منتديات قصايد ليل - عرض مشاركة واحدة - رواية ياغايتي لو كان لضلوعي لسان قالت تعال ارجوك محتاجة عناق

02-02-2013

بسم الله الرحمن الرحيم
الجزء السابع

بس من بدت تتغطى نست هذا الشي كليا
ركضت تبي تطلع بس مشعل مسكها من ذراعها بقووووه وباسها على خذها : تراني باقي مجنون ريم
( وهم صغار العايله كلها تعرف بحبهم لبعض وعشقهم ودفاعه عنها فسموه مجنون ريم كان بالبدايه مزح بس
بعدها تحول جد )
ياالله قد ايش هــ الكلمه ريحتها فكت يدها وهربت منه بسررررعه
اما هو " ياروحي عليها باقي صغيره مثل ماكنت آه ياريم احبك"
شاف الصحن فحطه بالاصنصير
اما هي لما وصلت فوق تذكرت الصحن فطلت من الدرج لقته يحطه بالاصنصير ابتسمت
" وانا باقي مجنونه مشعل "

سلمتـــــــك قليبي بين ايدينك اياني وياك تلعب فيه ترااهــ امانـــــــه في رقبتك
ليووووم البعث تصونه وتسلمني اي ـــــاه بين الخلايق هدية ...

راحت عند الاصنصير وشالت الصحن ودخلت عند البنات : بسرعه وحده تشيله
قامت لها اسيل ونزلته عنها : تأخرتي
ريم : اسوي قهوه واحظركم لسهره معن مفروض ماسوي شي
نوف : هههههههههههه فديتك انتي
مها وهي تاكل من الحلا : يمي طعموه لذيذ تسلم يدك نوفه
نوف : بالعافيه عمري
مها : الله يعافيك
وكملوو البنات سهرتهم
بمكان ثاني بالبيت
غرفه مشعل وهو منسدح ع السرير
" يالله فكرت اني نسيت حبها شفتها رجع كل الغلا يارب مقدر على بعدها بعد ماشفتها وقام جلس انا بكره اكلم ابوي
يخطبها كلن يعرف اني احبها "
ابتسم وانسدح وراح بالاحلام

بعد مرور اسبوع على ابطالنا
عادل صحى واول ماصحى خلى ابوه بالغصب يجيب ممكلك وملك على مرام بالمستشفى وبعد رجعته بيتزوجها
واليوم موعد روحته
ومرام كل همها عادل صارت تزوره بأستمرار حالتها النفسيه مو ذاك الزود وتحس قلبها بيطلع من بعده
لين ونوره انشغلو بمرام والتجهيز لعرس لين وكانو يشترون لمرام بعد ويغصبونها تروح معاهم عشان الاسبوع الجاي
يبدا التجهيز للأختبارات
رائد كان خايف من كشف الموضوع ويوضح بوجهه الارتباك والخوف
رعد وريان وركان على حالهم في الشغل والبيت
سعود لاهي بشغله وحتى ناسي شي اسمه لين
والباقي على حالهم
بالشركه
كان عندهم اجتماع لان شريكهم بيجي ( زوج سلمى فلاح ) ويحضرون الاوراق وهيك
واللي حاضرين الاجتماع هم ( ابو سعود - ابو عبدالله - ابو مشعل - مشعل -سعود- عبدالعزيز -
رعد -راكان -ريان )
دخل فلاح وليته مادخل
كانو كلهم يطالعون الملفات الي بيدهم رفعو وجيعهم للباب على سلامه
رعد وقف من الصـــــدمه هو وريان اما راكان انكسر القلم الي بيده
والباقي كانو يسلمون عليه عادي
فلاح خلص سلام وشاف رعد يعرفه زين وكيف مايعرفه وهو الي حرمه من امنيته : رعد
ابو عبدالله : تعرفون بعض
ابتسم رعد بسخريه : اكيد اعرفه
اما راكان لو جلس اكثر بيفجر فيهم خصوصا انه عصصصبي سعود لاحط يد راكان تنزف : راكان يدك
ريان ورعد لفو عليه ولقو يده تنزف لانه من الاقلام البلاتين الي تجي من فوق حاده
ريان راح عنده وفسخ غترته وربط يده ومسك يده الثانيه يبيه يهدأ : تعال نطلع
وقف راكان معه
ريان : استاذ بدر (ابو سعود ) الاوراق الي تبيها مني ومن راكان جاهزه قدامك تسمحلنا نطلع
ابو سعود : تفضل ياولدي وطمني على راكان
ريان : ان شالله
وطلع مع راكان واخذ سياره رعد وطلع على المستشفى وللحين راكان ماتكلم ولا نطق
وصلو المستشفى ودخلوو عند الدكتور
الدكتور يخيط الجرح : يابني ارخي يدك
وراكان كنه ماسمع
ريان قرب منه : راكان
رخى يده وخيطها وطلعو
في السياره
ريان : تكفى اهدأ لا تخرب شغل رعد من سنين
راكان اخيرا تكلم بعصبيه :كيف كيف اهدى فهمني والي خرب حياة لين بينا كيف صرخ زود كـــــــــــــــــــــيف
ونزلت دمعه من رجال مابكى الا لشديد
شوف خوف لين شوف ضعفها شوف الضياع بعيونها صارت على اقل شي تتألم قولي كيف انسى عذابها وبكاها بحضن
رعد وبحضننا قوووووووووووووووول وهو يضرب يده السليمه بالطبلون سبب موت امي هو سبب موت لين بالحياه هو
ياخي ماطلع رجال ان ماخت حقهم منه
( رجع بذاكرته يتذكر احداث موت امه وكيف حالتهم بعدها وآه وأه من فقدانها )

http:///ريان تذكر بس يهدي نفسه لان رعد متكفل بهذا الشي وقف عند مسجد على اذان العصر ونزل ونزل راكان صلى
وجلسوا يقرون قرأن الين اذان المغرب وصلوا وراحوا للبيت

نرجع لشركه قبل كم ساعه
جلسوا يتكلون عن الصفقات الجديده والمناقصات والفرح الي بـ بريطانيا الي بيديره عبدالعزيز
وطبعا رعد كانت نظراته لـ فلاح ناريه وفيها وعييييد
وفلاح يحاول يتهرب من نظراته
انتهى الاجتماع على خير
بس قبل مايطلع رعد تكلم فلاح وعلى فمه ابتسامه سخريه : كيف وصلت لهنا يا رعد
لف عليه رعد وبأبتسامه تحدي : مناسب ابو سعود
اختفت ابتسامته وسكت لين بتتزوج سعود وسعود ماينسلم شره خليني بعيد احسن : مبروك
رد عليه : الله يبارك فيك
وطلع ودق على ريان وطمنه على راكان وكمل شغله وطلع للبيت
وفلاح طلع يرتاح لانه توه جاي من سفر
بداخل المكتب
ابو سعود : غريبه يامشعل حضرت الاجتماع
مشعل : ههههههه ابي اطلب طلب من عمي سعد (ابو عبدالله )وقلت لبوي قال انت وعمك تصافوا
ابو عبدالله : ههههههه قول وابشر بالي تبيه
مشعل : ابي ريم
عبدالعزيز ناظره : وش تبي فيها
ناظره ابوه بغيض : الحين تبي تتزوج وماتعرف تتكلم ولف على اخوه يبي يناسبك ياخوي اذا ماعندك مانع انت واخوانها وبموافقه ريم
ابو عبدالله ابسم : في احد يجيه مشعل ويرفض واساسا امي مكلمتني تقول بعد شهر ان ماخطب مشعل ريم
زوجوهم بالغصب ( الجده عمرها 65 سنه عايشه بمزرعه تبعد عن الرياض كم متر بس هي الحين مسافره عند اختها بحايل )
الكل : هههههههههه
وكملو سوالف وطلعو عبدالعزيز ومشعل من المكتب
عبدالعزيز : اجل باقي مجنون ريم
مشعل ابتسم على هــ الكلمه : ومتى ماكنت مجنونها
عبدالعزيز : هههههههههههه
مشعل لما وصوا مكتب عبدالعزيز وجلسوا لف على عبدالعزيز بصرخه : يعني بنجلس مع بعض
عبدالعزيز ناظره بأستغراب : فيك شي انت زوجتك اكيد بتجلس معها
تكلم مشعل بفرح ويحاول يوصل المعلومه : لا انت وريم بتتزوجون من نوف وانا يعني نجتمع ماحد يتغطى على الثاني
عبدالعزيز : ههههههههههههههههههههههههههه وربي انك خبل اقول انقلع خليني اكمل شغلي
مشعل وقف : تامر كم عندي اخو زوجه
عبدالعزيز : اثنين
مشعل يحك راسه : زين ذكرتني بعبود خلني اروح اتمصلح معه ولف وطلع وهو يسمع ضحك
مكتب ابو سعود
ابو مشعل : والله ودي بطلعه للمزرعه
ابو سعود : ايه والله بقالنا شهر مارحنا هناك
ابو عبدالله : الاختبارات على الابواب خلوها الين تجي امي وبعد مايرجعون سعود وزوجته من شهر عسلهم نروح
ابو سعود : تم اجل بقول للوالده اذا جات
وكملو سوالف عن البيت والمسؤوليه وهيك
الساعه 8:00 الليل نفس اليوم
بيت ابو سعود
ام شدى : اقولك سمعة العايله ميب زينه وحتى امهم طلعوا فضايحها هي وابوهم
ام سعود : تراهم اموات ومايجوز عليهم الا الرحمه
ام شدى : بتخلين ولدك يتزوج من وحده مثلها
ام سعود : هو ورغبته انا مابتدخل واخرب حياه اولادي ولا بناتي
ام شذى ارتفع ضغطها : كيفك انا سألت عن عايلتهم لانك اختي وسمعتكم من سمعتنا
ام سعود سكتت وهي تفكر بالكلام الي قالته اختها
بيت ابو عبدالله
بالصاله قالهم ابو عبدالله عن خطبه مشعل
عبدالله : اكيد يبه موافق على مشعل
لف ابو عبدالله على عبدالعزيز : وانت ياعبدالعزيز
عبدالعزيز : مالي كلمه بعدك وبعد عبدالله اذا انتو شايفينه مناسب كلموا ريم
ابو عبدالله يحب ياخذ رأي الكل
لف على زوجته : وانتي يامنيره
ام عبدالله : مالي رأي بعدك ومشعل مايتعوض
ابو عبدالله : اجل على بركه الله كلمي ريم يامنيره وشوفي رأيها
ام عبدالله وهي توقف : ان شالله بكلمها الحين
وطلعت لـ ريم وكانت جالسه على المسن محادثه جماعيه مع اسيل ومها شافت امها استاذنت من البنات دقايق
ولفت على امها : امري ياعنوني
ام عبدالله اشرتلها تجي جنبها على السرير قامت ريم وجلست جنبها وراسها بصدر امها
ام عبدالله : يابنتي انتي تعرفين ان البنت مصيرها تتزوج
دق قلبها بقوه بتتزوج غير حبيبها مشعل مستحيل
ام عبدالله تكمل : وانتي انخطبتي والي خطبك تعرفينه زين ولد عمك مشعل وانا جيت اخذ رأيك بعد ماوافقوا ابوك
واخوانك عليه وابيك تفكرين زين يابنتي وتصلين استخاره وتشوفين انتي مرتاحه او لا
" حبيبي خطبني بعد حب 10سنوات مستحيل ماصدق كيف يعني هو باقي يحبني "

جآء و خطبني..
تـكـفون لآ تردونـه
يا يُمــه .. أنآ أبيـــــــه ..!
قولـي تــم ..
لآ تخلين العُمر يمشي ألـم يآ يمــه ..
قولوا تــم ..
تـرى روحي فيـــــــه ..!

امها باستها على راسها وطلعت وهي باقي بحاله الصدمه جلست عشر دقايق على هـ الحال شوي تذكرت البنات على المسن
نقزت اخذت الاب من على الطاوله وحطته معها في السرير
وتكلمت
ريم : خبطني
مها : ريم شفيك من خطبك
اسيل : مشعل صح
ريم نزلت دموعها بفرحه : اييييييه هو
مها : مبروووووووووووووووووووووووووووووووووووووووووووك
اسيل : منه المال ومنك اعيال ههههه
ريم : بس باقي ماوافقت
مها: اييييييييييش ليه ياعيوني ناويه ترفضي
ريم : انا بقفل مع السلامه
وقفلت المسن والاب كله وانسدحت وهي تتذكر قبل كم سنه موقف معه
" كانت غصب تعانده بكل شي وهو يطيعها بكل شي
جاء مره وكان بيبوسها ع خدها طبعا *-^ بس منعته وقالها غصب بيتزوجها وبتشوف اما هي عاندته
قآل : أبوسك ...؟!
قلت : تعقل ... وإلا أحوسك ...؟!
قآل : انا أقصد على سنة الله ورسوله !
قلت: لــيــــــــت !!
قآل : واللــه لآخذك
قدآم أخوك
بعد مآ تربط يديني في يدينك
بأمر أبوك !
قلت : بتبطـي علي ..؟!
قآل : لآ لآ
قلت : والله ان ابطيـت جيــــــتك !!!!"

آه يامشعل وعد من اتزوجك وينربط اسمي بأسمك لاضمك
سآمحيني لو حلفت إني ألمــه !
مو بكيفـي !
وضحكتــه خـمري ... وكـيفي !
مو طبيعـي..
هالولد عمري وربـيـعي ..
ونامت على ذكريات الحب
ومر اسبوع ثاني على ابطالنا بين التجهيزات للعرس والاختبارات والتجهيز النفسي لوداع نوف
ليله الخميس
بيت ابو عبدالله
نزلت ريم لابوها وجلست جنبه وحضنته ونزلت دموعها
ابو عبدالله خاف عليها : ريمي شفيك يابابا
ريم وهي تبكي : اوعدني انت وماما واخواني اذا تزوجت ماتخلوني
ابتسموو كلهم على خوفها
ابوها بعدها ومسك وجها بكفوفه : يعني موافقه على مشعل
هزت راسها بالايجاب لبوها
ضمها مره ثانيه: الف مبروك يابنتي مشعل رجال واذا تزوجتي مابننساك وبخلي مشعل يجيبك كل يوم عندي
مسح دموعها وهي قامت عند امها وحبت فوق راسها وتالي باركولها اخوانها ورجعت غرفتها بعد ماحست بخجل منهم
وعبدالعزيز راح لغرفته وتنهد بقهر " آه لو خليت العناد وماتزوجتها انا لا احبها ولا ابيها وهي نفس الشي ليش
عاندتها على حسابي ليش بس خلاص ماقدر اسوي شي بكره زواجنا "
بيت ابو مشعل
غرفه نوف
كانت تبكي تتمنى امها معاها تتمنى لها اخت توقف بقربها
ماكملت تفكيرها كثير لان (ريم ومها واسيل ومريم ) دخلو عندها
اسيل ضمتها : ليش الحلوو يبكي
نوف وهي تبكي : فكرت بقضي ليله زواجي لحالي بدون ام ولا خوات
مريم قربت لها: لا ازعل منك ولوو
وحاولوو يخففون عنها
شوي دق باب غرفتها وكان مشعل : يابنات قولو لـ حبيبتي ورب البيت شوفوني حلفت اذا ماوصلني خبر
موافقتها بعد يومين لاخطفها
البنات : هههههههههههههههههههههههههههههههه
نوف عرفت بموافقه ريم : لا تطمن وافقت
مشعل صفر بقووووووووه : ريم وربي لاسعدك ياقلبي انتي
وراح وخلاهم وهو مبسوووووووووط
اما ريم كانت منحرجه من حركاته : اوف خجلني
البنات : هههههههههههههههههههههههههه
اسيل : يالله لازم تتعلمي النعومه قريب بتتزوجين
رمتها ريم بالمخده الي جنبها : وش قصدك اسيلوووه
اسيل : ههههههههههههه سلامتك
ريم : احسب بعد
وكملوو سوالف وهستره ونامو ع الساعه 12 كلهم
بيت رعد
كانو سهرانين كلهم مع بعض
لين : تيب ياحلوين تبون تتعشون
راكان : لا ريحي نفسك ريان دق على المطعم ووصى لنا
لين : اوووك
دق جوالها وكان سعود استأذنت من خوانها وراحت الغرفه
لين : الوو
سعود : اهلين لين اسيل قالت مابتحضرين العرس بكره ليه
لين : عندي اختبار يوم السبت ابي اذاكر
سعود : تحضري مفهوووم عندك فستان
لين : ايه
سعود : اجل ماله داعي التعذر بالاختبارات
وقفل كعادته الازليه
دقت على مرام وتطمنت عليها وعلى عادل وقفلت وطلعت لاخوانها
يوم العرس
المغرب كان الكل مخبوووووص وحوسه
والامهات كانو يستقبلون الحضور والرجال نفس الشي
نروح للبس البنات
ريم ومها واسيل اتفقو فساتينهم باللون الاسود والابيض
ريم

اسيل

مها

لين

مريم

وعروستنا نوف

الساعه 9:00
جاء المملك وملك ملكتين
ملكه عبدالعزيز ونوف
وملكه مشعل وريم
عند البنات
ريم : بس ليش اليوم مابي
اسيل : ع كيفك هو صرتي ملك مشعلووه
ريم : اسيل لا تتكلمي عليه كذا
البنات : هههههههههههه
لين : هذا وانتي مابين تملكين اليوم
نوف : بنات احس ببكي
مريم راحت عندها وضمتها : بس ياعمري انتي كلنا حواليك وترى الزواج سنه الحياه والغربه بتعلمك الصبر يالغلا
ولا تصيرين ضعيفه خلين نوفه الي نعرفها وكلها 6 شهور وترحعين لنا
نوف حست ان مريم كلامها صح وانها لازم تكون قويه : تسلمي حوبي
مريم ابتسمت لها

عند الشباب
عبدالله راح يشوف غترته عند امه ودخل مكان تقديم العشاء
ولقى ملالالالالاك قدامه بفستان ابيض واسود ؟؟
نهايه الجزء السابع
احداث الروايه كلمالها تكشف اسرار جديده
كلام ام شذى عن عايله لين صح ! وام سعود بتصدق ؟
ياترا فلاح شنو سالفته ؟
كلام راكان يدل على ان موت امه بسبب فلاح كيف ؟
عبدالعزيز ونوف تزوجوا وكان زواجهم تحدي كيف بتكون حياتهم
عبدالله من الي شافها وخذت عقله ؟؟
وتوقعاتكم لباقي ابطالي وللأجزاء الجايه؟؟
تحياتي
اختكم |همسي يناديك او كبرتني ياهم |