01-22-2013
|
#14
|
 |
|
 |
|
((البارت الثالث عشر))
طلعت اماني من المستشفى وكان الكل متجمع عند الصغيره يلعبونهانواف:يالله يااماني والله وصرتي ام
ام نواف:يالله الفال لك انشاءالله
انقلب لون وجهه ولاحظت هالشي عليه اماني
فارس:اقول اماني هالدبه شلون كيف طلعت
رمت عليه اماني بكرتون الفاين:قول ماشاءالله لاتعطي بنتي عين
فارس:وانا صادق بعدين وبعدين لاتخافين عيني بارده
يارا:اقول اماني ليش ماتاخذين لها كل فتره صوره
اماني:وش دعوه تركي مقصر كل ساعه ياخذ لها صوره
فارس:يالله انا طالع تامرون بشي
يارا:فارس توصلني على طريقك
اماني:وين يمه ماراح تنامين اليوم عندنا
يارا:لابكره عند خالتي عزيمه في هالاستراحه انشاءالله مره ثانيه يالله مع السلامه
الكل:مع السلامه
****************
دخلت يارا الصاله الكبيره حطت عبايتها في دولاب المخصص لها
توها بتصعد الدرج الااحد مسك خصرها
بدر:وحشتيني يالدبا
يارا:بدر خوفتني متى رجعت
بدر:من ساعه عندي كم شغله في البيت اخلصها قبل لاتجين هاه وش اخبار بنت اختك
يارا:تجنن بدر بسم الله عليها
بدر:يالله الفال لنا انشاءالله بس ابي بنت تكون كربون منك
يارا:لا انا ابيها تشبه لك علشان اذا غبت عني اطالعها
بدر:اقول يرو
يارا:هلا
بدر:وش كثر انتي تحبيني؟؟
قامت يارا تفكر شوي:
احبك ايه ياحلم واخسر انفاسي
ابي قرب ينسيني عنا الدنيا ومافيها
احبك كلمه عجزت تعبر ع مدى احساسي
حروف ميته خرسي ونبضك بس يحيها
اهيم بعالمك اسرح تدور افكار في راسي
وكل افكاري"احبك"ولاادري كيف ابديها
احبك وشهي احبك؟قليله يابعد ناسي
احبك عاجزه تحمل شعور ساكن فيها
وسلامتكم
بدر لحد الان يطالعا ويبتسم
يارا:بدوري شفيك ساكت طيب انت وش كثر تحبني
فجاءه شالها بين يدينه وقام يدور فيها في الصاله
بدر:انا مو احبك انا "بصوت عالي"امـــــــــــوت فيك
يارا كانت مبسوطه ماتوقعت بدر بهالرونسيه الي يشوفه يقول هاذا كل شي عنده جد بجد والي يشوفه واحد من موظفينه الي عنده في الشركه ماراح يصدق هاذا بدر نائب مدير العام
@@@@@@@@@@@@@@@@@@
@@@@@@@@@@@@@@@@@@
ام فيصل:وش اخبار الحمل ريماس
ريماس:والله تعرفين خالتي هالوحم ومشكلتي ماتوحمت الاعلى شوكلاته
ريما:اشوفك طالعه بطه انتبهي لانفجرين
ريماس:اسكتي بس بعدين جسمي انشاءالله بعد الولاده بيرجع زي اول واحسن
ريما:احلى يالثقه مسكين اخوي كيف مستحملها
فيصل مسك يدزوجته:والله عاجبتني لو ماتدخل من عند الباب في عيوني مثل الغزال
استحت ريماس وقامت تطالع ريما بطرف عين
ريما: شوي شوي علينا
فيصل:سمر شفيك
سمر:هاه لامافيني شي
فيصل:وشلون مافيك شي بعدين هاذا شكل بنت ملكتها الاسبوع الجاي ذبلانه مرره
ام فيصل:تعرف البنات اذا قربت الملكه يخافون
فيصل:يالله الله يوفقك عاد نواف ونعم الرجال يالله انا استاذن تامرون على شي
ريماس همست في اذنه:لاتنسى توكس ترا خلص
فيصل يبتسم:انشاءالله ولايهمك
ريما:بسم الله خفي من الشكولاته الملكه الاسبوع الجااي لاتنتفخين 5 كيلو زياده
***************
في مزرعة العم ابو بدر كانت العائله الكريمه كلها مجتمعه بمناسبة رجوع سالم من السفر وحصوله على ماجستير في الحاسب وكانت يارا وعهد ومنير ماجلسو ابد من صب القهوه ويدورون بالحلا
وكانت اروى وفهده واقفين عند المرايا
فهده:والله يابنت الخال حلوه قمر بس فكي من المرايه والله احس انها بتتكلم الحين
اروى:فهودي انا مبسوطه بالمره
فهده وهي واقفه وقفة الولد العربجي وماسكه جوالها تطالعه:خير انشاءالله فرحينا
اروى:قبل كل شي شرايك في فستاني"قامت تدور"
فهده:امممممممم حلو ماعليه
اروى تقلدها: ((حلو ماعليه ))الايجنن علي بس اااه لوضبطت الخطه راح انفجر من الوناسه
فهده:أي خطه تكلمين عنها خير الاخت داخله حرب بعدين انا بروح العب كوره مع الاولاد تروحين معاي
اروى جتها الروعه:بسم الله علي انا اروح معاك لاياقلبي روحي لحالك
فهده:على راحتك
كانو البنات جالسين سوالف مع بعض
يارا:اقول مو كان هاذي فهده
منيره:أي هاذي فهده ليش مستغربه
يارا:غريبه تلعب مع الاولاد
عهد:هههههه ياحبيلك لسى ماشفتي شي العاده تجمع الاولاد وتلعب معاهم كوتشينه اونو وبلاستيشن عادي مع الايام راح تتعودين
منيره:عمتي نهله جابت 4 اولاد وهي البنت الوحيده وتربت مع عيال
يارا:صح وين عمتك بدر دائما يحكي عنها ولحد الان ماشفتها
عهد:الحين في لبنان راحت علشان شفط دهون من بطنها
يارا:طيب عيالها من عندهم
منيره:يافي بيتنا او عند جدتهم
يارا:عادي عندها
عهد:أي مرره اهم شي كشختها واناقتها بعدين كل صاحباتها من الطبقه المرموقه مررره علشان كذا تروح كل شهر تغير لوكها وتجي
((يارا استغربت من حال عمتهم كيف طاوعها قلبها تترك عيالها بروحهم مع الخدمات اوعند جدتهم وخصوصا فهده لانها في عمر حرج يعني ممكن تضيع البنت بكل سهوله))
اروى:هاااي بنات
البنات:هاااياات
اروى:كيفك يارا
منيره"الله يعدي هالليـــله على خير "
يارا:الحمدالله كويسه انتي كيفك
اروى:عال العال
عهد:ماشاءالله اروى طالعه مرره حلوه
اروى:عيونك الحلوه "لفت ليارا":وانتي وش رايك في فستاني
يارا:حلو ماشاءالله
جاء مسج على جوال يارا من بدرفتحتها لانها اغنيه
لويقولو انتي حلوه جاوبيهم ذي قديمه.......لويقولو انتي روعه قولي ادري بس قديمه
انتي قولي مافي زي ياهواء العمر ونسيمه......ياللي صحراء العمر منك انتي وجه ياحلى ديمه
ضحكتك ماتشبه الا صوت قطرات المطر.......كلما انتي كبرتي تترك بعمري كبر
ولارقت صوتك دوم ياخذني لبعيد........لو اسولف لك اضيع واتعذب من جديد
من عرفتك وانا احبك شفت في عيونك امان........انتي كلك يالحبيه عاجبتني من زمان
انا اصلا مابي غيرك وانتي غيري ماتبين..........سحرتني بطيب قلبك كثر شوقك والحنين
لويقولو انتي حلوه جاوبيهم ذي قديمه.......لويقولو انتي روعه قولي ادري بس قديمه
اابتسمت يارا على الرساله ثم ارسلت له
مش عايزه غيرك انت والله بحبك انت .........والحب كله انت وانت الناس كلها
سنين عمري الي راحو قلبي عايش بجراحه........كانت نقصاني حاجه ومعاك كملتها
من كتر هواك طول مااناوياك مش عايزه اغمض عيني....عايزه ابقى معاك وافضل شيفاك واعيشك كل سنيني
لوثانيه تفوت من غيرك اموت .........وهواك بس يحيني
مش عايزه غيرك انت والله بحبك انت .........والحب كله انت وانت الناس كلها
استلم بدر المسج وابتسم اتصل عليها
استاذنت يارا من البنات
يارا:الو
بدر:هلا وغلا بشيخة البنات كلهم
يارا:هلا فيك ياشيخ الشباب كلهم
بدر: عمري كيفه
يارا ابتسمت:تمام يسال عنك
بدر: يالبى قلبك هاه وش رايك تجين عندي
يارا:ويـــن
بدر:انا الحين عند اسطول الخيول يالله تعالي شوفي زوجك وهو خيال
يارا:هههههههههه لاصعبه انا مشغوله الحين
بدر:طيب مو لازم عند الباب ابيك في حاجه
يارا:اوكي بس شوي
بدر:اوكي انا استناك
يارا:اوكي بااي
بدر:بااي
يارا:بنات شوي وراجعه
عهد"تغمز لها":شوي مو تطولين
يارا:ههههه ولايهمك
جت يارا عند الخيـــول شافته واقف مع مهرته
يارا:هاااااي
لف بدر:هلا وغلا يرو وش رايك في مهرتي
يارا:تجنن
بدروهو يمسك خدها بقووه:انتي الي تجننين والله
يارا:بدر خدي والله يالمني
بدرفك خدها وباسهم:سلامتك
يارا:لاوالله تعورني م تقول سلامتك انا اوريك
عضته مع يده بقوووه
بدر:ااااااااااااااااااااااااااااااي حرام عليك
يارا :ههههههههههههههههه احسن تستاهل
بدر:انا اوريك
انحاشت من عنده يارا دخلت قسم النساء وهي تضحك:بااااااااااااااي
بدر:طيب انا اوريك في البيت
دخلت يارا عند البنات وخدودها حمراء
منيره:الله الله وش هالابتسامه اكيد من حبيب القلب
ابتسمت يارا
عهد:اقول يارا شكلك مكثره الشدو بزيـــــــاد
منيره:هههههههههههه أي مررره لاحظتي
يارا:بنات خلاص
عهد:ياقلبي انتي والله ماتوقعت بدر بهالرومنسيه الله يخليكم لبعض
الكل :امـــــــــــين
مادري وش لون اوصف لكم شعور اروى الي ممزوج بغيره وحقد وكراهيه تحملها ليـــــــارا الي ماتوصف وتحلف في نفسها"والله لااوريك
يايار..
@@@@@@@@@@@@@@@@@@
@@@@@@@@@@@@@@@@@@
جاء عنده اخوها الصغير يبيها راحت معه هذا خوها الصغير صوره مستنسخه من اروى في كل شي في شرها بس اللهم يحب الفلوس بزياده
احمد:ترا بدر لحاله
اروى:والله طيب من في المجلس
احمد:مافي الاسالم وثلاث رجاجيل
اروى:خلاص حبيبي روح
احمد:لاوالله وين 500 ريال
اروى:وجع مانسيتها "طلعت من البوك وعطته"يالله روح ولاتخبر احد
احمد:افا عليك انا تلميذك ياحلوه
راحت تطالع في نفسها في المرايه وضبطت الميك اب وراحت عند بدر شافته جالس على الكرسي جت عنده
اروى:هاااااي بدر
بدر:خير وش تبين انتي
اروى:بدور شفيك ليش معصب كذا
بدرمعصب مرره:لاتقولين بدور لااقطع لسانك فاهمه بعدين ادخلي داخل لايشوفنا احد
اروى"تبكي":وبعدين معك انت ماتفهم انا احبك ليش انت كذا
مسكها بدر مع يدها :اقول عن قلة الادب وضفي وجهك ولا والله راح يصير لك شي مو طيب فاهمه
اروى وهي ماسكه كم ثوب:ليه يابدر انت ماعندك احساس ماتحس انا اقولك احبك تعاملني كذا وين حنانك ولابس على الي تعزهم والباقي لا والله يابدر ماقدر اعيش هالدنيا بدونك طيب تزوجني لو مسيار انا راضيه ماعندي مشكله بس اهم شي اصير معك تكفى بدر
بدررحم بنت عمه الي كانت محتاجه حنان وقلب صادق بس مايصير تحبه لان مو ملكها هو ملك ليارا:اروى انا الحين متزوج مايصير تحبين واحد متزوج الله يوفقك ويسعدك مع الشخص الي يفهمك
اروى رجعت لشرها:انا ماراح اذل نفسي اكثر من كذا بس يابدر ياانا ياانت والله مااخليك تعيش بسعاده مثل ماتبي" وراحت من عنده وهو يطالعها بكل نظرات رحمه "
دخلت في قسم النساء وكانت قدامها فهده:هلا اروى وش فيك
دفتها اروى:مافيني شي بس ابعدي عن وجهي
فهده مستغربه توها بتدخل قسم الرجال الاطاحت على طول
فهده ماسكه راسها:وجع انشاءالله ماتشوف "رفعت عينها شافت هالمزيون الي قدامها انجذبت فيه كان حلو طويل وجذاب بسماره
سالم:اسف حبيبي تعورت"توقع انها ولد"مد يده علشان يساعده
فهده قامت تطالع فيه وهو بعد يطالع فيها
استوعبت فهده:اسفه"قامت توها بتروح مسكها مع يدها"
سالم:تعال انت مو غريب علي من انت
انحرجت فهده"ياويلي وش اسوي:انـ ـ ـ ـ أ..........
قاطعتهم اروى:فهده وش تسووين
سالم كان احد كاب عليه مويه حاره اما فهده راحت داخل محرجه من الموقف
جت عنده اروى:سالم ليش قاعد مع فهده
سالم:هاذي فهده بنت عمتي نهله
اروى:أي هاذي فهده ليش مستغرب؟؟
سالم:والله وكبرت اذكر يوم اروح لاامريكا كانت صغيره
اروى:طيب ماجاوبتني ليش واقف معاها لايكون عشاق
عصب عليها سالم مايحب هالكلام:اقول انطمي وعن الكلام الي ماله داعي بعدين انا جيت ابدخل وهي طالعه صقعت فيها
اروى:طيب وش بغيت من الداخل
سالم:لاخلاص مابي شي يالله روحي ادخلي "راح من عند اخته وهو يفكر بفهده "اما فهده راحت الغرفه الصغيره قامت تذكر الموقف الي صار لها وانقلب وجهاا طالع احمر وهي تكلم نفسها"ياويلي تغير مرره احلو كثير تلقين البنات منهبلين عليه وبعدين وش جاني قمت افكر مثل تفكير البنات السخيفات"
دخلت يارا:بسم الله عليك وش فيك تكلمين نفسك
استوعبت فهده انها تكلم بصوت عالي:لاسلامتك مافيني شي بس اقول متى اروح البنت علشان انام
جلست معها يارا:ليش جالسه لحالك
فهده:بس طفشت وجاني النوم
دخلو عليهم البنات
منيره:افا وش فيه فهودي قاعد لحاله
فهده:ياحوول شفيكم انتم مافيني شي
اروى"تغمزلها":لا اجل مافيني شي
فهده تطالعها:أي مافيني شي
عهد:فهودي ترا عمتي اتصلت عليك بس مارديتي عليها اتصلت علي تطمن عليك
فهده سفريات امها الكثيره ماعاد حست بوجودها كثير في حياتها
فهده"لبتسمت بسخريه":اها تطمن طيب شخبار العمليه نجحت
عهد:عهد:أي الحمدالله
دق جوال منيره
اروى:من
منيره:سالم
انقبض قلب فهده من طرت بااسمه
منيره:هلا سالم .....انشاءالله دقايق وانا عند الباب.......يالله مع السلامه
منيره:يالله اروى سالم عند الباب
يارا:تو الناس ليش بتروحون الحين
منيره:أي تو الناس الساعه 2 الحين يالله انشاءالله نشوفكم قريب يالله اروى
اروى:مو رايحه الحين برجع مع يارا يوصلوني على طريقهم اذا ماكان عندك مانع
منيره:اقول عن الهبال بس لاتمشورين الرجال
يارا:لاعادي على طريقنا
عهد:وانتي منيره اقعدي
منيره:لاصعبه اخلي امي في البيت بروحها يالله الجايات اكثرمع السلامه
((كبرت منيره في عين يارا كثير ماتوقعت كذا محترمه وحبوبه عكس اختها))
الكل:مع السلامه
عهد:اقول يارا
يارا:هلا
عهد:ليش ماتنامون عندنا الليله ابنام عند اهلي
يارا:ماعندي مانع انا بس مادري عن بدر
فهده:لاتخافين اكيد بيوافق احس ماشاءالله تجيبين علوم ولد عمي
يارا بحياء:وش دعوه
عصبت اروى:وش عرفك انتي عايشه معاهم
فهده تغمز ليارا:الكتاب مبين من عنوانه
عهد:خلاص انتم البنت ذابت
دق جوال يارا من بدر وقال لها تتجهز علشان بيروحون
عهد:هاه قلتي له
يارا:يقول خلاص بس بروح جيب اغراض من البيت يالله اروى تروحين معنا
اروى:يالله بروح البس عباتي
@@@@@@@@@@@@@@@@@@
@@@@@@@@@@@@@@@@@@
طلعو لسيارة بدر الي كانت اودي لؤلوي
ركبت يارا:السلام عليكم
بدر:وعليكم السلام تو مانورت السياره
اروى:السلام عليكم
انقلب حال بدر:هلا
وهم يمشون في الطريق وقفو علشان الاشاره ضرب له واحد هذا الي في السياره الي فيه صوت<<ماعرفت اسمه(^-*)
لف بدر عليه وابتسم رع يده يدق التحيه
يارا:من هاذا
بدر:هذا طلال ولد عمك
لفت اروى علشان تشوفه<<<لقافه
تفاجات وانصعفت منه هاذا طلال الي تكلمه كل يوم صار ولدعمها قربت وجها مررره من عند الشباك علشان تتاكد قامت تطالعه بقوه شافها بدر لانها كانت وراه
بدر بدون نفس:خير اروى في شي
خافت اروىلاسلامتك
وصلو اروى لبيتهم راحت على طول صعدت غرفتها وهي مذهوله وقعدت تتذكر كلامه وعن سوالفه عن بنت عمه الي يحبه قطع تفكيرها اتصاله
ابتسمت بتسامة خبث:ههههههههههههههههههه والله لااوريك ياطلال لااقلب حياتك انت وبنت عمك وكلكم لجحــــــــيم بس اصبر علي مااكون اروى اذا عيشتكم عيشه هنيــــــه هههههههههههههه
((اروى عرفتك ياطلال ياترى وش راح تسوي معاك ومع المسكينه يارا))
((التكمله البــــــــــــــــــــــــــــــــ14 ــــــــــارت)) |
|
 |
|
 |
|
|
|
|
|