البارت الخامس عشر
الجوري:هي جالسه مع جدي..وهو اصلا ميبي احد ياخذها منه..اقول له ابي ماما دانه يقول روحي لابوك يلعب وياك..
ماجد وراشد وخالد كاتمين ضحكتهم:........
تركي:......
الجوري كملت وهي تقلد جدها:لاحد ياخذ مني دانه ألي ياخذها ولا يقومها احد بكوفنه..يقول كذا يبه..
ماجد وراشد وخالد:ههههههههههههههههههههههههههه...
الجوري مدت يدها:خذ الرساله ذي من ماما دانه..
وطلعت الجوري من المجلس..
قاموا الشباب عند تركي..وسحبوا الورقة منه غصب..
وفتحوها وهههههههههههههههههههههه..
الكل عدا تركي فقعوا من الضحك..
تركي مو فاهم وش المكتوب بالورق:!!؟؟؟!!!؟؟؟
راشد مد له الورقه..
"يااوجه الثور"
وكانت راسمه ثور
.........
في مجلس النسى
جات الجوري تركض وجلست في حضنها..
دانه بهمس:هاه عطيتي البابا الورقة..
الجوري هزت راسها بنعم.
دانه باستها في خدها:شطوره حبيبة الماما..
ابومحمد:مافي شيء بالطريق يادانه..
دانه كانت تشرب الماي وشرقت:كح..كح..كح..
ابومحمد طقها على ظهرها وبخوف:بسم الله عليك..
ام تركي:بسم الله عليك يابنتي..
ام راشد:يلا مع السلامه ياابومحمد..
ليان:مع السلامه..
ابومحمد:الله يسلمكم..
ام تركي:توا الناس..تعشي معنا..
ام راشد:مرة ثانية..يلا مع السلامه..
وطلعوا..
دانه:بروح للحمام ياشيخ وانت بكرامه..
ابومحمد:لاتصيفين عاد..
دانه بابتسامه:ابشر..
طلعت من المجلس متوجهه للتوليت...سمعت صوت قبال المجلس الرجال..
ليان بدلع:اخبارك ياولد الخاله..
تركي:طيب طاب حالك..
ليان بكل وقاحه:اشتقت لك ياتركي
تركي:تشتاق لك العافية..
ليان لمحت دانه وزادت وقاحاتها:علامك مصرت تجينا بالبيت..
تركي:........
ليان:وربي لك وحشه..
انقهرت من سكوته وتقبله برحب على قله ادبها وتماديها معه..
تركي:عن اذنك..
ليان بلهجه بدوية:على وين ياولد الخاله..
دانه(مالت عليها تسوي حالها بدوية..)
التفت لحد مسك كتفي
هتان بهمس:اووص..شوفي قله ادبها زين..
ليان بجرائه:تركي..انا احبك..
تركي بصدمه:نعمم..
دانه بصوت قريب للهمس:حبتك القرادة..
تركي:عن اذنك..وراح عنها وهي مستانسه انها قالت هالكلام قدام دانه..وطلعت مع امها..
هتان:لاتنقهرين عادي..هي كذا قليلة ادب..
دانه تدعي عدم الاهتمام:اصلا مهمني هو ولا هي..
هتان:......
دانه بابتسامه:اسمحي لي احين..
.
.
.
كبوا العشاء على الساعة 8:12
وكالعاده ابومحمد طلب من تركي انه يدخل مجلس النسى ويتعشى وياه..
دخل تركي ومكان فيه إلا دانه وام تركي وابومحمد..والباقي راحوا يتعشون في المطبخ..
تركي على طول جلس يم دانه..
ابومحمد:تعال اجلس جنبي وانا جدك..
تركي باصرار:لا..يبه..انا بجلس يم دانه..
ابومحمد:ااي..براحتك..
قرصني من خصري انتفضت..لاحظت علي ام تركي
ام تركي:علامك نقزتي يادانه..
دانه بتوتر:لا مافيني شيء..بس جاتني حكه على ظهري..
تركي بهمس:تستاهلين..
وجلسنا ناكل..
وبعد خمس دقايق
ابومحمد:مقلتي لي في شيء بالطريق يادانه..
دانه:........
ام تركي تغير الموضوع:نسيت مقلت لك تسلم عليك ام نواف..
ابومحمد:الله يسلمك ويسلمها..إلا اخبارها احين؟؟
ام تركي:زينه ولله الحمد..
دانه وقفت:سفرة دايمه يارب..
وطلعت من المجلس..
ابومحمد بهمس:علامها الدانه..
تركي قام:بروح اشوفها..
ام تركي:.........
ابومحمد التفت لها وحس انها تخبي شيء عنه:تخبين علي شيء ياحرمه ولدي..
ام تركي بتمتمه:ا..لاا..
ابومحمد بحده:طالمه تمتمتي معناتها انك تخبين علي شيء..وشيء كبير ماهو بصغير.."وبصرامه"قولي يامره..
ام تركي بتوتر:ماعندي شيء اقوله لك..ولا اني مخبيه شيء..
ابومحمد ناظره بنظرات خلتها تهرع من مكانها:انا متاكد ان بين دانه وتركي شيء وانتي تخبين عني؟؟
ام تركي:.........
ابومحمد:انا لسئلت سؤال اتوقع جواب ياحرمه ولدي..
ام تركي بتردد:تركي ماخذ...دانه عشان بنته وبس..