01-22-2013
|
#8
|
 |
|
 |
|
((البارت السابع))
وصلو البنات المخيم
كان عباره عن 3 خيم كبار والمطبخ ودورتين مياه وحده من الخيم خاصه للبنات
ريما:يالله من زمان عن المخيم والله اشتقت له
يارا:اي والله صادقه لنا سنتين ماجينا
سمر:مرررره جايعه روحو جيبو الفطور
ريما:أي والله خلينا نشوف اخوك وش طالب لنا
يارا:طيب مين يقوم معاي نجيب الاغراض من السياره
ريماس:انا بروح معاك
راحت ريماس ويارا يجيبون الفطور من السياره
ام تركي:ريماس روحي نادي البنات علشان يفطرون معانا
ريماس:لايمه طلبنا لنا فطور
ام تركي:ماشاءالله متى طلبتو
ريماس:مرينا للمطعم وطلب لنا فارس الفطور
وهم في الطريق قابلو ام نواف
ام نواف:هاه يارا افطرتو
يارا:لالسى الحين بنفطر
ريماس:الله ياخالتي وش هالجلابيه الروعه
ام نواف:عيونك الحلوه حبيبتي
ريماس:اذا بديت اشتري اغراضي للزواج ابخذك معاي علشان تختارين لي الجلابيات
ام نواف:ابشري من عيوني
ريماس:تسلم لي عيونك
يارا:امي في الجلابيات لاتوصينها
**********
في مخيم الشباب جالسين الشباب كلهم
طلال:اوووف فيني النوم
فيصل:روح نام احد ماسكك
طلال:لامابي انام جيبو لنا بلوت خلونا نوسع صدورنا
فارس:البلوت والانو والكيرم مع البنات
طلال:واللي يعافيك فارس جيب منهم أي لعبه خلنا نوسع الصدر عليها
اتصل فارس على اخته بس كان بعيد عنها وماردت
فارس:ماردت على الجوال
نواف:شكلها بعيده عنه ماتعرف يارا جوالها مو بيدها
فارس:بروح اقوم لها
راح فارس خيمة البنات طق عليهم
ريما:احلى ياكشخه ريناد صرنا نطق الباب ادخلي بس
فارس:يارا اطلعي ابيك شوي
ريما"مروعه":هــــــــــاه فارس يافشيلتي وش بيقول عني وجهي مغسول بمرق
يارا:ههههههههههه لاعادي متعود على خبالك
سمر:فشلتينا عند الرجال
ريما:وانا وش عرفني انه هو
يارا:عادي وشفيكم على ريوم مافي مثلها ياحبيلها"باستها على خدها"
ريما:ياحبيلك يرو هاه شوفو الناس الذوق مومثلك اسلوبك دفش
راحت يارا لاخوها:هاه فروس وش بغيت
فارس:يارا عطيني االلعبه الي شريتها من برا بنلعب ثم ارجعها لك
يارا:لاوالله علشان مااشوفها الافي بيتنا يالله قدرت اخذها الحين تجي تاخذها دور غيرها
فارس:هيه يالاخت حطي هالمعلومه في بالك تراها لي بس انا تعاطفت معاكم يالبنات
يارا:فارس عارفتك ان اخذتها مارجعتها
فارس:لاوالله اول مانخلص برجعها واذا تعيجزت اخلي نواف يجيبها
يارا:وعد
فارس:أي وعد اخلصي جيبيها
دخلت يارا تجيب اللعبه وفارس يستناها برا جت ريناد من عند خيمة البنات وماانتبهت للرجال الي واقف عند طرف الخيمه وكانت تغني انتبه فارس لصوت وحده تغني وصوتها كله احساس وحنيه
انت غير الناس عندي انت عندي شي كبير
كيف اصبر وانا شايف ناس من حولك كثير
وانا احبك واقول لهالك كلمه خليها في بالك
انا ماني أي عاشق انا لما اعشق اغير والله لما اعشق اغير
ريناد بصراخ:ااااااااااااااااااااااااااااااااه ياقلبي
انتبهت ريناد شي واقف عند الخيمه بس ماتدري وش لان الشمس جايه على عيونها قربت شوي شافت فارس واقف شهقت ورجعت وراء الخيمه لحد مايروح
فارس"يالله وش هالزين الي شفته هاذي من البشر ولاملاك ولاصوتها الي يخدر الواحد " مع انها لابسه بجامة نوم كلها لولو كاتي طالعه مرره كيوت
قطع تفكيره يارا:يالله خذها بس لاتسى فارس رجعها اذا خلصتو
فارس:انشاءالله من عيوني
يارا:تسلم لي عيونك ياخيو
راح فارس دخلت ريناد :السلام عليكم
الكل:وعليكم السلام
ريما:وش عندك بتنامين
ريناد:أي والله مره دايخه
ريماس:سمر جايبه معاك مجلات قصص شي
سمر:أي جايبه كتب وقصص والي تبين
ريماس:حلو
سمر:اقول يارا ماراح تجي اماني
يارا:راح تجي بس مادري متى
سمر:في أي شهر الحين
يارا:في الرابع
ريما:طيب ماعرفت بنت ولاولد
يارا:لا ماراح تسال
في مخيم الشباب
نواف:يالله شباب بروح انام شوي
طلال:وين يابو الشباب تو الناس كمل لعب معانا
فيصل:خذني معاك نواف برتاح شوي
فارس:حتى انت شفيكم اليوم
نواف:انا امس مانمت زين يالله سلام
العصر كان الجو جنان غيوم والهواء العليل طلعو البنات بالدبابات برا وهم يسوقون كانو يسوون حركات وكانت يارا وريما الي جد يعرفون لها
يارا:اقول ريوم خلينا نخرب على سمر وريناد شكلهم داخلين جو سواليف
يارا:ههههههه يالله
ضغطو ريما ويارا على البنزين وقامو يطعسون قدامهم
سمر:كح كح كح كح وجع انشاءالله
يارا:هههههههههههه احسن
ريما:تعيشون وتاكلون غيرها
ريناد:انا اوريكم
قامت ريناد تدور قدامهم كانها تهددهم بس ماكنت تعرف ومتمرسه مثل يارا وريما
ريما:اقول يالاخت انتي ودورانك على جنب لاارقى الحين فوق راسك يقالك بتخوفيني
طبعا الكل طالع برى المخيم الاريماس قاعده تفكر كيف بتوصل الهديه لفيصل
قطع تفكيرها يارا
يارا:ليش ماطلعتي معانا
ريماس:مالي خلق اطلع وبعدين انشغلت شوي
يارا"تغمز لها":وش انشغلتي فيه تستنين فيصل يطلع علشان تشوفينه
ريماس:ههههههههههه الله يقلع بليسك تفكيرك داهيه
يارا:مادري عنك
ريماس:يارا حبيبتي ممكن تساعديني
يارا:امريني
ريماس:انا جايبه هديه لفيصل ودي احطها عند سريره ولاابي احد يدري
يارا:الله الله وش هالرومنسيه والحركات ريماس
ريماس:اقول انطمي بتساعديني ولالا
يارا:ههه طيب ليش معصبه خليني افكر
وقعدو يفكرون شوي
يارا:لقيتها
ريماس:يالله اتحفيني
يارا:شرايك اتصل على اخوي فارس واقول له يطلعون شوي برا الخدمات راح ينظفون منها نخلي الخدم ينظفون واحنا نحط الهديه
ريماس:والله وجيبتيها يابنت العم لك احلى بوسه مني(باستها)
يارا:ولو ماسوينا شي
ريماس:بس يرو مابي احد يدري عن الهديه
يارا:ولايهمك
دخلت ريما وسمر:السلام
البنات:وعليكم السلام
سمر:بنات اذن العشاء
ريماس:أي من ربع ساعه روحو خذو لكم شور ونروح نصلي كلنا
ريما:من جد يبيلنا شور من بعد هالغبار
ريماس:الاصح يارا نسيت اقولك ان اماني بتجي
سمر:والله ياحليلها اماني والله لها فقده
يارا:متى اتصلت
ريماس:اتصلت على جوالها ورديت وقالت بتجي
دخلو البنات ياخذون طبعا كان بالدور لان ماعند البنات الادورة مياه وحده وكانت يارا اخر وحده لانها تكلم فارس علشان يطلعون برا شوي علشان الخدم ينظفون
ريما لفت على البنات:شرايكم فيني
ريماس:من جد روعه تنفعين ممثله هنديه
ريما بغرور:انا عارفه هالشي من زمان يعني كلامك مو جديد
ريناد:وعععععععع بدينا بالغرور شوي شوي لاتطيحين
ريماس:لاهونت مو كانك هنديه كانك سيلانكيه
البنات:ههههههههههههههههههههههههههههههههه
رمتها ريما بكرتون الفاين الي جنبها
دق جوال يارا>>>>فارس
يارا:هلا فارس
فارس:يارا المخيم فاضي خلي الخدم ينظفونها بس انتبهي لايشيلون شي من الاغراض
يارا:اوكي
فارس:باي
لفت يارا على ريماس:يالله
سمر:وين رايحين
يارا:شوي وراجعين
طلعت يارا وريماس وخذو الخدم معاهم وراحو مخيم الاولاد
ريماس:وين تتوقعين سريره
يارا:مادري والله بس اتوقع عند نواف بس اقولك لحظه ابفتش اغراضهم
يارا:اوكي حتى انا
وكل وحده مهم تفتش من جهه
ريماس:يارا يارا هذا سريره
جت عندها يارا:والله
ريماس:مادري احط البطاقه تحت الوساده والهديه تحت السرير
يارا:أي حلوه فكرتك
كانت هدية ريماس حلــــــوه وصندوق فيه عطر ديور رجال وساعه رجاليه حلوه من ماركة جورج ارماني ودفتر الخاص فيها كله اشعار وخواطر خاصه فيه
يارا:وش هالحركات ريماس من قدك يافيصل
ريماس/ااه يالبى قلبه فصول
يارا:هههههههه يالله بس نطلع قبل لااحد يطب علينا
راحو عندالبنات وحصلو اماني والجلسه كلها ضحك وسوالف
نواف:متى راح يكون زواجك
فيصل:بعد شهرين تقريبا
نواف:اهاا انشاءالله على وين شهر العسل
فيصل:والله ماادري يمكن اخليها ثلاث دول
حلو الله يوفقك
فيصل:يالله عقبالك
نواف"بتنهد":اذا جت علي انسى الموضوع
فيصل ماحب يذكره في الموضوع:قوم بس خلينا ندخل المخيم الجو بارد
نواف:يالله
((وش قصة نواف؟؟؟ بس مع الاحداث راح تعرفون انتظرو))
راحو المخيم الي جالسين فيه طلال وفارس
نواف وفيصل:السلام عليكم
الكل وعليكم السلام
نواف:هلا تركي شخبارك متى الوصول
تركي:والله يمكن لي ساعتين
فيصل:يالله تصبحون على خير
فارس:وين توالناس وش عندك اليوم نومك كثير
فيصل:والله تعرف اذا طلعت من البيت خلاص يتلخبط نومي
تركي:ترا بكره بيجون الشياب اصحو بدري
طلال:هههههههههههههه كثر منها اصحى بدري
فارس:أي والله خلكم معاهم بس
تركي:صدق ماتستحون على وجيهكم
البنات فارشين لهم برا بساط وجالسين مع بعض
يارا:بليز ريناد غني صوتك مررره حلو
ريما:أي والله عندك احساس ماادري وين جايبته واختك واختك هالدلخه ليش صوتها مو حلو مثلك
ريماس ترميها بكيس الشيبس الي معاها:انطمي بس مافي دلخه في الدنيا مثلك
اماني:ههههههههههههه ريناد وتركي اصواتهم جنــــــــــان
ريما:أي قامت تمدح رجلها يالله عقبالنا
سمر:وجع ريموه استحي على وجهك
ريما:لاعادي خيتو ادور رزقي
يارا:ههههههههه والله صدق خبله
سمر:يالله ريناد غني
ريناد:وش تبون تسمعون
يارا:أي شي
ريناد:اوكي(قاعدع تفكر)
***********
فارس:هاه ياشباب شوي وراجع لكم
طلال يغمزله:خذ راحتك يالطيب
طلع فارس برى:هلا والله
لمى:هلاحبيبي شخبارك وحشتنـــــــــــــــي"قالتها بدلع"
فارس:ههههههه وانتي اكثر
لمى:تدري الرياض مو زينه بدونك ليش رحت فروس وخليتني
فارس:مو احسن علشان نشوف من الي يشتاق للثاني اكثر
لمى:متى ترجع فروس
فارس سمع صوت:لحظه
لمى:شفيك فارس
فارس سكت يسمع صوت وحده تغني وصتها يسحر الواحد
لمى:فارس وينك
فارس:لمى اسمعي الي تغني
ياخساره حبيبت واحد مادرى عني
ياخساره اشقيت نفسي بالتمني
الحقيقه الزين الزين مايدري
وهو في دنياي شمسي وبدري
والبنات كلهم صفقو
دمعت عين ريما قامت حظنت ريناد
ريماس:شفيكم الحين حظنتو بعض
ريما(مسحت دمعتها علشان ماينتبهون لها):هههههههه لاعادي بس احب هالااغنيه
يارا:من جد ريناد صوتها ياخذ العقل
سمر:يالله ريماس دورك الحين غني
ريماس:لاوين صوتي مو حلو ابدا
ريما:لاانتي ماشاءالله شعر حظ فيصل الزوج شاعر والزوجه شاعره اجل عيالكم مو رايحين بعيد
ريماس:اخاف يطلعون على عمتهم الخبله
قامو يضحكون
فارس منصدم نفس الصوت الي سمعها الصباح
لمى:فارس وينك ليش ساكت
فارس انتبه:هاه لامعاك
لمى:لامو معاي بس من جد ماشاءالله صوتها جنان
فارس:من هي؟؟
لمى: فارس شفيك انت من شوي تقول لي اسمعي الي تغني
فارس:أي صح شرايك فيا
امى :مررره حلو شكلها تحب
فارس عصب:وش عرفك انها تحب انتي تعرفينها علشان تحكمين عليها
لمى:لابس صوتها كله احساس ورومنسيه بعدين ليش عصبت
فارس نتبه لعمره:لاعادي بعدين بنت عمي ماعندها هالحركات"من هالمجنون الي تحبه وهو مادرى عنه"
لمى مصدومه:بنت عمك
فارس:أي بنت عمي اقول لمى هذا واحد من الشباب جاي عندي بكلمك بعدين باي
لمى:اوكب لاتسحب علي
كان فارس يكذب عليها ماكان احد جاي له بس قاعد يفكر بالبنت الي تغني (هذا الصوت الي تغني الصباح عند الخيمه واذا ماخاب ظني اتوقع انها ريناد)<<لان سمع ريما يوم راح لااخته قالت ادخلي ريناد
سمع خطوات رجولهم انهم راجعين المخيم راح للشباب
فيصل:اووووف هالوساده مو مريحه ابد
نواف:طيب خذ وحده غيرها
قام فيصل ياخذ وحده من الوسادات شال حقته .....استغرب بطاقه تحت الوساده
نواف:يالاخو وش هالبطاقه
فيصل:علمي علمك خلني افتحها
جلس فيصل فتحها وقام يقرا
حبيبي فيصل :
حبيبي اطمنك واقول انك على "بــــــــالي"
لك وحشه في غيابك"ماتخيلهــــــــــــا"
خذني على قد شوقي"يابعد حالي"
واباخذك بالغياب"بس لاتطولها"
ولاتسال في غيابك"وش اللي جرى لي"
رفيقك صبرها ماعاد"يمهلها"
لوعة فراقك تهد الحيل"يالغالـــي"
هذي حياتي بدونك "لوتاملها"
مع غيرك القلب لارايق ولا"سالي"
لك وحشه في غيابك"ماتخيــــلها"
اتمنى تعجبك الهديه
محبتك:ريماس
ابتسم فيصل"يابعد قلبي انتي"
نواف يغمز له:من المرسل يالحبيب
فيصل:مالك خص
قام فيصل من السرير يدور الهديه ونزل تحت السرير حصلها
فيصل:ماودك تنام يالطيب
نواف:ههههههههههه لاطار عني النوم
رماه فيصل بالمخده:اخمد يالله
نواف:هههههههههههههههه
سوى نواف نفسه نايم بس يفتح عين وحده شوي ثم يسكرها ....فيصل كان مبسوط لاخر درجه قعد على السرير فتح الهديه حصل الساعه وعجبته وشاف زي الكتاب فتحه حصل فيه اشعار مكتوب في البدايه((اهداء من ريماس الى حبيب العمرفيصل))
قرا فيصل اشعارها لحد مانام
من بكره
يارا:هابنات خلصتو
ريما:الله يارا شكلك مره حلو باللثمه
سمر:يالله بسرعه بنات وين ريناد
ريناد:هذا انا جهزت يالله
ركبو البنات سيارة طلال (همر)
يارا:عاشو سمر
ريما:سمر الله الله بالدعسات السنعه
سمر:هههههههههههه لاتوصين
كانت سمر على قولتهم متمكنه في السياره لانها من كانت صغيره برا السعوديه وتعلمت قيادة السياره من اوربا
ريناد:يارا حطي أي اغنيه
شغلت يارا هلي لاتحرموني منه وتفاعلو معها البنات وريما فتحت شباك السياره وطلعت راسها وشوي من جسمها برى ترقص
ريناد:هه يالخبله شوفي الشباب تفاعلو معك
يارا:هههههههههه أي والله شوفي هذا رقصه حلو
كان فيه شباب جالسين وشافو السياره توقعو انهم اولاد وحبو يستهبلو
الاول يرقص قرب من السياره شوي:عاشو ابو الشباب انزلو خلينا نرقص
ريما"خشنت صوتها علشان مايشك":لابنمشي الحين
سمر:يارا شوفي هالمزيون الي معاهم
يارا:أي هاذا مرررره حلو
ريناد قربت منهم شوي:شكله ماعجبه الوضع اتوقع انه ثقيل
اعجبها يارا مررره وكبر في عينها توقعت مثل هالشباب يحبون الرقص والهبــــال
ريما نزلت عندهم:بنات تشوفون الي اشوفه
ريناد:هههههههههه قصدك الولد الي على اليمين
ريما:يلعن بليسه ارقص من جهته مسفه فيني ودخل المخيم
ريماس:وجع ريموه خلاص خلينا نحرك قبل لايكشفونا ونتورط
ريما:ههههههههههه طيب خليني اطلع لهم صوتي الطبيبعي
ريما رجعت لصوتها:مشكورين شباب يعطيكم الف عافيه نردها لكم بالافراح يالله افحطي
الشباب انصدمو صدمه مابعدها صدمه ماتوقعو فيه بنت جريئه لهدرجه
رد واحد منهم:ولو احنا بالخدمه ولو تتكرمين وتعطينا رقمك نكون ممتنين لك
ريما:ههههههههههههه احلف ياشيخ ياللهsee you"قالتها بدلع"
ومشت سمر بااسرع ماعندها علشان مايلحقونهم
يارا:من جد هههههههههههه والله جريئه ريما
ريما:هههههههههههه احب حركات الاكشن
ريماس:احمدي ربك هالمره طلعنا منها المره الثانيه يمكن مانطلع
ريما:يالله اهم شي انبسطنا
سمر:يالله بنات مستعدين للمغامره
الكل:يالله
فلوهــــــــا يطعسون في الرمل
**************
هشام:طلال وين سيارتك
طلال:عطيتها البنات
هشام:وانت من صدقك تعطيهم
طلال:ياخي خلهم يوسعون صدورهم
تركي ونواف وفيصل دخلو:السلام عليكم
الكل:وعليكم السلام
تركي:طلال ماشفت سيارتك برا
هشام:الاخ معطيهم البنات يتمشون وللحين مارجعو
فيصل:من متى معطيهم
طلال:تقريبا لهم ساعتين
تركي:ولحد الحين مارجعو
طلال:لا
تركي عصب:وانت يالدلخ للحين ماتدري عنهم
طلال:وانا وش عرفني انهم بيتاخرون
نواف:امي من شوي متصله تسالني عنهم
دخل فارس عليهم:السلام عليكم
الكل :وعليكم السلام
فارس:شفيكم
تركي:الاخ معطي السياره البنات ولحد الحين مارجعو
فارس:انشاءالله بيرجعون وين يروحون
تركي(معصب على الاخر):انت تدري هالمنطقه كلهاشباب
فيصل:شباب قومو ندور عنهم
نواف:يالله
الكل خـــــــاف عليهم
بعد نصف ساعه قربو البنات عند المخيم
يارا:يمه شوفي نواف وفيصل شكلهم معصبين
ريما:ياويلنا بناكل تهزي محترم
ريناد:بنات دخلو من هنا وطلعو من هنا
سمر:ياويلني من فيصل بيهزى فيني
ريماس:اسكتو بس خلينا ننزل
قرب نواف من عندهم وهو شياطين الدنيا طالعه فيه:خيــــــــر صباح الخير تو الناس
التكمله في البارت الثامن |
|
 |
|
 |
|
|
|
|
|