ياعيد ياكم لي وانا انطرك ياعيد=واقول يمكن يدمح الجرح مبداك
يامرحبا من دون قيسا وتحديد=ياعيد مايك حلو ماقلت مر ماك
ياماحلا ايد الود لاجايت مع ايد=وماحلا المحبوب لاصار يلقاك
ياماحلا الاعياد لاجابها انشيد=لاعاد تنساني ولاعاد بنساك
هني من صام الشهر حصل الفيد=من صوبكم يارب يامن عبدناك
الله كم بيتا صدر ماله احديد=شدوا هله يوم طاح ساسا ومدماك
فرقهم اللي مايخل فالمواعيد=هو الذي يشفي مريضي ومرضاك
هو الذي يفعل بالاعياد مايريد=هو الاله من العدم ربك انشاك
وجها صريح ومعه وجها بدا انكيد=ووجها حزين وليت ماجاه ماجاك
ووجها شقي بالعيد والاخر اسعيد=وشالذي مسعدك ويشالذي اشقاك
ياعيد انا مثل الذي تاه بالبيد=رمضا وحر ولامعه نعل واشراك
ماظن شي للحب طاقة ولا ارصيد=ولاظن ينفع ريح مسكا ومسواك
حنا في الدنيا مخاليق وعبيد=ياعيد ماندري ونفرح بملفاك
لجلك نهار اليوم زدنا التغاريد=ونقول للي نحب بشراك بشراك
فالعيد كم ناسا في السجن والقيد=ياويل من جاله قيودا وبشواك
ياعيد فين اللي يفي بالمواعيد=لاكنت ترجيله فهو دوم يرجاك
فين الاخو فين الولد فين بوزيد=فين الذي حلاَك يامر شربناك
ياعيد جيت اليوم بالخير ياعيد=جميعنا نفرح بزولك وطرياك