مسآء / صباح الخير والسسعآآده والرضآآ
:
:
موضوع خفيف ولزيز أوي طرى في بالي حالاً بالاً قلت نسولف فيه شويات
وابربر فوق روسكم

نعمه كبيره هي الهواتف النقاله والخدمات اللي فيها واهمها الكاميرا.. كيف نعمه طيب بعلمكم
قبل ماكان في كاميرا بالجوالات وكان الواحد وقت عيد ولامناسبه وده يصور فيضطر يشتري كاميرا
ويحمض فلمها ... او يستعين بمصور خاص ..

آلحين لـآ إحنا بنعمه متى ماكشخنا صورنا وارسلنا وبظرف ثوانينرسلها لاهلنا وحبايبنا
وإذا بعد سوينا ذآك الحلا اللي من سنه لسنه لزوم نصوره والواتس شغال صور
وبعد في شغله ثانيه اعتبرها نعمه كبيره اذا شفت لبس حلو ولا اكسسوار اصوره وارسله
لـأختي علشان تقول رايها بالبس وكذاا شغله بعد نستفيد من هالتصوير السريع فيها..

:
:
طيب للحين الموضوع عادي وشحلاته بعد
ماراح اقول عن الاكل اللي يبرد واحنا نصور فيه من كل زاويه
ولاراح اقول عن الكحل العيون القتاله ~> جد مدري وش نحس به
ولا راح اقول عن تصوير بزرانا وبز صورهم بهالفلكر والأنستقرام

لا لا لا

ابتكلم عن اللي يصورون اعراض الناس سواء بالجامعه او بالسوق
بعض البنات ماتخاف ربها تصور وماعندها اي مشكله طيب ليه وش مستفيده مثلا!!

وعن بعض البنات اللي تصور نفسها وتدز ~> واضح كلامي مايبله افسر

هذول كوم شوفو اللي يصور ناس ميته
اي والله شوفة عيني حادث وناس طايحه بالارض بدمها واخينا بالله يصور

والمصيبه في ازواج يصورون حريمهم باوضآع حميميه ~> اممم كيف الحال

طيب يابو الشباب ضاع جوالك او اقل شي طاح بيد واحد من ربعك!!! تضل تساؤلات؟؟؟!!

في شخص استفاد من هالخاصيه (التصوير) برصد كل مخالفه بالشوارع من حفريات

او ازدحامات ويطرحها بموآقع التواصل الاجتماعي ~> شخص حضاري من وجهة نظري

ليه متى يآ معآآذير حالنا ذا الغريب .. واستخدامنا المعكوس لكل تكنولوجيا جديده

صورو وانبسطو لكن بطريقه سليمه توافق الفطره فقط ..

موضوع خفيف اتمنى انه فتح بذهنكم مواقف مضحكه او ساذجه او حتى مواقف سآءتكم

وتطرحونها ...

وبالنهايه اتمنى ان نغمض عين ونفتح الاخرى ونشوف تغير مفرح بمجتمعنا

ودي للجميع

ربي يحفظك لي ياأمي ولايحرمني اياك