عَشرة جواهر ..!

الوقت متغير.. وانا اقول من قال.!
عز الله إنه (ماصدق في كلامه).
وجهة نظر تحليلها .... شعر ينقال
شعر ٍ تمثنى الناس شايل سنامه
اللي تغير حال الانسان.! والمال.
اللي غرس بالناس ... كل اهتمامه
الأوله بالورث .! مليون .. وريال.
قبل الدفن ...... كل ٍ يطيّر حمامه.
والثانيه .. بالحرث مع ضيقة البال.
سَلّوا على التوفيق حرف النمامه.
والثالثه ..... بين القرابه مع الحال
الوصل ميت مع كبير العمامه
والرابعه في وادي العوق لا سال.
عوق الولد مذموم يرخص مقامه
والخامسه ... بالدين ياطيب الفال
لو قام ليله ..! الخلل في صيامه
والسادسه ياكثرها اقفاي واقبال.
على حلال الناس صبوا حرامه
والسابعه ... في ظلم الايتام تنقال
نار ٍ في بطنه والحطب من عظامه
والثامنه وجه الحسد يقلب اجبال
الارض ماتت.! في رجاوي غمامه
والتاسعه ... مال الامانات منزال
صدر الجهاله في زفيره ندامه
والعاشره غابت زكاة ٍ للاموال.
وامسى فقير الحال يشحذ طعامه
عشرة جواهر .! بالثمينات تختال.
هدية اللي حط صدقه علامه
الوقت هو الوقت بلاش تهتال
فتش في خلق الله.! وتلقى الملامه

..


للشاعر: صالح بن عمار

ربي يحفظك لي ياأمي ولايحرمني اياك