وصلو الفندق ..
خالد وقف السياره وطلع وفتح الباب الي ورا وطلع الاغراض ..: وش فيكم لسه جالسين مابتطلعون؟؟
شجون فتحت باب السياره ونزلت وراها جوهره
وركبو ...
خالد حط الاغراض عند باب الشقه وناظر في شجون: تبون شي ثاني!!
شجون: أأ
جوهره قاطعتها: لا مشكور..
خالد بأستغراب .من حركة جوهره.: طيب مع السلامه وراح الشقه فتح الباب شافها جالسه معصبه واول ماشافته وقفت
نوره: ليه تطلع وماتعطيني خبر .. وكل مأتصل ع جوالك مطفي بعد
خالد وهو يطلع جواله من جيبه: وش اسوي لك اذا طفى يعني !!وراح غرفته وحطه بالشحن ..
نوره : شفت الحين من اول يوم غياب بالجامعه والسبه انت
خالد: وش فيها يعني !! مراح تموتين بكرا روحي ,,
نوره: افف طيب انت وين رحت!!
خالد: مالج دخل ..
نوره: شلون يعني اروح اقول لابوي..!!
خالد ناظر فيها بنظرة تهديد وراح وقف جنبها: شنو شنو ..!! وش قصدج يعني .. لا فهميني وش بتسوين
نوره تكتفت وبثقه : ايه باقول لابوي انك طلعت من ساعه ست الصباح وخليتني بروحي بالبيت ..وهو يتصرف معاك
خالد : طيب اتصلي ..
نوره ناظرت فيه: انت الحين بتقولي وين رحت ولا لا؟؟
خالد : افففففففففف رحت اجيب صديقة شجون من المطار ارتحتي الحين
نوره: هااااااااااااااا !!!! وكيف رحت وماأخذتني معك!!
خالد طلع اخته برا غرفته وقفل الباب ..
نوره: ماشي انا اوريكم ..
....
بنفس الوقت عند شجون وجوهره
لسه واقفين عند الباب ..
شجون: الحين كيف بتضلين زعلانه مني للأبد
جوهره لا لين ماتعديلن اسلوبك معاي وترجعين شجون الي اعرفها
شجون بدمعه: انا شجون !! وش الي تغير يعني
جوهره ناضرت في شجون الي في عينها دمعه وكسرت بخاطرها وضمتها..: خلاص شوش لاتزعلين مني ولاتبكين تكفين دموعك غاليه .. خلاص انا اسفه ورح اسد الموضوع
شجون ابتسمت ومسحت دمعها : ياقلبي ويلوموني ليه مصاحبتك بعد .. وفتحت الباب
جوهره: اخذت اغراضها وبتدخل ..: اخ الاغراض ثقيللـ..... وشافت المكان مزين بالورد و ع الجدران وبكل مكان وعينها ماقدرت تستحمل الموقف .. وقفت مكانها وتركت الاغراض
شجون ابتسمت لما شافت تعابيرها بمعنى ان المكان عجبها : عجبك تخيلي هذا انا من امس اشتغل عليه ع حسابك يادبه وانتي من شوي جالسه تهاوشيني
جوهره: ياقلبي شجون .. انا اسفه وضحكت ..وراحت بسرعه وجلست ع الكنبه ..
شجون: ماتبين تشوفين غرفتك؟؟
جوهره: ايه ايه صح وينهاا !!
شجون كاهي هناك .. وجوهره رااحت تركض وفتحت الباب .. الله وناااسه غرفتي بروحي بسسس
وجلست ع السرير .. الله وينك يايما عشان تشوفين الي اشوفه انا الحين
شجون فهمت عليها لانها راحت بيتهم اكثر من مره وعرفت كيف عيشتهم .. يلا ان شاء الله ترتاحين هنا ..
جوهره : قامت من السرير .. وناسه بصير معاك بنفس الشقه ونفس الجامعه ونفس القسم وكل شي ..بس تعالي نوره معانا بنفس التخصص !!
شجون: لا هي داخله تخصص علوم بشريه
جوهره: ايه بس اهم شي احنا زي بعض
شجون : ايه وناسه زي ماكنا متفقين .. يارب عسى ربي لايفرقنا عن بعض ..
جوهره : اميين
....
بالسعوديه عند عايله ام فهد
ام فهد : يلا يا نوف البسي اخوك يستنا برا ..
نوف حاظر يما .. ولبست العبايه ونزلت هاه يلا انا جاهزه
ام فهد: ايه يلا مشينا وقامو وركبو السياره ..
فهد: يمه ...
ام فهد: هاه يمه
فهد: وين بيت زوجتي؟
ام فهد : زوجتك تونا بسم لله رايحن نخطبها لاتحط البنت في بالك يمه يمكن مايحصل نصيب
فهد : طيب وين بيتهم ؟
ام فهد : لحظه هي قالت عند .. بس مادري بدق عليها واشوف...
الو..
ام فرح : الوو
ام فهد : شلونك ام فرح
ام فرح : الله يسلمك دام احنا راح نصير نسايب قريب ناديني ام احمد
ام فهد : ياهلا فيش ام احمد بس حبيت اعرف وين بيتكم ..
ام احمد: تعبرين شارع ... وبيجيك بنك الراجحي وبعدين تاخذين لفته وثالث بيت ع اليسار بيكون البيت
ام فهد : اه خلاص مشكوره احنا مسافه الطريق وجاين
..
المهم وصلو بيت فرح وفهد كان يستناهم برا ومامشى وكان حده متوتر وخايف ..
دخلو وجلسو مع ام فرح وجلسو يتكلمون
وجت فرح وحطت العصير وجلست بكل نعمومه وهدوء جنب امها
ام فهد : ماشاء الله عليك يايما .. يابخت ولدي فيك
فرح صار وجهها طماط
ام احمد: ان شاء الله احنا رح نسأل عن الولد ونعطيكم الرد بأقرب وقت ان شاء الله
ام فهد: ايه اسألو عنه في كل مكان ..
المهم خلصو وطلعو
فهد: هاه وش صار ..
نوف: ماصار شي للحين بيسألون عنك وبعدين بيجاوبون
فهد: وليه يسألون عني ؟؟ انا فيني شي
نوف: ياغبي لازم يسألو عنك اجل بيرمو بنتهم عند أي احد مايعرفونه
فهد: اف يعني السالفه طويله .. خلاص بطلت اتزوج
ام فهد : استح صير رجال ..
وركبو السياره
فهد: نوف .. البنت حلوه؟
نوف. : لين صارت من نصيبك بقول لك
فهد : مالت عليك وانا اقول الحين انتي الي تفهميني
ام فهد : اقول يما امش روح البيت الوقت تأخر .. وبكرا اختك عليها مدرسه
فهد ان شاء الله .. ومشو..
........
عند شجون وجوهره
مرت ساعتين وهم يسولفون ...
شجون: وش رايك اعرفك عليها الحين
جوهره: طيب يلا ناديها ..
شجون طيب ..لبست حجابها .. لاتتحركين سامعه خليك هنا ..
جوهره بأبتسامه: طيب
طلعت شجون .. جوهره طالعت في المكان وقامت تتمشى تتعرف ع المكان..
راحت شجون عند شقه نوره وخالد.. طقت الباب ..
خالد من غرفته : ميييين !!
شجون سمعته بس طقت الباب مره ثانيه
خالد: نوره شوفي من عند الباب
نوره : افف منك وراحت عند الباب .. مين
شجون : انا
خالد قام من سريره وطلع معا اخته يشوف منو ..
نوره: هلا شجون
شجون هلا فيك حبيبتي .. اا تعالي معانا جوهره تبي تتعرف عليك
نوره : امم طيب بقول لخالد..
شجون طيب
نوره خالد.. شافته واقف جنبها .. ءء بروح مع شجون
شافته شجون : هلا خالد بتيجي معاي نوره الشقه
خالد: طيب ..
راحت نوره لبست حجابها وسحبتها شجون
شجون لخالد : جااو
خالد:( مادري وش يدور براسك ياشجون .. وايش الي خلاك تبكي بالسياره ).. ايه يلا مع السلامه لاتتأخري يانوره
فتحت الباب ودخلوا لشقه
نوره : الله الله كل هاا لها ..
شجون : جووجوو وينك ..!! راحت تدور عليها !! يووه لايكون راحت المطبخ وراحت تررركض وشافتها مره بتفتح باب المطبخ ..
شجووون: ههههههههييييي انتي وين !! تعالي اجت نوره ( ويه الحمد لله مافتحت الباب كان اختربت المفاجئه)
جوهره: اجت .. يلا وينها
نوره شافت جوهره !! طوويله وبيضا وشعرها الاسود الطويل الي واصل لاخر ضهرها وجسمها الي كأنها عارضة ازياء .. ءءء هلا جوهره شلونج
جوهر : هلا بك حبيبتي وراحت لها تسلم عليها
نوره جلست وحطت رجل ع رجل وناضرت في جوهره وفصخت حجابها وعدلت شعرها وكانت مره غيرانه ع شجون
شجون:نوره هاه وش رايك في جوهره .. ماقلتك تشبهني
نوره: ايه زينه بس انتي احلا ..
شجون سكتت وطالعت في نوره مستغربه
جوهره: ايه عادي انا وشجون واحد يعني لو مدحتي شجون كأنك تمدحيني انا بعد ..
نوره سكتت : شجون وين الكيك والحلاوه
شجون ناضرت في نوره بقوه ونخزتها بنضراتها: الله يهداش نوره أي كيك شكلك حلمانه
نوره : لا الكيك الي شريته امس .. لاتقولي اكلتوه !!
جوهره: صج شريتي كيك !!
شجون انقهرت من نوره لانها خربت المفاجئه : ايه شريت وطلعت الكيكه من المطبخ
جوهره اول ماشفتها نزلت دموعها وضمت شجون ياعمري شجون الله لايحرمي منك
نوره: اوهو بدت الدراما .. اقول يل ايلا كفايه قطعو الكيك ..
جوهره مسحت دموعها واخذت السكين وقطعت الكيك وحطت لهم ..
واكلو وشربو وخلصو...
لين مأجت ساعه 3 العصر
جوهره: انا تعبت بقوم اريح شوي ..
شجون : اوك روحي نامي يالخيشه
جوهره ابتسمت يلا مع السلامه نونو .. وراحت غرفتها وسكرت الباب
قربت نوره من شجون: ويه ماحبيتها انتي احلا بكثير ..
شجون: لا بجد تتكلمين ولا تمزحي
نوره عدلت جلستها : ايه جد .. اف ماحبيتها ويلا انا بطلع الحين بروح اوك يلا جاو
شجون بأستغراب : باي ..
.....
فتحت الباب غرفت جوهره..
جوهره شافت شجون ونزلت راسها وابتسمت بحزن: سمعت كلامكم ..
شجون جلست جنبها: ماعليكي منها هي في البدايه كذا وبعدين بتتغير ترى هاذي غبيه .. وبتشوفين بعد
جوهره: طيب وغطت وجها بالحاف ونامت
طلعت شجون من غرفتها .. وراحت الصاله
..
نوره دخلت شقتها وهي تتحرطم ..
خالد: وش فيج بعد
نوره: اف موب بالعتها ابد هل جوهره
خالد: ليش سوت شي لج؟
نوره: لا ماسوت شي بس تسوي روحها ناعمه وكل تبكي ومادري شنو اوف ماأتحمل بنات كذا
خالد: طيب بس اهم شي انتي مازعلتيها بكلمه
نوره سكتت وقامت تضحك
خالد فهم ع اخته .وابتسم.: وش سويتي
نوره : ههههههههه شجون جالسه تسألني تقول احنا نتشابه صح
وانا رديت عليها وقلت قدام جوهره لا لاانتي احلا وهي سكتت بس الي قهرني انها ماتفشلت وعرفت تجاوب اخخخخ قهههر
خالد: اقول انتو وسواليفكم الي تعور الراس البنت ماسوت لك شي ليه تسوين فها كذا احترميها .. ع الاقل علشان شجون ..
نوره: ولله انا ماهمتني اببد .. ان غرت ع شجون لانها دايما تتكلم عنها ..
خالد: طيب انا بروح اتمشى تحت شوي .. وطلع .. نزل تحت راح عند الحديقه الي تحت الفندق
وجلس ع الكرسي ..وجلس يناضر بجواله ..وبعد شوي دق جواله..
ابتسم ورفع .: امم وش بغيتي
شجون: هلا خالد .. بقولك .. قول لنوره لاتعمل كذا في جوهره لانها بجد زعلت منها ..
خالد: ليه وش سوت نوره؟؟
شجون : ماسوت شي بس انت قول لها كذا وخلاص
خالد: انا وش دخلني اجل قولي لها انتي !!
شجون: لا مابيها تزعل مني لان لو قلت لها راح تزعل مني .. بليز خالد ..قول لها اوك
خالد: اوك .. طيب انتي اخبارك .. للحين تبجين
شجون: هاه !! ليه ابكي؟
خالد: بالسياره اليوم!!
شجون ابتسمت : هههه لا بس انا افتقدت جوهره وجلست ابكي شوي
خالد: اها يعني كذا طيب .. بس تعالي بكرا بتداومين؟
شجون: ايه رح ندااوم خلاص ..
خالد: اوك اجل يلا باي
شجون: باي
ارتاح لما سمع صوتها ومافيها شي وجلس يتنفس الهوا بعمق ويقطع اسرخائه اصوات ضحكاتهم الي تقرب وصوتهم العالي المزعج ..!!
ناظر فيهم .. وسمع كلامهم واستغرب انهم عرب .. جلسو جنبه ع نفس الكرسي .. وجلسو يتلكمون ع اساس محد يفهم كلامهم
عبد لله: اما لقيييت ديييك الببنت يااااو تذبح ياخوك لحظه بوريك صورتها صورت جنبها
نايف: وينها وريني .. وااو كيف جبتها ذي
عبد لله : ياخوك البنات هنا رخاص تمشي تلاقيهم هم الي يجون لك ..
نايف: ههههههههه مشاء الله علييك .. اعرفك
قام من مكانه معصب وناظر فيهم .. ومشى ..
عبد لله: وشفيه هذا .. امش امش خلينا نكمل ..
........
يوم الثاني ..
بالجامعه ..
شجون : ياربي جوهره يخوف المكان حييل زحممه
جوهره: ويعني عادي لاتخافين انا هنا معاج
محاضرتهم تبدي ساعه 9 والحين 9 الاعشر
شجون: وين القاعه .. افف الا متى رح ندور.. اووه كاهو خالد خلينا نسأله
مسكتها جوهره: لا احنا نعتمد ع نفسنا احسسن..... وبعد خمس دقايق شافو الكلاس حقهم دخلو وجلسو وكان المكان فاضي شوي وجلسو بالاخير
بعد شوي دخل الدكتور( مترجم بالعربي)
مرحبا جميعا
الكل: مرحبا ..
وبدأ بشرح ..
بعد 10 دقايق من الشرح دخلو 2
شجون شهقت : هاااااااااااااه هذولي معانا
جوهره: من ...من هذولي؟ تعرفينهم
شجون: ايه هذولي 2 مجانين ..
الدكتور: لماذا هذا التأخير !!
عبد لله: لقد تهنا ولم نعرف اين تقع القاعه
الدكتور: اليوم فقط سوف اسامحكم ان اعتدوها مره اخرى سوف اخرجكم من المحاضره
عبد لله وصاحبه : حسنا .. ودخلو وجلسو ورا
صاحبه: اوهو شوف شوف مين جنبك
عبد لله شاف شجون وابتسم ابتسامه سخريه : هذولي معنا بالكلاس ..
شجون لما شافته يناظر فيها بعدت عينها ع طول
عبدلله : مدري ليه انا حطط البنت هاذي في بالي ..
نايف: خلص اتركها من بالك يارجال البنت شكلها مب من هذا الطريق
عبد لله: اخخ اجل وين كانت رايحه ذاك اليوم ؟؟ ..
نايف: يمه منك تخوف ..
المهم خلصت المحاضره .. وطلع عبدلله ونايف اول الناس ووقفو عند الباب
...
طلعت شجون وجوهره وهم يتكلمون قاطعهم عبد لله
هااي
جوهره : خيير وش بغيت
عبد لله : يوه تتكلم عربي
جوهره استح ع نفسك ياقليل الادب ..
عبدلله انا ماقلت شي علشان صرت قليل ادب انا كنت ابغى ملخص المحاضره علشان انا جيت متأخر ومافهمت
شي
جوهره: هاذي مو مشكلتنا ..
نايف: خلاص اسفين .. امش ياعبدلله احنا فكرنا العرب رح تساعد بعضها هنا ..
شجون: لا لحظه وعطته الدفتر حقها عادي احنا كلنا اخوان ولازم نتساعد بالغربه .. بس رجع الدفتر لي بكره ..
عبدلله: شكرا انتي شجون صح !!
شجون: ايه بس لاتنسى اخوي جيبه بكره واذا احنا نقصنا شي راح نجي ناخذ من عندكم
عبد لله: طيب عطيني رقم جوالك علشان ..
شجون: لا مايحتاج خلاص لمن تخلص منه جيبه لي في الكلاس ويلا مع السلامه
جوهره: غبيه انتي !! كيف تعطيه تعبتك
شجون: وش فيك جوهره يمكن احنا بعد ننحط بنفس الموقف ومحد يساعدنا وثانيا هم عرب عادي يعني اكثر الناس الي نقدر نتواصل معاهم
جوهره: اها طيب من شوف رح نوصل لوين انتي وبرائتك ..
...
عبد لله لنايف: اف وش هل حظ طلعت موب هينه هل بنت ..
نايف: ايه والبنت الي معاها بعد .. بس شكلهم محترمين
عبدلله: محترمين واحنا شايفينها بعواينا طالعه بنص اليل ؟
نايف: ايه هذا الي مستغرب منه انا بعد ...
عبد لله : قدامنا تسوي روحها شريفه وعند لغرب تطلع فضايحها .. بس انا اوريك فيها ..
....
شجون: متى تبدي المحاضره الثانيه ..!!
جوهره: تبدي ساعه 1 .. خلينا نروح ناكل شي .. لسه باقي وقت
شجون : اوك يلا كاهي الكفيتيريا
دخلو وجلسو..وهم ياكلون اجا خالد وجاب كرسي وجلس قدامهم .. هاه خلصت محاضراتكم ..
شجون : لا باقي ساعه وحده .. ليه انت خلصت ؟؟
خالد: لا انا عندي بعد ساعه بس جعت قلت اكل لي شي وبعدين اروح
شجون اها ..
وجلسو يسولفو ..
جوهره ساكته وتطالع ..: مومتعوده تسولف مع احد غريب ..
المهم خلصو اكل ..وكل قام ع محاضرته
..
جوهره: كيف شجون تعرفين تتكلمن مع احد غريب
شجون: دام انا عايشه لوحدي هنا لازم اتعايش وش اسوي اجلس مكبوته وساكته طول الوقت يعني؟
جوهره: مادري انا عندي اححسن تعالي !!الساعه 12 اذن الحين كيف نصلي ..
شجون : لا خليها بعد مانرجع الشقه احسسن
جوهر شهقت كيييف !! روحي عني احنا راجعين اساعه 4 كيف تبيني اصلي الضهر ساعه 4 !!
شجون: والحل يعني ؟
جوهره: مادري بس لازم نشوف حل ..
راحو الحمام وتوضو وراحو يدورون ع مكان يصلون فيه
شافو الفراش .. راحو له
شجون :لو سمحت انت من اين ؟
الفراش : من الصومال
شجون : اذن انت مسلم اليس كذالك
الفراش نعم انا مسلم وانتم ايضا ..
شجون: حسنا ياخي هل تستطيع ان تبحث لنا عن مكان نصلي فيه !!
الفراش نعم تعالو معي
وداهم غرفته وطلع عنهم علشان ياخذون راحتهم .. دخلو وهم يضحكون
جوهره: الله وناسه كل مره نجي نصلي بغرفته هههههه
شجون : ايه دام هومسلم اكيد ماراح يمانع ..
وصلو وخلصو مرت نص ساعه وطلعو وشافوه واقف عند الباب ينتظرهم يخلصون
شجون شكرا لك يا اخي اننا اسفون لاننا ازعجناك
الفراش: لا لا لامشكله اطلاقا هذا يسعدني ان ارى ناس مسلمة محافظه ع صلاتها ان الباب مفتوح لكم كل يوم
شجون : شكرا لك ومشو
...
راحوا لقاعه وشافوها مرره زحممه وبالذبحه حصلو لهم كرسين فاضين وجلسو بس كانو خايفين لان جنبهم رجال وايد ..
شافو عبد لله و نايف يناضرون فيهم ويضحكون
..
عبدلله قام من مكانه وراح عند مدرج شجون: هااي
شجون: خافت ورجعت ع ورا لانه قرب منها واجد
عبدلله: هاك هذا دفترك مشكوره خلصت منه
شجون :طيب شكرا .. وراح عبد لله
شجون ناضرت في جوهره : شفتيه قليل ادب باقي شوي ويلزق بوجهي لو مابعدت عنه
جوهره: ايه اعرف اشكاله منه كثيير خليه يعيدها وانا اوريك فيه
المهم خلصو محاضره..
ورجعو البيت
المهم مررر اسبوع وجوهره شوي بدت تكلم الناس .. وعبد لله عرف شجون زين انها مو تبع هاذي الحركات يعني تحسنت علاقتهم...بس عبد لله لسه لعاب ومع بنات .. استغفر الله بس شجون ماتعرف عنه شي للحين
يعني صارو قروب واحد لانهم الوحيدين العرب في الكلاس . ويساعدون بعض .. أخوه وخوات
شجون اول مافتحت باب الشقه راحت عند غرفتها وحضنت سريرها اااااه وحشتني !! تعببببببت اليووم
جوهره: ايه مرره تعب.. بس تو الناس حبيبتي ماشفنا شي
اليوم الثاني!!
في الجامعه
نوره: خالد متى رح تمر علي انا عند الكفيتيريا الي برا الجامعه
خالد: نوره اليوم مراح اقدر اوصلم لان محاظرتي تبدا ساعه3
نوره: والحل يعني
خالد: تبين تستنين ل5 استني
نوره ايش استنى ل5 الحين ساعه 12
خالد: خلاص اخذي لك تاكسي وروحي وش اسوي لك انا يعني
نوره: اوف طيب وسكرت
بالصدفه تركي كان لسه مخلص دوام واجي ياخذ له دونات وكوفي
وجلس ع الكرسي واخذ الجريده وقام يقرأ
نوره وقفت .. وراحت له : السلام عليكم
نزل الجريده من يده وطالع فيها.. : وعليكم السلام.. ايييه انتي.... وأبتسم اسمك نوره صح
نوره بأستغراب: كيف عرفت؟؟
تركي: بطريقتي الخاصه ..
نوره طلع السؤال منها وهي موحاسه: ايه طيب وش اسمك انت !!
تركي استغرب منها : وش تبين بأسمي
نوره متفشله: هاه لا خلاص يلا مع السلامه
تركي: مع السلامه
نوره: وهي طالعه وتترحطم البايخ حتى ماتعب روحه يسألني وين رايحه ..
تركي .. نوره يانوره..استني وراح لها عطاها موبايلها ..نسيتي موبايلك مره ثانيه ع الطاوله
نوره بأحباط.. ابتسمت : مشككووورهاذي عادتي اترك اغراضي يلا مع السلامه
تركي: العفوو .. بس وين رايحه انتي؟
نوره : برجع الفندق
تركي: اها كيف بتروحين
نوره: بروح بتاكسي لان خالد عليه محاضره
تركي اها خالد اخوج ؟؟
نوره : اييه
تركي طيب اركبي خليني اوصلج
نوره: لا لا مايحتاج شكلك مشغول
تركي اركبي عن السخافه .. بس استني اجيب الكوفي حقي وجاي
نوره طيب ركبت في السياره وركبت ورا
تركي ركب السياره .. وشغل الراديو
نوره: امببببيه احب هاذي الاغنيه تهبل
تركي ناضرها بنص عين: تسمعين اغاني!!
نوره: ايه اسمع اغاني
تركي: لا بس الاغاني هاذي للناس الطايشه
نوره: ايه عادي ...
تركي اها براحتك ..
المهم وصلها الفندق وراح للعمل ع طول ..
.......
مرو اسبوعين .. وصار الوضع جدا هادئ مابين خالد وشجون
في الجامعه جوهره وشجون
شجون: اف اليوم المحاضره تنعس مافهمت ولاشي
جوهره : ايييه انا بعد مافهمت يسسسرع وايد
خالد وهو متنرفز : السلام عليكم
شجون وهي تناظر لجوهر: وعليكم السلام ..
جوهره بتكشير: وعليكم
خالد: وش مسوين ؟؟
شجون: لسه طالعين من المحاضره وكانـ....
قاطعتها جوهره: ولا شي ليه وش عندك؟
خالد: طيب اعصابك اختي بس ابي اطمن عليكم
شجون كانت ماسكه كتبها في يدها وتناظر بالارض متفشله من حركات جوهره
جوهره بأبتسامه: احنا بخيير ويلا باي ومسكت يد شجون وسحبتها
وخالد يناظر في شجون الي صار له 3 اسابيع ماشافها .. حس بغيره من جوهره..ومشى بالاتجاه المعاكس لهم
شجون : جوجو ليه سويتي فيه كذا حرام عليكي
جوهره : ليه تدافعين عنه خليه يولي
شجون وقفت: تراه بمعزة اخوي ومارضا عليه طيب
جوهره وقفت وناظرت فيها : ايش يعني فهميني؟؟اها فهمت
شجون: جوهره !!! وش فيك ع الرجال ماسوى شي ..
جوهره: هاذي جزاتي عني بدل لاتشكريني !! طيب خلاص انا بروح الشقه وانتي اجلسي هنا مع حبيب القلب
شجون: الا هنا وبس عادّّ
جوهره: مو هذا انتي الي تبيه؟
شجون راحت عند الكرسي وقامت تبكي ..
جوهره نزلت راسها وتنهدت ..وراحت عند صاحبتها..شجون خلاص لاتبكين انا اسفه وضمتها انا الي اسويه لمصلحتك
خلاص قومي معي خلينا نروح الحمام تغسلين وجهك..
وقامو جوهره
:اف الحمام بعيد خلينا نطلع برا منها نغير جو ومنها الحمام اقرب
شجون: طيب
جوهره: حبيبتي شجون لاتبكين بس انا بجد خايفه عليكي لان الدنيا مافيها امان .. لو انا ماخاف عليك كان ماسويت لك كذا كان خليتك لحالك وتسوين الي تبيه
شجون كانت ساكته .. وماخذها ع خاطرها منها
ووصلو عند الحمام .. خلاص انتي ادخلي وانا راح استناكي هنا
شجون طيب ..
جوهره شافت الكفيتريا ..خليني اروح اجيب لها ماي ..وكان لازم تقطع طريق العام
وهي تمشي ع طريق العام تطيح شنطتها وتنزل تاخذها وماتشوف الا شاحنه ..!!!!!!!!!!!!!!!!!!!!!!
......
طلعت شجون من الحمام وهي تطالع يمين ويسار .. تدور عليها ماتشوف الا شي كبير نازل من السما تحت رجلها !!!!!!!!!!!!!!!!!!!!!!!!!!!!!
......
|