مبدع هذا الصوت .. مبدع هذا الحرف ..
الشاعر السعودي الجميل [ محمد بن عيدان ] وبوح
خاص جدا .. في مجلة أنهآر يهديه لارواحكم هنا ..

لو بقول ولو تقول ولو يقول
كل قولٍ عقب قول يقال قيل
المشاكل شيب في روس الحلول
والسواعد دمع بعيون الحصيل
والقصيرة تــندفن قبل تطــول
والعشم ما حبًط عزوم الرحيل
شي طبيعي اختلافات الميــول
والغرابة صبحنا في وسط ليل
أمتي يا حاضر المجد الخجول
تشربين المر وانتي سلسبيــل
دامها ترقص على قرع الطبول
ليه أذكرها بأمـجاد الصقيـــل
عالعموم الورد بأحضان الذبول
والرجا ما رجع المجد الجميــل
يا حروفي داعبي قلوب العقول
واثبتي لا من غدا قلبي يميـــل
لو صعبتي عاصية قبل الهطــول
السما برًاقــــها قبل المخيـــل
ولو يموت الحب في حالة ذهول
ما يعيش الشعر مع عابر سبيــل
لا حشى الله ما ذقت الكحـــول
بس أسكرني حلا ضبيٍ كحيـل
في حمى الأوهام أحلامي تجول
والوعد قدام يا الحزن الأصــيل
أنا مثل جدة بعد كل السيــول
أموت وأحيا وأقدح زناد الفتيل

شعر : محمد بن عيدان

ربي يحفظك لي ياأمي ولايحرمني اياك