منتديات قصايد ليل - عرض مشاركة واحدة - روآية لاتعذر بإحتياجك كلنا ناقص حنان رومانسيه خياليه كآمله

01-22-2013

((الجزء السادس))

كانت ريماس جالسه لحالها دخل عليها طلال وابوها :السلام عليكم
ريماس:وعليكم السلام
ابو تركي:هاه غريبه يابيتي مانمتي
ريماس:مافيني النوم قعدت اتابع فيلم
ابوتركي:اذا خلص الفيلم تعالي في المكتب ابيك بسالفه
ريماس:انشاءالله يبه
طلع ابو تركي من الغرفه
ريماس:طلول وش يبي ابوي فيني
طلال:وانا وش عرفني اذا رحتي بتعرفين السالفه
ريماس:ماعندي صبر بروح اشوف وش السالفه
دخلت ريماس مكتب ابوها:السلام عليكم
ابوتركي:وعليكم السلام تعالي اجلسي
جلست ريماس:سم يبه امرني
ابوتركي:مايامر عليك عدو بس اليوم عمك ابوفيصل كلمني على جنب وخطبك لولده فيصل وانا الصراحه ماني لاقي احسن من فيصل احطك عنده هاه وش قلتي
استحت ريماس نزلت راسها بالارض
ابوتركي:بعطيك مهله لبكره تفكرين وبكره قولي لي اذا موافقه ولالا
ريماس:الي تشوفه يبه
ابوتركي:يابنتي لاتستعجلين في القرار هاذا زواج
ريماس:انشاءالله يبه عن اذنك
طلعت ريماس ركض لغرفة اختها
ريماس:ريناد بقولك خبر
ريناد:خير وشو؟؟
ريماس وهي تجلس قبال اختها:في واحد خطبني اليوم من توقعين
ريناد متحمسه:من؟؟
ريماس:فيصل ولد عمي خالد
ريناد:كـــــــــــــــــــــــــــذابه
ريماس :والله
ريناد:احلى رموسه بتصيرين عروس
ريماس:بس مابعد وافقت
ريناد:ريماس فيصل ماينرد ماشاء الله معروف باخلاقه وشهامته عند الناس
ريمس:رنوده بعترف لك بشي
ريناد:وش؟؟
ريماس:انا كنت احب فيصل من قبل
ريناد بصوت عالي:امــــــــانه من متى وليش ماخبرتيني
ريماس:من بيت عمي خالد شفته مرتين حبيته ومن سوالف ريما بعد حسيت من جد انه رجال بمعنى الكلمه
ريناد:والله حركات ريماس طيب قلتي لابوي انك موافقه
ريماس:لا بس بكره ياخذ مني الجواب
ريناد:الف مبروك حبيبتي (قامت تحضنها)منك المال ومنه العيال هههههههههه
ريماس:يالخبله ههههههههههههههههه
دمعت عين ريناد على اختها الصغيره وحبيبتها وكل شي لها في الدنيا
ريماس:رنوده لاتخليني ابكي الحين
رينادرجعت لطبيعتها:لا اقول اهجدي بس
قامو يضحكون
* * * * * * * *
ابوفيصل:الله يبارك فيك عقبال ماتفرح بطلال وريناد
ابوتركي:امين انشاءالله
ابوفيصل:انشاءالله بنمر عليك انا وفيصل نعطيك المهر ونحدد الملكه
ابوتركي:الله يحيك في كل الاوقات
ابوفيصل :اجل فمان الله
ابو تركي:فمان الكريم
جو البنات لبيت عمهم بعد ماعرفو بالسالفه
حظنت يارا ريماس:الف مبروك حبيبتي مااصدق انك بتتزوجين(قامت تصيح)
ريماس خانقتها العبره:يرو حبيبتي لاتبكين ترا والله بهون
جت ريما وسحبت يارا من حظن ريماس:هيه انتي شوي شوي على مرت اخوي .. الف مبروك ريماس
ريماس:الله يبارك فيكم عقبالك
ريما وهي رافعه يدينها:امــــــــين من بؤك لابواب السماء يارب
ضحكو البنات عليها
سمر:الاخت مستعجله على العرس
ريما:شفيها يعني اخطب لنفسي حرام
يارا:خلاص ابرسل لك ام جاسم تخطبك لولدها
سمر:الا صح على طاريها وافقتي
يارا:لا
ريما:ليش ماشاءالله اسمع لك شي انه ماعليه
يارا:لا انا لساء صغيره واستخرت احس اني مو مرتاحه
ريناد:عسى ان تكرهوا شيئا وهو خير لكم
البنات:صدق الله العظيم
يارا:ريماس اماني تسلم عليك وتقول انشاءالله الحق على زواجك
ريماس:لا انشاءالله لو اخليه بكره اهم شي تجي امونه
* * * *
نواف:الف مبروك فيصل
فيصل:الله يبارك فيك يالله عقبالك
نواف:لاتو الناس
فيصل:أي تو الناس ماباقي شي وتصفق28
نواف:كل شي في الدنيا نصيب وانا نصيبي راح من 12 سنه
فهم عليه فيصل وماحب يعلق على الموضوع:يالله الله يسهل لك انا بروح البيت الحين امسك مكتبي اليوم تعرف لازم اروح الحلاق واضبط نفسي خبرك معرس
نواف:الله يوفقك متى راح تروحون
فيصل:بعد صلاة المغرب نحدد الملكه ونعطيهم المهر يالله يالحبيب سلام
نواف:سلام
طبعا حددوا يوم الملكه واجلو طلعة المخيم بعد حفل الخطوبه
* * * * *
دخلت ريناد غرفة ريماس
ريناد:الله الله وش هالزين من جد فيصل بيتخبل عليك اليوم
الكوفيره:شو رايك فيها طالعه قمر وماكترت لها الميك اب لان ملامحها كتير حلوه
ريماس كانت اشباها حلوه عيونها كبار وخشمها متوسط الطول وشفايفها المرسومه والمليانه شوي وشعرها الاسود الطويل
ريماس:ريناد جاء احد
ريناد:لامابقى شي ويجون
ريماس:طيب تكفين جيبي فستاني تحصلينه في غرفة الملابس
ريناد:انشاءالله
طلعت ريناد تجيب الفستان دخلت يارا واماني عليها
يارا:هاي ياحلى عروس
قامت ريماس تسلم عليهم:هلا فيكم ليش تاخرتو
اماني:لا لساء بدري وبعدين وش هالحلاوه
يارا:من جد طالعه تجننين ريماس اليوم
ريماس:عيونكم الحلوه انتي يرو طالعه مره حلوه بهالفستان
يارا:تسلمين
ريماس:وانتي امونه وش هالنيلي لايق عليك وبطنك ماشاءالله كبر
(يارا كانت مميزه بفستانها الاورنج ومدخل عليه ذهبي مطلع بياضها جنان وشعرها عامله له ويفي كله واخره رابطه له بشريطه اورنج والميك اب ناعم مرره لانها حلوه مايحتاج لها كثير عيونها وخشمها الطويل وشعرها لونه عاكس على بشرتها بندقي وفستانها الي معطي جسمها كانها عارضة ازياء
دخلت عليهم ريناد:هلا وغلا متى جيتو
يارا:من شوي
وقعدو شوي يسولفون دخلو ريما وسمر
ريما:هاااااااي
ريماس:هلا وغلا
ريما:هلا وغلا بمرت اخوي
سمر:وش هالحلاوه ريماس
ريماس:عيونكم الحلوه
ريناد:يالله ريماس البسي الناس بدو يكثرون وكلها نص ساعه وبتنزلين
ريماس:انشاءالله
نزلز البنات تحت يساعدونهم دخلت نوف صديقة ريماس الروح بالروح من يوم كانو في الروضه الى الثانويه وهم مع بعض
نوف:هلا ريناد
ريناد:هلا نوف كيفك
نوف:تمام كيفك انتي
ريناد:الحمدالله نوف حبيبتي ليش تاخرتي ريماس تسال عنك
نوف:طلعت من الكوفيره متاخره وجيت طيران لكم الاوش اخبار العروس متى بتطلع
ريناد:الحين بتطلع خلك معاها اهي خايفه مررره
نوف:لاتوصين
نزلت ريماس من على الدرج وبنات عمها واقفين على جنب يشوفونها(كانت جميله بفستانها بيبي بينك الي معطيها ملكة جمال ببشرتها البيضاء وبطولها وجسمها الحلو وكانت زفتها شعر من فيصل والقاه بصوته)
قولي حبيبي لكل الناس فيصل
قولي احبه واحب الي يحبونه
قولي هو العمر..قولي هو العمر كله
قولي هو البحر..في شكله وفي لونه
وانا علي اشغل..كل خلق الله
قصائد فيك..بالميزان موزونه
حبك مسوي سوايا..والقوي الله
واللي احبه..اموووت لخاطر عيونه
مشتاق لك..ايه..انا مشتاق لك والله
شوق الصحاري لوابل الغيث ومزونه
حاولت اقاومك..وارضى شبه محتله
وشلون اقاوم غرام..مت من دونه
خليني اغرق..وزيدي طينتي بله
خليني اصدق معك..والعالم اخونه
خليني اقول حبك"ميـن"يوصل له
لاكل فتانه..ولاكل مزيونه
اني ومامثلك انتي نعمه من الله
وان جاني الجرح منك..قلت ياهونه
ويحلالي اسمي الى قلتي فيصل
واصير بك للسحاب..لعالي متونه
يارا:الله يجنن شعر اخوك
ريما:أي والله وش هالحركات فصول
جلست ريماس في كوشتها الي اغلبها الكريستال جت نوف على طول
وضمت ريماس
نوف:الف مبروك ياحبيبتي عقبالي هههههههههه(نوف تشبه ريماس في خبالها)
ريماس ضربتهاعلى كتفها:هههههههه وجع انشاءالله تبين تعرسين
نوف:اجل العرس لحالك
وجو الحريم يسلمون عليها
في المجلس:
تركي:الف مبروك يافيصل منك المال ومنها العيال
هشام وهو يستخف دمه:ماينفع الاثنين كلهم
الشباب:هههههههههههه
طلال:يالله الفال لك يانواف
نواف:والله انتم المفروض تتزوجون علشان يخف هالهبال شوي
فارس:عادي وانا اخوك مراهقه
فيصل:وش هالمراهقه وانت ابو23
تركي:يالله فيصل ندخل
فيصل:يالله
طلال:هيه يالحبيب ترا انا بعد اخوها
تغطو الحريم علشان يدخلون الرجال
دخل فيصل وسلم على عروسته وباسها مع خدها قامو البنات يصفقون ويصارخون سلمو عليها عمانها وجاء تركي وراهم علشان يسلم
وطلال يدور البنت الي شافها ذالك اليوم وطاحت عينه على وحده تتامله وتذكر عيونها بس ماعرفها لحد الحين وريما طول الوقت عينها عليه
طلال:مبروك ريماس واخيرا بنرتاح منك
ريماس:ههههههههه الله يبارك فيك عقبالك
طلال:امين...ولف يشوفها
ماانتبه للحركه الا ريما الي استحت ونزلت عينها في الارض
حطو اغنية عزاه ورقص عليها طلال ورقص امه معاه وتصفيق البنات لهم
يارا:رقصـــــه حلو
ريما:ماشاءالله احسن منا يالحريم ههههههههههه
يارا:هههههههه أي والله صادقه
لبس فيصل العقد الي شراه مثل الي على اليساء الي لبسته في دعاية لازوردي ثم صورتهم المصوره كم صوره مره مع اخونها ومره مع اخته وامه والباقي لحالهم

جلسو فيصل وريماس لحالهم في المجلس كانت ريماس ساكته مستحيه وحاب فيصل يقطع هالصمت
فيصل:الف مبروك
ريماس واخيرا رفعت عينها:الله يبارك فيك..نزلت عينها مره ثانيه
قرب منها فيصل اكثر وريماس صار وجها احمر وقلبها يدق بسرعه مسك ذقنها بيده ورفع وجهها
رفعت عينها وطاحت في عيونه الي تذبح ذبح وطلع وجها ازرق مو احمر من الفشيله
فيصل:حبيبتي ليش هالحياء انا زوجك الحين الا قولي لي وش رايك في الشعر
ريماس:مره حلو يعطيك العافيه
فيصل:الله يعافيك
وتمو يسولفون شوي
دخلت عليهم ريما المرجوجه
ريما:هيه يالاخو خلاص time for finsh
فيصل:وانتي لازم تزعجين واحد
ريما:ههههههههههههه اي انا مااخلي احد في حاله بعدين البنت ملت منك لكم ساعه وانتم تسولفون لاحقين على السوالف"وتاشر على ريماس" وانتي يالله قدامي الحضور يستنونك علشان تعشين معاهم
قام فيصل ومسك ريماس مع يدها وقومها:يالله يالغلا روحي تعشي معاهم"رفع يدها وباسها"
ريما:الله وش هالحب والحركات بعدين لوسمحتو فيه عزابيه مابعد تزوجت
راح فيصل عند اخته ومسكها ع يدها:انتي لو سمحتي ممكن تطلعين بقول لزوجتي كلام ومابي عزابيه يسمعون
ريما:اوكي:لاتدزني بطلع بس لاتتاخرين ريماس والله يعينك على مابلاك
ريماس تضحك عليهم مو كانهم كبار
طلعت ريما ورجع لها فيصل وطلع لها الكرت
فيصل:هذا الكرت فيه ارقامي اذا احتجتي أي شي امانه لايردك أي شي"عطاها كيسه فيها هديه"
ريماس:مشكور ماقصرت
فيصل:ولو انتي حبيبتي يالله روحي لاتتاخرين
ريماس:انشاءالله
طلع فيصل لمجلس الرجال وطلعت ريماس مع البنات علشان يتعشون
بعد العشاء شغلو المسجل علشان يرقصون وكانت يارا ملفته للانظار
كانت فيه حرمتين يطالعون في يارا
الاولى:ماشاءالله من هاذي
الثانيه:هاذي بنت ام نواف "وتاشر على امها الي كانت بمعنى الكلمه كشخه الي يشوفها يعطيها عمرها 32 او33
الاولى:هاذي الي خطبتها ام جاسم لولدها
الثانيه:أي رفضوهم
الاولى:من حقها ترفضهم هاذي تنحط عند ولد وزير قمه في الجمال الله يحرسها من العين
ريما:يرو شوفي هالحرمتين يطالعونك شكلهم ناوين يخطبونك
يارا:لاماتوقع يمكن ماعرفوني
ريما:ليش ماتوقعين بصراحه اليوم طالعه ملكة جمال بهالفستان
يارا استحت:مو هالدرجه
ريما:اقول اسكتي بس صكيتي علي اليوم
يارا:حرام عليك ماشاءالله والله طالعه كانك
ريما:ياربيه كل من شافني يشبهني بها ماعندكم غيرها
يارا:انطمي بس قومي نرقص
(كنت ريما لابسه اسود كان مسكر من فوق والاكمام طويله ومن ورى فتحه كبيره مطلع ظهرها كله معطي جسمها شكله شي وكياجها مره ناعم وتسريحتها مسويتها ضفيره)
راحو المعازيم طلعت ريماس لغرفتها تفتح الهديه..جلست على السرير وفتحت الكيس حصلت بطاقه زجاج منقوش فيها شعر
يكفيك في هالحسن مافي احد قدك
ومافي البشر واحد ..يشبه حلا لونك
هزيت راسك وطاح الليل في يدك
ثم انكشف نور صبح يداعب جفونك

اتمنى تعجبك الهديه........فيصل
ريماس:اااااااه يابعد عمري يافيصل
فتحت الهديه حصلتها ساعه من جد كلمة حلوه شوي عليها كانت من ماركة فالنتينو
دخلت ريناد :العروس وش قاعده تسوي
ريماس:افتح هدية فيصل
جت ريناد من عندها وشافت الساعه:الله من جد حلـــوه
ريماس:انا ماهمني هاذا هامني الكلام الي كاتبه هنا"تاشر للبطاقه"
ريناد:الله من جد حلو شكله رومنسي مرره وطاح في رومنسيه الله وش لون بتكون حياتكم اقول رموسه سجلي لي من يجي البيت لحد مايطلع للدوام خلينا نشوف حركاتكم
رمتها ريماس الخداديه الصغيره:انطمي بس
ريناد:ههههههههه فديت الي يستحون
بعد اسبوعين.....
ريما:اقول يرو عندك اونو انا عندي ثنتين واتوقع ماتكفي
يارا:مادري والله بس بشوف عند فارس هو يحب هالحركات وبجيب من عنده بعد لعبه ثانيه مررره جنان اذا لعبتيها ماراح تتركينها بس انشاءالله يوافق ناخذها
ريما:شكلها حلووه بس حاولي فيه
يارا:طيب الدبابات جهزتوها
ريما:أي من زمان الحين في المخيم اسمعي يرو جيبي معك ثوب غتره اوشماغ على راحتك نبي نستهبل
يارا:هههههههههههه اموت على الحركات انا
ريما:يالله روحي اخمدي علشان بكره
يارا:يالله good night
ريما: good night
من بكره الساعه عشر الصباح مشت اربع سيارات
سيارة فيصل الي هي رانج روفر وكان معاه الحريم
سيارة نواف الي هي يوكن وكان معاه الاغراض
سيارة فارس كانت بيبي لكزس وكان معاه البنات
سيارة طلال همر وكان معاه الخدم
اما هشام جلس في الرياض لان الشياب بيجون من بكره علشان هو الي راح يجيبهم
في سيارة فارس طبعا هم اخر مجموعه تحركت لان فارس راح ياخذ فطور للبنات
وهم في الطريق.......
يارا:هاه بنات وش تبون تسمعون من الاغاني
فارس:خير لايكون مايطلبه المشاهدون وانا مادري
يارا:مالك خص
ريما:يارا حطي اغنية اشليlove me_for me
ريماس:لاحطي احلى ثنين ليوسف العماني
ريما:خير يعني انتي وفيصل احلى اثنين مالت عليكم
ريماس"ضربتها على كتفها":خلك ساكته بس
يارا:هههههههههههه خلاص وجع لاتطاقون
شغلت يارا اغنية اشلي وتفاعلو معها يارا وريما وطبعا ريما بصوت واطي مرره علشان مايسمعها فارس
فارس:هيه انتي فقعتي طبلتي وليرحم والديك غيريها
يارا:اذا خلصت غيرتها بعدين ريوم تبيها طيب عندك شريط ليوسف العماني
فارس:لاعندي راشد الماجد
توها بتحط شريط راشد الاتبدى اغنية عبداللمجيد عبدالله "روحي تحبك"من راديو ام بي سي
ريناد "ضربت يارا"يارا بليز خليها وعلي على الصوت شوي
يارا:تامرين امر انتي
طولت على الصوت مره لدرجه مايسمعون بعضهم

روحي تحبك غصب عني تحبك
والمشكله حبك في روحي جرحني

واذا شكيت لك تقول اشقال ذنبك
ذننبي هويتك يوم حبك ذبحني

غرق برقع ريناد من الدموع ولاحظ عليها فارس لانها كانت وراه
وفهمت عليها ريما لانها عارفه تحب فارس ومارضت تخبر احد