بنات كتير عايزة تعرف

إزاي تعمل تسريحات مختلفة لشعرها

في البيت من غير ما تروح لكوافير...


علشان كده جيبنا لكم مجموعة من تسريحات الشعر

البسيطة اللي ممكن تعمليها بنفسك في البيت



شعرك مموّج.. إزاي تخلّي شكله مفرود؟!
الخطوة الأولى
اغسلي شعرك ونشّفيه كويس بالفوطة، وبعد كده دلّكي شعرك بكمية صغيرة من السيرم، علشان تعطي ملمس أنعم لتمويجات شعرك.

الخطوة الثانية
قسّمي شعرك لخصلات صغيرة، ونشّفيه بالسيشوار، ويفضّل إنك تستخدمي فرشاة السيشوار المستديرة اللي بيكون فيها فتحات كبيرة، علشان تخلّي الحرارة توصل لكل تمويجات شعرك، وابدئي بالسيشوار من فوق لتحت.

الخطوة الثالثة
بعد ما تنشفي كل خصلة من شعرك كويس وتفرديها بالسيشوار، لفّيها على بكرة للشعر علشان تمنعيها من إنها تتداخل مع باقي الشعر وتتعقد.



الخطوة الرابعة
بعد ما تنشفي شعرك كله وتلفيه، ابدئي شيلي البكر واحدة واحدة، وبعدين رشّي شعرك بإسبراي للشعر.

بس خلي بالك إن زجاجة الإسبراي تكون بعيدة عن شعرك شوية، والإسبراي ده علشان يحافظ على شكل شعرك مفرود وثابت وناعم طول اليوم.


اتمنى يعجبكم ماطرحت هنا

ربي يحفظك لي ياأمي ولايحرمني اياك