02-02-2013
|
#2
|
بسم الله الرحمن الرحيم
الجزء العاشر
: هلا وغلا
ام سعود : هلابك ياعيوني كيفك ياولدي وش مسوي عسى الي عندك مازعلتك
سعود : ههههههه انا بخير ومازعلتني يالغلا
لين تضايقت
وطلعو من الاصنصير ودخلو السياره ومشى
ام سعود : طيب ترا عشاكم اليوم عندنا لا ترتبط مع احد
سعود : تم يالغلا ماينرد لك طلب يام سعود
ام سعود : الله يسعدك ياولدي وترا الكل بيجي
سعود خاف يجي رائد ويتكرر تعبه وتعب لين : طيب انا الحين جاي مع السلامه
ام سعود : مع السلامه
وصلوا القصر بس دخل من بوابه ثانيه وهي استغربت
وقف عند باب فله حلوه وقدامه طاوله وكرسي وقدامها بركه مويه روعه شكلها
شكلها كان عذااااااااااااااااااااااااااااااااااب اول مره تشوف هذا المكان
مصمم من برا بشكل انيق وهادي مره وحلو
كانت تحسب الباقي كله حديقه بس طلع لهم بيت داخل حدود الحديقه
( ابو سعود لمن بناء القصر حقه بناء معها فلتين كبيره لأولاده داخل حدود الحديقه ولكل فله باب يندخل منها
بس لو تمشي خطوات بسيطه دخلت القصر )
<< وهاذي هي مفاجأه لين
لين " ياربي كنت احسب بسكن مع اهله الحين كيف اووف مابي استعجل الامور كل شي بوقته "
نزل سعود ونزلت معه
وفتح الباب ودخل
كانت من جد فله رووووووووووووووووووعه وكبيره
ومن جواء عالم ثاني من الاناقه
وهذي صور لأجزاء الفله
الصاله 1
الصاله 2
غرفه الاكل
غرفه لين
غرفه سعود
المطبخ
سعود طلع فوق وهي وراه
واشر على غرفه : هاذي غرفتي
واشر على الغربه الي بالجهه المقابله : وهذي غرفتك
ولف وقرب منها ولاحظ الخوف في كل خطوه له باتجاها
رجعت على ورى وكان الدرج وراها ع طووول نزلت اول درجه من الخوف بس ماكملت
لان يد قويه ثبتها وكان سعود
سعود رجع بذاكرته بأمس وكلام رعد
( رعد اخذ سعود قب يدخل الزفه
وراح وقف عند السياره : سعود تكفى لين امانه برقبتك لا تخليها تخاف منك تراها تخاف من البشر كلهم
ماعدانا
سعود : رعد انت فيك شي
رعد : لا ياخوك مافيني شي بس انتبه على لين ولا تغصبها على شي تراها ماتعرف عن الحياه الزوجيه امي ماتت
وهي صغيره وسهرها خله بقلبها ولا تحاول تكشفه
وبعد عن سعود ودخل سعود بمتاهات جديده مع هذي العايله )
سعود : اسمعيني لين اخلص كلامي
وسحبها وجلسها بالصاله الي بالدور الثاني
سعود : اسمعي يابنت اخوانك انا لي اوامر عشان تعيشين معي براحه
اولا كلامي مايترادد وثانيا اهلي انتي خدامه لي ولهم كل يوم من ترجعين من المدرسه الين الساعه 2 الظهر وانتي عندهم وترجعين تسوين
الغداء لي وبعد ماروح الساعه 4 ترجعين لهم وانا دوامي يخلص الساعه 10 يعني من الساعه 9 وانتي بالبيت
ومنظفته وريحته حلوه وطبعا محضره العشاء ولا تفكرين تعانديني ابدن وتراني ماخذت من حبي لك اخذت انتقام وجبروت
واموت فيك الاحساس مثل ماسوى ابوك فيني
بنسافر اليوم الساعه 12 لندن وبنجلس اسبوعين ومدرستك عطتك اجازه اسبوع ولو تدورين راحتك وسلامتك انتبهي
تغلطين على الكل ياشاطره
ووقف وراح وهي بحاله صدددددمه ودموع عرفت معاملته لها ايام الملكه شنو سببها وعرفت بتعيش خدامه له ولاهله عشان
راحه اخوانها وآه آه آه يايبه موتني بحايتك وبموتك الله يسامحك الله يسامحك
وقفت ودخلت لغرفتها ولقت شنطتها وراحت دورت لها على شي حلو وناعم لان العزيمه عاليه بس امس كشخت
بس اليوم برجع لطبيعه النعومه
لقت فستان حلوو وناعم
وطلعت تكميلاته ولبسته وشعرها ناظرته زاد طوله عن اول وكثر زياده شالت المشابك الي كانت لابستها
وخلته مثل ماهو وكثفت قصتها ( غرتها ) على الجهه اليمين
وتعطرت
ونزلت جلست تحت وشافت صندوق ورا الكنبه وفتحته لقت فيه سجادات صلاه وشراشف
اخذت الشرشف والسجاده وناظرت بس ماعرفت اتجاه القبله لان وقت صلاه العصر
دخل سعود وانبهر بنومتها وجمالها الي يزيدها براءه وشافها حايره وماسمه الشرشف حق الصلاه والسجاده
سعود : من هنا القبله
لين اخترعت وشهقت بصوت عالي يمممه من فين طلع وشافت اتجاه القبله وفرشت السجاده ولفت الشرشف وهي
خايفه منه
كبرت وبدت تصلي تحت نظراته خلصت وسلمت وكانت بتفسخ الشرشف لاكن صوته وقفها
سعود : خليه بنروح لاهلي الحين
لين : طيب
وقفت واخذت جوالها وطلعت وراه
ولمن قربوا من القصر مسك يدها وقال بسخريه : عشان نبان سعيدين
كانت يدها بحجمها الصغير ضايعه بيده
سكتت " خليني ادور راحتي "
دخلوا واستقبلتها اسيل وسلمت عليها و5 بنات باعمار مختلفه وكبار وهي انصدمت خير مايتغطون ذول
سلموا عليها ولاحظت وحده كبيره بالسن مره جالسه براس المجلس اول مادخلت وعرفت انها جدتهم
راحت سلمت عليها بأحترام وباست راسها ويدها وسلمت على مره غريبه وعرفت انها ام البنات
وكانت بتجلس بس دخلت ام سعود سلمت عليها وجلست والبنات جالسين معهم
جلست بنت جبنها وهمست بأذنها
....: لاتخافين احنا خواته من الرضاعه كنا جيرانهم وحضرنا امس بس ماقابلناك ياقمر
ابتسمت لين بحب لها وقالت ببراءه : امممم شنو اسمك تيب
...: اسمي اميره وعمري 23 ادرس في معهد لتصميم الازياء
واشرت على خواتها الي جالسين جنب بعض : وهذي ملاك عمرها 22 بعدي ع طول تشتغل بشركه عمو ابو سعود
تخصصها حسابات
وهذي لتين تؤاها تؤام ملاك بس مايبان عليهم ابدن وتشتغل معها وبنفس المكتب بعد ههههههه
وهذي عاد حبيبه سعود سماء عمرها 20 دلوعته مره وتدرس ادب انجليزي
وهذي اخر العنقود ود عمرها مثل عمرك ترا واممممم هذي مو دلوعه سعود وبس لا كل شي لانها كانت طفلته الدلوعه
ووقف واخذت لين معاها : بنات يالله نطلع
سعود : خلي زوجتي اخاف تاكلونها عاد هي اصغركم
ود : ههههههههههه ماعليك بأحميها لك ولفت على لين
ود : انتي اصغر مني بــ 10 شهور يعني تسمعين كلامي انا لحالي هم لا
اسيل : لا بالله انا الي باحميها لانها زوجه اخوي
اميره : هههههههههه اقول يالبزارين كلكم امشوا قدامي
وناظرت سعود : زوجتك بعيونا يالغالي
وراحت بيدها لين ووراهم البنات لصاله الثانيه وسوالف وضحك
بس حست بألم بقلبها فجأه ونزلت دموعها ماتدري ليش
وقفت تحت تسائلات البنات وخوفهم عليها بس هي راحت ووقفت قدام سعود
سعود استغرب دموعها ووقف وصار مقابلها : فيك شي
لين : رائد ابي اكلم رائد
سعود توهق بس قال بثقه : رائد طيب ليش مادقيتي عليه وليش تبكين
لين زادت دموعها ووجع قلبها : جوالي مادري فين حطيته وابكي لان رائد فيه شي دق عليه
الجده مسكت يدها وجلستها وحضنتها لها : بسم الله عليك يابنتي اخوك بخير
سعود دق على رعد وبعد السلام والسؤال عن الحال سأل سعود عن رائد
رعد : والله تعبان من امس عنده حراره وبردان مره وشفايفه مزرقه وحلف مايروح المستشفى ابدن وحنا حايرين معه
من امس وسهرانين معه
لين دمعت عيونها اكثر لان حست بوجه سعود انقلب ووقف ومدت يدها لسعود بمعنى اعطيني الجوال
عطاها لان كل شي عنده الا ان يحرمها تكلم اخوانها
لين : بابا
رعد عذبه صوتها المبحوح من البكاء : عيون بابا وشفيك
لين : ابي رائد يكلمني
رعد : نايم الحين من يصحى خليته يكلمك
لين : لا حط السماعه بأذنه
رعد سكت وناظر رائد الي قدامه مبتسم على اسمها وهو بسريره وحالته حاله
حط سبكر وقربنه من فم رائد : لين
لين طلعت لبرا تركض من صوت اخوها الي كله الم وجلست على ركبها باحديقه وعيون سعود تراقبها
" ذقتي الي ذقته يالين ذقتيه "
لين بكت بصوت قطع قلب كل من سمعها : ياعيون وقلب ورح وغلا لين وش متعبك ياقلب اختك قولي
قلبي يألمني حيل عليك متأكده انك تعبان بس قولي وش متعب
رائد بكى بكى اخته الي بتبكي يوم موته الي ماعاشت الى الهم والغم : لين لا يوجعك قلبك لايوجعك يالغاليه
انا بخير وماتعبني الا فراقك
طلعت آه من وسط قلب لين على رائد : تطمن ياقلبي تطمن مابيفرقنا الا الموت و والله لاموت وراك ان صارك شي
سعود سمع كلمتها وطلع من جيبه جواله الثاني ودق على عبدالله وقاله يروح لرائد بأبره توقف ضربات قلبه القويه
نرجع عند لين
رعد ماتحمل وجع قلوب اخوانه شال الجوال من رائد الي يبكي بقوه وراكان وريان يحاولون يهدونه مايعرفون سبب
تعبه وانهياره لهذي الدرجه بس ماينلام لين ماهي رخيصه بقلبه
رعد طلع الصاله : لين عطيني سعود
لين تبكي ومن قوه بكاها صارت تشرق في بكيها اخوها فيه شي : مابعطيك سعود عطني رائد دخيلك ابي اسمع صوته
سعود اخذ الجوال من يدها وهي ماعارضت ابدن نزلت راسها على الارض وهي تبكي ( كانت وضعيتها ان ركبها على الارض وهي نزلت راسها
يعني لافه نفسها )
سعود كلم رعد وطمنه وقاله عبود بيجي وقفل منه وراح للين وهو راحمها لان جرب الشعور هذا ومايبي يزودها عليها
من رحمته لها
سحبها من ذراعها ووقفها ومشى فيها لفلته وفتح الباب ودخل خلاها بالصاله وطلع فوق لان في لحظات الانسان يبي
يجلس لحاله
بيخليها ساعه وبعدين بيروح لاهله
قٱل ٱلودٱع !
قلت سمعي ٺرى [ مَٱش ]
لگن ٱظنگ جبت طٱري وفٱٺي : (  
|
|
|
|
|