01-22-2013
|
#23
|
 |
|
 |
|
((البارت الثاني والعشرين))
{{ان الله يمهل ولايهمل}}
روى:ههههههههههههههههه مسكينه تصدقين طالبه الطلاق ..اي حبيبتي انا اروى الي اكره اخليه تحت جزمتي ..تين تعرفين وش سويت لها اسمعي القصه
فههده انصدمت من سمعت اروى لها علاقه في الموضوع عل طول سجلت كل كلامها في مسجل الجوال علشان تسمعه يارا
اروى:وهاذي السالفه طال عمرك.اقولك خطه جهنميه بتنجح بس ماحد صدقني .اكيد اذا طلقها راح اخذه مولازم يحبني اهم شي ارزه عند صديقاتي وانا احبه
دخلت عليها اروى
اروى:يالله نوره اكلمك بعدين باي
سكرت اروى منها
اروى:هلا والله ببنت عمتي
فهده:هلا فيك معليش اني جيت في هالوقت بس نسيت عندك الكتاب رجعت اخذه الااقول كل هالكشخه على وين
اروى:عندي بارتي الحين شوفي كتابك فوق الطاوله
خذت فهده كتابها:خالتي تدري
اروى:لاطبعا ماتدري وانتبهي تعلمينها
فهده:لاماراح اقولها شي يالله باي
اروى:شرايك فهده تروحين معي غامري في حياتك شوي
ضحكت فهده عليها بسخريه:لاخليت هالجو لك باي
اروى:على راحتك باي
@@@@@@@@@@@@@@@@@@
@@@@@@@@@@@@@@@@@@
على طول راحت فهده بيت عمها ابو بدر علشان تسمعه بدر
بدر شال الدنيا على راسه وانفعل مرره لدرجه اخته ماشافته مثل كذا من قبل قال واهو يصارخ:الله يلعنها من بنت تبي تخرب حياتي
عهد:ليش تسوي كذا
فهده:علشان تحب بدر وتبي يطلق يارا هاذي كل القصه
عهد:انجنت هاذي لامااصدق اروى تسوي كذا
بدر:انا راح يكون لي تصرف معاها والله راح تندم على حركتها الي سوتها "قام من مكانه وبيطلع"
عهد:وين رايح بدر
بدر:راح ادب هالحيوانه الي ماتربت
عهد:بدر صل على النبي وهدي خلنا نعرف نفكر
بدر:عليه الصلاه والسلام بس لازم اروح يارا وافهمها القصه
فهده:بدر ترا اروى تتكلم عن صور
بدر:أي صح الصور
عهد:خلنا نروح بيتك وندورها
بدر:يالله استناك في السياره بس معليش فهده ارسلي الصوت الى جهازي
فهده:انشاءالله
عهد:مشكوره فهده
بدر:أي والله جميلك هاذ ماراح انساه طول حياتي
فهده:لاشدعوه انت ويارا غلين على قلبي ومابي تخرب حياتكم علشان وحده تافهه مثل اروى يالله انا تاخرت بروح البيت الحين مع السلامه
بدر وعهد:مع السلامه
وعلى طول راحو بيت بدر وحصلو الصور في غرفة النوم
عهد:اووف اووف وش هالصور هاذي استخفت اكيد
بدر وهو ماسك له صوره:والله لااوريها شغلها عندي ياحياتي يارا ذبحتك هالصور انا بروح لهم في البيت واتفاهم معاها
عهد:اصبر بدر اول شي كلمها شوف اذا كانت صاحيه تدري الحين الساعه 12 يمكن نايمه
اتصل بدر على يارا
يارا شافت الرقم وانقبض قلبها
ريما:شفيك يارا ردي
يارا:هاذا بدر ماعليك منه
ريما:طيب اخاف يبي شي
يارا:لامايبي شي بس الظاهر حس بالذنب ماعليك منه راح اقفله
قفلت الجهاز بكبره
بدر:قفلت جهازها بروح لبيتهم مافيني صبر
عهد:خلها بكره انشاءالله كل شي بينحل هد بالك انت بس
بدر:والله لااوريك نجوم الليل يااروى
****************************
في شقة مصعب طبعا صوت الموسيقى العاليه والحفله كانت مختلطه والكل كان لاهي
حاتم:اقول مصعب
مصعب:هلا
حاتم:من هاذي الي لابسه فوشي
مصعب:عجبتك
حاتم:اوووووف حدها عجيبه
مصعب سغمزله:وش رايك بلبله حمراء معاها
حاتم:لوحصلت ماراح اقول لا
مصعب:كم تدفع يالطيب
حاتم:الي تبي انت امر وانا ادفع
مصعب:عشرة الاف
حاتم وهو يرفع كاسه :صار ولايهمك
مصعب:ابيه الحين في شيك
حاتم كت له شيك :هاه جاك طلبك عطني الحلوه
فرح مصعب:حاضرين للحبايب روح اسبقني للغرفه وانا اجيبها لك
حاتم وضحكته الشيطانيه:اوكي لاتتاخر علي
راح مصعب للمطبخ يحضر له كوبين واحد فيه مخدر"الليله ليلتك يااروى انشاءالله تنبسطين ههههههه"راح عندها
مصعب:تفضلي
اروى:مشكور بس خلاص انا بروح البيت
مصعب:افــــــا اروى علشاني اقعدي معاي شوي ودي اسولف معاك
اروى:اوكي بس ربع ساعه
مصعب:اوكي راضي يالله اشربي العصير هاذا للغالين
شربت اروى منه ومصعب يطالعها بنظرات كلها خبث وشر
مصعب:هاه شرايك في الحفله
اروى:مرره حلوه ماتوقعتها كذا
مصعب:اكيد حلووه مادام فيها القمر
تمو شوي يسولفون ثم سكتت اروى فجاءه
مصعب:شفيك اروى
:اروى:مادري راسي يعورني ودي انام
مصعب:قومي معاي راح اوديك مكان ترتاحين فيه
اروى:مااقدر اقوم احس بدوخه
مصعب:طيب خليني اشيلك
هزت راسها شالها وراح عند حاتم في الغرفه وحطها على السرير
جلست اروى على السرير وهي ماسكه راسها
مصعب:يالله يالطيب اتمنى لك اجمل الاوقات
حاتم:افا عليك لاتوصي يالله اطلع خلني انبسط
طلع مصعب من عندهم جلس حاتم جنب اروى:هلا والله بالقمرليش بعيده تعالي قربي
اروى كانت تبتسم له قربت له ماصار يفرق بينهم شي ثم........................طــــــــــــــوط
@@@@@@@@@@@@@@@@@@
@@@@@@@@@@@@@@@@@@
في لندن وتحديدا في الفندق كانت ريناد على سجدتها تدعي لفارس ان الله يقومه بالسلامه
دخل طلال عليها :السلام عليكم
ريناد مسحت على وجهاا:وعليكم السلام
طلال:تقبل الله
ريناد:منا ومنك
طلال :انشاء الله حشرتيني معاه في الدعاء ههههههه
ريناد استحت:الكل والله دعيت له الا وش اخباره الحين والعمليه بكره
طلال:لا الحمدالله ماتوقعته كذا نفسيته زينه
ريناد:انشاءالله تنجح ويقوم بالسلامه
طلال:اميـــــن الااقول رنوده تعشيتي
ريناد:لاوالله مالي نفس اكل
طلال:مجنونه انتي شوفي نفسك طلعتي هيكل يالله بس تعالي تعشي معنا انا وفارس
ريناد:والله مو مشتهيه طلال هنا عندي كل شي اذا جعت اكلت
طلال:براحتك يالله تبين شي انا طالع
ريناد:لاسلامتك
طلال:ولاتبين اوصل شي للحبيت ترا انا جاهز
ريناد:ههههههه بس خليه ياكل زين
طلال:اوكي يالله انا طالع باي
ريناد:باااي
نزل طلال عند فارس وهو يمشي كانت فيه شلة بنات يطالعونه وعلى مااظن انهم من عائله خليجيه
فارس:وينك اخووي ليش تاخرت
طلال:والله قلت لها ماتبي
فارس:وش الي ماتبي تبي تمووت نفسها
طلال:والله مادري عن زوجتك روح لها وقول
فارس :طيب بروح لها تروح معااي
طلال:لاماني رايح روح انت بس انتبه تسوي شي ولاشيات اذبحك
فارس:ههههههههههههه قل قسم اول شي زوجتي ثاني شي الله يلعنك حالتي تسمح لي اسوي ولالا
طلال:هههههههههههههه مادري عنك شيطانك شاطر في هالامور
فارس:اقول خلني اروح الحين لااسوي فيك جريمه يالله راجو ودني فوق عند غرفة ماما ريناد
هز راسه راجو
ريناد كانت منسدحه على سريرها تقرا لها روايه في الجوال
طق طق طق
ريناد:من؟؟
فارس :"احم احم " انا فارس ممكن ادخل
ريناد قامت من اروعه بغت تطيح قامت تطالع في لبسها الي كان سبور"ياربي وش هالبلشه "
فارس:ريناد صاحيه
ريناد:ايه بس شووي
كانت تحوس في دولابها تدور لبس حلو بس الوقت مومسعفها راحت وفتحت له الباب
فارس طارت عيونه بالملاك الي قدامه :مســـاء الخير ياحلوممكن ادخل
ريناد مستحيه مرره:ايه تفضل
دف فارس نفسه لان صررف راجو يبي ياخذ راحته شووي معها ^_*
دخل الغرفه وسكر الباب :ممكن اجلس معاك شووي
ريناد:ايه عاادي
جلست ريناد قدامه مسك يدها فارس صارت ترجف
فارس يبتسم:وش فيك خايفه
ريناد:لاعادي مو خايفه
فارس :طيب ليش مانزلتي تعشين معنا
ريناد:موجوعانه
فارس :عـــــلي مو جوعانه حطي عينك في عيني
ابتسمت نزلت راسها رفع راسها وطاحت عيونها في عيون فارس السوداء
تمو يطالعون في بعض شووي دمعت عينها
مسح فارس دمعتها بطرف اصبعه:ليش يالغلا الدموع حرام هالدموع على القمر
مارددت عليه
فارس:طيب يالله قومي معاي ماراح اخليك هنا لحالك
ريناد:والله مالي خلق انزل
فارس:علشــــاني انزل ولا مالي خاطر عندك
ريناد :خلاص شووي وانزل
فارس:لابتنزلين معي
ريناد:طيب بغير ملابسي واجي
فارس:خلاص انتظرك برااا
نزلو اثنينهم تحت طبعا هي الي دفت العربه مع انه ماوده فارس خايف يتعبها بس هي الي اصررت
طلال:هلا والله بمعاريسنا يالله حيهم
فارس وريناد ضحكو لان صوته كان عالي
فارس:الله يحيك
طلال مسك اخته:هاه عسى ماسوا شي ترا موصيه
استحت ريناد مررره
فارس:وانت وش دخلك زوجتي بعدين البنت استحت خلاص قفل على الموضوع
طلال:هههههههههههههه أي والله شوف خدودها حمررت ههههه
ريناد:طـــــــــــــلال
طلال:خلاص سكتنا هاه وش تبون تطلبون
@@@@@@@@@@@@@@@@@@
@@@@@@@@@@@@@@@@@@
في الصباح اروى تتقلب على السرير فتحت عيونها قامت تشووف المكان
اروى:انا وين الحين فيه اااه بعدين ليش راسي يعورني
لفت على الجهه الثانيه حصلت واحد نايم معها استغربت "من هذا" قامتت تتامل فيه ثم تذكرت امس والي سوته قامت من السرير وجلست على الارض قعدت تصيح ماتدري وش تسوي
حاتم:اووووووووووووه وش هالازعاج مايقدر الواحد ينام"لف على اروى:هيه انتي وش فيك تصيحين
قامت اروى ومسكته مع رقبته:ياحقير انت وش سويت فيني
حاتم:ابعدي يدك"ثم قام يطالع في جسمها"الله وش هالجسم حبيبتي اذا ناويه نكمل انا ماعندي مانع الحين
استحت اروى وخذت الشرشف وغطت جسمها
اروى:تفــــــو عليك ياحيوان
طلعت برا شافت مصعب جالس في الصاله
ارو تصارخ عليه:ياحقير ياحيوان ياتافه يالي مافيك ذرة انسانيه وش سواا فيني هالنذل
قام مصعب ومسكها مع يدها :قصري صوتك بعدين واحد مع وحده يعني وش يسوون
اروى:ماراح اقصر صوتي انت هدمت حياتي يانذل
مصعب:اما ماهدمت حياة احد انتي بارادتك ماحد غصبك وشوفي اذا تكلمتي ولاقلتي شي ترا كل شي عندي مصور فااستري على نفسك احسن لك
جلست اروى على الارض وقعدت تصيح
اروى:حرام عليك فلوس وعطيتك وطلعات واطلع معاك
مصعب:خلصتي محاضرتك يالله الحين ضفي وجهك واطلعي برا يالله
مسكها مع يدها وطردها من الشقه ورما عليها عبياتها وشنطتها لبست عبايتها وركبت في السياره وراخت لبيتهم دخلت غرفتها قفلت عليها قامت تصيح
********************
ريما كانت قاعده في غرفتها تتصل على العنود بس ماترد
دخل هشام عند اخته:السلام عليكم
ريما:هلا وغلا بهشوم تعال
هشام:ممكن اقعد معاس شوي
ريما تقول علشان يقعد على الصوفا:الله يحيك
جلس هشام طوول وهو ساكت
ريما مستغربه منه متغير مرره :هشووم وش فيك
هشام:مافيني شي ليش تسالين
ريما:واضح عليك شف عيونك وتقول الي فيك
هشام:ريوم انا وعصام اخو العنود صارت بينا هوشه
ريما:ليش وش صاير؟؟
هشام قال لها كل شي وعن الرسايل الي مايدري عنها ريما ضاق صدرها على حال اخوها ومن حال صديقتها
هشام:والى يومك مايكلمني حتى في المسجد ماصرت اشوفه مثل اول
ريما:ياحياتي يالعنود بس وش قصة الرسايل ودي اعرف من ورى كل هذا اكيد في احد عارف بالسالفه غيري وانا اقول ليش ماتكلمني ولا اشوفها في الجامعه
هشام:طيب اتصلي عليها اخاف سوا فيها شي
ريما تصلت ثلاث مررات ورى بعض وماردت عليها
ريما:ماترد من امس وانا ادق عليها الله يسستر
دق جوالها
ريما طارت عيونها في الشاشه:هاذي العنود دقت
هشام:يالله ردي بسرعه قبل لاتسكرها
ردت عليها:هلا وغلا والله بالعنود يالقاطعه وينك
العنود :هلا ريما كيفك
ريما:بخيـــــــر انتي كيفك والله لك وحشه وين القطاعه ماكان عندك صديقه اسمها ريما
العنود وهي خانقتها العبره:ريما انا بتزوج
ريما استغربت:بتتزوجين
هشام انقبض قلبه من سمع طاريها انها ببتزوج
العنود تطالع في عصام الي يقولها استعجلي :ايه زواجي بعد اسبوعين
ريما:الف مبروك حبيبتي
العنود:الله يبارك فيك يالله مع السلامه
ريما:لحظه العنود العنود
سكررت السماعه
العنود وهي تبكي:حــــــــرام عليك خلني اكلمها
عصام:اذا تزوجتي ذيك الساعه كلميها على راحتك بس مادامك هنا انسي فاهمه
العنود:بس انا ماابي اتزوج متعب ماابي مابي
عصام:مو على كيفك احمدي ربك انه خطبك يالله بس فارقي عن وجهي
طلع من عنده وكالعاده قفل الباب
هشام :وش قالت لك
ريما:ببتزوج بس ليش سكرت الخط في وجهي
هشام:يمكن عصام عندها
ريما:يمكن حتى صوتها متغير شكل تصيح
هشام ضاقت فيه الوسيعه اول بنت يحبها تروح منه كذا بدون مايتزوجها
ريما:لايضيق صدرك هشااام انا بروح لها واعرف وش السالفه
هشام:الله يوفقها يالله انا طالع تبين حاجه
ريما:لاسلامتك بس انتبه على عمرك
@@@@@@@@@@@@@@@@@@
@@@@@@@@@@@@@@@@@@
العصر في بيت بو بدر
دخلت يارا المجلس شافت بدر مع عهد تطالع في بدر من فوق لتحت وبدر كان يبتسم لها سلمت على عهد وجلست
عهد:كيفك يارا وكيف ولدنا
يارا:الحمدالله بخير كيفك انتي وكيف خالتي
عهد:الحمدالله كلهم بخير
بدر:كيفك يارا
سكتت ماردت عليه
عهد:يارا انا جايه وانشاءالله بتنحل المشكله اليوم
يارا:عهد لوسمحتي انا ماابي افتح الموضوع مرره ثانيه خلاص ابي ورقة طلاق
بدر:يارا انتي فاهمه الموضوع غلط
قاطعته يارا:أي غلط وانا شفت كل شي
طلع بدر الصور:تقصدين هاذي
يارا تناظره نظرات كلها احتقار:بعد جايبها مع الشين قوة عين
عهد:يارا صدقيني انتي ظالمه بدر وكل اساس هالمشكله اروى
انصدمت يارا:اروى وش دخلها في الموضوع
عهد:اروى كانت تحب بدر مو بس تحبه الاتموت فيه وتوقعت ان بدر بيتزوجها بس يوم تزوج غيرها حبت تنتقم واذا مو مصدقه اسمعي هالتسجيل
سمعت يارا كل شيوصدقت ان بدر ماله ذنب في الموضوع
عهد:واذا حابه تسمعين اكثر اتصل على فهده ووتاكدين من الموضوع
يارا:لاخلاص مايحتاج انا اسفه بدر
قام بدر وجلس جنبها طاحت في حظنه وقامت تصيح عهد انسحبت وطلعت من المجلس
تمت يارا تصيح وهي متمسكه في ثوبه مثل الطفل الي خايف يروح منه مصدر الحنان والحب
بدر:خلاص حبيبتي واللخ مسامحك انا ماالومك يوم شفت الصور شيب شعري حتى شوفي "طلع خصله من شعره الطولان شووي
ضحكت عليه يارا
بدر:يازين هالضحه من زمان عنها
يارا:بدر وربي اشتقت لك
بدر:وانا اكثر اليوم انشاءالله بترجعين معاي البيت
هزت راسها
عهد كانت جالسه في الصاله جت عنده ام نواف
ام نواف:هاه بشري
عهد:لاابشرك الحمدالله رجعو لبعض
ام نواف:يالله لك الحمد
طلعو لهم بدر ويارا ماسكين يد بعض
ام نواف:كلللللللللللللللللوش الف الف مبرو
يارا:الله يبارك فيك يمه يالله عن اذنكم انا طالعه اجهز ملابسي
ام نواف:اخلي الخدامات يساعدونك
بدر:لاخالتي انا برتب معاها من زمان مارتبت
ابتسمت يارا
ام نواف:الله يسعدكم في حياتكم ويبعد عنكم الزعل
الكل:اميـــــــــن
انتـــــــــــــهى البارت |
|
 |
|
 |
|
|
|
|
|