01-22-2013
|
#17
|
 |
|
 |
|
((البارت السادس عشر))
سكر السماعه في وجهاا
جلست يارا على السرير وهو مذهوله من الكلام الي سمعته"معقوله الي سمعته يكون صحيح لاانشاءالله بدر ماراح يسويها اعوذ بالله من الشيطان"
قطع تفكيرها بضربة باب
يارا:من
الخدامه:انا مدام
يارا:ادخلي
دخلت الخدامه ومعاها كيس صغيره
الخدامه :مدام تفضلي
استغربت يارا:وش هذا
الخدامه:مااعرف انا مدام في هذا واحد اعطي انا قول عطي هذا ماما يارا
يارا:o.k thank you
طلعت من عندها الخدامه فتحت يارا الكيسه حصلت مجموعه من الصور والاشرطه خذت صوره شافت بدر مع بنت على السرير خذت صوره ثانيه مع بدر ونفس البنت وهو حاضنها
قامت تصيح يارا :لالالالالالا بدر لاماتسويها "قامت من مكانها وصرخت مستحـــــــــــــــيل حرام عليــــــــك"
ثم طاحت على الارض مغمى عليها
جو عندها الخدامات في غرفتها لانهم سمعو صرختها فتحو الباب حصلوها طايحه على الارض نقلوها مع السايق على طول للمستشفى
@@@@@@@@@@@@@@@@@@
@@@@@@@@@@@@@@@@@@
في الشركه..............
قام بدر من مكانه:وش فيها يارا...اوكي مسافة الطريق وانا عندكم في أي مستشفى....اوكي باااي
بو بدر:سلامات وانا ابوك وش فيها يارا
بدر وهو ماسك الباب :ماادري بس مريم تقول طاحت عليهم ونقلوها على المستشفى
بو بدر:سلامتها ماتشوف شر
بدر:الله يسلمك يبه انا رايح لهم
بوبدر:الله يحفظك وانا ابوك
كان بدر يمشى بااسرع ماعنده كم مرره كان بيجيه حادث من سرعته كااان خايف على يارا مررره لدرجه كان يقطع الاشارات
في المستشفى............
دخل بدر الغرفه كانوا موجودين اهلها كلهم وامها قاهده تبكي ويارا كانت نايمه وجهاا طالع اصفر وشفايفها بيضاء
بدر :السلام عليكم
الكل:وعليكم السلام
بدر:خالتي وش فيها يارا
ام نواف تصيح:والله مادري مريم اتصلت علينا وقالت انها في المستشفى
نواف:من شوي خذو منها التحاليل وبتطلع النتيجه بعد شووي
قامت يارا تتكلم بدون ماتفتح عيونها:يمــــــه
قربو عندها كلهم...
ام نواف:نعم حبيبتي وش تبين يمه
يارا:ابي مويه
ام نواف:انشاءالله يمه
جلست جنبها ام نواف ورفعت راسها علشان تشربها مويه ثم رجعتها مكانها .......قامت من عندها وجلس بدر جنبها مسك يدها
يارا:يمه انا تعبااااااانه
بدر"باس يدها":سلامتك ياقلبي ياليته فيني ولافيك
فتحت يارا عيونها من سمعت صوتها وسحبت يدها منه :لاتمسكني ياحقير
عم الهدوء في الغرفه الكل في حالة استغراب وبالذات بدر
ام نواف:حبيبتي هذا بدر
يارا"بصراخ":اطــــــــــــــلع براااااااااااااااااااااااااااااا
بدر:يارا انا بدر
يارا قامت تصيح وتهز بالسرير:اطــــــــــــلع برا
سمعو صراخها الدكاتره جو عندها وعطوها ابره مهدئه وقالو لبدر يطلع برا علشان ماتشوفه
بدر:وش فيها الصباح كنا عسل وش الي قلبها كذا
فارس"يخزه بعينه":ماادري عنك اسئل نفسك ولااختي ماتنهار على شي فاضي
بدر:وش قصـــدك فارس
نواف:ياجماعد صلو على النبي مووقت تتهاوشون فيه
فارس وبدر:عليه الصلاة والسلام
جاء الدكتور عندهم:من فيكم زوجها
بدر:انا يادكتور
الدكتور:ممكن تفضل معااي شوي
بدر:انشاءالله
راح بدر مع الدكتور
نواف:انت وش فيك مع بدر اضبط اعصابك
فارس:اكيــــد مسوي شي شين ويارا طاحت عليه
نواف:اول شي بدر مو راعي هالحركات بعدين يمكن فيهم خلاف بسيط ويارا تحب تكبر الموضوع
فارس:حبيبي يارا انت اخبر فيها ماتحب تكبر المشاكل وبعدين خلاف صغير يسوووي كل هذا لاتلعب على نفسك
"نواف مستغرب من يارا بس مايتوقع ان بدر مسووي شي لان يعرف بدر زين:
نواف مسك كتف فارس:لاتطالع الناس بنفس طبعك
في مكتب الدكتور.........
الدكتور:الف مبرووك المدام حامل
بدر استانس واخيراا بيصير اب وده يطير من الفرحه:الله يبارك طيب يادكتور الي فيها الحين اعراض حمل ولاايش
الدكتور:لازوجتك مصابه بانهيار عصبي حااااد
تفاجا بدر:انهيار عصبي
الدكتور:راح نخليها عندنا في المستشفى كم يوم وراح اكتب لك بعض الفتامينات والمقويات
بدر:مشكور دكتور
الدكتور:لاهذا واجبنا
طلع من عنده وراح عند غرفة يارا
بو نواف:هاه ياولدي وش قال لك الدكتور
بدر:ابشرك عمي يارا حامل
بونواف فرح:الف مبروك يابدر
نواف:الف مبروك بدر
بدر:الله يبارك فيكم بس..........
بونواف:وش فيك بدر يارا فيها شي وخبي علينا
بدر:لابس معاها انهيارعصبي حاد
بونواف:وشــــــــــو انهيار عصبي
فارس:اكيـــــد انت مزعلها في حاجه ولامن وين جاها الانهيار
بدر:فارس انا مازعلتها انا طالع الصباح وهي مافيها شي
بونواف "عصب":فــــــــارس خلاص
فارس:يصير خير
راح من عندهم
نواف:بدر لاتزعل فارس خايف عليها يقول كلام وهو مايدري عنه
بدر:كلنا خايفين عليها بس لاتشيل هم مقدر حالته انا
بونواف:تعالو ندخل عندهم
الكل:يالله
دخلو عندهم وجاء بونواف عندها وجلس جنبها صحت يارا وطاحت في حضنه قامت تصيح
بونواف:ليش تصيحين حبيبتي المفروض الحين مبسوطه الف مبروك يبه انتي حامل
ام نواف فرحت:حامل الـــــــف مبروك حبيبتي يمه بتكبريني وانا توني
الكل ضحك
قامت يارا من حضن ابوها وقامت تطالعه:انـ ـ ـ ـ ـ ـا حامل
بونواف:أي حامل وبتصيرين ام
يارا ابتسمت"مسكت بطنها":يعني انا بصير ام
فارس:أي من قدك
ناظرت بدر:انت موجود اطلع برا ليش دخلت "بصرخه" اطلع ياحقيــــــــــــر ياخاين
بدر:يارا فهميني وش السالفه ليش تقولين عني هالكلام
يارا:اطـــــــــــــلع برا "وهي تصيح"حرااااام تصير اب انت
خذه نواف وطلعو برا ......
نواف:بدر وش فيكم؟؟؟
بدر:والله يانواف اني ماادري وش السالفه ماادري وش فيها بس ليش تقول تسمعني هالكلام
جلس بدر على الكرسي ومسك راسه:مادري يانواف ماادري
نواف جلس جنبه:هونها وتهون وكل شي بينحل
بدر :انشاءالله
بونواف:شفيك يارا على بدر
يارا:ماابيه يبه ابيه يطلقني
ام نواف:وش طلاق يارا انتي صاحيه الحين بينكم طفل في الطريق
يارا:مابيــه ماابيــــه
بونواف:خلاص تعالي البيت الين تهدى نفسيتك يالله انا طالع تامرون على شي من برا
ام نواف:لاسلامتك
بونواف:انتبهي لها
ام نواف:انشـاءالله
@@@@@@@@@@@@@@@@@@
@@@@@@@@@@@@@@@@@@
{{انا عشت الدنيا علشانك ............ عيش الدنيا علشان اليوم}}
هشام :حياك طلال تفضل
طلال:الله يحيك
هشام:الييت بيتك ياطلال خذ راحتك راح اجيب لك الاوراق وارجع لك
طلال:خذ راحتك هشووم
طلع من عنده هشام يجيب له الاوراق الخاصه بالشركه طالبها بوتركي جلس طلال يلعب بالجوال شوي
في الحديقه.................
ريما:ههههههههههههههه يالخبله
العنود:اكيــــــدبس مو مثلك مااقول الا الله يعين طلال بيجيه حاله نفسيه منك هههههههه
ريما:أي حبيبتي عاد انا متجهزه له بالمقالب السنعه حدهـــــا عجيبه ههههه
العنود:انتبهي على الولد لايجيه انفصام في الشخصيه منك ترا اهله يبونه هههههههه
ريما:ههههههههههههههه والله شكله
العنود:اقول ماعندكم بعد ناس حلوين مثل زوجك يبون يتزوجون ترا في بنات ياحبيلهم عاادي يموتون في الحلوين
ريما:لاخلاص مافيه اخر شي طلال وفارس وبدين وقفو العائله ماانتجو
العنود:ههههههههههههه الله يقلع بليسك من بنت طيب عطيني طلال بصراحه زوجك يدوخ
ضربتها ريما:اقول انتي ماتقعدين عندي اكثر من كذا يالله روحي لبيتكم لاتعرفيني ولاعرفك
العنود:ههههههههههههههههههههههههههه لامابيه الله يخليه لك
ريما:ايه مره ثانيه تسنعي في كلامك وبعدين خلينا نقوم عن الشمس ياسلام الاخت بيضاء وقاعده في الظلال وانا السوداء وقاعده في الشمس يالله قومي
العنود:ههه حرام عليك سمارك مرره اتمنى مثل هالسمار طيب قومي نتمشى خلينا نشوف بيتكم
ريما:يالله
قامت ريما والعنود يمشون مرو من عند جهة مجلس الرجال الي كله واجهته زجاج من النوع العاكس
ريما مستغربه:من الي فاتح باب المجلس
العنود:اخاف عندكم الرجاجيل
ريما:لامااتوقع حتى لو كان ربع هشوم يحطهم في مجلس الشباب طيب تعال ندخل نشوف
العنود:لا ماراح ادخل اخاف احد من اخوانك موجود ادخلي انتي
ريما"تغمزلها":اخواني ولاهشوم هااه
العنود تدفها:اقول ضفي وجهك لايجيك بكس صغير على خشمك
ريما:ههههههههههههههه طيب راح ادخل عادي مايهمني بايعتها
العنود:استناك
ريما:اوكي
دخلت ريما لفت يمين ماحصل احد لفت يسار شافت طلال بدون شعور شهقت
لف طلال عليها يطالع فيها منبهر من شكلها "على انه شاف البنات بالهبل وكل وحده تقول الزين عندي الامثل ريما ماشاف"كان شكلها طبيعي شعرها الاسود الي دوخه بطوله الي يوصل اخر ظهرها بغزارته بس كان مجعد بطريقه عفويه ولالبسها الي كان سنبل كان بنطلون جنز وي شيرت عليها رسومات دينجرس
ابتسم لها ذيك الابتسامه
اما ريما ياحرام ماتوقعت لها هالموقف البايخ بيصير لها صح انها جريئه ماتفرق عندها بس كل شي الاطلال ماقدرت ماترد له الابتسامه لان ابتسامته غير غصب عليك تبتسم
انجنت ريما على شكله الي كان باين عليه لسى طالع من الدوام بس كان كاشخ شكله جنـــــــان وطبعا هو الوحيد الي مايشتغل في الشركه دوامه كان في بنك
ريما:اسفه
قام طلال من مكانه ووقف قدامها:على ايش الاسف
ريما بعلت ريقها ودقات قلبها في تزايد غي طبيعي نزلت راسها
رفع طلال وجهها بيدينه العريضه وابتسم:ياسعد اليوم الي شفتك فيه
ريما كتفت بالابتسامه
********************
العنود راحت جلست في الحديقه لانها تاخرت
العنود:اووووووووووف وينها هاذي بعد لايكون حرامي دخل المجلس وخذها لالا وانابعد وش هالتفكير الله يستر
يالتاكسي خذني لها يالتاكسي وبسكتك خلنا نمر ناخذ عطر رومنسي مشتاقه حبيبتي مشتاقه
خذني لها بسرعه لااسوي شي في نفسي
روح سيده سيده وخذ يمين بعد يمين كاهي هناك تنطرني ارجوك لاتاخرني خذني لها بعطيك دبل يالتاكسي
ومع طقطقة الاصابع والرقبه معاها >>>طربــــــان هشووم^-*
العنود تسمع صوت لفت وراء بتشوف وين مصدر الصوت حصلته واقف عند باب المستودع معاه اوراق
العنود:ياويلي وين اروح انا اوووف هذا وقتك ريوم تنحاشين فيه مايمديني اروح ادخل بيشوفني
((لان كان فيه مساحه بين المدخل وبين الحديقه))
مالي الاادخل تحت الطاوله بس يارب مايلمحني
وهشام يمشي في طريقه لمجلس الرجال الي كان يفصل بينها وبين المستوع الحديقه الي مساحتها الواسعه مر من عند الطاوله بسلام بس قبل لايتعداها لمح شي لونه ازرق
استغرب هشاام بس ماعطاه أي اهميه تعداها بعد عنها شوي بس فكر في نفسه "لايكون احد داخل بيتنا وشافني ودخل تحت الطاوله" رجع بسرعه
هشام نزل راسه والعنود المسكينه على اعصابها
هشام :بسم الله الرحمن الرحيم من انتي انس ولاجن
@@@@@@@@@@@@@@@@@@
@@@@@@@@@@@@@@@@@@
العنود فتحت عيونها الصغار الي فيهم جاذبيه لان لونها خضراء ارتعشت من شافت هشاام
العنود:انا انا انا "ماعرفت تقول كلمتين على بعضهم قامت تصيح"
هشام:الله كبر الله اكبر بسم الله الرحمن الرحيم انزلي تحت الله يسكنكم مساكنكم
وهو يكبر صرخت العنود:لالالالا انا العنود مو جن
هشام رف قلبه لها هالصوت كان سمعه من قبل
هشام:من العنود؟؟؟؟؟
العنود وهي تمسح دموعها :بنت جيرانكم
هشام:طيب ليش جالسه تحت الطاوله قومي"مد يده لها"
العنود استغربت عطوف مررره مدت يدها>>باعتها البنت*_*
طلعت من تحت الطاوله ووقفت قدامه وشعرها القصير البني لحد اكتافها
هشام بعد خصلات من شعرها البني الي تغلغله من دموعها على وجهاا:تامرين على حاجه
العنود:لاسلامتك
اكتفى هشام بالابتسامه وراح من عندها :بروح انادي لك ريما
هزت راسها
راح من عندها وجلست العنود على الكرسي وهو مبهورره مررره من هشام الي كانت تتكلم عنه ريما في الجامعه تقول انه مو رومنسي وعربجي وفيه برود وموحلو مثل فيصل الي كان عكس هشا تقريبا يتمتع فيه كل الصفات الي تتمناها أي بنت على وجه كره الارضيه
شافت العنود عكس كل هذا كااان فيه جاذبيه مو طبيعيه وخصوصا حبة الخال الي عند سكوكته من عند ذقنه وكان حنون معها مرره
*****************
ريما:طلال
طلال:يالــــــــــــــــــــبيه
ريما"طلول لاتذبحني بهالكلمه":انا طالعه قبل لايجي هشاام تامر على شي
طلال:سلامتك بس ياليت تستعجلون بالزواج شووي لان مافيني صبر اكثر من كذا
استحت ريما من كلامه نزلت راسها وجت بتروح
طلال :ريومتي
ريما:هلا
طلال يبتسم:الحلو خليه ينتبه على نفسه
ريما :وانت بعد انتبه على نفسك
طلعت من عنده بسرعه قبل لايجي هشام وهي تركض مبسوطه مررره قابلها هشام في الطريق
ريما"ياســـــــــلام وش اقول له الحين"
هشام مستغرب:وين جايه منه
ريما:لاسلامتك جايه من داخل ليش وش تبي؟؟
هشام:ليش ماخبرتيني ان صديقتس عندس
ريما:يؤؤؤؤؤؤؤؤؤؤؤ العنود نسيتها
هشام يقلدها:يؤؤؤؤؤ العنود نسيتها يالله روحي لها المسكينه منطقه ساعه برا
ريما:وانت وش عرفك انها برى
هشام ارتبك:هاه لا جيتاطلع شفت وحده معطتني ظهرها رجعت
ريما:اهــــــــا بس كذا
هشام:اقول ضفي وجهس لايجيس كف عالطاير يالله نسيت الولد في المجلس انتبهو لاتجون من هنا طلول عندنا
ريما"مسكين مادريت اني جايه من عنده":انشاءالله
جت ريما عند العنو:هااااي
العنود تضربها:وجع انشاءالله ساعه قاعده
ريما:سورري
العنود:يالدبا خفت عليك توقعت فيه حرامي في المجلس ومسكك
ريما انفجرت من الضحك :ههههههههههههههههههههههههههههههههههههههههههههههههه ههههههه
العنود:وجع وش تضحكين عليه هذا جزاي اني خايفه عليك
ريما:لاياقلبي بس فيك دلاخه بعض الاحيان مادري من وين تجيبينها وش هالحرامي المحترم الي ماسكر الباب لاوبعد يسرق البيت وقت العصر ماشاءالله عليه يخاف ربه بقووه هههههههههههه
العنود:على تبن يالشينه اجل ليش تاخرتي
ريما:حصلت طلال في المجلس
العنود:كذابه قولي لي السلافه من طقطق لسلام عليكم
ريما:قبل لااقولك "تغمز لها"وش سالفتك مع هشووم
العنود:هشام قال لك شي
ريما:والله اقول في سالفه لاماقال بس احساسي من شفت وجه مبسوط يقول كذا
العنود:انت قولي بالاول ثم انا اقول
ريما:طيب ولايهمك
كل وحده حكت سالفتها للثانيه
@@@@@@@@@@@@@@@@@@
@@@@@@@@@@@@@@@@@@
روح مابدي غرامك ................روح ولابدياك
لابسكوتك لابكلامك.................لابحنانك لاباساك
صعبه حياتي بدونك ...................بعرف راح اشاتق
لكن اهون من وجودك وانا بقلـــــــبي نـــــــــار
رووووووووووووووووووووووووح
كنت اهلي وكل ناسي...........كنت لقلبي الامان
الزمن غدار قاسي...................وانت اقسى من الزمان
روووووووووح
كانت يارا تتسمع للاغنيه الي تعبر تناسب لحالتها حاليا
دخلت عليها ام نواف :يارا
مسحت يارا دمعتها بطرف اصبعها:هلايمه
ام نواف قعدت على السرير:وش فيكم
يارا وهي تطالع التلفزيون:مافينا شي مجرد خلاف بسيط
ام نواف:يارا موعلي
سككت يارا وقامت تلعب بطرف الشرشف
ام نواف:الله يهديك ياايمه بس نشاءالله بينا الكلام اذا طلعنا من المستشفى
يارا:يمه بليز قفلي عن الموضوع خلاص سكري الانوار بنام
ام نواف:الله يهديك
سكرت الانوار وطلعت برى ماتبي تشوف بنتها في هالوضع
اما يارا لفت على الجهه الثانيه ولفت الشرشف كله عليها
فتحت جوالها تشوف صورته اشتاقت له اشتاقت لمزحه معها تبي حظنه وتقعد تصيح وهو يمسح على شعرها "اااااااااااه ياليتني ماتزوجت وجلست في بيتنا اريح لي"
قامت تصيح بقووووه لدرجه ماقامت تاخذ نفس كثير
دخلت عليها ام نواف :يارا بسم الله عليك
شالت الشرشف الي عليها شافت عيونها حمرااء ووجها اصفر وضامه الجوال بقوه لصدرها
ام نواف خافت على بنتها:يارا حبيبتي قومي تعوذي من الشيطان
يارا وهي تصيح:حرام عليه يمه ليش يسوي فيني كذا انا ماقصرت عليه في شي حرام هو "تطالع في صورته في الجوال"خاين كذااااب اناني
رمت الجوال بااقوى ماعندها على الجدار لحد ماتكسر وصار كله قطع صغيره
نادت ام نواف الدكتور وجاء لعندها عطاها ابره مهدئه لحد مانامت
وش راح يصير في حالة يارا وبدر بعد مايفترقون؟؟
وريما وطلال هل بتدوم هالسعاده بينهم؟؟
اروى هل لها خطط شيطانيه تدمر فيها المحبين؟؟ |
|
 |
|
 |
|
|
|
|
|