منتديات قصايد ليل - حنيت لك يابوي

صفحة 1 من 2

عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)

- [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)

- - حنيت لك يابوي (http://www.gsaidlil.com/vb/showthread.php?t=9823)

اليتيمة

09-18-2009 09:22 PM

حنيت لك يابوي

يابوي

حنيت لك يابوي.. حنيت

حنيت لك يابوي وتمنيت..

تمنيت اضمك واشمك واللقاك بهالبيت..

البيت اللي عقبك مالقى من الناس من يعتني فيه..

يابوي..
يابوي والله قست بعدك كل القلوب ومنهم عانيت..

يابوي..

يابوي تيتمت عقبك ولا لغير الله شكيت..

يابوي..

يابوي لي قلب من الشوق لك يبكي ما حييت..

يابوي..

يابوي والله عقبك عرفت قيمتك وبك بكل احاسيسي حسيت..

تذكرتك لما كنت مني تزعل "عشاني" وانا احسبك عني تخليت..

تذكرتك لما كنت "تراضيني" ولا ارضى..

تذكرتك..وتذكرت كم لك عصيت..

يابوي تذكرت الخير اللي كان بوجودك وانا به ماحسيت..

يابوي والله اليوم حسيت به ذاك الخير وتذكرت اني عنه اقفيت..

يابوي..

يابوي ليت من يحيي العظام وهي رميم يحييك ثاني واشوفك

واقولك يابوي لك حنيت..

واقولك سامحني يابوي انا غلطان بحقك..

انا ندمان..

انا ماعادلي بعدك اصحاب يااحقهم بحسن صحبتي ..

تراني من بعدك توعيت ومتاخر صحيت..

وحسرتي يابوي تاكلني من يوم وفاتك..

وكل ماقست عليا الدنيا تذكرتك وبكيت..

واقولك مابقى بعدك جنب لين بعد اللي به انتخيت "الله"

واعتذر لك اني كنت اظنك قاسي..كنت اظنك اناني..

وكنت اظنك ماتعاني..

كنت وكنت وكنت..

لكن اللي تاكدت منه اني انا القاسي..

وانا الاناني وانا اللي ماكنت اعاني..

ماالومك بتدليلك لي من حبك وطيبة قلبك..

كانت قسوتك اللي اشوفها قسوه وتضييق..

كانت حب ماعرفته الا بعدك..

كان سؤالك الدايم عني بقولت وينك؟ وش تسوي؟ ليه ماجيت؟..

كانو اهتمام واليوم بس توعيت..

يابوي والله اني لك حنيت..

بيدي كسرت قلبي ومالقيت فيه غيرك اقوله حنيت..

الله يرحمك يابوي..

ليت لي طريق واجيك..

ليتني اقدر واراضيك..

لكن امره "سبحانه" قدر فرقاك ياشمعت ذاك البيت..

الله يرحمك يابوي....الله يرحمك..

م / ن

ضحكة خجوله

09-18-2009 10:42 PM

الله يرحمة ويجعل مثواه الجنة ويرزقك الصبر
وإياكي يجي في قلبك اعتراض على قضاء الله وتيقني أكيد انو فيه خير مدام ربي حكيم ما اختار موت أبوكي إلا لحكمة يعلمها احنا البشر عقولنا قاصرة
و بعدين هذي نهاية كل انسان على وجة والأرض والموت حقيقةلازم نؤمن بيها
الله يحسن ختامنا ويجعل آخر كلامنا من الدنيا
لاإله إلا الله قال صلى الله علية وسلم((ن كان آخر كلامة من الدنيا لااله إلا الله دخل الجنه))

مشكووور تووومه

&زهورهــ&

اليتيمة

09-19-2009 01:10 AM

زهره
مشكووووووووره ياغناتي عاكلام الراااااائع والحلوووو

اللي يريح النفس
كلامك بلسم

يعطيك العافيه عالمروووور

عـــودالليل

09-19-2009 01:35 AM

رحمة الله علي
والله يوسع له بقبره
وصح لسانك ولسان قايلها

تسلمين تومه

اليتيمة

09-19-2009 01:38 AM

عود الليل
نثرت عطرك بمتصفحي

شكرا لك عالمروووور

وربي ما يوريك مكره فيمن تحب

غالي ثمنها

09-19-2009 01:47 AM

رحم الله والدك وأسكنه فسيح جناته
تسلمي على القصيده

عـــودالليل

09-19-2009 01:53 AM

مرور آخر
استثرتي عاطفتي فكتبت كمشاركه في عزاءك
لوالدك كوبليه ان شااء الله يعجبك
رحمة الله عليه كان لي كان و كان
كان لي حلو الزمان كان لي راحه وحنان
مات في عزة شبابه ومات بي كل الامان
تشكي خدودي دموعي ماتقف كل الزمان

اليتيمة

09-19-2009 01:54 AM

دمعه شماليه

تشكراااااتي عالمرووووور
المعطر بريحه الكادي

اليتيمة

09-19-2009 01:56 AM

عود الليل

رغم جمال ماكتبت الا انه حرك مشاعر
كنت اتمني انها تختفي قليلا

تسلم على جمال ماكتبت
اسمح لي بالاحتفاظ بها

Muhammad

09-19-2009 02:24 AM

رحم الله أموات المسلمين

وسلمت على الطرح الراقي

والنقل الموفق

الساعة الآن 11:20 AM

صفحة 1 من 2

عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية