01-22-2013
|
#2
|
 |
|
 |
|
((البارت الحادي والعشرون))
تمو العائله ساعه على اعصابهم طلع لهم الدكتور والكل جاء عندها
بونواف على اعصابه وحاط يده على قلبه ينتظر الدكتور وش يقول له:هاه دكتور وش صار
الدكتور:لا الحمدالله دقات قلبه رجعت
الكل فرح بهالخبر
بونواف:الله يبشرك بالخير ياولدي طيب وشلون حالته
الدكتور:حاليا يمر في حالة غيبوبه وانشاءالله يصحى منها قريب
بونواف:يالله لك الحمد يالله تقومه لنا متشافى
الدكتور:طيب يابو نواف ابيك في المكتب
بو نواف:انشاءالله
بوفيصل:الله يطمنك عليه ياخوي
في مكتب الدكتور..........
بو نواف:خير يادكتور
الدكتور:الصراحه ماحبيت اخبي عليك في حالة فارس
بونواف:وش فيه يادكتور
الدكتور:فارس في وقت الحادث جت الضربه القويه على اخر العمود الفقري علشان كذا اصيب لاشلل في رجوله
بونواف:لاحول ولاقوة الابالله طيب مافي امل للعلاج
الدكتور:الامل موجود مافي شي على الله سبحانه والوقت الحين لصالحكم
بونواف:مشكور يادكتور يعطيك العافيه وانشاءالله بنرسل له تقاريره برا
الدكتور:هذا واجبنا والله يشافيه ويرجع لكم سالم انشاءالله
@@@@@@@@@@@@@@@@@@
@@@@@@@@@@@@@@@@@@
في بيت بو تركي كانو الكل قاعد دخل عليهم بو تركي ووجهه متغير
بو تركي:السلام عليكم
الكل:وعليكم السلام هلا بو تركي هاه اجهز لك الغداء
جلس بوتركي:لامومشتهي شي
ام تركي:خير وشفيك وجهك مو عاجبني وش صاير
بو تركي:والله مادري وش اقول لكم
ريماس:خير يبه وش صاير اخواني فيهم شي
ريناد كانت تناظر ابوها وكانت متوتره مرره من امس وهي خايفه
بو تركي:فارس ولد اخوي عبدالعزيز جاه حادث
طاح كاس المويه من يد ريناد
ام تركي:انا لله وان اليه راجعون عسى ماصار له شي
بوتركي:جاه شلل نصفي وتوقف عنده القلب بس الحمدالله رجع بس الحين في غيبوبه ومايدرون متى يصحى منها
ريناد فجاءه صرخت :لالالالالالالالا مستـــــــــــــــــــــحيل
جت عندها اختها ريماس :بسم الله عليك ريناد هدي الحمدالله رجع
ام تركي:بروح المستشفى مع الجوهره ماراح اخليها بروحها
ريناد وهي تصيح:يمه بروح معاك
اجتمعت العائله الكريمه في المستشفى
جت ام تركي عند ام نواف:مايشوف شر انشاءالله والله يقومه بالسلامه
ام نو اف تصيح:امـــــــــين
وريناد طاحت في حضن يارا وقامو يصحون الثنتين
طلال:بنـــــــات اذكرو الله
ريناد راحت عند اخوها وبرقعها تغرق دموع:طلال بدخل عنده
طلال:ممنوع عنده الزياره
ريناد:تكفى طلال بس اشوفه من برى
طلال:ريناد ماله داعي تشوفينه الحين
ريناد برجا:تكفى طلال خمس دقايق اشوفه واطلع تكفى
طلال:ريناد صدقيني ماراح تتحملين تشوفينه
ريناد باصرار:طلال ابي اشوفه
طلال:بروح اكلم نواف وارجع لك
ريناد: انتظرك
راح طلال عند نواف الي كان واقف مع ابوه:نواف
لف عليه نواف:هلا
طلال:تعال معاي شوي
بعدو ا شوي عن الجالسين علشان طلال يشرح ظروف اخته
نواف:مادري ياطلال اخاف تنهار ولاشي
طلال:مو راضيه تبي تدخل لو مادخلت يجيها شي
نواف:ماعندي مشكله بس خلنا نسال الدكتور اذا وافق خلاص
راحو طلال ونواف عند الدكتور يشرحون له وضع خطيبته تبي تشوفه وبعد محاولات وافق الدكتور
طلال:ريناد تعالي شوي
قامت ريناد من عند يارا وجت عنده:هاه وش قال لكم
طلال:وافق بس خمس دقايق وتطلعين
ريناد فرحت:خلاص
لبست ريناد البس الاخضر الي يلبسونه عند دخول الدكاتروه للمريض في العنايه المركزه ودخل طبعا طلال غرقت عيونها الدموع من شات روحها الثانيه الاجهزه على صدره ووجه عليه ضربات زرقاء ماقدرت تتحمل تشوفه كذا صارت ترتجف كلها
طلال شاف اخته ترتجف ودموعها ماوقفت خاف عليها:ريناد خلاص خلينا نطلع
ريناد هز ت راسها مع انها ماتبي تطلع بس لوجلست اكثر من كذا يمكن يصير فيها شي
طلعت اهي وطلال جت عندهم ريماس
ريماس:هاه بشري ريناد
ريناد ماقدرت تتكلم على طول اغمي عليها ونقلوها للغرفه
فتحت ريناد عيونها:فــ ـ ـ ـارس فــ ـ ـارس
قربو عندها ريما وريماس كانو مرافقين لها
ريماس:ريناد حبيبتي ارتاحي
ريناد وباليالله تتكلم:فارس وش اخباره
ريما:الحمدالله بخير بس انتي ارتاحي
هزت ريناد راسها ونامت
@@@@@@@@@@@@@@@@@@
@@@@@@@@@@@@@@@@@@
تدرين وادري بنفترق ............تدرين قلبي بيحترق
احنا اتفقنا في كل شي الاالزمان ............ عيا الزمان لانتفق
في بيت العنود كانت العنود وامها وعصام جالسيت يتقهوون
ام عصام:لاحول ولاقوة الابالله انشاءالله الحين بخير
عصام:والله مادري اتصلت على هشام يقول لحد الحين غيبوبه الله يقومه منها
ام عصام:امين .والله هشام نعم الرجال والله
عصام:أي والله يمه وقف معاي يوم وفاة الوالد الله يرحمه وقفه ولاعماني سووها
ام عصام:حتى والله اهله ماشاءالله عليهم طيبين على انهم تجار بس مافيهم ذرة غرور
العنود كانت ساكته مبسوطه تسمع اهلها وهم يمدحون اهل صديقتها ويتكلمون عن هشوم
عصام وهو يطلع الجوال:أي والله مواقفه ماتنسى لحظه يمه برد على جوالي
جاه الصوت الانثوي الناعم:الو
استغرب عصام من الصوت:هلا
اروى:هلا عصام
عصام:أي نعم من معاي
اروى:فاعلة خير حبيت انبهك عن صديقك هشام يخونك مع اختك
عصام:لحظه شوي
طلع برى في الحوش:نعم انتي وش تقولين
اروى:اقول هشام الي عطيته ثقتك يكلم اختك ولا بعد بينهم علاقه حب وغرام بس انشاءالله بالزواج
عصب عصام:اقول عن الكذب انتم ماتستحون على وجيهكم تخربون حياة الناس
ااروى:اوكي مو لازم تصدقني شوف دقتر اختك بعدين قولي تصدقني ولالاوانا مااتوقع أي واحد عنده نخوه ورجوله يخاف على اهل بيته ويسكت عن الغلط
عصام بدا يهتم في الموضوع اكثر :أي دفتر
اروى تاشر لنجلاء أي دفتر
نجلاء بصوت خفيف:وردي عند المكتبه
اروى رجعت لعصام :وردي تحصله في المكتبه
سكر عصام السماعه في وجهاا وراح على طول لغرفة اخته يفتش فيها لحقته العنود على طول
العنود خافت يشوف صورة هشام:عصام وش فيك وش تبي من غرفتي
عصام مارد عليها كان يدور الدفتر الي تقول عنه اروى لحد ماحصله
جت العنود عنده:وش تبي بالدفتر
عصام كان مطنشها ويفتح الدفتر جت المصيبه طاحت الصوره على الارض العنود ماتحركت من مكانها تيبست تستنى بس ردة فعل عصام
اما عصام قام يطالع في الصوره يشوف صديق الطفوله
@@@@@@@@@@@@@@@@@@
@@@@@@@@@@@@@@@@@@
عصام رفع الصوره من الارض
عصام:بس ممكن تفسرين لي ليش الصوره مو جوده عندك
العنود كانت ساكته خايفه
عصام قرب من عند وجهاا :علومك طيبه انا راح اخذ الدفتر وارجع لك
طلع من عندها وهي على طول طاحت على سريرها تصيح
**********************************
نزلت فهده من غرفتها وراحت لغرفة التلفزيون اول مادخلت بققت عيونها
فهده:ماما
نهله:هلا بحبيبي فهودي تعالي يمه
راحت وحظنت امها
فهده:ماما اشتقنالك
نهله:وانا اكثر حبيبي هاه وش رايك فيني في اللوك الجديد
فهده:هههههههههههههههههه
من جد شكلها متغير الجسم طلع جسم عارضه والخدود متفوخه والشفايف يمكن وزنها كيلوين
نهله عصبت:وش يضحك الحين
فهده:لانك طلعتي بنوته وغطيتي علي ماعلينا وش جبتي لي هديه
نهله:أي صح تعالي فوق علشان اوريك وش جبت لك الا اقول وين اخوانك
فهده:طلعو للنادي
راحو لغرفتها وطلعت شنطه مليانه اغراض
نهله:شوفي هاذا تي شيرت نادي برشلونه اول ماشفته فرحت لاني عارفتك تحبين برشلونه وهذا كوتش بعد منهم "جابت لها اكثر شي هدايا رجاليه اما فهده ماعجبها شي من الاغراض بس تجامل امها "
نهله:شوفي الحلق هاذا هديه من صاحبتي ل قلت لها فهودي ماتحب هالحركات
فهده فرحت:الله ماما مرره يجنن
استغربت نهله:غريبه تحبين حركات البنات الا اقول شعرك مرره طولان شكلك من زمان ماقصتيه
فهده:ايه شرايك احلى من اول
نهله:ايه تقريبا
جلس عصام على الكرسي يشوف الدفتر شاف صورة هشام ودمعته طاحت من القهر هذا كان اخر شي يتوقعه صديقه يخونه مع اخته
قرا الخواطر الموجوده فيه وكل سوالفها عن هشام كانت تكتبها في هذا الدفتر للذكرى
قرا كل الصفحات تقريبا وفي اخر شي حصل ظرف فتح هالظرف شاف رساله رساله مكتوب فيها كلام كله خارج عن الادب
عصب مرررررررررره راح عند غرفتها ومعاه هالرساله فتح الباب عليها بقوه ثم قفله بعد مادخل
قامت العنود وهي خايفه
جاء لعندها وسحبها بقوووه مع عضدها
العنود:أي عصام يدي
عصام:وش هاذي
العنود وهي تطالع الرساله:وشو؟؟
مد عصا الورقه قدامها:هاذي اخر شي توقعته تصيرين مثل بنات الحرام يحبون هالشي هاذي اخر تربيت اهلي فيك
العنود وهي تقرا :لاعصام هاذي مو لي والله مو لي الورقه
مسكها عصام من شعرها:بــــــــس الله ياخذك ويفكني منك ناويه تفضحيني عند الناس
العنود وهي تصيح:والله مو لي والله العظيم الدفتر ايه بس هالرساله مو لي"نزلت عند رجوله"والله مو انا ياعصام لاتظلمني
عصام:تفو عليك من بنت "رجفها بقووه"
ام عصام كانت برى واقفه تسمع صياح بنتها بس ماتدري وش القصه:عصام افتح الباب
وعصام كان يضرب اخته بقوووه ثم رماها على الارض والدم على وجهاا
قبل لايطلع:انتي راح تنطقين هنا مافيه لاجامعه ولاغيرها لحد مايجي واحد ويضفك "طلع وقفل الباب عليها"
العنود:الله ياخذك نجلاء حسبي الله عليك الله ينتقم منك
ام عصام:يمه وش فيك على اختك
عصام:يمه ماابي احد يدخل عليهاولايجيها واكلها انا بدخله
ام عصام:حرام عليك هاذا يتيمه
عصام:تحرم عليها الجنه انشاءالله
طلع على طول لسيارته وهو معصب
@@@@@@@@@@@@@@@@@@
@@@@@@@@@@@@@@@@@@
ريناد صحت من النوم قامت تطالع الغرفه"وين انا فيه "شافت اختها ريماس نايمه ناظرت في الساعه شافتها 12 ونص الليل
تذكرت انها طاحت عليهم على طول جاء في بالها فارس قامت على طول لبست عبايتها فتحت الباب ونزلت عنده شافت الممر عند غرفته حصلت طلال ونواف وفيصل كانو لاهين يسولفون دخلت عنده كما قربت دقات قلبها تزيد
شافت ريناد نصها الثاني نايم على السرير الابيض وعلى صدره اجهزه دقات القلب وفيه اكسجين وكان وجهه فيه جروح خفيفه جلست جنبه ومسكت يده
ريناد تصيح:فارس حبيبي تكفى قوم علشان خاطري انا ماقدر اعيش الحياة بدونك افديك بحياتي بعمري كله بس انت قوم فارس انتي حلمي الي حلمت فيه وانا صغيره حلمت انك تصير زوجي وحلمت ببيت يجمعنا والحين يوم تحقق حلمي بتروح وتخليني فارس تكفى لاتتركني "طاحت دموعها على يد فارس"نزلت راسها على يده وهي ماسكته قامت تصيح بقوه
حست بضغطت يده رفعت راسها ماصدقت توقعت انها توسوس
ريناد:فارس صحيت اذا صحيت اضغط على يدي مره ثانيه
ضغط على يدها بقوه علشان تحس فيه
ريناد طارت ن الفرحه ماتدري وش تسوي
ريناد:حبيبي بروح انادي طلال واجي
طلعت ريناد وراحت عند الرجال واهي فرحانه :طلال فارس صحى
طلال ونواف وفيصل خافوو مره
جاء عندها طلال:من متى وانتي هنا
ريناد وهي فرحانه تسحبه تبيه يروح الغرفه:مو مهم فارس مكني مع يدي
طلال حس انها استخفت:انشاءالله بيصحى قريب
ريناد:والله العظيم مسك يدي بقووه
نواف:بروح انادي الدكتور
جاء الدكتور عنده وبشروهم انه صحى من الغيبوبه وتعدى مرحلة الخطر
ام نواف:الحمدالله يارب
نواف:طيب يادكتور متى راح نزوره
الدكتور:انشاءالله بكره الصباح تفتح له الزياره
الكل طبعا فرح وخصوصا ريناد
***********************
اروى:هههههههههههه مسكينه العنود ودي اشوف شكلها
نجلاء حست بتانيب الضمير:مالنا داعي نتصل على اخوها ونفضحها
اروى:اقول اسكتي بس لحد يسمعنا حبيبتي انا الي يلمسني احرقه بالنار
نجلاء:طيب وش دخل العنود
اروى:حبيبتي العنود تحب اخو ريما وريما بنت عم يارا وخطيبة طلال هذا سبب كافي لانتقم من يارا واخرب بينهم مو لازم يحبون ويتزوجون
نجلاء:طيب انتي وش كاتبه في الرساله
اروى:ههههههههههه الرساله اذا قراها بيجيه سكته قلبيه كل الكلام الشين حاطتها الله يعينها بس بيتوصى فيها ضررب
نجلاء:عااااد انتي ماتعرفين عصام عند الحركات هاذي مايفرق بين الذبح والضرب
اروى:احسن تستاهل طيب انتي ماقلتي لي متى بتطلعين مع متعب
نجلاء:بعد اسبوع
اروى:الله الله بالدلع ترا الرجال يحبون البنوته المدلعه
نجلاء:هههههه لاتوصين
@@@@@@@@@@@@@@@@@@
@@@@@@@@@@@@@@@@@@
بعد اسبوع طلع فارس من المستشفى
بونواف:الحمدالله على سلامتك ياولدي وانشاءالله جعلها اخر المصايب
الكل:امين
ام نواف:سويتلك يافارس ذاك الغداء الي يحبه قلبك
فارس:مشكوره يمه ماتقصرين الا اقول نواف وش اخبار سيارتي
نواف:اسكت بس سيارتك رايحه فيها الحمدالله طلعت منها حي والا الي يشوفها يقول اكيد صاحبها ميت
يارا:اقول فروس وشلون جاء الحادث
فارس :ياطويلة العمر انا كنت ادور شي في درج السياره مادريت الاواحد طالع لي لفيت يمين طلعت من على الرصيف ثم انقلبت كم قلبه بس والحمدالله على كل حال
((كان فارس يدخل هدية ريناد خاتم الماس في درج السياره))
بو نواف:نواف وصلك شي من المستشفى
نواف:أي يبه امس وصل لي فاكس وراح يستقبلون فارس بعد اسبوعين
اماني:يعني قبل زواجك
نواف:لافي يوم زواجي بالضبط بس انا راح اجل الزواج لحد مايرجع فارس
فارس:لاياخوي لاتاجل الزواج علشاني
نواف:لابخليه لحد ماترجع انشاءالله
قاطعه فارس:شوف اذا اجلت الزواج ماراح احضره حتى لو رجعت فخله نفس ماهو عليه احضر زواجك واذا جاء الفجر انشاءالله توكلنا وسافرت
نواف:على راحتك
فارس:وانت يبه كلم عمي في موضوعي
بونواف:انشاءالله وانا ابوك بس ترا عمك ماراح يقول شي
فارس:حتى لو كان انا انسان الحين معاق يمكن ماتبي ترتبط مع واحد معاق
اماني:لاانشاءالله وش هالكلام ريناد شاريتك ماتدري وش سوت يوم انت في المستشفى بغت تموت وانشاءالله ترجع لنا مثل اول واحسن
فارس "اااااه ياجعلي فداها " انشاء الله بس العمليه نسبة نجاحها 67%
يارا:لاانشاءالله بتنجح
***********
راح هشام عند عصام في الاستراحه لانه طلبه بس لحاله بدون احد من ربعه
هشام:ســـــــــــــــــــــــــــــلام يالاخو
عصام:وعليكم السلام
هشام:هلا بالحبيب وين الغيبات يقولون من طول الغيبات جــــ
ضربه كف بدون مايكمل كلامه
هشام يناظره بعيونه وهو مستغرب
عصام مسكه مع رقبته ولزقه في الجدار:هذا اخر شي توقعته منك ياصديقي
هشام:عصام هد اعصابك وش القصه
عصام وهو معصب على اخر شي :انت خليت فيها اعصاب تخووني ياهشام تخوون صديقك في اخته من محارمي ياهشام من محارمي
هشام هذا الي ماحسب حسابه :عصام انت فاهم الموضوع غلط
عصام:أي غلط وانا كل شي شفته بعيني مكالمات بينكم ورسايل مادري من وين تجيب الكلام الي فيه كلها قلة ادب
هشام:عصام أي رسايل تتكلم عنها
عصام:اسكت ولاكلمه من بعد هاليوم ماابي اشوف وجهك تفهم ولالا واختي تحرم عليك اذا تزوجته لانك مو كفو الواحد ياامن لك
هشام:والله مابينا شيب عصام ورب الي خلقني رسايل مارسلت لها ولامره
عصام:لاتكذب انا شفت كل شي بعيوني تفو على مثلك لعنبو ك دخلناك في بيتنا عديناك واحد مناا وفي الاخير يطايح حب وغرام مع اختي
تركه وطلع اما هشام ضرب الجدار بكل قوته
@@@@@@@@@@@@@@@@@@
@@@@@@@@@@@@@@@@@@
ريناد:لايبه انا ابي فارس وشاريته هذا ولد عمي من لحمي ودمي اذا ماوقفت معاه من يوقف
بوتركي:بارك الله فيك يابنيتي هذا العشم فيك بس عمك حب يبري ذمته قبل لايسافر فارس
ريناد:يبه بطلب منك طلب
بوتركي:امرري يابنتي
ريناد"بتردد":يبه انا ابي اسافر مع فارس اكون معه اساعده اذا احتاج شي
بوتركي:بس طلال بيروح معاه
ريناد:مو مشكله اروح معاهم واذا نجحت العمليه انشاءالله خلاص يرجع طلال وانا اجلس معاه
بوتركي:خلاص اشاور عمك واشوف
ريناد:الله يخليك لي يبه"باست راسه"
اتصل بو تركي وخبر اخوه عن الموضوع وافق بونواف تسافر معاهم ريناد
جاء يوم الزواج والحمدالله تم كل شي على خير طبعا سافرو المعاريس بعد الزواج الى جزر المالديف وبعدها بساعتين سافرو فارس وطلال وريناد لندن
******************************
بعد يومين زارت فهده يارا في بيتهم
فهده:اسفه حبيبتي مازرتك اامتاخره
يارا:لاعادي اهم شي شفتك والله من زمان عنك اشتقت لك
فهده:وانا بالاكثر
يارا:اقول فهودي تغيرتي
فهده:وش الي تغير فيني
يارا:مادري احس احلويتي شعرك طال ةحاطه عدسات تصدقين الحين حسيت انك بنت وش السالفه
فهده:ههههههههههه لاسالفه ولاشي بس مليت وانا دايما شكلي بوي
يارا تغمز لها:لا والله علي انا يارا
فهده: مشكلتك فاهمتني
يارا:انا اقول في سالفه وراء هالتغير المفاجئ
فهده:بصراحه انا"سكتت"
يارا:تحبين صح
هزت راسها فهده
يارا:من سعيد الحظ
فهده:سالم ولد خالي
انبسطت يارا واخيرا غيرت من شخصيتها الولد الى بنوته مثل القمر
فهده انحرجت:يارا ليش تطالعيني كذا
حظنتها يارا:والله مبسوطه فيك واخيرا شلتي القناع الي عليك
فهده:اقول يارا ممكن اطلب منك طلب
يارا:امرري حبيبتي
انقلب وجه يارا ولاحظت هالشي فهده
فهده:والله بدر مايسويها يخونك مع وحده ثانيه انا اعرف بدر مو راعي هالحركات في حياته العزوبيه مايسويها تبينه الحين بعد ماتزوج يسويها مستحيل
سكتت يارا
فهده:على راحتك يارا تامرين على شي
يارا:وين تو الناس الحين بتجي ريما اجلسي معنا
فهده:والله ودي بس الحين عندي دورة في الميك اب
يارا:ههههههههههه يالله اجل على راحتك
فهده:سلميني على ريما ولي قعده معاك مرره ثانيه يالله مع السلامه
يارا:مع السلامه
راحت يارا وصلت فهده عند الباب قابلتهم ريماه
ريما:السلام عليكم
فهده ويارا:وعليكم السلام
ريما:كيفك فهده
فهده:تمام كيفك انتي
ريما :وين تو الناس ماقعدت معاك
يارا تطالع في فهده:عندها درس الحين في الميك اب
ريما:اذا كان كذا اجل براحتك
فهده:اشوفك انشاءالله مره ثانيه يالله باي بنات
البنات:باي
شالت ريما عبايتها وجلست جنب يارا:هاذي فهده الي تقولين عنها
يارا:ايه وش رايك فيها
ريما:ماشاءالله مملوحه مرررهالاقول شخبار اخوك فارس
يارا:الحمدالله امس اتصل يقول العمليه بعد اسبوع
ريما:انشاءالله تنجح العمليه
يارا:الله يسمع منك .وانتي قولي لي اخر اخبارك للحين مصره على الطلاق
ريما:اكيد
يارا:طيب هو متمسك فيك
ريما:دام الخيانه في دمه وش ترجين منه بعد بعدين ماتوقف الدنيا عنده"طاحت دمعة ريما وطبعا ريما كانت قويه ماتطيه دموعها الا شي كاسر ظهرها وهذا البلاء لان انكسار الاقوياء مو سهل"
حظنتها يارا:خلاص حبيبتي انسي بعدين انا مثلك بدر خاني وانا ماقصرت عنه في أي شي والحين انا طالبه منه الطلاق
ريما:طيب والي في بطنك
يارا:انشاءالله راح اربيه احسن تربيه واهلي ماراح يقصرون عنه
ريما:ياربي وش هالمصايب قبل كم شهر ايامنا كانت كلها سعاده والحين نخاف من بكره وش راح يصير
يارا:هذا المكتوب .المهم غيري السيره ريماس وش اخبارها من زمان عنها
ريما:مسكينه مرره تعبانه من هالحمل
يارا:وهشام اخوك مو ناوي يتزوج
ريما:اسكتي بس نفسيتها هالاسبوع زفت مايطلع مادري وش فيه
يارا:اخاف متضايق من شي
ريما:مادري والله حتى العنود من زماان عنها يمكن الحين صار لي اسبوعين ماشفتها مداومه في الجامعه وجوالها كله مقفل
@@@@@@@@@@@@@@@@@@
@@@@@@@@@@@@@@@@@@
فهده وهي في السياره:يووه نسيت الكتاب عند اروى بتصل عليها اخليه تجهزه
اتصلت وحصلته كالعاده مشغول اضطرت تروح لبيتهم دخلت البيت ماحصلت الا ام سالم
جت عندها فهده وباست راسها:هلا خالتي وشلونك
ام سالم:الحمدالله بخير الله يسلمك شلونك انتي
فهده:الحمدالله بخير خالتي وين اروى
ام سالم:تحصلينها في غرفتها
فهده:يالله خالتي انا طالعه لها
ام سالم:خذي راحتك البيت بيتك
راحت فهده غرفة اروى وقبل لاتدخل سمعتها تتكلم عن يارا ووقفت مكانها
اروى:ههههههههههههههههه مسكينه تصدقين طالبه الطلاق ..اي حبيبتي انا اروى الي اكره اخليه تحت جزمتي ..تين تعرفين وش سويت لها اسمعي القصه
فههده انصدمت من سمعت اروى لها علاقه في الموضوع
التكمله في البارت 22 |
|
 |
|
 |
|
|
|
|
|