منتديات قصايد ليل - عرض مشاركة واحدة - روآية لاتعذر بإحتياجك كلنا ناقص حنان رومانسيه خياليه كآمله

01-22-2013

((البارت الثامن))

بعد نصف ساعه قربو البنات عند المخيم
يارا:يمه شوفي نواف وفيصل شكلهم معصبين
ريما:ياويلنا بناكل تهزي محترم
ريناد:بنات دخلو من هنا وطلعو من هنا
سمر:ياويلني من فيصل بيهزى فيني
ريماس:اسكتو بس خلينا ننزل
قرب نواف من عندهم وهو شياطين الدنيا طالعه فيه:خيــــــــر صباح الخير تو الناس
يارا فتحت الشباك وهي مروعه:شفيك نواف ماطولنا
نواف:لاوالله علومك طيبه ثلاث ساعات وماطولتو
جاء عندهم تركي وهو معصب على اخر شي:خير ليش هالتاخير لكم ثلاث ساعات ولاندري عنكم الاخوات منبسطين والي هنا بكيفهم خلهم على عماهم صدق ماتستحون على وجيهكم
ريماس:تركي مايحتاج كل هالعصبيه
تركي:انتي اساس البلاء"جاء مسكها من عند كم ثوبها "زوجك المسكين من ساعه وهو خايف عليك وانتي ماتدرين اهم شي وناستك مره ثانيه لاتتلقفين وتاخذين المفتاح فاهمه
ريماس"العبره خانقتها لان كان تركي يصارخ في وجهها وفشلها عند فيصل الي كان واقف يراقبهم":طيب
راح تركي ونواف وفيصل مشى شوي وقف ينتظر ريماس
نزلو البنات كلهم من السياره ودخلو الكل ماعدا ريماس الي بعدت شوي عنهم علشان تبكي انقهرت من تركي
جاء عندها فيصل من ورى ولفها قدام وجهه :ليش هالدموع يالغلا
خافت ريماس:فيصل
فيصل:ياعيون فيصل انتي حرام هالدموع على القمر
ريماس:فيصل انـــ ـا انـ ــ ـا انــــــــ ــــــــــ ا"ماقدرت تكمل طاحت في حضنه على طول"
فيصل يمسح على شعرها...:لاياحبيبتي اهم شي رجعتي لي بالسلامه
ريماس رجعت لواقعها وفكت من حظنه وخدودها طلعت حمراء مره
فيصل:هههههههههههه ياحلو الحياء ياناس
ريماس(ياحلوك انت والله):فيصل
مسح فيصل دمعتها بطرف اصبعه :تصدقين حلوه انتي بالثوب والشماغ خليني اخذ لك صوره في جوالي
ريماس:لامو حلو شكلي
فيصل:يالله بس عن الدلع خليني اخذ لك صوره
وخذ لها صوره طالع شكلها جنان بالثوب الايبض والشعر الاسود الطويل لنص ظهرها مدرج بكثر على طوله والعيون الحمرا من البكي
فيصل:يالله غسلي وجهك وروحي انبسطي مع البنات وعلى فكره مشكوره على الهديه الحلوه الي مثل صاحبتها
ريماس:عجبتك
فيصل:وشلون ماتعجبني وهي منك
ريماس:يالله فيصل انا استاذن بروح مع البنات
فيصل:الله يحفظك
في المخيم........
ريما:بس من جد قهرني تركي ليش هالتعصيب كله والله جد رحمتها ريماس
يارا:أي فشلها عند فيصل المسكينه
اماني:احسن من قالكم تتاخرون من جد خفنا عليكم
يارا:بنروح نوسع صدورنا وش تبينا نص ساعه وراجعين
اماني:حتى ولو المفروض ماتتاخرون
ريناد:خلاص الي صار صار اهم شي انبسطنا
ريما:هههههههههههه أي والله ماهمونا
سمر:بس الي كلتها صدق ريماس
ريماس:أي والله تفشلت قدام فيصل ورجلك هذا مايعرف يضبط اعصابه اعوذ بالله
اماني:هههههههههههههه حرام عليك اطيب من تركي مافيه صح انه عصبي بس قلبه طيب
ريناد:هيه اقول لاتمدحين في رجلك تراه اخونا وعارفينه
جتهم ام تركي:يالله بنات تعالو معنا ساعدونا على الشوي
اماني:انشاءالله خالتي هذا انا جينا
الحريم قاعدين شوووي وانواع الفله
في اخر الليل الكل نايم ماعدا ريما ويارا سوالف
ريما:اقول يارا
يارا:هلا
ريما:وش رايك في بداية الصباح نلبس الثياب ونتمشى
يارا:هههههههه تخيلي
ريما:والله انا جاده
يارا:لا ريما لو شافنا احد من الشباب والله التكفيخ شويه علينا
ريما:اقول يالخوافه كلهم نايمين بعدين ماراح احد يعرفنا
يارا"بعد تفكير":اوكي بس نرجع بسرعه
بعد نص ساعه لبسو الثياب وتلثمو علشان ماحد يعرفهم وطلعوا برى
يارا:الله من جد الجو روعه
ريما:واو شي ياليت باقي البنات معنا
يارا:أي والله خساره
سكتو شوي
ريما:اقول يارا
يارا:هلا
ريما"متردده":اممممممممم عندي سر ودي اقولك بس امانه مايطلع لااحد
يارا:افا ريوم بينا اسرار يالله قولي وش عندك
ريما:شفتي ريناد تحب اخوك فارس
يارا مصدومه:احلـــــــفي من متى
ريما:تقريبا صار لها ثلاث سنين كلما حاولت تقرب منه يبعد عنها واهي المسكينه مره هالشهرين نفسيتها تعبانه من الي تشوفه في فارس وحركاته مع البنات
يارا مازالت مصدومه:من جدك ريما هاذي يبيلها جلسه تعالي نجلس نتفاهم هناك ونتفاهم
جلسو البنات في الرمل وقموا يتناقشون في المشكله
ريما:هاه شرايك في فكرتي
يارا:امممممم حلوه بحاول في فارس هالايام وانشاءالله بيتغير ......سكتت شوي ....من جد انا غبيه شلون ماانتبهت حركاتها واغانيها عن الحب
ريما:حتى تذكرين كنا في السياره سمعت عبدالمجيد قالت علي على الصوت
يارا:صح فيه حركات تدل على هالشي بس بحاول في فارس انتي من جهتك ريناد
ريما:خلاص صار
يارا:الا اقول ريوم وانتي قلبك فيه احد
ريما"تبتسم":لا لسى مافيش احد خش جوا قلبي
يارا تغمزلها:اكيــــــــــد ريوم ترا عيونك فاضحتك
ريما:ههههههههههههههه لهدرجه
يارا:افا ريوم انا يارا اعرفك يالله قلبي عطيني من هو فارس احلامك لايكون بس نواف اخوي بعد هههههههههههههههه
ريما:ههههههههههههه بسم الله علي مابقى الااخوك هذا اعوذ بالله جدي بزياده
يارا"ضربتها على كتفها":انطمي بس ياحبيله تحسبينه خفيف مثلك المهم من هو
ريما"بحياء":امممممممممم استحي
يارا تضحك بصوت عالي
ريما ضربتها على راسها:يرو انطمي فضحتينا
يارا والدموع تطيح على خدها من الضحك:لامااصدق الدنيا صاير فيها شي ريما تستحي من وين لك الحيا انتي يمين والحيا يسار
ريما:انطمي بس وش قالو لك فاصخه الحياء
يار وهي تمسح دموعهاا:المهم ماعلينا من هو
طلال
يارا:لاعاد احلفي والله صرنا نحب ريومه من متى وانتي تحبينه
قامت ريما تحكي لها عن كل الي صار من يوم صقعت فيه لملكة ريماس
يارا:واااااو من جد وناسه بس الصراحه طلال تخقيــــــــــن معه
ضربتها ريما على كتفها: حدك عاد على محارمي غضي البصر عنهم
يارا:ههههههههههههههه
ريما:طيب يروا تتوقعين انه يحبني
يارا:اكيد فيه احد مايحب ريومه وخصوصا عقب ماطالعك ويقول اميـــن ريما:اااااااااه يالبى قلبه طلول
يارا:من الحين طلول وينه بس يسمع
ريما:اول يرو خلينا نرجع المخيم
يارا:يالله
قضو العائله اجمل ايام حياتهم في المخيم وفي اليوم الاخير
ام نواف:هاه يابنات مانسيتو شي
ريما:لاخالتي مانسينا شي بس شلون تقسيم السيارات
ام نواف:نواف اخذ عمانك وراحو بدري وهشام معاه انا وامك وخالتك ام تركي
وانت يالبنات النص مع طلال والنص الثاني مع فارس
يارا:طب يمه فيصل من معاه
ام نواف:والله مادري بس الظاهر معاه اغراض
ام تركي جايه وعبايتها عليهها:يالله بنات استعجلو
البنات :انشاءالله
يارا:يمه اماني راحت
ام نواف:أي من زمان رايحه يمكن وصلو
ريما بصوت خفيف تكلم يارا:مستعجله اسبوع ماشافت حبيب القلب ولاقعدت معاه عاد اليوم يومها"تغمز لها"
يارا ضربتها بكوعها:ههههههههههههههه يالي ماتستحين وطي صوتك لااحد يسمعك
ريماس:وش فيكم تضحكون
يارا:هالخبله عليها حركات نص كم
ريماس:ههههههههههههههه ليش وش فيها
ريما:اقول لها اماني مستعجله على زوجها ماصدقت يطلع الصباح الاهي راجعه الرياض اليوم يومها مع تركي اخوك
ريماس:هههههه أي والله صادقه ياحظها
ريما:انتي قرب يومك يالله ودي اشوف فصول اخوي ترررا مره رومنسي الله يعينك بيغثك
ريماس وهي تدفها:اووووووف اشوووف يوم فيك ريوم
ريما:ههههههههههه
يارا:هههه احسن انتي جبتيه لنفسك
سمر:وجع انتم يالله نستناكم في السياره
كانو البنات منقسمين النص مع طلال والنص الثاني مع فارس
فيصل ماكان معاه احد استغل الفرصه علشان ريماس تركب معاه...نادى اخته سمر علشان يقول لها
ريماس:لاوالله احلفي اركب مع اخوك في السياره لحالنا
سمر:هههههههه عادي وش فيها يعني زوجك
ريما:يالغبيه استغلي الفرصه ترا ماتصير الامره كل سنتين
ريماس:لاقويه وين اركب معاه
يارا:ليش ياقلبي عادي علشان تاخذون راحتكم في السوالف
ريما تغمز لريماس:الله الله بالسوالف السنعه عطيني بس رنه واقطعيها وادق عليك انا واحط السبيكر نسمع كلنا سوالفكم
ريماس:انطمي بس انتي يالسوسه انشاءالله تنحطين في نفس موقفي
يارا" تبتسم لريما":انشاءالله قريب
ريناد:يالله ريماس روحي له
ريماس مترفزه من هالحركه:اووووف طيب
ركبت ريماس سيارة فيصل مستحيه لااخر درجه:السلام عليكم
فيصل:وعليكم السلام هلا والله تو مانورت السياره
ريماس:منوره بصاحبها
والكل انطلق بسيارته وقفو عند محطة البنزين علشان يشترون للبنات لهم شي
فيصل:هاه ياقلبي وش تبين اجيب لك من السوبر ماركت
ريماس: مشكور مابي شي
فيصل:حرام عليك...."يحط يده على بطنه ويطالعها بعيونه الناعسه الي محدده برموشه الكثيره"... طيب انا جوعان
خقت ريماس على شكله(^_*) :اوكي جيب أي شي على ذوقك
نزل فيصل مع طلال وفارس للسوبر ماركت
ريما:اقول يرو خليني انزل احرج ريماس شوي
يارا:ههههههههه روحي لها بس انتبهي لاتلحقك بالجزمه
ريما:هههههههههههههههه لاتخافين ماخذه احتياطي
نزلت ريما وراحت لشباك ريماس في سيارة فيصل
فتحت ريماس الشباك:هههههههههه خير انتي في كل مكان لاحقتني
ريما:لابس حبيت انبهك انتبهي من كلام فيصل ترا كلامه معسول اخاف تذوبين وتغلطون ترا ها حذرتك مو تقولين ريما ماقالت
ريماس ضربتها بشنطتها:انطمي بس والله لااوريك .....توها بتنزل من السياره علشان تضربها الاريما منحاشه هههههههههه
دخلت ريما السياره وهي تضحك
يارا:خير وش فيك
ريما "وهي ماوقفت من الضحك":مسكينه عصبتها شوي ورجعت هههههههههههههههه
يارا:حرام عليك مسكينه ريماس
رجعو الشباب لسياراتهم ومعاهم الاكياس الكثيره
دخل فيصل السياره:ســــــلام
ريماس:وعليكم السلام
فيصل:هاه انشاءالله ماتاخرت عليك
ريماس:لاعادي
كان فيصل مبسوط بالمره قاعد مع حبيبة قلبه ويسولف معاها
فيصل:رموســــــــــتي
ريماس"ياحلو اسمي على لسانك":هلا
فيصل:ممكن تشيلين هالبرقع الدنيا ليل الحين ودي اشوف القمر الي معاي
شالت ريماس البرقع ونزلت الطرحه على كتوفها
وقف فيصل السياره وفتح النور ويطالع في القمر الي جنبه كانت جميله وطبيعيه بمعنى الكلمه مفيها ميك اب والشعر الاسود الي طايح على كتوفها
فيصل وهو ماسك ذقت ريماس:سبحان الخالق قمر في الارض ربي يخليك لي قولي امين
ريماس :امين ويخليك لي
سكر النور حرك فيصل السياره علشان مايشكون فيم
في سيارة فارس
فارس:ليش وقف فيصل
يارا:وش عليك منهم واحدوزوجته منقهر منهم
ضحكت ريما بصوت عالي استحت
فارس"فيه الضحكه":ليش انقهر لو بغيت تزوجت من بكره بس اخوك ناشب لي ولا انا الف بنت تتمناني بس ااشـر
يارا:شوي شوي علينا لاتطيح من الغرور بعدين لاتحط نواف عذر
وطبعا مناقر يارا واخوها لحد ماوصلو البيت
• * ************
• بعدها بايام في بيت ابو نواف:
دخل نواف عند امه وااماني في الغرفه الي جالسين فيها
نواف:السلام عليكم
اماني وام نواف: وعليكم السلام
ام نواف:هلا والله بوليدي شلونك يمه اقعد تقهوا معنا
نواف:انشاءالله يمه تامرين امر انتي
جلس نواف مع امه واخته يتقهوا معاهم
نواف:هاه اماني شخبار تركي وش هالقطاعه من عقب المخيم ماشفناكم
اماني:الحمدالله يسلم عليك بعدين تعرف الحمل وتعبه والدكتوره مانعتني ركوب السياره بكثره

نواف:صح شخبار ولدنا حفيد العائله الاول
ام نواف :اوبنت انشاءالله
اماني:لا انا ودي بنوته بس يالله الي يجي من الله حياه الله
نواف:الا وين يارا ماشفناها اليوم
اماني:راحت لغرفتها تقول عندها كم شغله وبتنزل
ام نواف:ها متى بيجي ربع ابوك
نواف:انشاءالله بعد صلاة العشاء بيجون الا اقول يمه فارس وينه
ام نواف:والله مادري عنه هالولد دائما هايت في الشوارع مخلي البيت مثل الفندق للنوم
اماني:من زمان ماشفته حتى والله نسيت اشباهه
اماني:ياخوي امسكه وعقله هالفارس يبغى له واحد يوقف في وجهه
نواف:والله عجزت فيه اماني دائما هواش انا وياه بس الله يهديه ويهدي طلال بعد معاه
ام نواف:شكلي بزوجه علشان يعقل ويفك هالخرابيط عنه
نواف:أي والله يمه
اماني:لايمه لاتربطينه ببنت الناس وهو لحد الان ماتعدل خله يبعد عن خرابيطه بعدين نزوجه
نواف:يالله الحين استاذن
ام نواف:اقول نواف اتصل على السايق يجيب الشعبيات من ام محمد
نواف :انشاءالله
وتوه نواف بيطالع من باب الشارع لا ويقابله فارس
فارس:هلا باخوي بعزتي وسندي
نواف:وين القطاعه من زمان ماشفناك
فارس:تعرف والله لاهي في الجامعه اخر سنه لي
نواف يسلك له:اهــــا جامعه طيب شف بيجون زملاء ابوي بعد صلاة العشاءخلك جاهز
فارس:يووووووه صح نسيت خلاص ولايهمك
نواف:يالله باي
**********
في مجلس الرجال الكبير الي يتميز بديكوراته الخشبيه واثاثه الذوق
ابو نواف:حياكم الله تو مانور البيت
الكل:الله يحيك يابو نواف
ابوبدر:شخباركم نواف وفارس
نواف وفارس:والله بخير ياعمي
ابو بدر:ماشاءالله نواف والله خبري فيك تلعب مع بدر في الحديقه والله كبروا العيال يابو نواف وشيبنا ههههههههههههههه
ابونواف:ههههههههه أي والله يابو بدر العمر يمشي يالله حسن الخاتمه
فارس:العمر كله انشاءالله
ابونواف:شخبارك يابدروين اشتغلت فيه
بدر:والله ياعمي حاليا مع الوالد في الشركه وانشاءالله كلها كم شهر وبكون لي شغله خاصه
ابونواف:ماشاءالله خبري فيك يومك صغير وانت تحب الشي يكون لك
ابو بدر:حتى والله البنات كنت اخذهم مع عهد اوديهم للملاهي
ابونواف:طول عمرك حنون والبنات كبرو وحده متزوجه والثانيه في الجامعه
ابوبدر:الله يوفقهم
****************
في المطبخ..........
اماني:هاه يمه جهز كل شي من شوي متصل علي فارس
ام نواف:أي خلاص كل شي جاهز
دخل عليهم نواف:هاه يمه ادخلهم صالة الطعام
ام نواف:خلاص يمه دخلهم بس قبل لايطلعون بشوي تعال خذ العود
نواف:انشاءالله

نواف في مجلس الرجال:يالله ياجماعه حياكم الله تفضلو على العشاء
دخلو في صالة الطعام ..............
في غرفة يارا
سواها قلبي ياحبيبي وحبك ماطاعني وانا عن الحب ناهيه
الظاهر انه مايبي غير قربك عاف الجميع واول الناس راعيه
عليك لا اوصيك لاصار جنبك صبح عليه بالحب وبالحب مسيه
نبض الوفاء والتضحياته يعجبك صافي ولكن مالقى من يصافيه
يارا:ااااااااااااااااااااه فديت اصاله ياناس
دق جوال يارا المتصل>>>ريماس
يارا:هلاوالله بحرم فيصل
ريماس:هلا فيك ازيك ياحلو
يارا:تمام
ريماس:وش هالازعاج الي عندك
يارا:صوت المسجل المهم انتي وش عندك من الاخبار هاه ترا باقي شهر ونص على موعد زواجك اذا ماكان عندك خبر
ريماس:اسكتي بس يارا والله والله فيني خوف مو طبيبعي خايفه علشان الاختبارات وعلشان الزواج
يارا:أي صح شخبار المذاكره عاد شيدي حيلك هاذي اخر سنه
ريماس:اكلت الكتاب اكل وفيصل مايقصر كل يوم يتصل يهديني وانتي كيف اختباراتك
يارا:بنبدا السبت هذا الله يعين بس
ريماس:يارا اكلمك بعدين معاي فيصل على الخط الثاني
يارا:افــــــــــــــا من الحين بتسحبين علي وين ريوم بس
ريماس:حرام عليك يالله عاد ضفي وجهك
يارا:ههههههههههههه طيب شكرا باي
سكرت يارا من ريماس ونزلت تحت عند امها
يارا:السلام عليكم
اماني وامها:وعليكم السلام
يارا:هاه راحو الي عند ابوي
ام نواف:لاتوهم داخلين على العشا
يارا:يالله عن اذنكم بروح المطبخ اكل لي شي
راحت يارا للمطبخ كلت شي بسيط وطلعت برا شوي في الحديقه تتمشى شافت واحد على الكرسي معطيها ظهره قدام المسبح يلعب بجواله يارا"فروس وش قعده لحاله اه مايبعد عن خرابيطه خليني اروح واطيح عليه "
مشت يارا شوي شوي علشان مايحس فيها ونطت قدامه :فروس وش تسوي
رفع بدر عينه وشاف اجمل بنت بحياته شاف بنوته ناعمه بشعرها ولبسها الي كان برمودا وتي شيرت اصفر وشعرها الي ذيل حصان امايارا
انصعقت صعقه مابعدها صعقه....................

من تتوقعون الي شافته يارا ؟؟؟؟؟؟؟؟؟؟؟؟؟؟؟؟؟؟؟؟؟؟
التكمله البارت التاســــــــع