آآآي آآي اترك شعري .اااااي ايش صاير. ومنو هذا ولله مادري
خالد : ترك شعرها ورماها ع الارض : كيف وصل الكرت هنا لين الشقه .. اكيد دخلتيه هنا الشقه ..
نوره دموعها ظلت تنزل : انت اننننت ايش تقول ؟
خالد معصب : من متى تعرفينه ياكلبه تكلمي ..
ماحس الا بكف قوي نازل ع خده من نوره : اسمعني ياحقير الا هنا وبس .. وفي شي اسمه اسلوب .. والمشكله انا مدري عن شنو انت تتكلم .. اطلع برا اطلع برا ياحقييير وهي تبكي اطلع برا مابي اشوفك ..
طلع برا وهو معصب وراح غرفته ومسك شعره .. : انا ايش سويت .. صحيح انا ليه ضربتها من دون أسأله وا اتفاهم معاها .وانا عمري مامديت يدي ع احد ولا احب هذا الاسلوب . جلس ع سريره وجلس يستغفر ربه ..
واخذ الكرت وراماه ع الارض بس الشي الي محيريني كيف وصل هذا الكرت لين هنا .. انا لازم اعرف مين يكون هاذاالشخص ..
....
ابو محمد: يايما ترىعلى ساعه 3 الفجر انا رح ااطلع ..
شجون تنهدت : يبا اجلس معي شوي اكثثر
ابو محمد مسح ع راس ينته : معلش .. ذاكري زين يايما وخلصي اختبرات .. وانا بجي لك واجيبك السعوديه
شجون: انت تعرف ايش يعني 4 اسابيع من الاختبرات .. وكل يوم يمر علي زي الجحيم ..ولحين كمان موب معي جوهره .. اه يجوهره ..
ابو محمد: اذكري ربك يايما جوهره ارتاحت الحين لاهم اختبرات ولا شي ,, بس انتي ادعي لها ..
شجون تنهدت : ايه ارتاحت وللله ارتاحت ومتى انا بعد ارتاح
ابو محمد عقد حواجبه : لا يايما ان شاء الله بد عمر طويل .. لاتقولين كلام كذا قدامي سامعه ..
شجون ضمت ابوها : الله يخليك لي يبا ..
ابو محمد ابتسم : ويخيلك لي .. بس ياياما ماوصيك اتنبهي لنفسك ..
تنهدت وضاقت الدنيا في عينها وحطت راسها عند كتف ابوها ودموعها تزل
ابو محمد وهو يبعد خصلات شعرها عن عينها ويحطها ورى اذنها : افا ليه هل الدموع الحين .. لاتكين يايما اذكري ربك
شجون عدلت جلستها : يايبا انا لسه مش مستوعبه الي يحصل لي .. يعني كيف كيف مراح اشوفها ..
يعني كيف تدري يبا لو الحين هي تدخل من الباب وتجلس جنبي مأخترع ولا اخاف .. احس عادي يعني لو اصحى بكرا واشوفها قدامي عادي .. يبا شلون انا ولا عمري جربت هذا الشعور ..يعني كيف مراح اقدر اشوفها
ابو محمد بعد مامسح دموع بنته جلس يمسح ع شعرها : يما انا وش قلت لك ؟ اذكري ربك وكل شي يهون وراح تنسين كل شي .. بس يابنتي لاتبكين وربي ماقدر اتحمل .. اوعديني انك مراح تبكي .. ولا رح اقتل نفسي اذا سمعت انك تبكين.. تبيني اموت انا بعد
شجون ابتسمت وضمت ابوها : لا لا بسم لله عليك يبا ,, خلاص اوعدك مراح ابكي ..
ابو محمد: طيب كل ماجاك البكا تذكريني .. واستغفري ربك .. وكوني قويه وصبووره .. الله يحب يختبر صبرك
شجون ابتسمت : طيب
ساعه 12 .. طلعت من غرفتها لاقته جالس وعليه علامات الندم .. طالعت فيه بأحتقار واخذت جوالها وتبي تدخل غرفتها مسك يدها ..
نوره بعد يده ومشت ..
سمعته ينادي بأسمها بتأسف وندم :: نــوره
وقفت وتكتفت له وناظرت فيه : خير وش تبي
خالد: انا اسف ماكان قصدي اضربك بس كنت معصب والافكار قامت تدور براسي
نوره بأبتسامة سخريه معاها شوي دموع مكبوته:يعني تفكر لما انت تكون معصب كل شي تسويه فيني حلال ؟؟والمشكله الاكبر انت ماعطيتني فرصه افهم انت شنو تبي ؟؟
خالد طلع الكرت وعطاها اياه : هادا الي ابي اعرفه .. كيف وصل الى هنا
نوره فتحت عينها بس سكتت : انا من وين ادري .وعطته الكرت. وراحت غرفتها .. ((كيف وصل كرته لين هنا ؟))
خالد : انا لازم اعرف مين هذا .. اخذ الرقم وبيتصل ..
خالد كان معصب : الوووو الاخ تركي
تركي : اخترع ان رقم داخلي ويتكلم عربي .: ايه نعم انا تركي .. من معي
خالد: كرتك كيف وصل لين شقتي ؟
تركي :...., مين معي؟
خالد: اسمع ياخ خليني اسمع بأسمك مره ثانيه ولله لتشوف شي ماشفته بحياتك .. وحركات الطياشه هاذي موب علينا وانا فاهم حركاتك وعارف ان الكرت هذا موب الي .. بس خليني اشوف طاريك ..بتشوف شنو راح يصير فيك انا عطيتك انذار . وسكر بوجهه
تركي وقف ..: ءءء .. الو ..(يكون سوى شي بنوره .. انا وش سويت ياربي ..!! انا نسيت ان خوها معاها بالشقه .. والحل؟؟ والمشكله ماعندي أي شي اقدر اطمن عليها .. وش سويت بالبنت ياتركي .. الحين بيذبحها اخوها .
.....
مر الوقت.. وأجت الساعه 3 الفجر
ابو محمد عند المرايه يعدل بدلته ويسكر الازرار
شجون جابت له الجاكيت ولبسته اياه وعدلت الكلر وضمته وناظرت فيه .. :يبا انا خايفه عليك تدري ليه
ابو محمد يناظر في بنته: ليه
شجون: اخاف البنات يسرقونك من امي
ابو محمد ابتسم : لا محد يقدر ياخذني من الغاليه ..ام الغوالي هاذي
شجون : الله لايحرمكم من بعض ولا يحرمنا منكم .. ولا يحرمكم منا
ابتسم ابوها ع كلامها وعفس شعرها بيده
شجون يبااا لسه مسرحته
ابوها ضمها وحب جبينها
شجون: يبا تكفى سلم لي ع امي واجد واااجد وعطيها حبه ع راسها مني يبا
ابو محمد حب راس بنته : اعتبريه وصل
شجون بزعل : يبا يصير اروح معك المطار
ابو محمد وهو يناظر بساعته : كلش ماكو وقت يمه (وضم بنته) انتبهي لنفسك يايما ماوصيك وذاكري زين كلها 3 اسابيع وتجين لنا ..
شجون بحزن : يبا ظل معييي شوي
ابو محمد ابتسم : ودي اضل معك للأبد بس تعرفين انتي .. يلله قلت لك انا شدي حيلك وكلها 3 او 4 اسابيع وتملين من وجهي
شجون برطمت : طيب
ابو محمد: افاا ليه الزعل الحين !! قام يدغدغ بطنها علشان تبتسم
شجون وهي تضحك :اه بطني يبا تكفى خلص
ابو محمد: الله لايحرمني من هاذي الابتسامه الي تردالروح
شجون : ولا يحرمني منك
ابو محمد: ايه دامك مبتسمه الحين خلين يالحق ع روحي واطلع قبل لاتقلبينها مناحه
شجون ابتسمت وتنهدت : لا عادي اصلا تعودت ع لحظات الوداع يعني مراح ابكي
ابومحمد ابتسم وأخذ اغراضه وراح عند الباب : يلا مع السلامه
شجون:الله يسلمك
زفرت شجون بضيق وراحت غرفتها وراحت عند المرايه وناظرت في شكلها .. الي لسسه اصفر وضعفان كثيرر ..والسواد الي تحت عينها .. ومره وحده غمضت عينها بقوه وهي تقول لا .. لا ..لأا انسي خلاص انسي ..(تذكرت شكل جوهره الي مليان دم ))..
نوره كانت مكبوته وكانت حاسه في شجون فيها شي ..: خليني اتصل عليها .. اتصلت وماردت ...: ليه ماترد يكون فيها شي .. ساعه كم الحين واو 3 ونص ابوها راح الحين ..وقامت من سريرها واخذت بطانيه خفيفه لان الجو بارد ولبست الشبشب ولبست حجابها .. وطلعت من غرفتها
خالد بغرفه كان جالس يذاكر ..سمع صوت فتحه باب فصخ نضارته القرائه وتركها ع المكتب وقام وطلع وشاف اخته ع الكنبه ناظر في ساعته وهو مستغرب..
خالد: انتي رايحه مكان هل حزه !!
نوره : ايه بروح لشجون
خالد : شجون معاها ابوها !! وش فيج .. اجلسي هنا وباجر دوام ..نامي
نوره بدون نفس ناظرت فيه : اول شي ابو محمد راح السعوديه وشي ثاني .. انا بنام عندها
خالد سكت تذككر ان اصلا ماسلم ع ابوها ولاشي ونسى شجون الي جالسه لوحدها :ءءء لا مافي نوم عندها عالي نامي هنا سامعه
نوره : اقولك لوحدها البنت !! اخاف يكون فيها شي
خالد متردد: مالك دخل فيها خليها
نوره طنشته وطلعت من الشقه وراحت عند شقتها
طقت الباب ماحد رد واخوها يناظرفيها يشوفها ماتروح مكان ثاني ..
طقت الباب مره ثانيه
خالد: تعالي خلاص شكلها نامت
نوره: شجون افتحي الباب هاذي انا
شجون من الخوف كانت لامه روحه بزاويه والغرفه مره صايره موحشه والشقه صايره مره ضلمة وخايفه لوحدها قامت بسرعه وهي مغمضه عينها
فتحت شجون الباب
وع طول ضمت نوره
نوره شجون حبيبتي وش فيك صايره صفره
شجون وهي ترتجف: نوره تكفين لاتتركيني لوحدي هنا انا خايفه محد معاي ..والشقه مره تخوف لوحدي
شافها خالد بهاذي الحاله كان وده يروح لها بس محب يبين خوفه عليها .. فدخل شقته وسكر الباب
خالد: اه ياشجون انا غلطي اني حبيتك .. بس لازم احاول انساك ..
ودخل غرفته واخذ جواله .. خلفية جواله حاطه صورتها لما شافها اول مره في سيارتهم وكانت نايمه ع نوره
شاف الخلفيه وجلس يمسح عليها ويتنهد وترك جواله ع جنب ورجع لبس نظارته وقام يذاكر
.. بعد ماهدأت شجون شوي
شجون: نوره انا مراح اقدر من بكرا رح اداوم معاكم
نوره : بس انت تعبانه ياعمري ..
شجون : اذا ضليت بالشقه رح اتعب اكثر
نوره طيب اجل انا بنام معك اليوم .. يلا قومي ننام ... ساعه 4 باقي 5ساعات ع الدوام ع الاقل يمدينا ننام لنا شي..
ونامو
باليوم الثاني ..
خالد في الجامعه لنوره وشجون: هاه نمتو زين الامس
نوره مالها خلقه : ايه الحمد له نمنا زين
شجون : شخبارك خالد
خالد ابتسم لها: الحمد لله . اخبارك انتي زينه
شجون : الحمد لله احسن خالد .. عادي نوره تنام عندي هاذي الفتره بس
خالد..: لا خليها تنام بالشقه واذا تبينها انتي تعالي احسن ع الاقل يكون معاكم احد
نوره عرفت انه بدا يشك فيها ..
خالد: تغديتو ؟؟
نوره : لا الحين رايحين نتغدى ومسكت يد شجون وراحو
خالد مشا وراهم .:ايه انا بعد ماتغديت جاي اتغدى معاكم
نوره كشرت .. اف ..
راحو عند الكفتيريا..
خالد : وش تبون تاكلون اجلسو وانا بجيب الاكل ..وراح
نوره شوف الملقوف انا الي ابي اشتري لنفسي .. وقامت تشتري لروحا وتركوها لحالها
شافها عبدلله لحالها فكرها لوحدها .. وسمع بسالفه جوهره فماحب يشوفها لوحدها .. راح لها وجلس ع الكرسي
عبدلله : كيفك شجون.. عظم الله اجرك
شجون :الحمد لله.. اجرنا واجرك.. وتنهدت وناظرت بجوالها
عبد لله .: تعالي معانا تغذي انا وصاحب هناك جالسين ..
شجون : لا لا معاي خالد ونوره ولاد عمي ..
عبدلله : معاك هنا ولاد عمك وينهم
شجون : اشرت عليهم هاذاك خالد وذيك الي تتنطط نوره ..
عبد لله تذكر كلامها: ايه لمن طلعتين معاهم ذيك المره وانا الغبي شكيت فيك.. وقام يضحك .. انا اسف ولله مكتن قصدي
وشجون ابتسمت : ايه ادرري اك ماكنت تقصد
خالد وهو جايب الاكل شاف واحد جالس يضحك مع شجون وشجون تضحك معاه : حس بأن ماي حر انسكب عليه وعصب وقرب منهم وحط الاكل ع الطاوله ..
جلس معاهم وفتح الساندويش وحتى مافكر انه يسأل شجون من الي معاها
عبد لله لشجون :يحرك يده بعنى وش فيه
شجون حركت كتفها بمعني مادري
شجون: خالد !!
خالد ناظر فيها بعصبيه داخليه وبرود خارجي: هلا
شجون ابتسمت له : هذا صاحبي من السعوديه معاي يبي يتعرف عليك
خالد لسه يناظر فيه : هلا اخوي ..ه//.. وتذكر شكله وتذكر لما شافه بالحديقه مع صاحبه ..!!
شجون : خالد .. ليه شريت لروحك بس ؟انا جوعانه
خالد: نوره قالت لي هي الي بتشتري لك ..
شجون : انتو الاثنين مايعتمد عليكم اصلا خليني اقوم انا اشتري لي .. وقامت وهي متنرفزه من خالد
خالد: انت وش عرفك بشجون؟
عبد لله حط يده ع الطاوله : وش دخلك انت!!
خالد تنرفز منه : اسمع البنت هاذي موب من اشكالك سامع وياليت تبعد عنها ..
عبدلله: هااه !! شنو ؟؟ لا بجد انت مسوي فيها بتاع مشاكل وكذا !!
خالد ناظر في شجون من بعيد وناظر في خالد: اسمع بعد عن البنت احسن لك الي جاها مو هين
عبد لله : انت وش دخلك؟
خالد: انا ولد عمها ..
عبدلله : ويعني !! خير ؟ لارحت ولا جيت ولللد عمها
خالد كان يبي يرد عليه بس اجو نوره وشجون وجلسو
كانت الطاوله من سته كراسي
جلست شجون باول كرسي وبعدها نوره وبعدها خالد ومقابل شجون عبد لله
عبدلله يبي يقهر خالد: شوشو متى تبدي محاضرتنا
شجون : وهي تشرب البيبسي شرقت .كح كح عطتها نوره ماي .... ليه في محاظره !! خلص الدوام
عبد لله تفشل وحك راسه : ايه صح
خالد قام يضحك وابتسم اله ابتسامه سخريه
خالد يلا نوره يلا شجون .. قومو بنرجع .. يبي يقهر عبد لله
نوره : وش فيك .. لسه جايبين الاكل نبي ناكل ..
شجون : ايه ترى ماكلنا شي..
عبد لله رد اله ابتسامه السخريه ..وقام م مكانه وراح عند اصحابه
خالد عصب منه وعروقه شوي تتفجر ..
المهم خلصو اكل
خالد يلا مشينا ..
نوره بملل ايه
وقامو
شافهم عبد لله وحب يقهر خالد
عبد لله يأشر ع شجون بمعني وقفي شوي
خالد وقف جنب شجون
عبد لله ناظر في خالد: شجون ياقلبي اذا تبين اي شي احنا جاهزين يعني محاظرات الايام الي راحت عليك او اي شي لا تستحين .. ترى احنا اخوان وكذا طيب
شجون : مشكور عبد لله ماتقصر ..
خالد عصب من كلمة ياعمري نفسه يوقم يعطيه بكس ع وجهه :
شجون يلا مشينا
شجون : يلا مع السلامه عبد لله
عبد لله : الله يسلمك .. وراح
شجون ناظرت في خالد الي وجه احمر وقريب بيصير ازرق
وعرفت انه لسه يغار عليها .. وفهمت ان لسه يحبها . ابتسمت ..
نوره بستغراب تناظر في شجون : ليه مبتسمه .. وشهقت
شجون : وش فيك ؟
نوره: لاتقولين تحبيه هاذا الي اسمعه عبد الله
خالد يسمعهم وساكت
شجون : هاااه لا يابايخه وشو احبه
نوره : اجل علميني ليه ابتسمي لمن راح ؟
شجون : وشفيها يعني لو ابتسمت تذكرت شي وابتسمت .. انا اصلا كان في بالي شخص ثاني علشان كذا ابتسمت
نوره : اها علبالي بعد
خالد ناظر في شجون وعرف انه هو المقصود.. ابتسم وسكت
وركبو السياره وطول الوقت بالسياره يطالع فيها ويبتسم ..
شجون ماكانت تطالع فيه وكانت متبهدله لان اليومين الي غابتهم عفسوها عفسسه وصارت عندها اوراق وعفسه
..
ونوره ماكان لها خلق خالدوه وودها تطلع من السياره ..
...
المهم مر الاسبوع ماقبل الاختبارت بسسسسسرعه ..
فكان جو شجون وخالد ونوره مذاكره في مذاكره وماكان احد يشوف الثاني الا باجامعه في الكفتيريا
اما خالد وشوجون ماشافو بعض خير شر لانو محاضراتهم تتعاكس مع بعض بس يروح يطل عليها في محاضراتها بدون ماتنتبه ويوفها مع عبد لله وصديقتها الجديده الامريكيه جالسه بالنص وكان وده يروح يذبح هاذا الي دايما مع شجون ..
وتركي كان طول الوقت نوره ماخذه تفكيره ..وكل يوم يوقف ينتظرها بس مايشوفها ..
....
يوم خطبه فهد ع فرح
نوفوهي لابسه فستانها الفوشي الي موصل لين ركبتها وكان مرا ستايل يعني مخصر ع جسمها والميك ابد الناعم وشعرها الي رافعته بفيونكه ورديه : يما يلا تأخرنا ..
فهد: لين متى يعني مرا تخلصون ترى اروح لوحدي
نوف: الله الله وش هل كششخه عقال وبشت
ام فهد وهي جايبه البخور: وبخور بعد
نوف : يابختها هل فرح فيك بس
فهد : يلا انتو جهزتو الحين
نوف ايه ببلبس عباتي وجايه
المهم وصلو
دخلت نوره وام فهد عند الحريم وجلسو اجو بنات عم فرح الى نوف وجلسو يكلممونها وهم في نفس عمرها ..
دخلت فرح واخذت كل الانضار : الي كانت لابسه فستان ازرق طويل وشعرها الاسود الطويل صارت جناااااااااااان
قامو يسلمون عليها
نوف: ياعمري الف الف مبروووك يابخت اخويا فيكي
فرح: الله يبارك فيك ياعمري عقبالك
وبعد شوي جابو الكتاب .. فرح وقعت بدموع الفرحه والكل زغرط وفرح لفرحه فرح
نوف راحت لفرح .. فرووحه ابي اشعر بأحساسك وش تحسين فيخ
فرح: ياربي نوف راح اذبحك كل منك انا بموت من الخوف وربي شوفي يددي كيف ترجف
نوف وهي تضحك : خايفه من الصعلوك هاذا
فرح: هي مأسمح لك
نوف: ياسلام من الحين هههههه يالله الله يهنيكم في بعض .. دق جوال نوف وناظرت في فرح : الو هلا فهد .. الحين بتدخل ..( في ذي اللحظه قلب فرح طااح ) ايه طيب 5 دقايق اقول للحريم يلبسون واعطيك خبر .. يلا باي
نوف راحت عند امها ..وخبرتها
ام فهد: بنات حريم تغطو:المعرس بيدخل
دخل فهد ومنزل راسه وجلس عند فرح وفرح ميته من الخوف ويدينها ترتجف
فهد رفع راسه وشافها وخق عليها .. واخته ماتت من الضحك من نظراته
ام فهد هاتو الشبكه ..وجابو العقد والتراكي والخواتم
اول شي مسك يدها الناعمه ولبسها الخاتم وناظر في عينها الي تسحر
ولبسها العقد وشعرها الي طاح ع يده ويدهه بدت ترجف
...
المهم ..قامو من مكانهم وودوهم مكان لوحدهم عن عيون الناس
فهد : واخيرا شفت هاذا الملاك
ابتسمت بخجل ..
فهد: فديت الي يخجلون انا
فرح بدلع: ليه انت من متى تبي تشوفني
فهد: يالبه هل صوت .. اه فديت صوتك .. وش كنتي تقولين ترى ماسمعتك
فرح بخجل: ماقلت شي ..
المهم جلسو يتكلمون ..
وام فهد وفرح تورطو يبون احد يرجعهم
وفهد قال لمحمد يرجعم البيت بس ماعطاهم خبر
اجت اخت فرح الصغيره .. انتي نوووف ..
نوف: ايه ياعمري انا نوف انتي منو
دانا : انا دانا .. في واحد عند الباب يقزل لكم يلا بتمشون
نوف: معقوله فهد بيطلع بدري؟ راحت عند امها
يما فد عند الباب يقول مشينا
ام فهد بأستغراب .. ايه يلا مشينا
وطلعو عند الباب وقامت تدور ع سيارته مالقتها ..
اجا محمد عند نوف: انتي نوف صح
نوف بخوف: ايه ...!!
محمد: ايه.. يلا اركبو معاي لان خالد بيتأخر وين امك؟
نوف : اها وانا اقول معقوله فهود بيطلع هل حزه .. هاه امي الحين واري جايه
محمد: ايه هاذي سيارتي ..
نوف طيب
المهم ركبو سياره محمد .. ومحمد يناظر في نوف الي كشفت وجها بالسياره علشان البلاك بيري وهي ميته ضحك ع البرودكاست الي تجيها .. ومحمد معصب علشان الرجال الي برا يشوفونها ..
ام فهد يايما تغطي ترى السياره مو مضلله
نوف : صدق
محمد: ايه سيارتي مو مضلله
نورف: يوووه وتلثمت ..
المهم وصلهم البيت .. وركبو والكل نام بعد يوم حافل من العفسات والزحمه ..
|