( الجزء الرابع )
طلعوا قاريبهم من الغرفة
وصارت لعنود وعلي بروحهم
بس معاهم مشعل كان يالس في وسطهم
حاول علي يبعده بس ما قدر
علي ( نفذ صبره ) : مشعل قوم ابي لعنود
مشعل : اوه منك لبنت خايفة منك
علي : صج
مشعل : ايه صج
علي : ما كلمتك كلمت لعنود
( لعنود طلعت من الغرفة راحت لصالة للي يالسين فيها الحريم )
لعنود( حضنت أمل ) : آآه يا أمل لو شفتيه وسمعتي لكلام للي قاله
أمل : سكتي عن الفضايح إذا طلعوا الحريم تكلمي
لعنود : من عيوني
أمل تسلم عيونج
عند علي
علي : يا وجه العنز روح شوفها بتيي
مشعل : آسف ما قدر اروح لها وثانيا أكيد ما بتيي
علي : واثق مابتيي
مشعل : أكيد لانها خايفة منك لو بترد كان يت يت من زمان
علي : أن الخبيل للي يالس معاك
مشعل : يله روح بيتكم فكنا بعد شهرين بتكون لك
علي : اسكت
طلع علي
ظهر ليوم ثاني
لعنود وأمل كانوا راقدين
خلود ( طق لباب ) : لعنود أمل فتحوا الباب
لعنود ( صوتها كله نوم ) : ياربي ابي انام
أمل : اقلبي ويهج
خلود ( زادت في طق )
أمل : والله ما بفتحه لج
خلود : سخيفة
ونزلت
يالسو من نوم ساعه 8
خلود راحت بيتها
اتصلت سارة على خلود
خلود : هلا
سارة : بكرة تيي المزرعة نسبح وييبي معاج لوجين
خلود : أوكي
سارة : اتصل إلى لعنود وأمل وريم ما يردون
خلود : الثنائي المرح راقدين وريم في بيت رفيجتها
سارة : اوكي أنا بروح لهم باي
خلود : بيات
راحت سارة بيت يد لعنود
لعنود طلعت من الحمام شافت سارة
لعنود : هلا سويرا
سارة : أهلين
أمل : ساروه اهني لا
سارة : أي صدقي انا هني
أمل : افتكرت نفسي احلم
سارة : سخيفة اقول تعالوا المزرعة بكرة نسبح هذا مخطط هناك وناسه وجمعت بنات شنو قلتو . .؟
أمل : أفكر
لعنود : بفكر وياج
سارة : ها بتيون
أمل : أكيد
لعنود : بنيي عشانج
سارة : تسلمون انا قبل ما اجيكم اتصلت بخلود وقلت لها
لعنود : أهاا
سارة : باي
لعنود + أمل : بيــاات
راحت سارة
أمل : منو للي بيوصلنا المزرعة . .؟
لعنود : عمي فيصل
أمل : لا استحي من عمج فيصل
لعنود : شرايج اتصل إلى علي وأقول له
أمل : يلا اتصلي
دقت لعنود على علي
علي بس شاف رقم لعنود في مبايله ابتسم ورد عليها
لعنود ( بكل رقة ونعومة ) : هلا علاوي
علي : اهلين
لعنود : أخبارك . .؟
علي : بخير يا وجه الخير
لعنود : دوم
علي : وأنتي .. ؟
لعنود : بخير
علي : دوووم
لعنود : يدوم غاليك
علي : انتي غاليتي
لعنود : تسلم اقول علي ممكن اروح المزرعة
مع خالتي خلود
علي : أي ما عندي مانع اوصلك إذا تبي
لعنود : ابيك توصلنا عندي مخطط
علي : مضمونه المزرعة
لعنود : ايه
علي : خلاص اوديج
لعنود : فرحتني
علي : إن شاء الله دوم الفرحة
علي : تبيني ساعة كم ايي لج ..؟
لعنود : الصبح الساعة عشر
علي : إن شاء الله
لعنود : يلا باي
علي ( ياربي بتسكر ليه متتأخر في المكالمة ) : بياات
سكرت لعنود
لعنود : آآف منه يالشينه
أمل : ما قال شي يحبج يالعنود أنا واثقة
لعنود : بس انا ما احبه
أمل : حرام للي تسويه في نفسج خالد طلقج يعني ما يحبج
لعنود : يحبني
أمل : يلا خينا نجهز ملابسنا ونام عشان بكرة
لعنود : أوكي
عن هند وخالد
هند : ابي اروح خالد
خالد : انتي حامل
هند ( آف منه ) : ابي اروح ترى بيصير لولدك شي
خالد : روحي خلاص
هند : تعيش ابو عيالي
ساعة عشر
يا علي اتصل إلى لعنود
علي : عنودي انا برا
لعنود : إن شاء الله (وسكرته في ويها )
علي : شنو فيها . .؟
في بيت يدها
أمل : وين لثامي
لعنود : أخدته اخدي برقعي
أمل : ليه اخدتيه علي بيعصب عليج
لعنود ( طلعت لسانه ) : عادي ما يهمني
لبسوا عبايتهم وطلعوا
علي :آآف ياربي منو للي معاها كافي في الحفلة يابت معانا مشعل ياربي منها وإذا رحت له بيت يده تيلس لوجين بوسطنا وتقول كلمتين وتطلع بس شنو اسوي احبها
ركبت لعنود قدام
لعنود + أمل : السلام
علي : وعليكم السلام
علي : أخبارك . .؟
لعنود : تمام
علي : دوم مب يوم
لعنود : يدوم غاليك
علي : وين المخطط
لعنود : تفضل
علي : إلا وين برقعج اشوفج لابسه ليوم لثام
لعنود : أخدت حق بنت خالتي حرام
علي: بس كان تشاوريني قبل ما تلبسيه
لعنود : سوري مرة ثانية إن شاء الله
علي : ليه مقلتي إلى عمي فيصل
لعنود : آف انتي ولي امري مب اهو
علي : عيب اهو عمج اهو ليحن ولي امرج
لعنود ( بدت تعصب ) : إذا ما قلت لك يعصب وإذا ما قلت له انت تزعل وتعصب ياربي منكم
علي : عنودي خلاص خليج ساكته
لعنود ( احسن اني مابي اتكلم معك اصلا ) : ...............
وصلوا
علي : إذا خلصتوا دقي لي اوكي
لعنود : اوكي
دخلوا
منو للي بيستقبلهم . .؟
وين سارة . .؟
ومنو للي يقابلوه في المزرعة . .؟
وليه لعنود ماتبي عرس وطق . .؟
|